: #إعاده_تأهيل ١٠&١١
بارت ١٠
👑سبحان الله .. الحمد لله.. لا إله إلا الله👑
الشهور بتعدي وادم رجع يلعب كوره تاني. ومستواه اتحسن. بس لسه مش مرتاح.
ربيع بعد اما خلص الدوري في فرنسا نزل أجازه
اسما كانت في البيت مع مامتها وربيع اتصل عايز يقابل مامتها
امينه: قوليلو يجي
اسما : ماشي
اسما اتصلت بربيع وقالتله يجي البيت. وامينه كمان اتصلت بادم . اول اما عرف ان ربيع جي. ركب العربيه وطار علي بيت اسما
اسما فتحت الباب وكشرت : هو انت
. ادم : اه انا مش عاجبك.
اسما : ادخل افتكرتك ربيع
ادم : جي يعمل ايه الكابتن هنا
اسما: عشاني اكيد
ادم : اما نشوف اخرتها ايه معاكي ومعاه
الجرس بيرن .....
اسما : اكيد ده ربيع ...
ادم : انا هفتح.. اهلا ربيع.
ربيع : ادم. عامل ايه
ادم : الحمد لله . ادخل .
بعد وقت امينه كانت قاعده مع ربيع وادم واسما.
ربيع :ماما .. انا طالب من حضرتك تحددي ميعاد لفرحي انا واسما
ادم قلبه اتقبض من الكلمه واسما اتوترت ..امينه بصتلها بعتاب
امينه : ايه رايك يا اسما
اسما : مش لسه بدري
ربيع : بدري ازاي. احنا نعرف بعض من شهور. وكفايه كده انا عايز اتجوز واستقر
ادم ساكت ومستني اسما . اسما عينيها جت في عين الا بيترجاها بعينيه متوفقش.
اسما : اي وقت ماما هتختاره. انا موافقه عليه
ربيع ابتسم : ها يا ماما. قولتي ايه
امينه : سبني ارتب اموري وارد عليك .
ربيع : منتظر تليفونك
ادم : مبروك . خلي بالك من اسما دي غاليه علينا
ربيع : في عيني متخفش عليها
ادم : مبروك يا اسما.
اسما الدموع متجمعه في عينيها هزت راسها.
ربيع قعد شويه واستأذن ونزل .. ادم كمان نزل وراه .
امينه : ها يا عروسه عايزه تتجوزي امتي
اسما عيطت جامد 😭وحضنت مامتها.
امينه : انتي بتحبي تتعبي قلبك ليه. قلبك مختاره وانتي بتعارضي وبتكابري .
اسما : مش عارفه . مش عارفه
امينه طبطبت عليها : انسي العند. ادم بيحبك واعترف بحبك
اسما ساكته ..
ادم كان مخنوق من تصرف اسما. : غبيه ومتخلفه. هي مش بتحبه
