عشقتك بلا حدود

بارت 22

مشاو كلو واحد فين تقلق حمزة بوحدو لي بقى مع الدراري والبنات لي معاهم خالد .......
# جاد _نسيبة _خولة:
نسيبة: جاد انا ماغاديش ندافع على علي واخا راه ولد خالتي الى كانو كيبغيو بعضهم عطيهم فرصة
جاد: صمت
خولة: جادووو بب علاش دابا انت معصب واش حيت خباو عليك ولا حيت ماباغيش علي يكون نسيبك هه
نسيبة: باينة ماباغيش علي حيت اختو كبيرة وتقدر تقرر
خولة: باينة 😉
جاد: 😌😌😌 انا كنت عارف شنو بيناتهم ....لبنات تصدمو
خولة: كيفاش عارف
جاد::: :::::: كايتفكر قبل يوماين يعني نهار خرج يتعشا مع شيماء رجع لدار معطل لدار لقى ختو ناعسة فالصالون وتيليفون ديالها كايجيو فيه الميساجات واحد مور الاخر جاه لفضول تيليفون ختو لي قليل فين كايسمع صوتو بحكم عايشة مع عمها وفاش جات تكلس مع جاد ديما تيليفون كاتحطو صامت هزو وكانت دايرة لبصمة ديالها يعني حلو ودخل لقى الميساجات من نمرة علي كل ثانية ميساج تعصب بزااف ولاكن ملي قرى كلشي جاتو الضحكة حيت ابتهال اي كلمة قالها كاتجبد ليه جاد ومنصف يعني مستعملة معاه "لي بغاني يجي لدارنا" ههههههه وكلامهم كامل كان كولو علي كايحلم يتزوجو وهي كاتفيقو من احلامو بقولتها "الى مابغاكش جاد مانشوفكش قدامي" "خويا عندي اغلى من كلشي" تأكد ان تربيتو مامشاتش هباءا بالعكس ختو حاطاه مقام باباها ....
_هادشي كامل عاودو جاد لخولة ونسيبة لي مصدومين
جاد:(لنسيبة) انا ملي درت ديك رد لفعل غير باش نخلعهم ماشي ماباغيش علي حيت هو بصح عزيز علي
نسيبة: اودي انا خلعتيني لي مادايرة والو عاد هما
خولة: 😄😄😄 شنو غادي تدير معاهم دابا
جاد: خليهم يجيو يطلبو مني الرضى عاد نشوف 😂
# علي _وابتهال _ومنصف:
علي: والله مانتفرق عليك واش مرضتي
ابتهال: قلتها ليك النهار الاول اعلي هادشي ماغاديش يخرج على خير وخويا مقلق 😭😭😭
علي: واابربي الى خليتك واش حمقة انا كنبغيك وكتبغيني مالنا كانسرقو من غدا يالله عند لعدول
منصف:😂😂😂😂 انا ندير دور لعدول
علي: 😅😅 والله حتى قلت ليها نهضر مع داك لمفرعن ديال خوك قالت ليا حتى نتعارفو مزيان ودابا قالت لك سالينا
ابتهال: 😭😭😭 صالحوني مع خويا عافكووم راه هو بابا التاني مانقدرش نخليه مقلق
علي:(عنقها) اودي هو انا نتقلق وداك المفرعن يرضى باش الاميرة تسكت صافي انا نرضيه غير سكتي (كايمسح ليها دموع)
ابتهال:(كاتبوحط عليه) هئ هئ ماتقولش عليه مفرعن راه نسيبك الى سمعك مايقبلش بيك
منصف:😂😂😂😂😂😂😂 وااع هادي لي كانت كاتهضر على الفراق ولا كذبت
علي : 😅😅😅😅 هي هي صافي انا هو المفرعن
منصف: واهي الى تزوجتو راه حمزة هو سبابكم ههههه المهم جاد الى قسح راسو انا نهضر معاه
علي: شكرااا االخاوة
جاد: سمعوني كاملين انا ماموافقش على هاد العلاقة
علي: نعام كيفاش ؟؟؟
جاد: كيف سمعتي س(قاطعاتو اختو)
ابتهال : صافي اخويا اضلا دادي صونا لي نرجع لطنجة حيت ميمة جايا وخاصها تلقاني فالدار
علي : من نيتكم راه لحماق هذا (لابتهال)هو اكي مقلق مني وانت هذا هو الحب فبلادكم
حمزة: من الاخر شنو خاصك باش توافق
منصف(فنفسو: عصفرين بحجر واحد) : خولة غادي طلعي لطنجة حيت الميمة ملي كاتجي كاتبغي تلقانا كاملين
خولة:(فاهمة لبلان) ياااااس طنجة تنادي
حمزة: اقرب مقبرة هي لي كاتناديكم
جاد:انا حسمت قراري صافي
منصف: وانا كانظن بلي اختي مزاال خاصها بزااف عاد تفكر فشي علاقة ولا لا اخولة
خولة:(نرد الصرف ديال نوسا خطيبتي) احم احم كلامك هو لكبير احبيبو بصح خاصني حتى نتخرج
حمزة: وانا شنو دابا شنو بنت ليك (عينيه دمعواا) ولاكن بصح انا لي حمار ومكلخ لي داير فيها روميو وكالس كانعبر ليك
خولة: حمزة سمعني
حمزة:(قاطع كلامها) صافي سالينا ابنت الناس ديريني ماعمري هضرت
شيماء: انا سكت وصبرت ليكم بزاف ولاكن عيقتو والله صافي جبتونا لهاد الرحلة باش نبدلو الجو ولا نزيدو مرض على مرض
حمزة: 😡😡😡 صافي انا وعلي وانت الى بغيتي نرجعو
علي: اه حتى انا غادي صافي مابقى مانديرو هنا
منصف: حنا غادي نكملو الرحلة وعاد نرجعو حيت لبنات خاصهم يسافرو
مشا حمزة غادي ينفاجر بالاعصاب ومعاه علي لي بقى ليه غير يبكي ومعاهم شيماء لي مزال مافهمات شنو وقع
اما خولة وجاد ونسيبة ومنصف لي بقات معاهم ابتهال وحالتها حالة
جاد: 😂😂😂😂 اوف رتاحيت دابا
منصف: اااه ياخويا على راحة 😁😁😁
ابتهال:(استفزوها) خويا حياتي كاملة كانحتارمك ومقامك عندي من مقام بابا الله يرحمو بصح دابا تفارقت مع علي على قبلك ولاكن جرحو غادي يبقى فقلبي حتال آخر نهار فحياتي من غدا غادي نطلع لطنجة .....قالت كلامها ومشات ودموع فعينيها
جاد: (صدماتو هضرتها) جرحت اختي بضحكي لباسل 😥😥
نسيبة؛ انا ملي هضرتي معانا الصباح تافقت معاك باش نمتلو عليهم ولاكن مانبغيش بيتو تبكي ولا تأذى كاتبقى بنت كيفي كيفها 
#حمزة... .
حمزة: 😠😠😠 اش هاد الحالة وصلت ليها انا اش هادشي نوض جمع راسك نمشيو فحالنا
علي:(ببرود) ماغاديش غانكمل الرحلة مع الدراري الى بغى يدي ختو ويمشي مسوقيش فيهم انا باقي رحلتي مسالات.
شيماء: 😕😕 كاتقطعو فالقلب مالكم خولة كاتبغيك وابتهاال كاتبغيه والخوت باغين يديرو دور الاخوة وصافي يعني هادشي كامل خطط
حمزة:😤😤 شنو غادي نديرو
علي:😂😂😂 نضربوهم بسلاحهم
حمزة: غادي نسافر من مور الرحلة غانمشي عند سامية ورضى لتطوان
#الكاتبة: كل  واحد و شنو كايخطط جاد ونسيبة ومنصف وخولة تافقو يضحكو مع علي ولاكن منصف وخولة بغاو يجبدو حتى حمزة ...وابتهال لي اول مرة تجرب الحب كاتحس بخوها فرقها على حبيبها بلا رحمة هي عارفة خوها كيفاش داير وكايعتابرها بنتو كثر ماهي اختو ولاكن كاتقنع راسها بلي ماكايبغيش علي داكشي علاش رافضو ...اما حمزة لي حس براسو غلط فاش اعتارف لخولة بحبو هو خاف يضيعها ولاكن هي غير هضر خوها تخلات على كلشي ...اما علي لي اول مرة يكون جدي مع شي وحدة نهار بغاها ونوى المعقول شاف الويل من خوها ....مشاو نعسو......
صباح جديد  .......فاقو علي غير العادة كلشي مقلق وحتى واحد ماباغي يهضر مع لاخر خولة حاولات مع حمزة حتى عيات والو دايرها ماكايناش قررو يهبطو لبحر يعومو .....حمزة وعلي وخالد (صاحبهم لي قتارح فكرة الرحلة) هبطو ومعاهم صاحبة خالد وجوج صحاباتها هبطو كايضحكو وناشطين .....خولة لي ملي شافتو دغيا نساجم مع لبنت وكايعوم هو وياها ندمات علاش دارت هاكاك قدامو اما ابتهال عطاتها غير لبكا طيبات قلب نسيبة وجاد.
نسيبة:(شاداها من يدها) بيتو بب علاش لبكا دابا
ابتهال: هئ هئ اول واحد غادي نبغيه هو علي وشوفي شنو وقع لي دابا دغيا لقا البديل 😭😭😭😭😭
نسيبة:😁😁😁 حمقة انت والله ديري راسك ماهازاش فخاطرك راه ماحدك كاتبكي عليه وهو كايتنفخ
ابتهال: بصح
نسيبة: ولد خالتي وعارفاه