الثلاثه يحبونها؟

٦_الفصل السادس

فاق آسر منفزعا على صوت والدته

آسر :ايه في ايه مين مات

كوثر :ادا مين الي عمل ف وشك كدا

آسر :دي،، دي نموسه قرصتني

كوثر :نموسه ايه دي تقول جموسه داست على وشك

آسر :ايوا هي كدا بالظبت عن اذنك بقا اكمل نوم

كوثر :تمام فين قوم هنا قولي مين الي شلفط وشك كدا، ايه كنت بتتخانق مع حد وانت نايم

آسر :دا دا دا

كوثر :دا ايه انطق

آسر :انا عارف مش هترتاحي الا اما تقرريني

قص آسر لأمه ما حدث،

كوثر :اها..... اممم

آسر :بتفكري ف ايه يا كوكو

كوثر انا بفكر، هكون بفكر ف إيه، يلا قوم عشان تفطر و تروح تشوف العياده اتشطبت ولا لسه،

آسر :طب نص ساعه بس انام كمان نص ساعه

كوثر :ماشي يا حبيبي نام
خرجت كوثر من الغرفه و اغلقت الباب خلفها و هي تفكر في شئ ما

....................................
استيقظت ميرال الساعه الواحده ظهرا، ادت صلاتها و أتت دينا و خرجوا سويا،
كانت ميرال تحكي لدينا ما حدث و ما فعلها جارها المضحك،

دينا :طب الحمد لله انو لحقك ف الوقت المناسب

ميرال :الحمد لله
بقولك ايه انا عايزه آيس كريم

دينا :و انا كمان

ميرال :طب يلا
ذهبو سويا لاحد محلات الايس كريم و طلبت ميرال الايس كريم المفضل لديها
قامت بدفع الحساب و جاءت تغادر آتي لسمعها صوت طفله صغير ممسكه بأخيها، وقفت ميرال تتأملهم، طفله بعينين كزرقه البحر وشعر كسلاسل الذهب يصل لخصرها، قد تكون ف التاسعه او العاشره من عمرها ممسكه بيدها أخيها الصغير ،

...... عمو عايزه واحد آيس كريم كراميل وواحد شيكولاته

...... مفضلش كراميل يا جميله اجبلك طعم تاني

......... لا انا عايزه كراميل مش بحب غير الكراميل

أقبلت ميرال على الطفله و وناولتها الايس كريم و قالت

ميرال :اتفضلي يا قمر الايس كريم الي بتحبيه

..... شكرا يا طنط عمو هيجبلي واحد

ميرال :بس عمو بيقول انو مفيش....

.... بس ااااا

ميرال :يلا بسرعه هيسيح و يبهدل الدنيا
أخذته الطفله منها و شكرتها، طلبت ميرال آيس كريم بالفانيليا و غادرت مع دينا التي ابتسمت لفعله صديقتها،
ذهب الطفلين للسياره الواقفه بإنتظارهم،

....... ها يا حبايبي جيبت ا الايس كريم الي بتحبوه

قامو بهز رأسهم بمعنى نعم، ناولته الطفله ما معها من نقود

.... ادا امال الايس كريم الي معاكي دا جبتيه منين

..... طنط الي ماشيه هناك دي ادتهاولي عشان مكنش فيه بطعم الكراميل

نظر بالاتجاه التي أشارت له الطفله و رأها و هي تمزح مع صديقتها و تضحك، هل هي أم انها أخرى تشبهها
فاق على صوت الطفله
.... مش هنمشي
.... اه اهو هنمشي
..................................
دخلت ميرال الصيدليه و كانت الأرض بها صناديق الادويه، يقوم العامل بوضعها بمكانها و الصيدلي المتدرب، يدون كل شئ في دفتر بين يديه،ناول الدفتر لميرال لتراجعه و هي تجلس على المكتب صدمت قدمها بصندوق، موضوع أسفل المكتب، مالت وحملته وضعتها على المكتب

ميرال :الصندوق دا في ايه و محطوط تحت المكتب ليه

توتر العامل وكذلك الصيدلي
فتحت ميرال الصندوق و صدمت مما وجدته به