شخصان١٣.
.
رغم مرور بعض الوقت مازال كاين واقف بمكانه يتأمل كازان
لكن قاطعه دخول قاتم للمره الثالثه وبيدينه مغذي
اللي بدأ يركبه له تحت أنظار كاين اللي نطق أخيراً
كاين:وتظن انه بيعيش باقي حياته بهالمغذي؟
ضعف جسمه مااظن بيخليه يكمل اسبوع لو بقى على هالحال
رفع قاتم يد كازان الثانيه وباس وريده -ربما
كاين:انت كيف بهالبرود؟ اقلك بيموت تقول ربما؟
قاتم:ايش المطلوب مني؟
كاين:المفروض تساعده،تدور بنته،تأكله،تعرف مين اللي يجرحه بهالشكل ومن يأذيه؟ الا اذا كنت انت السبب بكل هذا
ابتسم قاتم وهالإبتسامه دبت الرعب بقلب كاين
اللي طلع من الغرفه
ورفع فونه
ليدق برقم شخص هرب منه
ليدق بشعوره
حاجته هالمره كانت أكبر من انه يلتفت لقلبه
حس ببطئ الوقت رغم سرعه خفقان قلبه
الى ان سمع الصوت
صوت أجبر دموعه تتجمع بعيونه
وشعوره وجميع الأحرف تتوقف بوسط حلقه
دُهام:اهلاً مين معي؟
كان تغيره لرقمه بسبب سفره لمدينه أخرى هو السبب لعدم معرفه دُهام له
ورغم أنه يعرف ان السبب بتغيره لرقمه الا انه انزرع بداخله حزن لعدم معرفته له
دُهام:بتتكلم ولا أقفل؟
كاين:تسارعت الكلمات واندفعت مره وحده لتخرج بشكل شهقه ،تنهيده، ودموع
دُهام:أعرف صوتك قدرت اميزه من بكاك لكن اتمنى ماتكون انت
كاين:كان شعوره أسوء من انه ينكر بكائه
هروبه من شعوره اجبره يعيش شعور أسوء من الأول
تبدل حبه من بعيد بشوق كبير
تبدلت نظراته وتأمله له بخيالاته وأحلامه
تبدل شعور الأمان بالخوف
شعور زاد بشكل أجبره يبكي لكن عند مين؟
عند نفس الشخص اللي هرب منه؟
دُهام:إنت وين؟اذا حاب اجيك؟
كاين:قفل بدون أي رد وكأنه حارب نفسه عشان مايقول كلمه اشتقتلك؟
وكأن هروبه من الحب خلق له شعور ثاني ماكان متوقعه
وبين كفوفه اللي كانت تغطي وجهه او تخبي حزنه ودموعه
حس بيدين تلمس اطراف شعره بحنيه
وكأنه فقد هالشعور من زمان
استسلم ليدينه بدون مايرفع راسه
طبطبه؟ يمكن كانت طبطبه بطريقه أخرى
خصلات الشعر أيضاً تحمل مشاعر
لمساته لخصلات شعره هدته وأجبرت مشاعره على الركود
مسح دموعه ليرفع راسه وينصدم بملامح قاتم الجامده امامه.
.
