#إعاده_تاهيل
بارت ١٤
👑 أستغفر الله العظيم واتوب اليه 👑
طول اليوم اسما كانت في اوضتها زعلانه من كلام ادم.
امينه كانت مع ادم بيتكلمو
امينه : هي اسما مش ظاهره ليه انهارده
ادم سكت
امينه : شكلك عارف
ادم: ماما... اسما محتاجه تتغير . بتعاملني بعند . كانت بتتهمني اني انا اللي نشرت الفديوهات عشان اضغط عليها واتجوزها
امينه : معلش يا ادم انت عارفها اما تتعصب بترمي دبش
ادم : هو ده دبش . ده سم .
امينه : طيب انت ناوي علي ايه
ادم : هحاول اغيرها. مع اني مش عارف اعملها ازاي. هي قالتلي انها عايزه تطلق. وانا قولتلها هطلقك
امينه : طلاق ايه. .ادم انت اعقل منها
ادم : اوقات بحس انها بتكرهني . واوقات تاني لا. بس بجد هي لو مش عايزاني انا مش هكمل .
امينه : عايزاك يا بني بس هي متخلفه وبتكابر
ادم : ومفتريه كمان
امينه ضحكت ..
بليل امينه طلعت لاسما دخلت الاوضه كانت اسما نايمه ع السرير .. امينه : اسما
اسما : نعم يا ماما
امينه : مالك في ايه
اسما : مفيش محتاجه اقعد لوحدي
امينه : من امتي بتخبي حاجه عني
اسما قاعدت علي السرير : محتاره يا ماما. هو الواحد ممكن يكون بيحب شخص ويكره في نفس الوقت
امينه : لا لان الحب والكره عكس بعض . انتي ممكن تكوني بتحبي انسان بس في صفات فيه بتكرهيها.
اسما : مش عارفه يا ماما اقرب منه. بكون عايزه بس فجاه كده بلاقي نفسي عايزه ابعد عنه
امينه : ده لانك خايفه تقربي منه. خايفه يبعد عنك او خايفه تديله الامان. بس اللي لازم تفهميه ان ادم جوزك وبيحبك
اسما : طيب اعمل ايه
امينه : ادي لنفسك فرصه تعرفيه من اول وجديد . قربي منه. انتي مش بتحبيه
اسما : اه. تقريبا كده
امينه ابتسمت : بطلي تكوني مذبذبه. مش متعوده منك ع كده . طول عمرك بتعرفي تحسمي امورك
اسما : بس في الحكايه دي مش عارفه.
امينه : يبق تعرفي وبسرعه. قبل ماهو ينفذ اللي عايز يعمله
اسما بخوف : هيعمل ايه
امينه : هيطلقك.
اسما 🥺 هو قالك كده
امينه : اه وعنده حق . اسما اعرفي انتي عايزه ايه. عايزه تكملي مع ادم وله لا.
اسما : حاضر
امينه : تصبحي علي خير
دخلت امينه اوضتها . واسما كانت بتفكر. اتخنقت من كتر التفكير . وخرجت من اوضتها. . نزلت تتمشي في الجناينه وسمعت صوت جي من الجنانيه الخلفيه. راحت تشوف في ايه .. كان ادم بيلعب كوره سله.
