أرهنت عمري ||نورا ناصر||

3

أرهنت عمري
نورا ناصر
الناقله جنات عزيز
بارت//3//

ما استوعبت الموضوع بالبداية ، ليش هيج سوا عمي؟ وبعدين ميسم صغيرة ، وانه ما احب ارتبط ببنات بهيج عمر ، ما يستهويني هالشي ابد ..

سميحة وجنت باني عليها امال لان عمرها ٢٢ سنة يعني جبيرة وعبالي عقلها هم جبير ، طلعت خرطي هه ..

وانه ابد مافد يوم خليت عيني على ميسم عبالك اعتبرها بنتي او اختي الصغيرة ، لان فارق العمر بيناتنا كلش جبير يعني تقريبا بكد عمرها انه اكبر منها ..

مستحيل افكر ارتبط بيها وحاليا شايل فكرة الزواج من راسي وانه على يقين بأن كل شي يجي  بوكته ، وكل شي يروح بوكته .

انتشلني من صدمتي حاتم وهو يكول
_ ولك اخوك سعيد العار ماحضر الكعدة يكول اريد اودي مرتي للطبيب ومن رجعت شفتها كبالي تنضف الهول .

_ صدك تحجي ؟؟ لا ياعار شوف وين جان يسخت بس هينه انه اعلمه بس خل يجي اله اتفل عليه .

_ يا اخي الي مضوجني انته ماراح تكدر تروح بعرسي لان زينة نفس منطقة بيت راضي ومن ضمن الشروط انت ممنوع عليك تطب لديرتهم بعد .

كمت على حيلي ؛- صدك تحجي وهذول شنو بكيفهم ؟
وعمي شكال ! قبل؟
_ بعد انت احجي ويا انه رايح هالشهر عرسي واريد اكمل غرفتي عندي واجد شغلات نقص اريد اكملها .

_ تعذرني حاتم حبيبي ما اكدر اعاونك تعرف العين بصيرة والايد مصابة صوبها رويضي الكلب ابن الكلب .

_ لا تهتم الضربة الي تأذي كلبك تكبر عقلك .
_ زين ماكو ضربة تصغر خشمي .

_ لا اكو ضربة تكسر راسك  ، ولك هدني عاد خل اروح.

_ روح حاتم روح انه كاعد اتاني سعيد العار .
كال يلله اودعناك .. وطلع
وانه كعدت اتاني عمي واتاني سعيد ، دخلت عليه امي بابتسامتها الحنون ..
كالت ؛- ها يمه ماتريد شي اجيبلك جاي اكل ماي .
جاوبتها ؛- لايمه سلامتج بس اذا اجه ابنج سعيد العار خلي يجي اريده .

عكدت حواحبها وخلت ايدها على صدرها وتباوعلي باستغراب ؛- ليش شبيك ويااخوك بعد .
جاوبتها باطمئنان ؛- عندي شغلة ويا لاتديرين بال .
_ خوش يمه ارتاح ولاتتعب نفسك انت توك طالع من مصيبة شكبرهه ييمه لاتخوفني عليك لاتفجعني بيك انت ايدي وانت رجلي وسعيد مايتكل عليه .
_ لاتخافين يمه محلولة ان شاءالله ..
_ ان شاءالله يحميك الي ربي ويحفظك .
طلعت وخلتني ، ظليت احرك بالجكاير كلش محتاج احجي ويا عمي .

لشويه دخل سعيد يباوعلي مبتسم ، كاشخ والعطر منه ينشم عبر ٤ و٥ امتار .
ابتسمت اله بمكر وكتله تعال سعيد تعال ..

اجه يمه بسرعة طفرت وصرت يمه لزمته بايدي السليمة من ياخة قميصه وقربته مني
كتله ولك وين جنت تسخت ؟ وليش ماحضرت الكعدة ؟