عاشقي المجنون

مقدمة

يوم طويل جدا علي عشق فبعد أن انتهت من العمل الذي أوكله لها جدها وجدت شقيقها يخبرها عن حديثه مع جده لخطبة رجاء تلك الفتاة التي لم تكمل تعليمها و رغم حب عشق لشقيقها لكنها و لسبب هي نفسها لا تعلمه لم تحب يوما تلك الرجاء و لم تتقبلها لكنها لم تستطع اخبار شقيقها بذلك حتي لا ينزعج و اضطرت للتظاهر بأنها سعيدة حتي و إن لم تكن كذلك فتح باب غرفتها و هي تنادي فراشها فهي بالكاد يمكنها أن تفتح عينيها تشعر أحيانا أن جدها ينتقم منها فهو أخبرها سابقا أنه لا يثق بأحد و عليها دوما التأكد من كل شيء هي و أخيها و والدها أيضا
و قبل أن تلقي بنفسها علي الفراش تجمدت بمكانها و هي تري فراشها ملطخ بالدم صرخت بقوة
كان فارس يتحدث مع جده حول أمر خطبته حين سمع صراخ شقيقته فأسرع لها يقتحم غرفتها لتلقي بنفسها بأحضانه و هي ترتجف
كانت الدم ليست فقط علي الفراش و لكنها أيضا علي الحائط تشكل ذاك الرمز من جديد القمر المكتمل بينما كتب بالدماء الكلمة بجانب الرمز كالعادة
نظر فارس لجده : جدي
خلف بأمر : خد اختك من هنا
نفذ فارس أمر جده و أخذ شقيقته لغرفته و احضر لها العصير حتي يتمكن من الحديث معها و يجعلها تنسي ما رأته بغرفتها من مشهد مفزع لا يتحمله أحد و لا بشر فما بالك بأنثي رقيقة مثلها ؟؟؟!!!!!
فارس بمزح : كلها يومين و أتجوز و ساعتها مش هفضي أشتغل عندك
عشق بغرور مصطنع : و مين قالك إن قبل أشغلك عندي ؟؟؟!!!! مش عشان جبت العصير خلاص
فارس بهدوء : خادم القوم سيدهم
عشق بتنهيدة : أنا مش هنام في الأوضة دي تاني و لازم نلاقي اللي بيعمل كده بسرعة
مش أول مرة دي قتل لحد دلوقتي تلاتين واحد و كل مرة يرسم بالدم رمز القمر المكتمل و يكتبه كمان
فارس بتفكير : عندك حق بس ازاي أقدر يخش أوضتك وسط الحراسة دى كلها و فوق كده ليه رسم الرمز بس المعروف إنه بيقتل و بعدين يرسمه
عشق بسخرية : شكرا يا فارس المرة الجاية إن شاء الله مستعجلش يا حبيبي كله بالدور
فارس بعدم فهم : مش فاهم ؟؟؟!!!
عشق ببراءة مخادعة : بابا دايما يقولي إنك الكبير و الكبير لازم يبقي الأول بس اتكل أنت و ملكش دعوة
بينما في غرفة عشق كان الجد مازال ينظر للدم و هو يقول : مفيش فايدة السر اللي اندفن من ثلاثين سنة رجع تاني و المرة دي وصل لأحفادي بس لا مش خلف القاضي اللي يتهزم أدامهم و لازم أحط النهاية لهم بإيدي و بسرعة قبل ما السر ينكشف

************************************
كان جاسر يشاهد التلفاز فاليوم عطلة و أخيرا لن يذهب للشركة الخاصة بوالده رغم حبه للعمل لكنه أحيانا إن لم يكن دائما يريد الحصول على بعض الراحه و الهدوء و لكن يبدو أن ذلك أبعد ما يكون عنه فها هي والدته تجلس بجانبه بإرتباك و هو يعلم جيدا ما تريد الحديث معه بشأنه لكنه لن يوافق أبدا
هو يحب والدته كثيرا و يعلم أنها كذلك أيضا و لا يرفض لها طلبا عدا الزواج و الآن هذا
جاسر بعناد : لا يعني لا
زينب بمحاولة اقناع : بس والدك نفسه يرجع الصعيد و يعيش وسط أهله تاني و هم
جاسر بسخرية : أهله ؟؟؟!!! مش هم دول اللي طروده عشان أتجوز من بره الصعيد و هم نفسهم اللي لحد النهاردة رافضين يعترفوا بيا أنا و لاما و تقوليلي أهله ؟؟؟!!!!
زينب برجاء : عشان خاطر بابا يا جاسر أنا هروح معاه و عايزاك أنت كمان تيجي فالأخر دول أهلك برضوا و لازم تتكلم معاهم مش هنفضل بعيد العمر كله
جاسر بجدية دون النظر لها فمازال ينظر للتلفاز و إن كان لا يعي حتي ما يشاهد فتفكيره بمكان آخر : بابا عايز يراجع الصعيد هو حر لكن احنا لا مش هروح اتذلل لحد و خاصة ناس أنا مش فارق معاهم أصلا
زينب بحزن : والدك كل يوم يتصل بأخوه و يتكلم معاه رغم إنه مش بيقولي بس أنا حاسة بزعله و حزنه لما بيتكلم معاه و مش قادر يروح و يشوفهم و أنا السبب في كل ده
أسرع جاسر يحتضنها فهو يكره رؤيتها حزينة لأي سبب كان بالعالم و لم يتحمل لومها لنفسها علي ما حدث حتي لو اضطر لفعل ما لا يرغب فقط لأجل والدته الحبيبة و أقرب شخص لقلبه
جاسر بإستسلام : خلاص يا ماما هروح معاكم الصعيد بس لو حد منهم اتكلم مش هامسك نفسي و اللي يحصل يحصل بقي أنا معنديش أغلي منكم
زينب بحب : كنت عارفه إنك مش هتزعلني يا حبيبي ربنا يبارك فيك و يهدي المجنونة أختك لأحسن دى خالص هربانة منها
جاسر بإبتسامة : كل إلا لاما دي حبيبتي و تعمل اللي عايزه علي حساب أي حد و طول ما أنا عايش هفضل أدلع فيها لحد ما يجي ابن الحلال اللي يستاهلها بجد و يقدر يصونها

************************************
تفتكروا ايه السر اللي من ثلاثين سنة و أول لقاء بين جاسر و جده هيبقي عامل ازاي ؟؟؟؟!!!!!

في إنتظار التعليقات

😁😁😁😁