#إعاده_تأهيل
بارت٨
👑سبحان الله .. الحمد لله.. لا إله إلا الله👑
بعد ٣ شهور.
ادم ماسك تليفونه. بيتابع الاخبار علي النت .وقف عند خبر
زواج يارا خليفه من رجل اعمال مشهور .
وصور كتير ليهم في حفل زفافهم.
ادم الخبر صدمه وضايقه .. فؤاد شاف الخبر و اتصل بادم كتير بس هو مش بيرد مش عايز يتكلم مع حد .
فؤاد راح لبيت ادم وفضل يخبط ويرن الجرس لحد اما ادم فاتحله ..
دخل فؤاد وهو مستغرب من حاله ادم وبيبصله باستغراب
ادم : في ايه. جي ليه
فؤاد : جي عشانك عايز اعرف في ايه مالك
ادم : كنت مخدوع فيها. بالسرعه دي لقت واحد واتجوزته
فؤاد : اللي زي دي مش بتغلب. انت ناسي عملت ايه عشان تتجوزك . فضلت تلف وراك وكل مكان تروح فيه تكون هي فيه . لحد اما عرفت تضحك عليك . وياريتها كانت بتحبك ووقفت جنبك في شدتك ..
ادم ضحك : لدرجه دي انا ساذج واهبل
فؤاد : انت لا ساذج وله اهبل. انت بس المظاهر بتغريك بتزغلل عينك هي دي مشكلتك .
ادم : بس انا اتغيرت. الازمه اللي عديت بيها علمتني حاجات كتير . عرفت ايه الصح والغلط . عمري كله متعلمتش منه . زي ما تعلمت في الكام شهر دول.
فؤاد : هي دي فؤايد الازمات بتعلمك ..
ادم : صح .
فؤاد : كنت عايزك في موضوع
ادم : سامعك
فؤاد : عايز اتجوز
ادم ابتسم : ماتتجوز
فؤاد : يعني مش هتتضايق وله هتزعل عشان الظروف اللي انت فيها
ادم : لا طبعا هضايق له . انت اخويا وصاحبي .
فؤاد : طمنتني . مش عايز تعرف مين العروسه
ادم : مين يا عم .
فؤاد : اسما
ادم برق وقام هجم عليه ومسكه من هدومه : بتقول مين
فؤاد ببرود : اسما
ادم ضربه في وشه بالبوكس
فؤاد : اااه . يخربيت ايدك. بهزر . كده شوهت وشي
ادم حط ايده علي رقبته بكسوف : هزارك رخم
فؤاد : اااه. هطلب ايد البت ازاي كده
ادم : مرهم وهترجع كويس.
فؤاد : الله يسامحك. اما انت محموق اوي عليها سايبها ليه لربيع. ما هما مش هيفضلو كده كتير اكيد هيتجوزها
ادم : اسكت بدل ما اخلي وشك شوارع .. انا بحاول معاها بس هي اللي بتصدني. ومش عارف ايه السبب
فؤاد : اقعد معاها واتكلم يمكن في حاجه منعها تقرب منك .
ادم : محتاج بس اقف علي رجلي تاني وابتدي اللعب . عايز ثقتي في نفسي ترجع زي الاول.
