#إعاده_تاهيل
بارت ١٣
👑 أستغفر الله العظيم واتوب إليه👑
الفريق اتحرك الصبح من الفندق وكل واحد رجع علي بيته. ادم وصل كانت امينه قاعده بتصلي. قعد لحد اما خلصت صلاه
ادم : حرما يا امي
امينه حضنته : جمعا يا ادم. عامل ايه
ادم : الحمد لله. تمام.
امينه : الخناقه اللي حصلت
ادم : ده عيل رخم استفزني وانا كنت متعصب. محصلش حاجه .
امينه : ربنا يحبب فيك خلقه . ويبعد عنك الشر
ادم : يارب يا امي . .. فطرتي
امينه : اه وخدت العلاج
ادم : بالشفا. انا هقوم انام شويه
امينه : ماشي يا حبيبي
ادم خد شنطته ووقف قدام باب اوضه اسما. كان عايز يشوفها بس ضغط علي نفسه ودخل اوضتها فتح النور ورمي الشنطه علي الارض وقلع الشوز والتيشرت
بص في المرايا وتنح. لف كانت اسما نايمه في اوضته وعلي سريره
ادم : بتعمل ايه دي هنا ..
قرب من السرير . وقعد قدامها يبصلها بحب وهي نايمه بتكون احلي
ابتسم بمكر ونام علي السرير جنبها و لف ايده عليها وقربها منه وباس جبينها
اسما فتحت عينها وغمضتها تاني وسنده راسها علي صدره . وهو ابتسم عشان عارف انها نايمه لو كانت صاحيه كانت عامله حوار ومخلصش من لسانها
غمض عينه واستسلم للنوم وهي في حضنه.
بعد ساعتين اسما فتحت عينيها غمضتها تاني وفتحتها كذا مره. شهقت بخضه
ايد ادم عليها ووشها في رقابته لسه هتشتمه رفعت راسها كان رايح في النوم. وشها احمر من الكسوف كان نفسها تضربه بس صعب عليها. اتخلصت من ايده وقامت من جنبه غطته وخرجت من الاوضه بهدوء. دخلت اوضتها خدت دش ولبست ترنج بيت شيك و عملت ضفيره علي جنب وحطت ميكاب خفيف. وقفت قدام المرايا وعاجبها شكلها ..
نزلت لمامتها كانت قاعده بره في الجنانيه.
اسما : صباح الخير يا ماما
امينه : صباح النور ايه الحلاوه دي
اسما ابتسمت : عادي .
امينه : يعني مش عشان ادم
اسما : هو جه
امينه : اه جه .
اسما : طيب. خدتي الدوا بتاعك
امينه : اه خدته الحمد لله
اسما : هقوم انا افطر .
امينه : ماشي
اسما دخلت المطبخ وعملت النسكافيه وكانت قاعده بتفطر في المطبخ.
في الوقت ده كان ادم صحي وخدت دش ونزل. سمع صوت في المطبخ . دخل كانت هي بتشرب النسكافيه وسرحانه
ادم : احم ...عايز افطر
اسما اتخضت .بصتله وافتكرت شكله وهو نايم ووشها احمر .
ادم ابتسم : اتحركي
اسما : ايه اتحركي دي. اعمل لنفسك انت فطار
ادم : واعمل لنفسي ليه . ما انتي هنا اهو موجوده
