سلاسل ذهب

البارت الرابع

سلاسل ذهب ..

للكاتبه #فاطمة_العبادي ..

قرائة ممتعه كيكاتي 🖤...

طلع سيد حسين واجينه اني ويا وجه بوجه اجت عيوني بعيونه مباشرة ، كلت بداخلي ماشاءالله من شدة جمالهن ..

سيد حسين نزل راسه لان شاف لبنيه وهوا ما يحب يباوع ع أعراض الناس ويكول حرام ، مريم حست ع نفسهة وع صفنتهة بي وع اخلاقه ودخلت للبيت بسرعه ..

بس سيد حسين كال بداخله هيه هاي الي حجولي عنهة وخطبتهة من شاهين اخوها ، الله يستر عليهة ان شاءالله ويحفظلهة شبابهة ..

طلع غسل ورجع دخل للبيت ، كملو شغلهم وترخصو وطلعو ، صعد سيد حسين بسيارته وهوا يودع شاهين نطلق وعينه ترتفع ع بيت الي لاحظ خيال وكان شخص واكف صافن يم الشباك ..

هاي مريم الي جانت واكفة صافنه ع حياتهة وتتذكر شلون جانت عايشه قبل ٥ سنوات ..

مريم : مهدي يمكن انته الشخص الوحيد  الي قبلت بيه وبوضعي وحبيتني من صدك ، بس صدكني ابوي ماجاي يقبل حتى اخواني حاولو يقنعو مايقبل يزوجني لشخص من غير طائفة ..

كام مهدي وهوا يعدل شعرة بايده وياخذ نفس بقوة حتى يجمع قوته كلهة وهوا يكللهة : مريم كلامج صدك وأنه اهلي جاي يلحون عليه حتى اتزوج وامي تريد جنه تعينهة بلبيت ..

باوعتله مريم بقهر وهيه تضغط ع شفايفهة محاولة تجمع الكلمات الي تبعثرن وهيه تكلة : كل واحد بطريق بدون ماتكمل حجيك ..

بينت مشاعر الحزن بعيون مهدي وهوا يبتعد من يمهة ويمشي خطوات ليورة الىً ان دار وجهة وراح ومريم واكفة وهيه تباوع بظهرة الىً ان اختفة من كدامهة دارت خطواتهة ورجعت بيهم للبيت وكان هذا اخر يوم الهة ودفنت روحهة بلحياة بسبب حبهة الي خسرته لان ابوها معارض الزواج لان هو شيعي وهيه سنيه ..

شاهين : ليش واكفة هنا مريم ..

رجعهة صوت شاهين للواقع باوعتله وهيه ترسم ع وجهة ابتسامه : هذا المكان الثاني الي تحبه من بعد شباك غرفتك ، وعجبني اوكف بي وارتاح ، بس انته عندك شي ثاني يخليك ترتاح من توكف هنا ع عكسي ..

شاهين : اجمل مكان بلعالم يكون مو حلو بدون وجود الأشياء الي انته تحبهة مو بكل وقت هذا المكان وشباك غرفتي يريحن كلبي ، بس الخيال والأثر الي ارسمه زين يفي للغرض ..

_وشنو الأشياء الي تحبهة انته؟..

ام داوود : خاله شاهين الكهوة ..

باوع شاهين الهة وهوا يكللهة : عاشت ايدج خاله ..
اخذت الكهوة من ايدهة ورجعت وكفت يم مريم بدون ما اجاوب ع سؤالهة ..

_الشي الي تحبه واحد منهن كهوتك بس الثاني اريد اسمعه منك ..

شاهين : برئيج تقبل بواحد مثلي ..