#حب_عنيف 4
حور:ولدهم الكبير اسمه امير متعقد حقير واطي عيل يسحاب روحه كان عيط بكلمتين بيطلع شخصيه مأثر فيه مسلسل الهيبه 😂😂😂...وتلفتت
انس:الووو ؟!حور
حور:😨
امير:مربع يديه ..
حور:اءءء شن بنقولك هوا صح اعصاب وهكي بس باين في عيونه ان شخص كويس فهمت!!...بلعت ريقها...وحق ربي عندي احساس انه كويس
معتصم:شن تخرطي حور!؟
حور:تشوف لي نضرات امير ليها وكيف قارن حواجبه بدون اي كلمه ...اءء يالله نكلمك بكرا لو ماصبحتش جنازتي هي تصبح علي خير
معتصم:تي تعالي متسكريش
حور:سكرت الخط وقعدت واقفه قدام امير
امير:مستمر بنفس الوقفه ونفس النضرات ليها بدون كلمه
حور:تبي تقول اي شي لان الصمت هوا بدي يخوف فيها حطت يديها ع الكعكه يلي دايرتها وشهقت بي الكذب....نهااااارك كيف تخش عليا هكي وانا بدون حجاب🤭
امير:زاد قرن حواجبه !!
حور:عرفت انها في مصيبه مش رح تقدر تطلع منها بي الحركات هاذي 😂وبدون ماتحس ع روحها من كثر الخوف ...اسفه باهي 😰
امير:علي شنو بزبط؟علي متعقد ولا علي حقير ولا علي واطي ولا علي عيل؟
حور:حست بي شي سخون نزل عليها 😂....عليهم كلهم انا كنت نصبر ره عارفاتك وراي 😅
امير:قام حاجبه !
حور:فمها متشنج ع ضحكه بي الكذب....به ابتسم ع الاقل !!
امير:هاذا كله وانتي قاعده مريتيش الحقاره والمعيله كيف!
حور:ومش رح توريني صح 😬...صح؟!صح صح😅
امير:ضحك بهزوا ...كأن بديت نشوف الخوف في عيونك!؟
حور:لالا هاذي ضحكت التفائل يقولو بعد صلاة المغرب اضحكي بي تفاؤل لازم فهمت 😅
امير:شن السبب يلي خلاك تكسري كلامي اليوم؟!
حور:افففف...اسمعني بدون اعصاب وحو فايح ادير فيه انا هكي لبسي منحبش نلبس حجات اغلا مني زي خطيبتك ومنحبش نلبس كعب اطول من خشم اختك تقوى ومنعرفش ناكل بشويه تقول سنوني يوجعو فيا ...انا هكي متبونيش محدش قالك جيبني غصب عني هنايا واصلا كلمت خالتي بكرا جايه تاخذنا انا ورمزي 🤷🏻♀️استريح
امير:كملتي؟
حور:خذت نفس....اي
امير:رح تتعودي علي كل شي متخافيش ومفيش طلوع من الحوش هاذا
حور:هــــــــه لا ولله!!؟
امير:قرب بخطواته وحور تباعد لين وصلت لي الروشن!....
حور:تشوفله وترمش في عيونها بسرعه مستنيه شنو رح يدير؟!
امير:للمره الالف رح نعاودها ياااااا...
حور:فنصت تسحابه بيسبها....😧
امير:ياحور...خليك عاقله ورح نعطيك فرصه لي اخر مره !ومش رح نوريك الويل توا!!بس المره الجايه مش رح نرحمك
حور:به توا فهمني انت مسيب كل شي يامحامي ولاهي بيا انا تي عندك خدمه اطول من شنابات انس !!
امير:قام يده ورجع شعره للخلفه ...شي يرجعلي هاذا ...ويلي عندي قلته !
حور:تشوف للعلامه يلي في يده
امير:نزل يده وبعد عليها ....ومعش تشبحي لي حجات متخصكش
حور:ساكته وتشوفله
امير:طلع من غرفة حور لي غرفته وسكر الباب
حور:خذت نفس عميق...مريض 🤦🏻♀️
انس:وقف قدام الباب يخلط في الصحن يلي ماسكه....ع فكره سمعتك تتهزي علي شناباتي 🤨
حور:ضحكت...انت في عالم تاني 😂
انس:نخليلك شويه من ماسك الجزر؟!حسيت بشرتك باهتا اليوم
حور:وجهي اصفر من الحقير خوك 🤦🏻♀️
انس:عادي مدوريش تو يلهى في الخدمه متاعه زي كل مره
حور:شافت لي تالفونها وبعدين قامت عيونها في انس ...بنسألك شن قصتك انت كل مره طالع بي حاجه علي وجهك؟
انس:هاذي اسمها اهتمام بنفس يابنتي
حور:ضحكت وسكرت باب غرفتها
