#إعاده_تاهيل
بارت٥
👑لا إله إلا انت سبحانك إني كنت من الظالمين👑
ادم قعد اسبوع في بيته مكتئب بيفكر في كل اللي حصله.
مضايق هو ليه اصلا بيفكر في اسما مفروض ميفكرش فيها.
اسما كانت بتتصل بيه عشان جلسات العلاج الطبيعي. وهو مردش عليه. خايف يوجهها . هي اتصلت بفؤاد وقالتله انه لازم يبتدي ينزل الجلسات
ادم اتصل بوالد يارا مراته يساله عليها. لانها لمت هدومها. ومش بترد علي اتصالاته
(خليفه النجار محامي كبير مش مخلف غير يارا ومدلعها علي الاخر واي طلب ليها مجاب. من غير نقاش )
ابو يارا (خليفه): يارا طالبه الطلاق
ادم ضحك : وده من ايه بقي
ابو يارا : انت ناسي ان مستقبلك خلاص ضاع
ادم بسخريه : بجد مكنتش اعرف
ابو يارا : طلاقها من غير شوشره. يااما هنرفع عليك قضيه خلع
ادم :طلاق مش هطلق . مش حبا في بنتك. بالعكس انا كده بادبها. بنتك لو اصيله كانت وقفت جنب جوزها وهو. في شدته.. بس هقول ايه. انا اللي غلطان. كان لازم مخدش بالمظاهر. لانها خداعه
ابو يارا(خليفه) : انت اللي جبت لنفسك الفضايح
ادم : فضايح يا عالم. **** يا شويه *****
خليفه : انا هربيك يا ادم من اول وجديد. انت شكلك نسيت نفسك
ادم : ربي بنتك الاول. اصلا انا اللي غلطان اني نسبت ناس ***
قفل التليفون وهو بينفخ من الغضب وجسمه بيترعش من الغل والخناقه . كره نفسه في اللحظه دي. وكره ظروفه اللي وقعته مع وحده زيها. ...
خرج من البيت وهو مش عارف يروح فين.
فضل يلف بالعربيه لحد اما لاقي نفسه قدام بيت اسما
رن الجرس فتحت اسما واتخضت من شكله.
ادم : اسف اني جيت من غير ميعاد . بس انا عايز ماما امينه
اسما : ادخل. هي جواه
ادم دخل وهو راسه في الارض. وحابس الدموع في عينيه.
اسما : انت كويس.
هو مردش عليها. لانه حاليا بيحارب نفسه انه ميبكيش
امينه كانت قاعده في الريسبشن. : ادم .تعال يا حبيبي
ادم رمي نفسه في حضنها ودموعه نزلت من غير كلام .
امينه بصت لبنتها. اسما رفعت كتافها انها متعرفش ماله
حضنته امينه من غير كلام وهو ماسك فيها. زي العيل الصغير ..
واسما دخلت عملتله ليمون. شويه و ابتدا يهدا
امينه : احكيلي مالك
ادم : كل حاجه بخسرها. امي واختي ماتو. الكوره اللي بحبها ومش هعرف العبها تاني. ودلوقتي مراتي موقفتش جنبي وعايزه تطلق عشان انا معنديش مستقبل
