"Түүний Үлдээсэн Амьдрал" [ДУУССАН]

04. Шийдвэр

Бүх зүйл ард хоцорч өнөөх залуу эмний үйлчлэл нь гарч уусан архиндаа дийлдэн унтах аж.

Нүд хальтрам дүр төрхтэй Ван Лайелад болоод өнгөрсөн бүхнийг одоо л нэг өөрийн ухаанаар анзаарч эхлэхэд бүх зүйл хэтэрхий оройтсон байлаа.

Зэрэмдэглэгдэж бохирдсон биеэ тэврэн хий хоосон харцаар гөлрөн маш удаан суусны эцэст арай ядан босож гэрийн халаадаа нөмрөн өөрийн өрөөнөөс гарлаа.

Харш бүхэлдээ согтуу охид залуусаар дүүрсэн, эмх замбараагүй байдалтай угтах нь тэр.

Зүс мэдэх дүүгийнх нь хэд хэдэн найзууд ч харагдлаа.

Ойлгомжтой, Ван Жэксоны хийсэн ажил байна.

Буцаж өрөөндөө орон цонхоор тусах мандаж буй нарны алтан цацраг бүрийг ажиглан гунигтай бодолд автан зогсов.

Одоо уйлж шархалж суух цаг биш.

Энэ их доромжлол түүнийг сул дорой нэгэн мэт харагдуулж байж мэдэх юм. Гэвч үнэн хэрэгтээ Ван Лайела тэнэг нэгэн биш тэр их ухаалаг, хүчирхэг эмэгтэй.

Магадгүй бусад бүсгүйчүүдээс дэндүү өөр сэтгэхүйтэй нэгэн. Өргөн цар хүрээтэй сэтгэж ертөнцийн нэгэн хэвийн хуулийг үл тоон илүү их мэдрэмжийг олж хардаг нь зураач хүний онцлог байж мэдэх юм.

Лайела төрсөн ганц дүүдээ хамгаас илүү хайртай, түүний муу залуу биш гэдгийг мэднэ, хүсэл мөрөөдлийг нь ч хүндэлдэг. Илүү чухал зүйл гэвэл түүний дүү эгчдээ мөн адил бүх хайраа зориулдаг гэдгийг мэднэ.

Хэрэв өнгөрсөн шөнө болсон аймшигт зүйл олонд илчлэгдвэл юу болох талаар бодохоос ч айж байлаа.

Ван Жэксон энэ тухай мэдвэл ямар ч өршөөлгүйгээр тэр залууг хэн ч байсан шороонд булах болно..

Дүү нь бүх насаараа алуурчин болж амьдрах нь өмнөх шөнийн гашуун тамлалаас хэд дахин аймшигтай байж мэдэх учир түүгээр тийм зүйл хэзээ ч хийлгэж болохгүй үүнийг Лайела хэрхэвч өөртөө зөвшөөрөхгүй биз.

Тэд ингэж л нэгнээ хайрладаг эгч дүүс.

Бас нэг зүйл... тэр залуу ч бас үүнийг хүсээгүй уучлал гуйх үгс, аньсага дагах нулимс нь түүнд нэгийг бодогдуулсан. Гэвч энэ уучлах өршөөх зүйл биш, үнэхээр гомдолтой зүрх зүсэм бодох төдий галзуурах шахан өөртэйгөө тэмцэлдэх эмэгтэй.. тэр яах ёстой юм бол...

Ван Лайела шийдвэрээ гаргасан юм өнгөрсөнд болсон зүйлийг засах нэгэнт боломжгүй ч ирээдүйд өрнөх зүйлсийг засаж болно. Түүнийг ирсэн тухай хэн ч анзаарч мэдээгүйн адил уусан алга болохыг нь бас хэн ч мэдэхгүй байхад болох юм байна.

Орон дээр нь унтах үл таних залуугаас бусад нь...

𝑽𝒂𝒏𝑻𝒆_𝑵𝑩