عشقتك بلا حدود

بارت 24

داز اسبوع ورجعو من الرحلة كل واحد لتاحق بخدمتو _خولة رجعات تكمل قرايتها ومنصف بدا لخدمة فكلينيك فالرباط قريب ليهم وشيماء قررات تكمل قرايتها ولاكن بغات تبدى حتال العام الجاي و علي وحمزة رجعو لاصال و ابتهال سافرات وهي مقلقة من خوها وحتى من علي اما نسيبة فقريبة ترجع لامريكا لعند واليديها ........ شهر دازت على الرحلة وماكاين حتى جديد ولبنات مابغاوش يسمحو لدراري من غير شيماء وخولة لي سامحوهم  ولاكن العلاقات بقاااات سطحية واخا كل واحد فيهم شاد فقلبو حاجة كاتعذبو
#خولة: الو شيماء
شيماء: وي خولتي صافا
خولة: ياااس بيبي وانتي
شيماء: اووووه مزيان انا الحمد لله
خولة: نتلاقاو اليوم
شيماء: اكي فبلاصتنا ..........قطعات خولة مع شيماء ودارت عند خوها
خولة؛ منصف شيماء صاحبتي واختي وانت خويااا الى كنتي كتبغيها بصح من الاحسن تدير شي خطوة لي غادي تخليها قريبة ليك لعمر كامل
منصف: ههههههه كنبغيها ولاكن هي ماكاتبغينيش
خولة: هههعه وشكون قالها ليك
منصف: باينة المهم نوضي نمشيو ......
خوجو مشاو باش يشوفو شيماء
# حمزة.....كنت فلاصال شهر دابا وخولة ولات كاتعاملني عادي كأني ماكانعني لها والو لدرجة واخا تشوفني مع وحدة اخرى مايهمهاش واليوم قررت نحط النقط على الحروف معاها ومع خوها انا كنبغيها والى ماكانتش كاتبغيني صافي نتفارقو وكل واحد فينا يكمل حياتو ومن حسن حظي عيطات لشيماء يتلاقاو وانا كنت معاها وقررت نمشي حتى انا وموجد ليها مفاجأة اكيد غادي تعجبها وغادي تكون هادي هي الوجه الحقيقي لعلاقتنا ياإما نكملو ولا نتفارقو ههه......
# شيماء: كولشي كايفكر فعلاقتو وكيفااش يصلحها ولاكن انا حاجة وحدة محيراني هي كيفاش نقدر نطيح هاداك المعفر ديال منصف هههههه كايعجبني ولاكن مزااال ماوصلت لدرجة نبغيه وهادي هي المشكلة المهم عندي هو خولة وحمزة ينجمعو بجوج  فدار وحدة ونشوفهم فرحانين.



شيماء



خولة
،،،
كل واحد فيهم فاش كايفكر وحتى علي خدا خطوة كبيرة قبل منهم كاملين .....
# عند جاد فالمكتب :
علي: انت عارفني كنبغيها
جاد: الصراحة اه وانا كنت بغيت غير نضحك ولاكن اختي انفاعلات وكانت ردت فعلها هاكدا
علي : انا باغي نخطبها اكيد الى انت موافق
جاد: مرحبااا بيك ولاكن هي فطنجة دابا
علي : عادي جدا انا نقوليك شنو تدير باش تجي (بقى كايعاود ليه من وتعرفو اش غادي يدير) شنو بان ليك
جاد؛ ماعندي مانقول معاشر مع المافيات انا هههههه
علي: ههههه😂😂😂😂😂 وايييه
جاد: دور عليا نهضر ياك
علي: انا نقوليك قبل ماتسول كاتبكي وديما طالقة علينا خناينها فالدار و مقررة باش تمشي لامريكا كاتسنى غير خالتي ترجع من فاس باش تمشي معاها ...
جاد: ماعرفتش اش نقول ولاكن والله داكشي لي باغيه  لختي باغيه لنسيبة صراحة كاتعني لي بزااف من نهاار شفتها وعاد تعاملها مع ابتهال نهار قلت ليكم راني ماموافقش تعلقت بنسيبة المصيبة ولاكن كحلتها معاها
علي: ههعهععع لا ماتخافش نسيبة المصيبة كيف قلتي دغيا كاتسامح وكاتنسى وتقدر ب نونوس الى جبتيه ليها تنسى اصلا واش قلتي لها شي هضرة ولا شي حاجة شنو ناوي
جاد: خليوني انا الاخييير حتى يمشي كلشي ونبقى غير انا عاد نتقدم بشي خطوة ههه
علي: هههههعه ايوا الله يدير لي فيها الخير اخويا
# خولة لي وصلات هي وخوها لبلاصة هو فبالو شي حاجة ومقرر ليوم يدير شي حاجة كيف قالت ليه خولة بقاو كايتسناو حتى كايشوفو طوموبيل وقفات ولاكن هادي ماشي دشيماء دحمزة نزلو بجوج بيهم تسالمو وخولة كاتسول فشيماء بعينيها هاد الاخيرة لي بالها مع منصف كيفاش تدير ليه ....بقاو كايهضرو حتى نطق حمزة: خولة
خولة(شافت فيه وفخوها) :احم وي
حمزة: من الاخر غادي تزوجي بيا ولا نمشي فحالي
خولة: فين غادي تمشي
حمزة: نتزوج بالبنت لي لقاتها لي اختي وراجلها
خولة: تبدلني ونسخى عليك
حمزة: خولة راه جيت وقلتها ليك انت الاولى باش ماتقوليش بدلني ولا خلاني وهنا نعرف راسي اش كانعني ليك
خولة: (شافت فيه وفخوها بعينين مدمعين هو دكر الزواج وقال الى بغيتي يعني القرار عندها) الصمت
منصف:(شاف ختو وفهمها انها مابغات تقول والو حتى يهضر هو ولاكن قرر حتى هو يهدر مع شيماء) ايوا بينما فكرتي انت نشوف بلاني مع ديك خيتي
شيماء: انا شنو تاني
منصف: انا ماشي هو حمزة نقوليك يانتزوجو ولا نمشي نخطب وحدة اخرى انا غادي تزوجي بيا ولا والله مايديك واحد اخر
شيماء: (سكتات وهي كانت بغاتو يبغيها ودابا كايطلب منها الزواج بقات ساكتة ومصدومة ) الصمت
حمزة: مالكم تصدمتو (شاف فمنصف) مالهم
منصف: ههععه دابا يفوتهم الحال ....بقاو كايتسناوهم حتى فقدو الامل وهما مزاال ساكتين بقاو هاكك حتى نطقو فنفس الوقت وخلعو الدراري
خولة وشيماء: موافقة
منصف: ومالكم كاتقولها فنفس الوقت
حمزة: ههههههه المهم راه وافقو ...
بقاو كايضحكو فرحانين وكل واحد شاد فحبيبتو قرروا يديرو الخطبة دخولة هي الاولى وعاد شيماء ولاكن بينهم غير نهاار  ،،،،
# خولة : كانجمع حوايجي اليوم غادي نطلع عند ابتهال قلت لنسيبة تمشي معايا ولاكن قالت الى كان جاد غادي ماتمشيش مزال شادة فقلبها من جيهتو هو كان غادي ولاكن ماعرفتش واش معايا دابا ولا حتى يجي مع منصف "التيليفون كايصوني "
انا: الوووو
حمزة: صافي ساليتي غاتمشي
انا : هههههه وي كملت جيتي
حمزة: كاتضحكي تفوو عليك
انا: ياك هادي هي غانتوحشك احبيبتي هانا نازلة
حمزة: نزلي نزلي راه جات نسيبة ياك غاتمشي معاك
انا :(بفرح ) اه اه مزيااان ....نزلت وانا غانطير بالفرحة دابا غاتمشي معايا شيماء ونسيبة يااااااس ههه سلمت عليهم ومشينا لمحطة الترااان حيت قررنا نسافرو وندوزوو لحماق واول حاجة هي نمشيو بلا طوموبيلات يعني الترااان من الرباط لطنجة ....
انا : غنتوحشك من هنا حتى تجيو غادي نتوحشكم
حمزة: ههعه هي كون كلستي حتى نمشيو كلنا انت لي بغيتي تسافري بلا بيا (عنقني) حتى انا غنتوحشك بزااااف احبيبتي
انا : تهلا فراسك وماتبقاش غير الخدمة والدار خرج مع الدراري
حمزة: فهمت الميساج يعني من الدار للخدمة بلا مانبقى ندور ياك؟؟؟؟
انا : ههههههه يالله راه وصلات الوقيتة ....سلمت عليه ومشيت عند لبنات لقيت منصف معنق شيماء لي غادي يخرج ليها لعقل بغاتو يمشي معاها و فنفس الوقت بغات تمشي معايا هههه ونسيبة منخلة جاد غير كايبغي يهضر كاتقمعو خلاتو يندم علاش قال لها ديك الهضرة
جاد: نوسااااا
نسيبة: الرجال والشرف والحياء ماكايهضروش مع العاهرات
جاد: نوسا راه كانت هضرة ولحضة غضب (شد ليها يدها) والله ماكنت قاصد
نسيبة : (نترات ليه يدو) قد ماتقصدش والله ماهامني المهم طريق لي نعمرها انا خويها انت غير هاد المدة باش تدوز خطبة لبنات والدراري ونمشي لامريكا نكمل حياتي فالبلاصة لي بديتها فيها .......خلاتو مصدوم فيها ومشات تبعتها انا وشيماء ساكتين حيت عارفينها الى هضرات غادي تبكي

خولة



نسيبة



شيماء



#الدراري :
حمزة: ماعرفت مانقول ولاكن حاجة وحدة نسيبة ماشي من عادتها تشد فقلبها من جهة شي حد وهادشي كايبين بلي هضرتك جرحاتها
منصف : حتى انا تعصبت ولاكن ضربتها بواااحد الصقلة حتى داخت هههه
جاد: دابا غير قولو ليا اش ندير معاها صافي انا استسلمت وقت ما بغيت نهضر معاها كاتصدني اووووووف
حمزة : يالله دابا نلقاو حل غير يالله ....خرجو الدراري وجاد همو قد الجبل فوق كتافو باغيها تصالح معاه وهي رافضة رفض تام انها تشوف حتى وجهو بالنسبة ليها دابا هو مايستاهلش انها بغاتو حيت وقفها بالعاهرة وهي حتى تصاحيب ماكاتصاحبش بصح فيها العياقة والبروطوكول فكلشي ولاكن قدامهم كاتكون على طبيعتها كأنها اعتابراتهم قراب ليها من عائلتها ...مشاو الدراري لكافي لاكوت كلسو كايهضرو حتى لحق عليهم علي لي بقاليه غير شويا و يحماق توحشها بزااف باغي غير يشوفها ملي رجعو من الرحلة هزات حوايجها وطلعات لطنجة عند عمها وجداتها وخلاتو بحال الحمق بقاو كايهضرو وعاود ليهم علي وجاد الخطة لي هضرو عليها باش ترجع ابتهال للرباط
# البنات : كالسين بتلاتة فبلاصة وحدة طالقة شيماء موسيقى وكاتصنت وكايغنيو معاها
البنات : مهم جدا وجودك بتفاصيلي مهم جدا بأغانيي ومواويلي وغيرك ياحبيبي مو مهم عادي
نسيبة : تقز الروح ليك لما تيناديني
خولة: توصيني عليك وقلبي متوصي
شيماء: ياواخد كلي مني سيبلي نصي ترا ترا تراا
خولة : ههههه 😂😂😂 سكتونا الناس غادي يجريو علينا
شيماء : شحال باقي باش نوصلو
خولة : واحد ساعتين ونص ولا تلاتة
نسيبة : نسولكم
خولة : اييييه ابب سولي
نسيبة : جاد دابا فين غادي يكون
شيماء مع الدراري باينة
خولة : اااه غادي يكونو مجموعين علاش
نسيبة : عنداكم يكون مع شي وحدة
خولة : لا لا هو ماعندوش مع داكشي والى بغا غادي يجي يخطبها ديريكت
نسيبة : امممم اكي ....بقاو كايهضرو على الدراري وكل وحدة تعطي رأيها فلي عاشت معاه وكبرات معاه.