#حب_عنيف 9
حور:سكرت من معتصم وطلعت لي الصاله عشان نشوف انس واقف مع اريج يلي طالعه تهبل وامير واقف بكل شخصيه وجمال جنب مرته مها !!...احساس غريب جاني 💔شي اكيد نكرهااا ونكره تحكمه وبرادته لاكن للحضه هكي قلت سعدودها مهاا!رغم ان مش ليها مشناها ومرزن دمها هيا...اففف شن قاعده نقول انا يتهنو شنو دخلي !!
خشو يدرجو العرايس الاثنين مها مع اميرو اريج مع انس خوها لين وصلو للكوشه والعيون كلها عليهم
حور:نسمع في الهمسات والكلام علي امير وكيف ملهم ميتين في شكله 🤦🏻♀️اي صح هوا حلو 🥺بس مش كل شي جمااال !!
قعدت مقعمزه حاطه علي راسي وشاح وناكل في الخبزه يلي حاطينها مع السلايط ونشوفلهم بي ملل
امير:طاحت عينه علي حور قام حاجبه وابتسملها
حور:نزلت راسها وهيا تكح ...احووو احوووو ...هاذا خيره بسم الله
امير:رجع عيونه علي الكاميرا وخذي كم صوره مع عماته وخلاته واهل مها بعدين مسك مها من يدها !وطلع بي كل ثبات وشخصيه وسط اغاني وزغاريط
حور:مقوسه فمها ....ع اساس انجاز يلي داره يعني تزوج 😒ننننننن ويبتسم الزوز دمكم رزين طالعين علي بعض خراوات
______________
لحضات بس وخش مهاب للقاعه عشان ياخذ اريج❤️خش متحشم منزل عيونه امه تبوس فيه وتعاود🤦🏻♀️
حور:نسمع في البنات يلي ع الطاوله يحكو (ياربي شن ها العيله كلهم كيكات )
حور:كان تعرفو حقيقت العيله هاذي خبزة شعير وحياتكم 😒🤦🏻♀️
مهاب:من مثر الحشم متحملش يقعد هلبا خذي اريج وطلع وطبعا اهله طلعو معاه ومن هنايا خلاص بدت الناس تروح شوي شوي !!
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
حور:متحملتش نقعد اكتر من هكي حاسه راسي بينفجر !!
روحت مع تقوى اما خوي رمزي قعد مع انس والحق انا مطمنه عليه لان مداير باله عليه كويس ❤️ركبت لي داري حطيت يدي علي مقبض الباب ومقدرتش نمنع روحي ان نشوف لي غرفة امير 🔥
الباب مسكر والضي هاادي داخل صوت مها تضحك بصوت عالي ...حقير مفروض ليلة دخولهم المقرفه في فندق مش هناياااا...يسكر في راسه زي السطل مفهمتش علاش ....خشيت غرفتي خذيت دوش دافي ورقدت طول معش نعلم بي شي !!
________________
عائشه وباقي العيله روحو للحوش وعشان ميضايقوش العرسان كلهم روحو محدش فيهم قعد بايت ..رغم ان الكل كان مصدوم ..ليش امير ليلة دخوله مش برا؟وليش اصر يسكن في الدور التاني وفي دار بس!!وكيف مها اصلا رضت بي الشي هاذا
اريج:واقفه في غرفة نومها متوتره..بذات ان مهاب مقعمز برا ع الصالون بدون اي ردة فعل ..استنت دقيقه واثنين وعشره لين سكرت ربع ساعه!!
نحت الڤيلو بروحها بعد عناء طووووويل ولبست روبها مع طرف مستور شوي من فوق !...طلعت من الغرفه بخطوات متردده عشان تشوف مهاب مقهمز ع الصالون ومتكي راسه
اريج:متحشمه...مهاب؟...اءءء لو تبي تخش للغرفة انا بدلت ورتبت كل شي !!
مهاب:مردش عليها
اريج:قربت منه بتزيد تحكي معاه بس نصدمت انه راقد😨!!...رجعت بسرعه لي غرفة نومها تفكر شنو بدير؟تنوضه مثلا؟!لا رح يبدا منضرها اخي قدامه كأنها هيا تطلب فيه🤦🏻♀️...خذت غطاء خفيف وطلعت لي الصاله غطت مهاب ورجعت لي غرفتها مسحت مكياجها وتحاول ترقد شوي!!بس طول الوقت وتصرف مهاب عالق في راسها!؟
