#إعاده_تأهيل
بارت١٦
👑 سبحان الله وبحمده.. سبحان الله العظيم👑
ادم خد اسما واشتري اوضه النوم الجديده .. .. العمال جم تاني يوم ركبوها.
وراح اشتري معاها الفستان عشان الفرح.
وكانو بيجهزو لفرحهم .
ادم مشغول مع فؤاد في ترتيبات الفرح
اسما نزلت مع دعاء صاحبتها ومامتها واشترت الحاجات اللي ناقصه
في يوم كانت بتشتري حاجه مع ادم وهو كان مشغول وفاجاه ظهر قدمها ربيع . اسما اتوترت وخافت من رد فعل ادم
اسما : انت ايه اللي جابك هنا .
ربيع : كنت بشتري حاجه وشفتك. عامله ايه . واحشتيني
اسما : الله يخربيتك. امشي من وشي. قولتلك مش عايزه اشوفك تاني . امشي قبل ما ادم يجي
ربيع : هو ادم معاكي. طيب فرصه اسلم عليه
اسما : ربيع. لو سمحت متعمليش مشكله. امشي.
ربيع : هسلم الاول علي ادم. اما اشوف رد فعله ايه.
اسما : انا عمري ما آذيتك.
ربيع : لا آذيتيني. اما لعبتي بمشاعري
اسما : كداب انا كنت مدياك فرصه عشان نقرب من بعض وانت اللي ضيعتها . انت ناسي انك انت اللي اتخليت عني. وقولت ان اللي بينا انتهي ...
ربيع : كنت غلطان اهلي ضغطو عليا اما شافو الفديو.
اسما : قولتلك من يومين مش عايزه اشوفك .انت ما بتفهمش
ربيع : بس انا بحبك
اسما لسه هتتكلم لمحت في المرايا اللي قدمها ان ادم واقف وراهم. بصت لربيع بغضب اكيد كان شايف ادم وحب يعمل مشكله ما بينهم
اسما لربيع : انت بني ادم قذر ومتخلف
اسما لفت لادم وهو كان باين انه متعصب اوي
ادم : عايز ايه
اسما وقفت جنب ادم. ربيع :عايزاها
ادم ضربه في وشه 👊 والتاني وقع. اسما صوتت
ا
ادم : لو فكرت تاني تقرب منها. ما تلومش الا نفسك.
اسما شدته وخرجت بيه وهو متعصب . وربيع قام من ع الارض وهو ماسك وشه.
في العربيه اسما كانت ساكته وادم متعصب
ادم : انتي ليه مقولتيش انه جالك من يومين
اسما : عشان متتعصبش
ادم : يعني عاجبك اللي حصل . لو كنتي قولتيلي من الاول مكنش كل ده حصل.
اسما : مش قصدي اخبي عليك . بس المره اللي فاتت انا طردته
ادم زعقلها : اسكتي . مش عايز اسمع صوتك
طول الطريق ساكتين. وصلها للبيت ومشي.
امينه : فين ادم مجاش ليه
اسما : اصل اتخنق مع ربيع وزعلان مني
امينه : ليه
اسما حكت لمامتها كل حاجه
امينه : غلطانه عشان مفروض مكنتيش خبيتي عليه حاجه ..
اسما : ما انا خفت يزعل .
امينه : غيران عليكي ومن حقه انتي مراته. بعد كده متخبيش عنه حاجه
اسما : ماشي . بس هو زعلان والفرح اخر الاسبوع ده.
امينه : مش هيطول في الزعل. انا هكلمه وانتي صلحيه بكلمتين ادم طيب
اسما بتتصل بادم بس هو مش بيرد عليها.
تاني يوم نفس الموضوع ..
اسما : ماشي يا ادم عامل فيها تقيل .
اسما عملت بسبوسه و لبست وراحت لادم البيت ..
ادم فتح وبصلها وبص في ايدها. كان هيبتسم ومسك نفسه
اسما زقته ودخلت
ادم قفل الباب ودخل قعد وبصلها.
اسما : انا زعلانه منك . يومين مكلمتنيش.
ادم : عشان مضايق وزعلان منك
اسما قربت منه : انا مكنتش عايزه اقولك عشان متزعلش. خلاص بقي. فرحنا اخر الاسبوع هتفضل زعلان
ادم فرحان بس بيمثل انه زعلان
اسما : انا عملتلك بسبوسه اللي انت بتحبها . لو صلحتني هاكلك منها
ادم : مش عايز بسبوسه
اسما : براحتك. دي ريحتها تجنن. شم كده.
قربت البسبوسه منه. ادم بيحب البسبوسه..
دخلت المطبخ وجابت الشوكه وقاعدت تاكل وتغيظه.
ادم قام شد منها الشوكه
اسما : مش هتاكول . صلحني الاول
ادم: هاكول ومش هصلحك
اسما : مفيش بسبوسه .
ادم بيحاول ياخد الطبق منها وهي بتضحك ومخبياه منه .
ادم رمي الشوكه وقعد وهي سابت الطبق علي الترابيزه
قربت وباسته من خده.
اسما : مش تزعل
ادم ابتسم : بشرط
اسما: مش هخبي عنك حاجه تاني
ادم : تمام كده ... صلحيني بقي .
اسما :ما انا بوستك
ادم : واحده تاني
اسما قربت من خده وهو لف وشه وقرب من شفايفها
ادم : حلوه البسبوسه اوي
اسما : انت دوقتها
ادم :اه دوقتها من شفايفك
اسما : قليل الادب.
ادم حضنها : بحبك. يا مفتريه
اسما : يووه يا ادم.
