عشقتك بلا حدود

البارت 17

عند حمزة لي مشا لدارهم دوش وبغا يهضر مع اختو وراجلها لي توحشهم بزااف عندهم بنت صغيرة سميتها ريتاج كاتحماق على خالها وحتى هو كيموت عليها...
حمزة:( غير جاوبو رضى راجل اختو بلا سلام بلا والو) رضى فين هيا اختي
رضى: بسم الله عليك ماكايناش فبلادكم كيف داير اصاحبي توحشتك اعشيري مع الدخلة فين اختي
حمزة: ماعلماتكش عمتي تهضر بشويا
رضى: حتى يكون علمك خالي الصواب ، ماعلمونيش الهضرة بشويا ولاكن علموني نقطع لمك على وجهك
حمزة: ديرها الى بغيتي نكردك من شي قنت ؛ توحشتكم ماغاديش تجيو
رضى: حتى حنا توحشناك بزااف وريتاج غير كتدور وتبكي بغيت هزة (حمزة حيت ريتاج مزال ماكتهضر مزيان)
حمزة: 😀😀😀 حتى انا توحشت ريتو بزااف المهم لباس عليكم
رضى: الحمد لله وانت وخالي وخالتي
حمزة : كلشي مزيان ....بقى كايهضر معاه وهضر مع ختو و وعدوه يطيو فأقرب وقت من بعد صونا لنسيبة...
حمزة: الو نسيبة صافا
نسيبة : من الاخير شنو كاين
حمزة: سيري الله يعطيك الحكة نخرجو
نسيبة: 10 دقايق نلقاك قدام الباب مانبقاش نتسناك
حمزة: خدام عند جدك شيفور كاتنفخي من الفوق
نسيبة: ايوا انت لي باغي تخرج ماشي انا
حمزة : اكي 10 دقايق انا عندك وعقلي عليها
مشا هز الطوموببل وخرج ...نسيبة صديقة ديال حمزة هو لي عارفها كيفاش دايرة كلشي كاتبان ليه متكبرة وعاجبها راسها ولاكن هو عارفها ضريفة وضحوكية  كلشي كاتقولو ليه وهو كذالك بحالها بحال شيماء عايشا فأمريكا كاتقرى تما واخا العياقة وكلشي ولاكن ماعندهاش مع العلاقاات والتصاحيب ...وصل عندها لقاها كاتسناه هزها وزادو ...
# شيماء : تفوووو الملل قتلني خولة مقلقة ماباغاش تهضر وجاد عندو خدمة مشا ليها وهاد الممل لي حدايا نافخ ريشو وساكت نتحايل عليه نهضرو ..
نخليوها تحاول معاه ونعرفكم على منصف ..هو خو خولة لكبير فعمرو 27 سنة طبيب جراح اختصاص القلب والشرايين ضحوكي وضريف بزااف خولة وواليديه وجاد وابتهال هما حياتو ...
منصف: غير بعدي من ساحتي انا ماشي هو جاد
شيماء : اوييلي على ولد الملعوقة 😨😨😨 واش مريض ولا مالك
منصف : هديك عينين القطة البلدية  باينة فيك الشيطان يخاف منك
شيماء:(بعيون بريئة) انا كنت باغيا غير تخرج شويا
منصف: سيري عيطي لخولة ويالله نخرجو
شيماء :شفتي دابا انت التبوكيصة والزين والتوت والاخلاق والاداب وضرافة( هز راسو بعجرفة وتكبر) ولاكن ماعنديش مع بحالك 😂😂😂😂
منصف: (صدماتو) الله ينعل جدي انا لي شاد الهضرة مع برهوشة (ايييه ارويجلي برهوشة😂😂)
شيماء: غير ضحكت معاك باش تفش شويا 😁
طلعات شيماء تفيق خولة واخا مابغاتش ولاكن بفات تمثل عليها وتبوحط حتى قبلات تخرج اكيد بمساعدة دموع التماسيح خرجو وقتارح عليهم منصف يمشيو لشي كافي حدا البحر ....باركاو الطوموبيل وخولة شافت واحد الطوموبيل شكات تكون ديالو ولاكن نفضات راسها منو ومشات معاهم شيماء بانو ليها واحد الجوج كايتباوسو وجرات منصف يطل عليهم غير شافهم وجهو تزير بالضحك غمض لخولة عينيها وبدا كايضحك على حماق شيماء لي عندها كلشي عادي واي حاجة كاتقولها وهانيا ...خولة ضحكات ملي سمعات خوها وشيماء كايضحكو فهاد اللحضة كان شخص اخر كايشوف فمنضر خولة لي عينيها مغمضين ومنصف لي باين ضاحك من قلبو ..حيدات ليه يديه على عينيها ووجات نيشان فيدين نسيبة لي شادة فحمزة  وجها تزنك وحسات فغصة فقلبها ودموع تجمعو فوجهها .......
شيماء شافت خولة لونها تبدل دارت تشوف فين كاتشوف خولة بان ليها حمزة ومعاه نسيبة ...جراتهم لعندو
شيماء: هاي هاي على ميزو خارج بلا بيا (شافت فنسيبة) لالة نوسا فالمغرب لاحس ولا خبر نتف مك دابا
نسيبة: اععععع مزال كيفما انتي تفووو على بنادمة
حمزة: راسي دارني وقلبي طايب حق الرب المعبود ونوض حتى نخلطكم بجوج سكتوني (شاف فخولة) خولة صافا
خولة: الحمد لله
نسيبة: حمووووووز ماعرفتيناش (مدات يدها لخولة) انا نسيبة ص(قاطعها حمزة): نسيبة خطيبتي نوسا هادي خولة دكتورة ديال شيماء وصديقة ديالنا
خولة: متشرفين هذا خويا منصف
حمزة : (تصدم من كلمة خويا ) 😱😱😱😱😱😱😱
نسيبة: متشرفين احبيبة خوك زوين بحالك مشاء الله
منصف:ههههههه  😆😆😆😆 قوليها لشي ناس (كايقصد شيماء) ( مد يديه لحمزة ) وأخيرا تاحت ليا الفرصة نتلاقاكم خولة ولات نص كلامها عليكم
حمزة: انت خوها لي فأوكرانيا
منصف : احم هو انا
حمزة: متشرفين اخويا ههه
شيماء: سبحان الله جبتو ليا الكآبة
منصف : سبحان الله ملي حطيت رجلي فالمغرب وانا ندم فراسي علاش جيت
خولة:😅😅😅😅 علاش احبيبو
شيماء : حيت تلاقا بيا
منصف: فهمتي راسك على السلامة ....شيماء بغات تمشي ولاكن منصف وقفها : من نيتك غاديا اويلي غير ضحكت معاك
شيماء: صافي طلق مني
منصف : والله مانخليك تمشي اويلي تقلقتي
شيماء: من نيتك نتقلق منك اعععع على عايق 😂😂😂
حمزة دخل بيناتهم : الله يهديكم كلسو - انت الالة شيماء على هاد دودودودو ديالك ماعيطش ليك باش تخرجي معايا وجبت هادي ولاكن طلعتو سلعة وحدة
نسيبة: انا شنو درت ليك ياك انت لي قلتي ليا بغيت نخرج معاك
حمزة: هاد ني ني ني ني ونكير ديالك عليها سيفطتك لأمريكا ولاكن هانتي رجعتي
شيماء: هي سيفطتيها تقرى وانا مرضت وانت لقيتي لي بغيتي
نسيبة: شيمائوووو على سلامتك وكانعتاذر ماقدرتش نكون معاك والله يرحم ياسين
شيماء:(تزيرات ) الله يسلمك
خولة: الله يخليكم لبعضكم
نسيبة : امين
حمزة كايشوف فيها كيفاش وجهها حمر وساكتة قال مع راسو يمكن غارت
خولة: انا غادا نصوني لجادوووو.
منصف : انا لمك مامعمرش ليك العين
خولة: هههههه معمر كلشي غير بغيت نمشي عندو
نسيبة: شكون جاد ؟؟؟؟
شيماء: ولد خالت هاد الجوج
خولة: جادوووووو ( شيماء خدات التيليفون ودارت مكبر الصوت )
جاد: بب صافا
خولة: الحمد لله فينك
جاد : انا مع الموصيبة لي خلات ليا الوليدة الله يرحمها
خولة: تجيو عندنا
جاد: اممم انا كنت غادي لكافي لي كاتمشي ليها ابتهال
خولة: اه اه حنا فيها
جاد: اكي 5 دقايق هنا عندك...... قطعات معاه ةبقاو هضرة تجيب آخرى واغلبها شيماء ومنصف و تسيبة لي كايهضرو .........