عشقتك بلا حدود

البارت 29

دازت يوماين على وجود الدرا ري فطنجة دازت عليهم ديك اليوماين غير مضاربة مع لبنات لي مناتفين مع سمر والهام شيماء ونسيبة ماكايحشموش  ماشي بحال خولة لي الى كترات معاهم تعايرهم بجوج كلمات اخر نهار ليهم تما متفوهم وحتى واحد ماهضر حتى الدراري سطتو حيت كلشي عارف انهم هما لي كايجبدوهم .....رجعو لرباط ومعاهم الحاجة غيثة ونجمة عبد الرحمان كلهم بقاو فدار خولة فانتظار نهار السبت لي يمشيو يخطبو للحفيد الغالي ويشوفو ياقوت بنتهم لي 20 عام ماشافوهاش ةماعارفينش واش حتى هي غادي تفرح بشوفتهم ولا غادي ترفض اصلا تقابلهم ...منصف وشيماء ..حمزة وخولة .. نسيبة وجاد ..كلهم على اتصال مع بعضهم وكل واحد كايتسنى النهار لي يمشي يخطب فيه البنت لي كايبغي .... اما ابتهال مزال ماتصالحات مع علي واخا ماخلا مادار معاها والو حلفات هي الى كلماتو ولا صالحاتو ..
# فدار خولة كلهم مجموعين فرحانين بالعريس لي خطيتو نهار السبت بقى لها 3 ايام وفرحانين بالعروسة لي خطبتها بقى لها 4 ايام يعني نهار بعد خطبة منصف وشيماء (اسي حمزة مزروب 😂😂😂 ) ..كل نهار كايقرب النهار لكبير واليوم الجمعة خولة خارجة مع شيماء ولبنات باش ياخدو مايلبسو ..
#فدار شيماء واقفة قدام لمراية كاتقاد فولارها حيت من مور مارجعو من طنجة دارت الحجاب ولاكن هادشي مزال منصف مافراسوش حتى حاجة كاتسنى خولة وابتهال و نسيبة حتى سمعات صوت الطوموبيل طلات من لبالكون بانت ليها خولة يالاه  وقفات نزلات عندها سمعاتها كاتحيح قدام الباب ..
خولة : واا شيماء سربي خلاص
شيماء: (خارجة وهازة طرف جلابتها لابسة جلابة صفرة وفولار خضر كاتبان فيها البراءة وزينها عاد بان مزيان وحتى المكياج مادايراهش) هنا مالكي االزمرة
خولة : 😨😨😨 الحجاب الحجاب ولا غير كانتخايل
شيماء : هههعه الحجاب درتو علاش جيت خايبة
خولة : لا جيتي فنة غزالة تبارك الله اجي واش درتيه عن قناعة
شيماء: (كاتفكر هضرتها مع منصف )
فلاش باك :
منصف : انا دابا ماقلت والو اشيماء
شيماء : لا راك قلتي قلتي كاتبغي لي دايرة الحجاب
منصف : الحجاب سترة ليك وليا ولي كايبغي حاجتو كايحضيها من عينين الناس
شيماء: يعني باغيني ندير الحجاب
منصف : والله ماكرهت وغادي نفرح بزاف ولاكن ماباغيكش تديريه على قبلي بغيتك تديريه على قبلك انت
شيماء: انشاء الله يكون غير احبيبي ...
##باك :
شيماء : درتو حيت بغيت
خولة : جاك غزال احبيبتي هي منصف شافك بيه
شيماء : لا لا عنداك تقولي ليه شي حاجة راني بغيت نخليها مفاجأة حتى لنهار لخطبة ويشوفني ..
خولة : امم مزيان احبي (سمعات لبنات حطهم جاد ) هاهما جاو يالله ...خرجو تلقاو ليهم مشاو فطوموبيل دشيماء وكلهم شادين فيها على الحجاب ولاكن مامسوقاش ليهم المهم هو حبيبها غادي تفرحو ..
خداو لي خاصهم ورجعو شيماء غيؤ وصلات تعشات مع واليديها وطلعات تهضر مع لبنات شويا ونعسات ...
صباح جديد احسن الايام فحياة شيماء ومنصف ليوم غادي يجي يخطبها فاقت بكري ونزلات لقات واليديها كايفطرو مجموعين ...
الياقوت : صباح النور لالة لعروسة
اسماعيل : كبرتي وغاتزوجي
شيماء ؛هأ وراه ضروري واحد النهار نتزوج ضروري هههه ولاكن ماغاديش ننساكم وخالتي اسينات ضريفة
الياقوت : متأكدة قادرة تعيشي مع الحماة
شيماء : اه اماما متأكدة
الياقوت : والقراية
شيماء : خلاني نقرى وغادي غير يفوت لعرس غادي نبدى فالكلية
اسماعيل : الله يرضي عليه ويكمل ليه بعقلو باينة ولد الناس
شيماء :😄 😄 😄 😄 بزاف ابابي
الياقوت : الله يعطينا وجهك ماكاتحشميش ابنتي
شيماء : اويلي وعلاش مالي اش قلت
اسماعيل : ايوا قدام عائيلتو خاصك تحشمي
الياقوت : وتبتي وترزني وتقلي
اسماعيل : خاص تباني عروسة دبصح صافي تفاهمنا
شيماء : احم تفاهمنا ابابا صافي ماتخافوش المهم نسيبة وابتهاا جايين لعندي
الياقوت : الحمد لله يجيو يعاونوك حيت انا يالله نتكافى مع هنا والتحضيرات
شيماء سمعاات الباب كايصوني : هاهما جاو يالله نخليكم ...مشات تحل لباب ..
وياقوت شافت فراجلها : نمشي نشوف شنو نقضي
اسماعيل : ايوا رخفي على راسك ماتعذبيش بزاف كلشي غادي يدوز هو هذاك
ياقوت : انشاء الله ..مشات سلمات على لبنات ومشات لكوزينة تكمل شنو ناقص كأي ام فرحانة غادي تزوج بنتها الوحيدة ولاكن قلبها حاس انه غادي توقع شي حاجة قالتها لراجلها قالها راكي غيى ماسخبتيش ببنتك وصافي حتى هي ماحكراتش بزاف وماخلاتش هادشي يآثر على فرحتها
# عند لبنات لفوق :
ابتهال : الخرية تبتي
شيماء : 😢😢😢😢 بغيت نشوفو كيف جا
نسيبة : بيبي شيمائتي راه بقات ليهم ساعة ولا قل ويوصلو وشوفيه 
شيماء ؛ اوف اكي اكي قولو ليا كيف جيت ..وقفات ودارت عند المراية لابسة قفطان بيض مرصع بالاحجار الكريمة و دايرة حجاب بيض مقاد بطريقة زوينة بزاف والمكياج دايراه شويا لدرجة انه ماكايبانش..
ابتهال : 😳😳😳 غزالة احبيبتي الله يحفظك من العين (عنقاتها )
نسيبة : اوووه طوب طوب واعرة واعرة
شيماء :( حتى هي معنقاها ) ربي يخليكم ليا والله شكرا على كلشي
ابتهال : ماتبقايش تقولي هاكذا انتي راك ختنا وصاحبتنا
تعانقو بثلاتة شيماء تأثرات حيت تفكرات خيانة ميار ليها ولاكن حاسة بالوفاء والصدق ديال صحابها دابا .....
$عند ياقوت لتحت سالات كولشي وطلعات لبيتها لبسات عليها حوايجها كانت لابسة كاندورة زرقة غزالة وشعرها طالقاه وماكياجها خفيف كيف العادة نازلة فالدروج من بعد ماسمعاات الباب كايدق هرفات ان الخدامة مشات تحل لحق عليها راجلها السي اسماعيل باش ينزلو بجوج حتى هو كان لابس قميجة زرقة وسروال كحل كايبان هو وياها مواتييين بزاف كاتسظع الهضرة ديال الناس وقلبها كاتحس بيه كايضرب بزاف هزات راسها حتى كاتصدم بلي كاتشوف قدامها مها وخوها واختها لي بينها بينهم سنين طويلة واخا عمرها نساتهم ولاكن ماتوقعاتش تشوفهم دابا فعز صدمتها كانشوف مها جايا لجيهتها وعينيها عامرين دموع  ...
الحاجة غيتة : ياقوت بنتي
ياقوت : غير شرحولي اشنو كاتديرو هنا
الحاجة غيثة : ابنتي توحشتك اكبيدتي 😭😭😭
ياقوت :( دموعها نازلين ولاكتمسحهم ) احم كيفاش خلاكم السي الحاجة تجيو لهنا وباش عرفتو داري
عبد الرحمان : اختي ياقوت حنا جينا نشوفوك والوليد الله يرحمو ..
الياقوت :( تصدمات من موت باها ) شنو فكركم فيا اخويا العزيز ياك خرجت من داركم قدام عينبكم كاملين؟ ياك اماما لعزيزة ختاريتي ولادك واسمحتي فيا انا ؟ علاش دابا جيتو ؟...
اسماعيل :( شاد يدها ) سيادنا تفضلو دخلو مرحبا بيكم
الحاجة عينها غير على بنتها كاتشوفها كيف عايشة ملكة وباينة راجلها مهلي فيها ماشي كيف كان راجلها هي كايقول ؛ بنتي ياقوت حنا غالطين و جينا لعندك حيت توحشناك
ياقوت : علاش غادي نسمح عللااااش على سنين عشتهم بلا عائلة؟ و لا على اهانة تهانيت قدام؟؟ كولشي؟ ولا علاااش علاااش ؟ خويا حبيبي لي خاصو يوقف معايا سكت واخواتاتي نساو ختهم الصغيرة و ماما كبرات ولادها ونسات بنتها عاد اليوم تفكرتو ياقوت ولا شنو ؟
اسيناات : اختي حنا مانسيناكش ولاكن ملي سمعناك مشيتي ا المريكا مع راجلك صافي مابقيناش قلبنا عليك
ياقوت : ( ياللع ردات لبال لخولة ) انتي اش كاتديري هنا
خولة : خالتي ياقوت انا جيت معاهم حيت هادي جدة وهادي ماما وهذا بابا وهذا خويا منصف
ياقوت خىجات ماستحملاتش هادشي كيفاش ولد اختها لي نهار جا مع جداه لكلينيك فاش كانت والدة قالهم زوجوها ليا وهو صغير اليوم جاي يخطبها وهو كبير بقات واقفة حتى كاتحس براجلها واقف حداها : مالكي
ياقوت : بان ليك هادشي عادي ؟؟
اسماعيل : احم دخلي تصالحي معاهم وفرحي مع بنتك مالكي شكون فحالك غادي تزوجيها لولد اختك
ياقوت : انا مافهمت والو اصلا مابغيتش نتصالح معاهم
اسماعيل : كاتهضري بصح والله اياقوت وماتصالحي معاهم حتى نغضب عليك هاديك راها مك واش بغيتي حتى تموت ولا انت تموتي ونتوما غضبانين من بعضياتكم
ياقوت : تغضب كاع اييييه وليتي تغضب
اسماعيل : صافي هادشي لي شديتي من هضرتي
ياقوت : لا شديت كولشي هههههه
اسماعيل ( عنقها عندو وكايضحك شيماء كاتشبه ليها فكولشي فضحكتها فهضرتها حتى فتشايطين ديالها  ياقوت هي لمرى لي بغاها ودار على قبلها كولشي ) : ايوا زيدي ندخلو
ياقوت : ايييييه على كبرك وحتى شاب ليك الشعر وشرفتي عاد غادي تبدى ام الغيت تدير معاك فعايل النسيبات 😂😂😂😂😂
اسماعيل : هانيت هانيا نجربو مافيها باس هههه ...دخلو هي وياه حابسة الضحكة بزز وهو كذالك ...
😍😍😍😍😍😍😍😍