ورقة شايب

' الفصل السادس .. '

_ كنت حابة اقول ان النوفيلا فاضل فيها بالضبط اربع فصول وتخلص .. وحقيقى انا بشكركم جدا على عدم التقدير ليا و لتعبى 🙁 ⁦،غالباً النوفيلا معجبتش حد غير @AsmaaZayad1 لانها الوحيدة اللى كانت بتقولى رأيها فى الفصل وبتشجعنى انزلها وانا مش بنزل الفصول بس غير عشان هى حبتها وحابة تقرأها وتكملها ، كُنت حابة اشكرك يا جميلة على تشجيعك ليا ويارب النوفيلا تطلع عند حُسن ظنك وتعجبك نهايتها .. 🌸💗
_________________________________________

   _ الفصل السادس _

، أحببتك وكأنك آخر أحبّتي على وجه الأرض
,. وعذّبتني وكأنّني آخر أعدائك على وجه الأرض

_ غادة السمان ..

_________________________________________

   _ جلست بينهم بوجه مُتجهم وهى تتحدث بتساؤل قائلة :
" انا عايزة من نفس الحقنة اللى اخدتها منكم المرة اللى فاتت "

   _ ظهرت أبتسامة على وجه تلك الفتاة الجالسة أمامها وتحدثت قائلة :
" اية دة يا ميمو .. هى الحقنة تأثيرها جاب معاكى ولا اية ؟!! .. "

   _ بدأ وجهها ينكمش أكثر وقالت بضيق :
" الله بقااا يا سلمى .. من غير رغى كتير معاكى منها تانى هاتى مش معاكى خلاص انا هشوف حد تانى "

   _ تحدثت فتاة أُخرى تُدعى " سما " و هى تقول :
" طيب ما تطلعى يا حلوة بتمنها .. ولا انتِ فاكرة انها حاجة سهلة وكل مرة تاخديها ببلاش كدة "

    _ نظرت لها " مَى " ورفعت احدى حاجبيها قائلة :
" هو فيها فلوس !! .. بس انتوا ادتوهانى المرات اللى فاتت من غير حاجة "

   _ لوت " سلمى " شفتيها وهى تُجيب ساخرة :
" اه دى شكلها فاكرها كدة علطول .. يااا ماما دى كان عشان تجربى ، اما مدام داخلت دماغك وريحتك يبقى اكيد المرة دى فلوس ، مهو اصل دى مش عايزة تخطيط عشان تيجى بردو "

   _ أنهت حديثها ، بينما عضت الاخيرة على شفتيها بحيرة قائلة :
" يااربى ، طيب وانا اجيب فلوس منين دلوقتى ؟ "

   _ رفعت " سلمى " كتفيها وهى تبتعد عنها قائلة :
" والله بقاا دى بتاعتك انتِ ، تجيبى الفلوس تاخدى الحقنة ، مش هتجبيها يبقى مفيش حاجة .. "

   _ ردت مُتسائلة :
" طيب وعايزين كام ؟!! "

   _ نظروا كُلاً منهم الى بعض ومن ثُم أعادت " سما " نظرتها نحوها قائلة :
" مش اققل من تلات بواكى "

   _ حدقت " مَى " نحوها بصدمة وهى تقول :
" ااااايه .. تلات بواكى على حقنة واحدة .. ليه ان شاء الله ؟! "

   _ أجابت " سلمى " قائلة :
" هى الاسعار كدة .. دة مش حاجة عادية حضرتك .. دة هَيروين ياحبيبتى يعنى مش حاجة هجبهالك بين يوم وليلة واكيد حاجة زى كدة فيها مُخاطرة عايزلها فلوس كتير ، وبعدين احنا كدة كارمينك واسألى برة مش بيتباع بأقل من 5 بواكى ، ودة عشان انتى بس لسة فى الاول "