عشقتك بلا حدود

بارت 26

الحاجة : ايوا انت الالة خولة سمعت باغي شي واحد يخبطك ولا يخطبك قولي شكون
خولة ( وجها تزنك ) : احم اه سميتو حمزة عندو صال دالصبور عمرو 26 سنة
الحاجة : ايوا الله يكمل عليكم كاملين نفرح بيكم وبهاد الهبيلة ( قصدات ابتهال لي غير سمعاتها شنو قالت تفكرات علي )
ابتهال : ايوا دعي معايا يجيب لي ربي شي واحد بحال حمزة ومنصف وجاد ......
بقاو كايهضرو حتى دخل عبد الرحمان ومراتو سلمو عليهم وتعرفو عليهم بدورو عبد الرحمان ملي سمع كنية شيماء تصدم وناض طلب من الحاجة تمشي معاه دخل لمكتب ديالو وهو مصدوم
عبد الرحمان : فاش كاتفكري االحاجة
الحاجة : ماعرفت مانقول نتمناها تكون هي
عبد الرحمان ( ضحك ضحكة من قلب مجروح ): توحشتها بزاااف اميمتي
الحاجة : ههههه مشات صغيرة وتقدر ترجع مرى كبيرة غادي نخرج ونسولها على اسم الام ديالها والاب ديالها ....خرجات الحاجة غيثة وهي مقررة تعرف عائلة شيماء لي غادي تولي مرات الحفيد الغالي
# عند لبنات ...
شيماء كانت كاتهضر مع ماماها وباباها لي فمسافرين لفرانسا على قبل الخدمة ...
شيماء : وااااالياقوت وخاصكم ترجعو دغيا باش يجيو يخطبوني
الياقوت : ههههه والله ماكاتحشمي ابنت اسماعيل واخا الالة الغزالة نجيو فأقرب وقت
شيماء : يخليكم ليلي ( هزات عينها فالباب شاف الحاجة واقفة مصدومة اصلا سمعاتها فاش قالت لمها الياقوت ) ماماتي باي سلمي على بابا
الياقوت : باي احبيبة حتى هو سلم عليك
قطعات مع مها وضحكات للحاجة فوجها الاخيرة لي بدورها جات كلسات حداها ....
الحاجة : احم بنتي شيماء نقدر نسولك
شيماء : ااه مرحبا
الحاجة : شنو سميت ماماك وباباك
شيماء : هههه ماما سميتها الياقوت الصوفي وبابا اسماعيل الادريسي
الحاجة :( تأكدات من شوكوكها ) عائلة ماماك كاتعرفيهم
شيماء : (سكتاات ووجها عليه علامات حزن ) عائلة ماما كانو رافضين زواجها من بابا ملي شافوها مقررة تبارئو منها
الحاجة :(قلبها تهز وحسات بكبدتها تحركات خرجات وخلات شيماء مصدومة فيها )
فمكتب عبد الرحمان عاودات ليه الحاجة كل لي قالت لها شيماء ودموعها كاتطيح ...
الحاجة : حفيدتي هديك لي برا حفيدتي وماقادرة لا نعنقها ولا نقولها جداك
عبد الرحمان : الوليد الله يرحمو هو السباب اختار لكل وا حياتو والياقوت نهار رفضات خرجها وتبرى منها
الحاجة : هئ هئ بنت الغالية ولات عزبة فعمر الزواج وماعمرها شافتنا ولا عرفاتنا كبدتي وترحمت منها بسبابو الله ياخد فيه الحق
عبد الرحمان : الله يهديك اميمتي راه فقبرو شبع موت وياقوت لقيناها وغادي نتصالحو معاها وخاصك تفرحي راه حفيدتك رجعات وبنتك غاترجع
الحاجة : ههههه باقي تعقل نهار سمعناها ولدات ومشينا نشوفو البيبي دينا معانا منصف فاش عرفها بنت قالك زوجوني بيها ههه
عبد الرحمان : واييييه ههه ايوا هاهي جابها ليه القدر حتى لبين يديه وبغاها وخطبها بلا مانلاقيوهم هههه
بقاو كايهضرو كلامهم كامل كان على ياقوت وبنتها نزلو ملي عيطات ليهم خدامة يتعشاو عبد الحمان كايضحك مع لبنات وعينيه كايشوفو فشيماء لي كاتشبه لياقوت بزاااف حتى فاش كاتضحك كاتحط يدها على فمها
شيماء :ههههههههههههههه 😂😂😂 لا بزاااف اعمي عبد الرحمان انا بعدا استسلم تقاداو لي معاك
عبد الرحمان : قولي خالي حسن ايوا شنو نزيد ولا صافي
شيماء : لا لا صافي (سمعات تيليفونات ديالها وديال لبنات صوناو فدقة وحدة ) احم احم ( شافو فيها البنات )
الحاجة : غير سيرو جاوبو ههههه
خرجو لبنات كل وحدة فين مشات كاتجاوب
شيماء : اهلا اهلا بالناس لي تفاكرونا
منصف : اتوحشاتك الرباط وناسها
شيماء : حتى انا توحشتك
منصف ( صدماتو حيت كان متوقعها تبقى طنز ) : انا بزاااف كيف لقيتي لميمة وخالي وخالتي نجمة
شيماء : وااااو غزالين وضريفيين الصراحة خالتي اسينات و لا باباك ولا جداتك وخالك كلشي ضريف وكاين حتى واحد ولد خالتك سميتو صفوان خرج يتعشى برااا
منصف : كيفاش صفوان تما؟؟؟
شيماء : اه كاين علاش
منصف : لا لا والو ايوا مزياان لميمة حتى هي عجبتيها راه قالتها لي فاش هضرت معاه ......بقاو كايهضرو نخليوهم ونمشيو لعند خولة لي عايشة فعالم الاحلام
حمزة : توحشتك احبيبة
خولة : اوسي بب غاتجي مع منصف وجاد
حمزة ؛ جاي غير بلش نشوفك وصافي
خولة : ايوا مزيااان ملي غادي تجي ....نسيبة حتى عي هضرات مع جاد فاش تصرفات معاك هاكذاك فلاكار بقى فيها الحال حيت شافت فعينيه الصدق فكل مرة كايهضر معاها
جاد : نوسا مقلقة مني بزاف
نسيبة ؛ نوووو صافي ملي شفت خالتي غيثة مابقيتش مقلقة
جاد : IM SO SORRY MY LAdy
نسيبة :(قلبها فرفر من اعتذارو اصلا هو ديما كايعتاذر منها فكل مرة كتسنح ليه الفرصة كايطلب السماحة ) ههه عادي والله نهار نرجع لرباط غادي تديني للمرصة ناكل الحوت ياك
جاد ؛ ههههه اكي بب انا اصلا من هنا 3 ايام انا جاي لطنجة
نسيبة : سيريو كاتهضر بصح غادي تجي
جاد : ياااس اي كام تو طنجير هههههه
نسيبة ؛ كووود  ميستر جاد باااي
جاد : سخيتي بيا صافي
نسيبة  : عيانة و بغيت ننعس يالله كود نايت
جاد : كوود نايت اند سويت دريمز بب .....قطعات معاه وهي فرحانة اخيرااا تصالحت معاه دخلات لقاتهم كالسين بقاو كايهضرو ناضت مع لبنات قرروا ينعسو فبيت واحد دخلو كل وحدة لبسات عليها حوايج النعاس و نعسو بتلاتة فنفس الناموسية كايهضرو حتى نعسو ابتهال نعسات فبيتها حيت ماكايناش بلاثتها حداهم ...
صباح جديد غير كل الصباحات فاقت لالة شيماء هي الاولى قررات ترجع لعادتها لقديمة هزات كاس دالما خواتو على خولة و نسيبة لي ناعسين حتى ناضو قافزين من بلايصهم شدوها حتى هلكوها بالقريص والعصا ومشاو لبيت ابتهال باش يفيقوها لقاوها فالدوش حيت اصلا مافاقو حتى 12:30  خرجات صبحات عليهم ونزلو وهما كايضحكو حتى كايسمغو صوت الهضرة ديال لبنات عرفوهم خولة وابتهال انهم سمر و الهام ...
# خولة : نزلنا نفطرو حتى كايبانو لي بنات خالي سمر والهام كانكرهم بزاااف لا انا ولا ابتهال ولا الدراري سمر صغر من الهام ب 3 سنين فيهم العياقو وافعالهم ديال الشياطين الهام كانت خطيبت خويا هادي عامين مشى لاوكرانيا يقرى وخطبها وواعدها ملي يتخرج غادي يتزوجو حتى لواحد النهار عيطات لينا ماماها كاتقولنا راه بنتها مابقاتش باغيا خويا حاولنا نعرفو السبب ملي دازت الايام عرفناها تصاحبات مع شي سعودي وكانت طامعة يتزوج بيها ولالة سمر هاديك لصقة ولا علكة اب كلمة بغيتوها سميوها بيها ديما لاصقة فجاد ولاكن هو كايصدها حيت شايف عليها شي بلان 
مساء نور شنو احوالكم شكرا على دعمكم واخا قليل ولكن انا كافيني هادو 😻😻