سلاسل ذهب

البارت الخامس

سلاسل ذهب ..

بقلمي #فاطمة_العبادي

اليوم ماكو تنزيل بس بعد شفتكم متفاعلين ماكدرت الزم روحي وما اكتب ..
قرائة ممتعه كيكاتي 🖤..

علي : نتزوج بلسر ونخلي اهلي واهلج امام الأمر الواقع و لو يسامحونه سوية لو يذبحونه سوية هاا شكلتي؟؟..

ذهب : هاي أحلام والأحلام ماتتحقق حلم اني وياك نكون سوية بهاي الطريقة واذا تريدني حارب علمودي ..

غمض عينه وأخذ نفس بنفاذ صبر : راح احاول وية اهلي ولو اعرف يتبرون مني ماعندي مشكلة ..

بتعدت عنه واني اروح بدون كلام أسمعة يكول بصوت ناصي استغفرالله وأتوب اليه ..

دخلت حتى انام بس ماكو بالي مشوش بسبب كلامة الي كاله اليه مستحيل اقبل. اسوي هيج واتزوجة بلسر ..
واكسر امي وأخلي الناس تتشمت بيهة وهيه خطيه عاضة الدنيه بسنونهة علمودي وصبرت وتحملت الظيم كلة حتى تحميني ..

نمت بعد تفكير تقريبا ساعة وكعدت ع صوت امي تندهني : ذهب يمة كعدي جهزي روحج ورانه طلعه لا تتأخرين ..

كمت واني اتمغط : هف يا يمة هسه لو مخليتني نايمة بعد كم دقيقه

موج : كافيج نوم يله كومي لا سراج يخبصنه خبص ..

كمت من فراشي وغسلت وبدلت وجان اشوف عمو شوقي ركضت علي حضنته شكد مشتاقتله

شوقي : شلونج بنيتي ذهبايتي ..

..اني الحمدالله عمو زينه انته شلونك مشتاقتلك ليش هيج كاطع بيه ..

اخذ نفس وهوا يكول : والله يا عمو شغل هواي مالحك ، ومشتاك الكم هواي بس ماكدر عذريني ..

رفعت راسي باوعتله بفرح وبتسم اليه رفع ايده ع دشداشته من يم رقبته وكال : امج شلونهة خو ما محتاجة شي؟..

ذهب : زينه على الله ، ما محتاجين شي الحمدالله ..

_الحمدالله ..

طلعنه للزيارة بيومهة ومحاولات علي حتى يحجي وياي بكل فرصه هواي ، وبنفس الوقت كان يخليني تحت مراقبتة ويبعد عيون الناس عني بخزرة ..

للحضة حسيته يحبني صدك ويخاف عليه حتى من نظرات الشباب ..

خلصنه زيارة ورجعنه مرت الايام بين دراسه وبيت اني لو ما امي تجبرني ادرس جا هسه اكبر كسولي بس هيه تجبرني ع دراسه ..

ندك باب بيتنه كل عاده محد من الولد موجود حطيت شالي ع راسي واني اطلع افتح الباب شفت معاذ واكف كدامي نصدمت!

حجة بمكر : شلونج ذهب ..

..الحمدالله ، محد من الولد موجود ..

معاذ : لا صدك انتي موجودة عادي ..

..كبر حتى كبر ، كتله هيج وسديت الباب بوجهة اسمعت صوته وهوا يكول بت الكلب تسد الباب بوجهي ..