عشقتك بلا حدود

البارت14

#حمزة : خرجت من عندهم وانا كانغلي بالاعصاب ماعرفتش علاش سمعتها كاتهضر وتعصبت زعماا نكون بغيتها اصلا اي حاجة فيها كاتخليك مسلوب بيها الحاجة لي بغيتها انا خاص كلشي يشوفها .....وصلت حدى لبحر بغيت غير نرتاح نبعد مابغيتش نهضر مع حتى واحد فيهم بقيت ساهي كانفكر من اول مرة تلاقينا حتال اليوم كيفاش تخاصمنا وتصالحنا وولينا اصدقاء بقيت كانفكر ماعرفتش يمكن ساعة ولا ساعتين .....حتى لمحت عيني بنت كانت عاطياني بالضهر كاتشبه لخولة لابسة نفس اللبسة ديال خولة قربت وياريت ماقربتش تصدمت من لي سمعت ديك الساعة رجعت لطوموبيل مشيت هربت كرهت راسي وكلشي ؛مشي للاصال غير باش نبرد على راسي قلبي مزير غادي يطرطق وراسي دارني كانحس بالعافية شاعلة فقلبي شكون يطفيها بقيت فقسم حمل الاثقال حتى لنص ليل تهديت وعييت بزاف نفس ديالي مابغاش ينتاضم حيت بقيت غير كانعمر ونهز حتى حسيت بعلي حيد ليا داكشي من يدي كلست فالارض بالعيا لي فيا وزيد قلبي لي هز كثر من جسمي عطاني قرعة الما كبيتها على راسي مع الما بارد وراسي طايب وليت كانغلي ......
#خولة:
من بعد ماخرج حمزة بقيت كانفكر جسمي معاهم وعقلي معاه اصلا هاد الايام الاخيرة وليت على سبة العقل معاه والقلب معاه هههه شفت راسي مابقيتش قادرة نصبر خليتهم وخرجت لاكثر بلاصة كانتنفس فيها لبحر بقيت كالسة حسيت بنفسي داقت بكيت ولاكن ماتنفستش كنت محتاجة نخوي قلبي ..."ااه ياسيدي ربي انا كنبغيه كتر من راسي كنموت عليه مانتصورش حياتي بلا بيه علاش هاد البعد كولو اول واحد نبغيه يكون بعيد عليا لهاد الدرجة هئ هئ هئ 😭😭😭😭 فينك امنصف فينك ( هادشي لسمع حمزو ومشا قبل ماتكمل هضرتها )  ..(كالسة على الرملة) فينك اخويا فينك " من بعد مافشيت قلبي بالبكا مشيت دخلت لغرفة الرسم بقيت كانرسم حتى ساليت لقيت راسي راسمة حمزة هههههه وااو انا محققة فيه الشوفة حتال هاد الدرجة شوفتو ضحكتو لحيتوو عيني ماكانوش رادين البال ولاكن قلبي مستحيل يغفل على هاد التفاصيل اففف الى بقيت هنا غادي نحماق مشيت لبيت خويا نوجدو ليه حيت الحاجة والحاج خارجين باش يبقى كلشي سري هههه ساليت طلعت لبيتي نعست شويا حتى كاتفيقني الحاجة قالت لي نوض ندير الكوتي ماكان فيا لي ياكل طلبت منها نخرجو نتقداو شي حوايج وطلبت منها توجد شي شهيوات عزازين على منصف بحجة انا لي تشهيتهم ...
ماما: واخا الالة نوجدهم ليك
انا: يخليك ليا اماماتي 😘😘
خرجنا درنا مزيان وانا لي خديتها كاتقولي هادي كتعجب منصف هادي كايبغيها خوك
انا : ايواا خليني نتمتع حتى يجي البغل لاخر ياكلي كلشي
ماما: حشوومة عليك ماتعايريش ولدي توحشتو القرد لاخر ...
انا: ايييه انت شنو درتي دابا زعما
ماما: بقاي حاضياني 👀👀 نعايرو ومانبغي لي يعايرو 😏😏
انا: ههععع 😂😂 ضحكتيني
ماما: الله يخليك ديما ضاحكة ا البقرة الضاحكة 😂😂😂
انا: ماما من نيتك رجعتي تقوليها خليه غير هو لي مابغاتش تحيد ليه من فمو هادي نقرة وهادي سنفورة هههه
ماما: ويتك ويتك تقلقات زيدي قدامي كون راه الحاج نتف شيباتو
انا: شكون دار ليه الشيبات من غيرك
ماما: ولينا كلمة بختها ياك ابنيتي والله يامك وماتزيدي قدامي حتى نوريك تراضي معايا فالهضرة
انا: امالك تسيفتي هانا ساكتة غير ضحكت احبيبتي
(ماما كتخلى على البريستيج والبروطوكول وكاترجع هيتلر حقيقي الى تعصبات ) صافي رجعنا لدار لقينا بابا كيف قالت كايتسنى هدناتو حيت ماكايحملش يدخل لدار ويبقى بوحدو لازم تبقى وحدة فينا معاه تعشينا و جمعت معاها الماعن وكلسنا نهضرو شويا ماما بغات تهضر مع خويا ولاكن بقيت كانبدل الموضوع حيت عرفت غادي يكون عندو الطيارة  ولا غادي يكون كايجمع حوايجوو ؛ طلعت لبيتي هضرت مع جاد وشيماء ابيل فيديو عاودو لي على الخرجة ديالهم وكيفاش داز نهارهم قطعت معاهم ونعست ولاكن قبل ضروري نفكر فأبو شنبات نعست على ذكرياتي معاه ....
# شيماء: ملي خرج حمزة ومن موراه خولة عرفات هاد الجوج بيهم شي حاجة تمنات ليهم الخير من قلبها ولاكن ضروري تدير يدها اي حاجة هههه ( سبحان الله الفضول) ولاكن ماتقدرش تدير هادشي بوحدها بغات تطلب المساعدة ديال الهبيل لي حداها ....
شيماء: بس بس هيييهو
جاد: سوري ماكانتصاحبش
شيماء: واااتا نوض وانت تنشرتي ليا هنا راه غير تنسات لي سميتك وماعرفتش كيفاش كايعيطو لكلاب ( كلاشاتك ابا جاد)
جاد: الى نضت نوريك شكون لكلب واصلا كاين شي واحد كاينسا كيفاش كايعيطو ليه 😂😂😂 1-1
انا: ها ها ها لا من نيتك زعما رديتي صرف المهم ما شميتيش ريحت الحب هنا
جاد: شميتها ولاكن متبغيتش نعمر راسي بهادشي عارفك كاتبغيني ولاكن سمحي ليا ماعندي جهد ليك حبك يكفينا بجوج
انا: ياه على حامض واش خالتي الله يرحمها كانت كاتوحم على الحامض وانت تشوفك الغنم ماترعى ماتشوف فيك لا موحمة ولا شادة فحبل نشوفك هنا نتفيا من الجهة لخرى !! احتراما لمشاعرك ماكانبغيش نهضر ولاكن بحالك خاصك ترجع بوهم للواقع المر !!!!
جاد: اي اي اي هادشي كامل هازاه من جيهتي كنت كايحساب ليا قلبك عامر بالحب من جيهتي ولاكن عامر غير بالكره اييييه مشيت غالط تعماو العينين
انا: محن امسكين ايييه انت هو الخليفة ديال الشاب حسني فالمشاعر حتى جملة مفيدة ماقلتيها
جاد: صافي سكتي ندمتيني شنو كنتي باغية
انا: انت بداك العقل لمخري ديالك كاتخلي شي حد مفكر شي حاجة كنت كانقوليك الحب لي بين خولة وحمزة مالاحضتيهش
جاد: على قالو ليك شزافة انا اصلا خولة ماعندهاش مع داكشي وحمزة كاراكتيرو فشكل يعني ماكاين لا حب ولا بعابع غير عقلك الصغير كايجيب ليك هاكك
جاد: تفو علامن معولة والله حتى كاينة شي حاجة ومشاعر قوية غير حتى واحد مامبين وصافي شنو تفسيير وجه حمزة ملي كانت كاتهضر مع منصف ولا هي فاش خرج مقلق بقى بالها معاه حتى عيات وناضت خرجات ؛ خاصنا نجمعوهم وانت لي غادي تعاوني نقربهم لبعضهم ، شنو بان ليك
جاد: صراحة هادشي جاني فشكل ولاكن خايف على خولة حمزة ولد الناس وضريف ولاكن فاش كايتعصب كايحرت شتا وصيف وخولة طبعها حساس
انا: وااصافي بلا ماتدير ليا فيها الاخ الحنون راه كايبغيها يعني مستحيل يجرحها وصاافي عفااك
جاد: زيدي طلبيني يالله 😋😋😋
شيماء: نوض تكعد غير لي بغا يدير فيك راسو
جاد:(بجدية) انا غادي نتبعك فهادشي ولاكن خولة الى وقعات ليها شيحاجة ولا نزلات دمعة من عينيها مانعقلش عليكم
شيماء : 😂😂😂 ماتخافش والله على حسابي (ايييه وكون تعرف اختك وعلووووش اش بينهم مانعرف اش غادي تدير )
جاد: زيدي نخرجو النهار مشى غير فالهضرة
شيماء: اكي انا جايا
جاد: فين نمشيو
انا: 😀😀 حاجة باينة
جاد: ماتقوليش ليا شوبينغ يالله تهنيت من ابتهال
انا:  😂😂😂 لا ابب بارك نمشيو لباااارك
جاد:  😨😨 واش انا غادي مع وحدة بعقلها ولا مينور
انا: الطفولة فالقلب
جاد: قولي التبرهيش فالقلب 😂
انا : حاشاك سوك وسكت درتي لي الارارة تفوو على مزعج
جاد: هاهو ساكت نتبعوك ونشوفو تبرهيشك فين غادي يوصلنا
# الكاتبة : جاد وشيماء دوزو نهار مفروح وحمق بحالهم واخا شيماء قمعاتو ماشي مرة ماشي جوج ولاكن هو بقلبو لكبير كاياخد هضرتها بضحك حيت عارفها قلبها بيض واخا كاتبان برهوشة الا انها هازة فقلبها بزااف وصابرة ومغطية عليه بقناع الضحك والمزح
لي قرات تخلي فوووط ولا كومونتير ولي مابغاتش القصة ولا ماعجباتهاش تقولها لينا ونحبسوها راه كانتعذبو باش نكتبوها لا انا ولا خولة عندنا ضروفنا واخا هاكك كانحاولو ما امكن نحطو لي بارت دالقصة متابعين باش مانتعطلوش ولاكن كايبان لي انا غير نحبسوها