#حب_عنيف10
وبعد نصف ساعه :-
طلع امير ماسك اوراق من المحكمه وداخل القاعه زغاريط !! مش مفهومه من منو؟
امير:طلع من القاعه وتلاقت عيونه في عيون فاطمه 💔
رواد:بلع ريقه...شن صار؟!...
امير:نزل عيونه من فاطمه لي رواد..ضيف قضيه جديده لي قائمة نجحاتي
مهاب:خشيييييييي كنت عارف وربي انك قدها يا اميرهم💪🏻🔥...وحضنه
فاطمه:تشوفله بي حسره من بعيد. ومركزه علي يده كأنها. ادور في اسمها 💔؟
منصور:طالع من القاعه وميشوف في شي قدامه من الحقد والحسد والكره بذات كيف الخبر انتشر في لحضات لي الصحافه ...مسك يد فاطمه وجبدها
فاطمه:منصور استنى وين ماشي
منصور:وقف قدام امير ...زي ما خذيت منك اعز ما تملك المره الاولى رح نرجع وناخذ منك كل شي ..رد بالك مني يا امير موسى
امير:ابتسم بي برود...ربي يعينك علي الاحساس الواطي يلي تحس بيه توا!!..المحامي الكبير منصوريخسر قضيه لاول مره في حياته جديات لو كنت مكانك توانتحشم نطلع نقابل الناس
منصور:😡😡😡😡
امير:جي بيطلع هوا ومهاب بس رجع...ااه قبل ما ننسى في الجديد لما تفكر تقرب علي اي شي من ممتلكاتي سواء كان بشر او شي تاني احسب الف حساب قبل ما تقدم خطوه
منصور:نتقابلو يا امير اللعبه مزال ماكملتش
امير:لبس نضراته...المهم فزت🤘💪🏻...وطلع
طلع يمشي بي كل ثقه لي سيارته وسط اسئلة وعياط الصحافيين يبو منه اي كلمه بس!!!لاكن مهاب تكلم بدله
اما فاطمه عيونها تعبو دموع لما شافت امير بعد لين ركب في سيارته ومعبرهاش حتى بنضره!💔...كأنه مش نفس يلي من كم سنه قريب ياكلها بعيونه يلي كلها حب !!مش نفسه امير يلي يضحك ويبصر حست انه بدي قاااااااسي حتى الابتسامه يلي طالعه منه بي مسخره لا اكتر...لهدرجه الوجع يغير؟💔
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
عائشه:تقوى ديريلي اميه وسكر حاسه السكر عندي هبط
تقوى:من الخوف والتوتر ياماما هدي روحك شويه حرام عليك
عائشه:مش قادره قلبي بيوقف والله جهنم رح نشوفوها كان خسر نقعدو نلودو في نفس الدايره حسبي الله فيك يافاطمه يابنت فوزيه حسبي الله فيك السبب في كل شي
مها:خذت نفس عميق وتفكر ...زعمى امير قاعد يحبها؟!!اكيد قاعده عنده شوية مشاعر اتجاه فاطمه كنهاذا ميقعدش هكي كل همه ينتقم وبس !!لو كان نساها فعلا راهو مش معبرها لا هيا لا راجلها 💔افففف يامها ليش ورطي حالك مع امير ؟علاش غامرتي بي كل شي وخذيتيه رغم عارفه انه معنداش اي ذرة مشاعر اتجاهك !!...رح يتغير اكيد مع الايام
حور:مقعمزه بي ملل مربعه يديها وتتفرج عليهم وساكته ..بس كان فضول داخلها عشان تعرف شن صار؟
موسى:هههههههعععععععع دارها دارهاااااا الجحش دارها الاسد متعي
عائشه:جاته الحاله 🤦🏻♀️
مها:شن في عمي
موسى:يشوف لي التالفون ويبتسم(اقوى فضيحه لهذا الاسبوع المحامي الكبير منصور خلف الله يخسر قضيه صعبه امام طالب سابق له في الكليه )
عائشه:روروروروروري
مها:ناضت تحضن في مها ويباركو لبعض
حور:حاجه والله كبيره😒
عائشه:قعمزت ع الصالون....ااااخخ الحمد الله هاذا وين تريحت
امير:السلام عليكم
موسى:درتها يامعفن😄😄😄...وقرب عليه حضنه
التمو عليه امه واخته ومها يباركوله
امير:قعمز في الصاله وشاف لي حور...شنو نفيش مبروك!
حور:الف مبروك☺️
مها:معناها لازم نحتفلو بي الخبر هاذا اكيد
امير:حجزت من امس في مكان حلو يعجبكم !
مها:يعجبكم؟
امير:ينحي في الساعه...اي حني والعيله
مها:اهاا😒😡...به كويس
امير:تقوى فنجان قهوا بالله
تقوى:من عيوني😅...وخشت المطبخ
امير:ناض لي دار ولحقاته مها
حور:بري ياحنا بري تلصقي عليه من حقك😒
موسى:كيف حالك ياحور وين معش سمعنالك حس
حور:الحمد الله بخير
موسى:ان شاء الله مرتاحه ومفيش شي ناقصك؟
حور:لالا عمي صحيت انتم مش مقصرين☺️
عائشه:خلي البنت في حالها
موسى:وانتي خيرك شن فيها كان هدرزنا عليها شوي
عائشه:😒😒😒😒
موسى:الحسد الحسد😂
