أرهنت عمري ||نورا ناصر||

12

ﺍﺭﻫﻨﺖُ _ ﻋﻤﺮﻱ
ﺑﺎﺭﺕ ١٢
ﻧﻮﺭﺍ ﻧﺎﺻﺮ
ﺍﻧﺼﺒﻐﺖ ﺍﻻﺭﺽ ﺑﺪﻡ ﺧﺎﻟﻲ ، ﺑﻘﻴﺖ ﻣﺼﺪﻭﻣﺔ ﻭﺍﻧﻪ ﺍﺑﺎﻭﻉ ﻉ ﺍﻟﺪﻡ ﺍﻟﻤﺘﺪﻓﻖ ﻣﻦ ﺍﻳﺪﻩ ﻭﺑﺼﻮﺭﺓ ﻣﺮﻋﺒﺔ ﻭﺍﻟﺨﻮﻑ ﺷﻞ ﻋﻘﻠﻲ ، ﻋﻠﻰ ﺻﻮﺕ ﺻﺮﺍﺥ ﺍﻣﻲ ﻭﺻﻴﺎﺡ ﺧﺎﻟﻲ ﻭﻫﻮ ﻳﺴﺐ ﻭﻳﺸﺘﻢ ﻭﻳﻬﺪﺩ ﻭﻳﺘﻮﻋﺪ ، ﺷﻔﺘﻪ ﺳﺤﺐ ﺍﻳﺪﻩ ﺍﻟﻤﺼﺎﺑﺔ ﻟﺘﻄﺦ ﺑﺒﻘﺎﻳﺎ ﺍﻟﺰﺟﺎﺝ ﺍﻟﻤﺘﻬﺸﻢ ﻭﺍﻟﻲ ﻫﺸﻤَﻪ ﻫﻮ ، ﻣﻦ ﻃﺨﺖ ﺗﺰﻟﻐﺖ ﺑﺎﻟﺰﺍﻳﺪ ﻭﺻﺎﺭ ﺍﻟﺪﻡ ﻳﺘﺪﻓﻖ ﺑﺸﺪﺓ ﺍﻛﺜﺮ ، ﻭﺍﻟﺴﺠﻴﻨﺔ ﻃﺎﺣﺖ ﻣﻦ ﺍﻻﻳﺪﻩ ﻉ ﺍﻻﺭﺽ ﺑﺪﺍﺧﻞ ﺍﻟﻤﻄﺒﺦ ... ! الناقلة جنات عزيز
ﺭﻛﻀﺖ ﺍﻣﻲ ﺗﻠﻄﻢ ﻋﻠﻰ ﺧﺪﻫﺎ ﻭﺗﺼﺮﺥ ، ﻓﺘﺤﺖ ﺍﻟﺒﺎﺏ
ﺑﺴﺮﻋﺔ ﻭﺭﺍﺣﺖ ﻳﻤﻪ ، ﺭﻛﺾ ﺣﺎﺯﻡ ﺧﺬَ ﺍﻟﺴﺠﻴﻨﺔ ﻭﺷﻤﺮﻫﺎ ﻟﺒﻌﻴﺪ ، ﻭﻃﻠﻊ ﺑﺮﺍ ﻳﻤﻬﻢ ، ﺧﺎﻟﻲ ﻃﺎﻳﺢ ﻉ ﺍﻟﻜﺎﻉ ﻭﻳﻠﻒ ﺑﻴﺪﻩ ﺑﻐﺘﺮﺗﻪ ، ﻭﺍﻟﺪﻡ ﺍﺧﺬ ﻣﻨﻪ ﻣﺄﺧﺬ .. !
ﺿﻠﺖ ﺗﺄﺷﺮﻟﻲ ﺍﻣﻲ ﺧﺎﺑﺮﻱ ﻋﻠﻰ ﺧﺎﻟﺞ ﻓﺎﺋﻖ ﺑﺴﺮﻋﺔ ...
ﻭﺍﻧﻪ ﻭﺍﻛﻔﺔ ﻣﺘﺼﻨﻤﺔ ﻭﺍﺑﺎﻭﻉ ﺑﺬﻋﺮ ﻭﺫﻫﻮﻝ
ﻣﻦ ﺣﺠﺖ ﺍﻣﻲ ﻫﻴﺞ ﻇﻠﻴﺖ ﺍﺩﻭﺭ ﻉ ﺍﻟﺘﻠﻴﻔﻮﻥ ﻣﺎﻟﺘﻬﺎ ﻉ ﺍﻟﻜﺎﻭﻧﺘﺮ ﺩﺍﺋﻤﺎ ﻫﻴﻪ ﺗﺨﻠﻲ ﺑﻬﺎﻟﻤﻜﺎﻥ ..
ﺷﻔﺖ ﻭﺭﺩﺓ ﻛﺎﻋﺪﺓ ﻉ ﺍﻟﻜﺎﻉ ﻭﺗﻤﻠﺦ ﺑﺨﺪﻭﺩﻫﺎ
ﻭﺗﻤﺘﻢ ﺑﻜﻼﻡ ﻛﻮﺓ ﻓﻬﻤﺖ ﻣﻨﻪ ﺑﻀﻊ ﻛﻠﻤﺎﺕ
_ ﻛﻠﻪ ﻣﻨﻲ ﺍﻧﻪ ﺍﻟﺴﺒﺐ ﺻﻮﺟﻲ ﺍﻧﻪ ﻟﻮ ﻳﻤﻮﺗﻮﻧﻲ ﺣﻼﻝ ﻋﻠﻴﻬﻢ !!
ﺗﺠﺎﻫﻠﺘﻬﺎ ﻭﺭﺣﺖ ﻟﻠﺘﻠﻴﻔﻮﻥ ﻭﺍﻳﺪﻱ ﺗﺮﺟﻒ ﻛﻮﺓ ﺳﻴﻄﺮﺕ ﻭﻃﻠﻌﺖ ﺭﻗﻢ ﺧﺎﻟﻲ ﺟﺎﻭﺑﻨﻲ ﻛﻮﺓ ﺍﻓﺘﻬﻢ ﻋﻠﻴﻪ ﺍﺭﺟﻒ ﺍﺗﻤﺘﻢ ﻭﺍﺑﺠﻲ ...
ﻃﻠﻌﺖ ﺍﺷﻮﻓﻬﻢ ﻣﺨﻠﻴﻦ ﺧﺎﻟﻲ ﺑﺴﻴﺎﺭﺓ ﺣﺎﺯﻡ ﻭﺍﻣﻲ
ﻛﻠﺘﻠﻪ ﺑﺬﻋﺮ ﺑﺲ ﺍﺟﻴﺐ ﻋﺒﺎﻳﺘﻲ ﺍﺭﻭﺡ ﻭﻳﺎﻙ
ﺣﺎﺯﻡ ﺍﺷﺮﻟﻬﺎ ﺑﺮﻓﺾ ﻭﺗﻜﻠﻢ ﺑﻨﺒﺮﺓ ﻣﺮﺗﺒﻜﺔ
_ ﻻ ﻻ ﻳﻤﻪ ﺍﺑﻘﻲ ﻫﻨﺎﻧﻪ ﺍﻧﺘﻲ ﻭﺧﺎﺑﺮﻱ ﺍﻟﻮﻟﺪ ..
ﻃﻠﻴﺖ ﻋﻠﻰ ﺧﺎﻟﻲ ﻣﺴﻨﺢ ﺑﺎﻟﺴﻴﺎﺭﺓ
ﺍﺣﺲ ﻛﻠﺒﻲ ﺍﻧﺤﺸﺮ ﺑﻌﻨﻘﻲ ﻭﺍﻧﺎ ﺍﻓﻜﺮ ﺧﺎﻑ ﻳﻤﻮﺕ ﺷﻴﻔﻜﻨﻪ ﻣﻦ ﻭﻟﺪﻩ ﻭﺍﻟﻠﻪ ﻟﻴﺼﻴﺮ ﺍﻟﺪﻡ ﻟﻠﺮﻛﺐ ، ﺍﻭﻻﺩﻩ ﺷﺮﺍﻧﻴﻴﻦ ﻭﺍﻳﺪﻫﻢ ﻭﺍﻟﺴﻼﺡ !!
ﺑﺎﻭﻋﺖ ﻟﻠﺴﻤﺎﺀ ﻳﺎﺭﺑﻲ ﺍﻟﻄﻒ ﺑﻴﻨﻪ ، ﺍﻟﻠﻬﻢ ﻻ ﺍﺳﺄﻟﻚ ﺭﺩ ﺍﻟﻘﻀﺎﺀ ﻭﺍﻧﻤﺎ ﺍﺳﺄﻟﻚ ﺍﻟﻠﻄﻒ ﻓﻴﻪ ..
ﻃﻠﻊ ﺣﺎﺯﻡ ﺑﺨﺎﻟﻲ ﻟﻠﻤﺴﺘﺸﻔﻰ ، ﻃﺒﺖ ﺍﻣﻲ ﻟﻠﻤﻄﺒﺦ
ﻛﻌﺪﺕ ﺑﺎﻟﻌﺘﺒﺔ ﻣﺎﻟﺔ ﺍﻟﺒﺎﺏ ﺗﺼﻔﻚ ﺑﻴﺪﻫﺎ ﺑﻨﺪﻡ ﻭﺣﺴﺮﺓ
ﻭﻇﻠﺖ ﺗﺘﻨﻬﺪ ﺍﻛﺜﺮ ﻣﻤﺎ ﺗﺘﻨﻔﺲ ..
ﺗﻀﺮﺏ ﻋﻠﻰ ﻓﺨﺬﻫﺎ ﺑﻘﻮﻭﺓ
ﻭﺗﻠﻮﻡ ﺑﺮﻭﺣﻬﺎ ﻭﺗﺮﺟﻊ ﺗﻌﻀﻌﺾ ﺍﺻﺎﺑﻌﻬﺎ ﺑﻨﺪﻡ
ﻭﺗﻤﺘﻢ ﺍﺧﺨﺦ ﻳﻤﻪ ﺷﺠﺎﻧﻲ ﻭﺷﻤﺮﺕ ﻋﻠﻴﻪ ﺍﻟﻜﺰﺍﺯﺓ ﻭﺍﻟﻠﻪ ﺧﻔﺖ ﻭﻳﺼﻮﺭﻟﻲ ﺭﺍﺡ ﻳﻨﺒﺖ ﺍﻟﺴﺠﻴﻨﺔ ﺑﺤﺎﺯﻡ ﻟﻮ ﺑﻮﺭﺩﺓ
ﻛﻠﺖ ﺍﺧﻮﻓﻪ ﺑﻴﻬﺎ ﺍﺷﻤﺮﻫﺎ ﺍﺟﻴﺒﻬﺎ ﺑﺎﻟﺒﺎﺏ ﻣﻮ ﺑﻲ ﺷﻮﻥ ﻃﺎﺣﺖ ﺑﻲ ﻭﺍﻟﻠﻪ ﻣﺎ ﺍﺩﺭﻱ !!
ﻭﺭﺩﺓ ﻣﺨﻠﻴﻪ ﺭﺍﺳﻬﺎ ﻉ ﺍﻟﺤﺎﻳﻂ ﻭﺷﻔﺎﻳﻔﻬﺎ ﺗﺮﺟﻒ
ﻭﻋﻴﻮﻧﻬﺎ ﺑﺎﻟﺴﻜﻒ ﻭﺍﻟﺪﻣﻊ ﻳﻨﺰﻝ ﻋﺸﺮﺓ ﻋﺸﺮﺓ
ﺍﻧﺪﻛﺖ ﺍﻟﺒﺎﺏ ﺍﻣﻲ ﺑﺎﻭﻋﺘﻠﻲ ﺑﺴﺮﻋﺔ ﻭﻧﻈﺮﺍﺗﻬﺎ ﻛﻠﻬﺎ ﻓﺰﻉ ﻭﺫﻋﺮ ؛ - ﻛﻮﻣﻲ ﻳﻤﻪ ﻓﺘﺤﻲ ﺍﻟﺒﺎﺏ ﻫﺬﺍ ﺧﺎﻟﺞ ﻓﺎﺋﻖ ..
ﻃﻔﺮﺕ ﻣﻦ ﻣﻜﺎﻧﻲ ﻛﺮﻓﺼﺖ ﻳﻤﻬﺎ ؛ - ﻻ ﻳﻤﻪ ﺍﺧﺎﻑ ﺧﺎﻑ ﻫﺬﻭﻝ ﻭﻟﺪ ﺧﺎﻟﻲ ﺍﺑﻮ ﺭﺍﺿﻲ ﺧﺎﻑ ﺟﺎﻳﻴﻦ ﻳﻜﺘﻠﻮﻧﻪ
ﺻﻴﺤﺖ ﻭﻟﺞ ﻛﻮﻣﻲ ﺭﺟﻠﻴﻪ ﻣﺎﺗﻌﻴﻨﻲ ﺍﻛﻮﻡ ﻫﺬﺍ ﺧﺎﻟﺞ ﻓﺎﺋﻖ ﻭﻟﺪ ﺧﺎﻟﺞ ﺍﺑﻮ ﺭﺍﺿﻲ ﺷﻤﺪﺭﻳﻬﻢ ﻣﻦ ﻛﺎﻟﻠﻬﻢ ﻭﺧﺎﻟﺞ ﻣﺴﻨﺢ ﺑﺎﻟﺴﻴﺎﺭﺓ ﻋﺴﻰ ﺍﻳﺪﻱ ﺍﻟﻜﺴﺮ ﻛﻮﻣﻲ ﻛﻮﻣﻲ ﻻﺗﺨﺒﻠﻴﻨﻲ ﻭﺿﻠﺖ ﺗﻠﻄﻢ ..
ﻋﻠﻰ ﺻﻮﺕ ﺻﻴﺎﺣﻬﺎ ﻃﻔﺮﺕ ، ﻣﻦ ﺍﻟﻌﺘﺒﺔ ﻟﻨﺺ ﺍﻟﻄﺎﺭﻣﺔ ﺳﻮﻳﺘﻬﻦ ﺧﻄﻮﺗﻴﻦ ﻭﻛﻔﺖ ﺑﻤﻜﺎﻧﻲ ﺍﺭﺟﻒ ﻭﺍﻋﺼﺮ ﺑﻴﺪﻳﻪ ﺍﺑﺎﻭﻉ ﻟﻠﺒﺎﺏ ﻭﺍﺭﺟﻊ ﺍﺑﺎﻭﻉ ﻻﻣﻲ ، ﺧﺎﻳﻔﺔ ﻣﺤﺘﺎﺭﺓ ﺍﻟﺤﻴﺮﺓ ﺗﻨﻬﺶ ﺧﻼﻳﺎ ﺟﺴﻤﻲ ﺍﻟﺨﻮﻑ ﻳﻨﺨﺮ ﻋﻘﻠﻲ ﻳﻮﻗﻒ ﺗﻔﻜﻴﺮﻱ ﻟﻠﺤﻈﺎﺕ ﻭﺍﻧﻪ ﻋﻠﻰ ﻫﺬﺍ ﺍﻟﺤﺎﻝ ﺍﻧﺪﻛﺖ ﺍﻟﺒﺎﺏ ﺣﻴﻴﻴﻴﻞ !!! ﻋﻠﻰ ﻫﺬﺍ ﺍﻟﺼﻮﺕ ﺍﻟﻲ ﺍﺧﺘﺮﻕ ﺍﺫﻧﻲ ﻭﺳﺒﺒﻠﻲ ﺍﻟﻬﻠﻊ ﻭﺍﻟﺨﻮﻑ ﻣﻦ ﺍﻟﻤﺠﻬﻮﻝ
ﺍﻧﺘﻔﻀﺖ ﻛﻞ ﺍﻭﺻﺎﻟﻲ ﻭﻫﻤﺴﺖ ﺑﺼﻮﺕ ﻣﺒﺤﻮﺡ ﻭﻣﺒﻠﻞ ﺑﺎﻟﺪﻣﻮﻉ ﻣﻨﻮﻭﻭﻭ؟
ﻳﻤﻜﻦ ﺍﻟﻄﺎﺭﻕ ﻣﺎﺳﻤﻊ ﺣﺘﻰ ﺻﻮﺗﻲ ﺍﻟﻬﺎﻣﺲ ﺍﻟﻤﺒﺤﻮﺡ ﺍﻻ ﺍﻧﻪ ﺟﺎﻭﺏ ﺧﻠﺠﺎﺗﻲ
__ ﻭﻳﻨﺠﺠﺞ ﺻﺒﺎﺍﺡ ﻓﺘﺤﻲ ﺍﻟﺒﺎﺏ ﺑﺴﺮﻋﺔ ..
ﺍﻧﺘﻔﻀﺖ ﻣﺬﻋﻮﺭﺓ ، ﻋﺮﻓﺘﻪ ﺻﻮﺕ ﺧﺎﻟﻲ ﻓﺎﺋﻖ ﻃﻠﻌﺖ ﺍﺭﻛﺾ ﻓﺘﺤﺖ ﺍﻟﺒﺎﺏ ﺍﻟﻪ
ﺑﺲ ﺷﺎﻓﻨﻲ ﺻﺎﺡ ﻣﻴﺴﻢ ﻭﻳﻦ ﺍﻣﺞ ﺧﺎﻟﻮ ؟؟
ﺿﻠﻴﺖ ﺍﺣﺠﻲ ﻭﺍﺑﺠﻲ ﺑﺰﻳﺎﺩﺓ ﻭﺍﺷﺮﻟﻪ ﻉ ﺍﻟﻌﺘﺒﺔ ..
ﺭﺍﺡ ﻳﺮﻛﺾ ﻻﻣﻲ ﻛﺮﻓﺺ ﻳﻤﻬﺎ
ﻃﻠﺐ ﻣﻨﻬﺎ ﺗﺤﺠﻴﻠﻪ ﺷﺼﺎﺭ
ﺳﻮﻟﻔﺘﻠﻪ ﺍﻣﻲ ﻛﻞ ﺷﻲ ﺑﻜﻠﻤﺎﺕ ﻣﻦ ﺍﻟﻢ ﻭﺩﻣﻮﻉ ﻭﻧﺪﻡ ...
ﻛﺎﻡ ﻋﻠﻰ ﺣﻴﻠﻪ ﻳﺼﻴﺢ ﻋﻠﻰ ﺍﻣﻲ ﺑﺤﻨﺠﺮﺓ ﺻﺪﺣﺖ ﺑﻤﺰﻳﺞ ﻣﻦ ﺍﺗﺰﺍﻥ ﻭﺛﻜﻞ ﻭﺣﺮﻗﺔ ﻗﻠﺐ ...
_ ﺍﻧﻪ ﺟﻢ ﻣﻨﺒﻪ ﻋﻠﻴﺞ ﻣﺎﺗﻨﺪﻛﻴﻦ ﺑﺎﺑﻮ ﺭﺍﺿﻲ ﺍﻧﻪ ﻭﺍﻛﻒ ﻭﻳﺎﺝ ﺑﺲ ﻫﺎﻟﻤﺮﺓ ﺍﻧﺖ ﻏﻠﻄﺘﻲ ﻣﺎﺗﻜﻠﻴﻠﻲ ﺷﺴﻮﻳﻠﺞ ﻫﺴﻪ ﺍﺫﺍ ﻻ ﺳﻤﺢ ﺍﻟﻠﻪ ﻣﺎﺕ ﺷﺮﺍﺡ ﻳﻔﻜﺞ ﻣﻦ ﻭﻟﺪﻩ ﻭﺟﻢ ﺩﻭﺏ ﺍﻧﻪ ﺍﻛﺪﺭ ﺍﺣﻤﻴﺞ ؟
ﺍﻣﻲ ﻣﺪﺕ ﺍﻳﺪﻳﻬﺎ ﺗﺄﺷﺮ ﺍﻟﻪ ﺧﻮﻳﻪ ﺍﻧﻪ ﻳﻄﺒﻨﻲ ﻃﻮﺏ ﺑﺲ ﻫﺎﻟﺒﺖ ﻫﺎﻳﻪ ﺧﺎﻑ ﻳﺴﻮﻭﻟﻬﺎ ﺷﻲ ﺍﺧﺬﻫﺎ ﺑﺤﻤﺎﻳﺘﻚ
ﻭﻇﻠﺖ ﺗﺄﺷﺮ ﻋﻠﻰ ﻭﺭﺩﺓ ....
ﻛﺎﻝ ﻛﻮﻣﻦ ﻳﻠﻠﻪ ﺍﻭﺩﻳﺠﻦ ﻟﺒﻴﺘﻨﺎ ﻭﺗﺎﻟﻲ ﺍﺭﺩ ﺍﺭﻭﺡ ﻟﻠﻤﺴﺘﺸﻔﻰ ﺑﺲ ﺧﻠﻲ ﺍﺧﺎﺑﺮ ﺣﺎﺯﻡ ﺍﺷﻮﻓﻪ ﺑﺄﻱ ﻣﺴﺘﺸﻔﻰ ﻭﺩﺍﻩ ﻭﺍﺧﺎﺑﺮ ﻭﻟﺪﻩ ﻫﻤﻴﻨﻪ ، ﻭﻫﺬﺍ ﺍﺑﻮ ﺭﺍﺿﻲ ﻋﻨﺪﻩ ﺳﻜﺮ ﻭﺍﻟﺠﺮﺡ ﻣﺎﻳﺼﻴﺮ ﺍﻟﻪ ﺍﺑﺸﻨﻮ ﻭﺭﻃﺘﻲ ﺭﻭﺣﺞ ﻳﺎ ﺻﺒﺎﺡ ﻣﻦ ﻳﻮﻡ ﻳﻮﻣﺞ ﻣﺘﻌﺒﺘﻨﻪ ... ..
ﺭﺍﺡ ﺧﺎﻟﻲ ﺑﺮﺍ ﻟﺰﻡ ﺗﻠﻴﻔﻮﻧﻪ ﻭﻇﻞ ﻳﺨﺎﺑﺮ ﻭﺍﺣﻨﻪ ﻛﻤﻨﺎ ﺍﺳﺘﻌﺪﻳﻨﻪ ﻧﺮﻭﺡ ﻭﻳﺎﻩ ..
ﻟﺰﻣﺘﻨﻲ ﻛﺎﻟﺖ ﺭﺍﺡ ﺍﺧﻠﻴﻬﻢ ﻳﻮﺩﻭﻧﺞ ﻻﺑﻮﺝ
ﻟﺰﻣﺖ ﺍﻳﺪﻳﻬﻪ ﻻﻳﻤﻪ ﺍﻧﻪ ﺍﺟﻲ ﻭﻳﺎﺝ ﺍﺑﻘﻰ ﻳﻤﺞ ﻣﺎ ﺍﺗﺮﻛﺞ ...
_ ﻻ ﺭﻭﺣﻲ ﻻﺑﻮﺝ ﺍﺣﺴﻦ ﻳﺼﻴﺮ ﻣﺎﻳﺼﻴﺮ ﺍﻧﺖ ﺍﺑﻴﺖ ﺍﺑﻮﺝ ﺍﺍﻣﻦ ﺍﻟﺞ ..
ﺻﺎﺡ ﻋﻠﻴﻨﻪ ﺧﺎﻟﻲ ﻭﺭﺣﻨﻪ ﺭﻛﺾ ﺻﻌﺪﻧﻪ ﺑﺴﻴﺎﺭﺗﻪ
ﺍﻟﻮﻛﺖ ﺿﻬﺮ ﻭﺍﻟﺸﻤﺲ ﺗﺼﻜﻊ ﺑﺸﻬﺮ ﺍﻟﺴﺎﺑﻊ
ﻭﻳﺎ ﺍﺷﺘﻌﺎﻝ ﺍﺭﻭﺍﺣﻨﻪ ﺻﺮﻧﺎ ﺑﺮﻛﺎﻥ ﻣﺘﻔﺠﺮ ...
ﻭﺻﻠﻨﻪ ﻟﺒﻴﺘﻬﻢ ﺍﻣﻲ ﻧﺰﻟﺖ ﻭﻭﺭﺩﺓ ﺟﻴﺖ ﺍﻧﺰﻝ ﺗﻮﻩ ﻣﻨﺰﻟﻪ ﺭﺟﻞ ﻭﺣﺪﺓ ﻣﻦ ﺍﻟﺴﻴﺎﺭﺓ ﺍﻣﻲ ﺭﺟﻌﺖ ﻳﻤﻲ
ﺻﺎﺣﺖ ﻋﻠﻰ ﺧﺎﻟﻲ ﺧﻮﻳﻪ ﻭﺩﻳﻬﺎ ﻟﺒﻴﺖ ﺍﻟﺸﻴﺦ ﻭﺍﻟﻠﻪ ﻣﺎﻛﺪﺭ ﺍﺗﺤﻤﻞ ﻣﺴﺆﺅﻟﻴﺔ ﺑﻌﺪ ﻫﻨﺎﻙ ﺍﺋﻤﻦ ﺍﻟﻬﻪ ..
ﻛﺎﻝ ﺗﻌﺎﻱ ﻣﻴﺴﻢ ﻧﺰﻟﻲ ﺑﻮﻳﻪ ﻭﺻﺎﺡ ﻋﻠﻰ ﺍﺑﻨﻪ ﻋﺒﺎﺱ
ﺗﻌﺎﻝ ﻭﺍﺋﻞ ﻭﺩﻱ ﻣﻴﺴﻢ ﻟﺒﻴﺖ ﺍﻟﺸﻴﺦ ﺍﺑﻮ ﺣﺎﺗﻢ ﺍﺟﺮ ﺗﻜﺴﻲ ﻭﺭﻭﺡ ﺍﻧﻪ ﻃﺮﻳﻘﻲ ﻣﻮ ﻧﻔﺲ ﻃﺮﻳﻘﻬﻢ ..
_ ﺻﺎﺭ ﺑﻮﻳﻪ ﺛﻮﺍﻧﻲ ..
ﺭﺣﺖ ﻻﻣﻲ ﻟﺰﻣﺖ ﺍﻳﺪﻳﻬﻪ ﻭﺍﺑﺠﻲ
ﻳﻤﻪ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ
ﺧﺬﺗﻨﻲ ﻟﺤﻀﻨﻬﺎ ؛ - ﻭﺍﻧﺖ ﻫﻢ ﻋﻴﻨﺞ ﻋﻠﻰ ﺭﻭﺣﺞ ﺑﻌﺪ ﺭﻭﺣﻲ
ﺑﺎﺳﺘﻨﻲ ﻋﻠﻰ ﺭﺍﺳﻲ
ﺍﺟﻪ ﻋﺒﺎﺱ ﻛﺎﻝ ﻳﻠﻪ ﻣﻴﺴﻢ ...
ﺗﺒﻌﺘﻪ ﻭﺍﻧﻪ ﺍﺗﻠﻔﺖ ﻻﻣﻲ ﺗﺒﺠﻲ
ﻣﻨﻴﻦ ﺟﺘﻨﻪ ﻫﺎﻟﻤﺼﻴﺒﺔ ﻭﻭﺭﺩﺓ ﺷﺤﺎﻟﻬﺎ ﻭﺷﺮﺍﺡ ﻳﺼﻴﺮ ﺑﻴﻬﺎ
ﺷﻜﺪ ﻋﻨﻴﺪﺓ ﺷﻜﺪ ﻧﺼﺤﺘﻬﺎ ﻭﺍﻧﻮﺏ ﺣﺎﺯﻡ ﺍﺧﺦ ﺣﺎﺯﻡ ﻫﺴﻪ ﺷﺮﺍﺡ ﻳﺼﻴﺮ ﻳﺎﺭﺑﻲ !!...
ﻭﺻﻠﻨﻪ ﻟﺮﺍﺱ ﺍﻟﺸﺎﺭﻉ ، ﻋﺒﺎﺱ ﺍﺷﺮ ﻟﺘﻜﺴﻲ ﻭﺻﻌﺪﻧﻪ ﺑﻲ ﻭﻭﺻﻠﻨﻪ ﻟﺒﻴﺖ ﺍﺑﻮﻱ ﻧﺰﻟﺖ ﻣﻦ ﺍﻟﺘﻜﺴﻲ ﻭﻧﺰﻝ ﻋﺒﺎﺱ
ﺣﺠﻪ ﻭﻳﺎ ﺍﺑﻮ ﺍﻟﺘﻜﺴﻲ ﻣﻦ ﺍﻟﺠﺎﻣﺔ
ﻛﺎﻟﻪ ﺑﺲ ﺩﻗﺎﻳﻖ ﺍﻧﺘﻈﺮﻧﻲ ﺍﺭﺟﻊ ﻭﻳﺎﻙ ..
ﺍﺟﻪ ﻳﻢ ﺍﻟﺒﺎﺏ ﻭﺍﻧﻪ ﺟﺎﻱ ﺍﺩﻙ ﺑﻲ ﻣﺴﺪﻭﺩ ﻣﻦ ﺟﻮﻩ
ﻛﺘﻠﻪ ﺭﻭﺡ ﻋﺒﺎﺱ ﻫﺴﻪ ﻳﻔﺘﺤﻮﻟﻲ ﺍﻟﺒﺎﺏ ﻭﺍﻃﺐ ..
ﻛﺎﻝ ﻻ ﺍﺳﻠﻤﺞ ﺑﻴﺪﻫﻢ ﻳﻠﻪ ﺍﺭﻭﺡ ﺍﻣﺎﻧﺘﻲ ﺍﻧﺘﻲ ﻛﻞ ﺷﻲ ﻳﺼﻴﺮ .... janat_51
ﺩﻛﻴﻨﻪ ﺍﻟﺒﺎﺏ ﺛﻮﺍﻧﻲ ﻭﺍﻧﻔﺘﺤﺖ ﻃﻠﻊ ﻋﻴﺎﺵ
ﺿﻞ ﻳﺒﺎﻭﻋﻠﻲ ﻣﺼﺪﻭﻡ ...
ﻋﺒﺎﺱ ﺳﻠﻢ ﻋﻠﻴﻪ ﻫﻮ ﺭﺩ ﻋﻠﻴﻪ ﻭﻳﺒﺎﻭﻉ ﻋﻠﻴﻪ
ﻋﺒﺎﺱ ؛ - ﻳﻠﻪ ﺍﻧﻪ ﺭﺍﻳﺢ ﻣﻴﺴﻢ ﻣﺎﻣﺤﺘﺎﺟﺔ ﺷﻲ ؟
ﺍﺭﻳﺪ ﺍﺟﺎﻭﺑﻪ .. ﺟﺎﻭﺑﻪ ﻋﻴﺎﺵ ﻻ ﺭﻭﻭﺡ ﺍﻧﻪ ﻣﻮﺟﻮﺩ ﺍﻟﻠﻪ ﻭﻳﺎﻙ ..
ﺩﺧﻠﺖ ﻭﻫﻮ ﺳﺪ ﺍﻟﺒﺎﺏ ﺳﺤﺒﻨﻲ ﻣﻦ ﻛﻒ ﺍﻳﺪﻱ ﺭﺟﻌﻨﻲ ﺍﻟﻪ
ﻃﺎﺣﺖ ﺍﻟﻌﺒﺎﻳﺔ ﻣﻦ ﻋﻠﻰ ﺭﺍﺳﻲ
ﺑﺎﻭﻋﺖ ﺑﻮﺟﻬﻪ ﺑﻐﻀﺐ ﻭﻫﻮ ﻳﺨﻮﺯﺭ ﺑﻴﻪ
ﺍﻧﻪ ﺍﺣﺲ ﺭﻭﺣﻲ ﻧﺎﺭ ﻣﺸﺘﻌﻠﺔ ﺍﺭﻳﺪ ﺍﻧﻔﺲ ﻋﻦ ﻛﻞ ﺍﻟﻐﻀﺐ ﺍﻟﻲ ﺑﺪﺍﺧﻠﻲ ..
ﺯﻣﺨﺖ ﺑﻮﺟﻬﻪ ﺧﻴﻴﻴﻴﺮ ﺷﺘﺮﻳﺪ ﻣﻨﻲ ، ﺍﺗﺮﻙ ﺍﻳﺪﻱ ﺑﻠﻪ ﺧﻞ ﺍﺭﻭﺡ ..
ﻋﺼﺮ ﺧﺪﻭﺩﻱ ﺣﻴﻴﻞ ﺣﺴﻴﺖ ﺭﺍﺡ ﻳﻨﻔﺼﻞ ﺭﺍﺳﻲ ﻋﻦ ﺭﻛﺒﺘﻲ ، ﻏﻤﻀﺖ ﻋﻴﻮﻧﻲ ﺣﻴﻞ ﺣﺴﻴﺖ ﺑﺄﻟﻢ ﻓﻀﻴﻊ
ﻋﻀﻴﺖ ﺷﻔﺘﻲ ﻭﺗﺄﻭﻫﺖ ﺑﻮﺟﻊ ﻭﻻ ﺍﺯﺍﻝ ﺗﺤﺖ ﻗﺒﻀﺘﻪ ﻭﺭﺣﻤﺘﻪ ...
ﺣﺴﻴﺘﻪ ﺭﺧﻪ ﺍﻳﺪﻩ ﻛﺎﻝ ﻭﻟﺞ ﺻﺎﻳﺮﺓ ﻣﺎﺗﻨﺠﺮﻋﻴﻦ ﻛﻠﺶ ﻭﻟﺴﺎﻧﺞ ﻭﻭﺻﺦ ﻫﺎﻱ ﻧﺘﺎﺋﺞ ﺭﻭﺣﺎﺗﺞ ﻋﻠﻰ ﺑﻴﺖ ﺍﻣﺞ ﺍﻣﺸﻲ ﻟﻌﻤﻲ ﺍﻛﻠﻪ ﺑﻌﺪ ﻣﺎﺗﺮﻭﺣﻴﻦ ..
ﺩﻓﺮﺕ ﺍﻳﺪﻩ ﺑﺘﻌﺠﺮﻑ ﻭﻣﻼﻣﺤﻲ ﻣﻨﻘﺮﻓﺔ ﻣﻨﻪ
_ ﺍﺷﺎﻳﻔﻨﻲ ﺳﺒﻴﺘﻚ ﻏﻠﻄﺖ ﻋﻠﻴﻚ ﻓﺸﺮﺕ ؟
_ ﺷﺤﺪﺝ !!!
_ ﻟﻌﺪ ﻟﻴﺶ ﺗﻜﻮﻝ ﻋﻠﻰ ﻟﺴﺎﻧﻲ ﻭﺻﺦ ؟
_ ﻫﺬﺍ ﺷﻌﻨﺪﻩ ﻣﻮﺻﻠﺞ ﻫﺎﺍ ﻫﻴﺞ ﺍﻣﺞ ﻣﺘﻴﻬﺘﺞ ﻭﺣﺎﺯﻡ ﺍﻟﺸﻔﻴﺔ ﻭﻳﻦ ؟
_ ﺍﻛﻠﻚ ﻟﻮ ﺗﻮﺧﺮ ﻋﻨﻲ ﺍﺣﺴﻦ ﺍﻟﺪﻧﻴﺎ ﻣﻜﻠﻮﺑﻪ ﻳﻢ ﺍﻣﻲ ﻭﺧﻮﺍﻟﻲ ﻭﺭﺍﺡ ﺗﺼﻴﺮ ﻛﺎﺗﻞ ﻭﻣﻜﺘﻮﻝ ﻭﺍﻧﺖ ﺣﺎﻳﺮ ﺑﺎﻣﻲ ﻭﺑﻬﺎﻱ ﺳﻮﺍﻟﻔﻚ ..
_ ﻛﻠﺶ ﻃﺎﻟﻌﺔ ﻋﻴﻨﺞ ﺍﺣﺠﻲ ﻟﻴﺶ ﺍﺟﻴﺘﻲ ﻭﻳﺎ ﺍﺑﻦ ﺧﺎﻟﺞ ﻭﺣﺎﺯﻡ ﻭﻳﻦ
_ ﺭﺍﺡ ﺍﺣﺠﻲ ﻻﺑﻮﻱ ﻭﺍﻧﺖ ﺍﺫﺍ ﻳﻌﺠﺒﻚ ﺗﻌﺎﻝ ﺍﺳﻤﻊ
ﺍﺭﻳﺪ ﺍﺭﻭﺡ ﺳﺤﺒﻨﻲ ﺭﺟﻌﻨﻲ ﻟﻤﻜﺎﻧﻲ ﺣﺴﻴﺖ ﺟﺎﻱ ﺍﻃﻴﺮ ﺑﻴﺪﻩ ..
ﻛﺎﻝ ﺳﻤﻌﻲ ﺑﻌﺪ ﻣﺎﺭﻳﺪ ﺍﺷﻮﻓﺞ ﻭﻳﺎ ﺍﻱ ﻭﺍﺣﺪ ﻣﻦ ﻋﺪﻫﻢ ﺣﺎﺯﻡ ﻣﺎﻛﻮ ﺗﺨﺎﺑﺮﻳﻦ ﻋﻠﻴﻪ ﺍﻧﻪ ﺑﻤﻜﺎﻧﻪ ﻭﻳﻦ ﺗﻠﻴﻔﻮﻧﺞ ﺟﻴﺒﻲ ﺍﺳﺠﻠﺞ ﺭﻗﻤﻲ ..الناقلة جنات عزيز
_ ﻣﺎﻭﻳﺎﻱ ﺍﻟﺘﻠﻴﻔﻮﻥ ﻫﺴﻪ ﻭﺍﻧﺖ ﺷﻠﻮﻥ ﺗﺠﻲ ﻟﻬﻨﺎﻙ ﻭﻣﻤﻨﻮﻋﻪ ﻋﻠﻴﻚ ﻣﻨﻄﻘﺔ ﺑﻴﺖ ﺍﻣﻲ ﻭﺧﻮﺍﻟﻲ
_ ﺍﺩﺯ ﻭﺍﺣﺪ ﻣﻦ ﻭﻟﺪﻧﻪ ﻭﻻ ﺗﺠﻴﻦ ﻭﻳﺎﻫﻢ
_ ﺍﻧﺖ ﻣﺎ ﻟﻚ ﺳﻠﻄﺔ ﻋﻠﻴﻪ ﻭﻻ ﺍﻧﻪ ﻋﻠﻰ ﺫﻣﺘﻚ ..
_ ﺳﻬﻠﺔ ﺗﺪﻟﻠﻴﻦ ﺧﻠﻲ ﻳﻄﻠﻌﻮﻥ ﺍﻟﺰﻟﻢ ﻣﻦ ﺍﻟﺪﻳﻮﺍﻥ ﻭﻧﻜﻌﺪ ﺍﻧﻪ ﻭﻳﺎﺝ ﻳﻢ ﻋﻤﻲ ﻭﺍﺟﻴﺐ ﺳﻴﺪ ﻭﻧﻌﻘﺪ ﻭﺍﺷﻮﻑ ﺷﻠﻮﻥ ﻣﺎﻳﺼﻴﺮ ﺍﻟﻲ ﺳﻠﻄﺔ ﻋﻠﻴﺞ ﺫﻳﺞ ﺍﻟﺴﺎﻋﺔ ﻋﻮﺩ ﺍﺣﺠﻲ ...
ﺻﺎﻳﺮ ﻟﺴﺎﻧﺞ ﺷﻄﻮﻟﺔ ﻣﺎﺟﻨﺘﻲ ﻫﻴﺞ ﺍﺑﺪ ﻭﻳﻨﻬﺎ ﻣﻴﺴﻢ ﺍﻟﻔﻘﻴﺮﺓ
_ ﻣﺤﺪ ﻳﺒﻘﻰ ﻋﻠﻰ ﺣﺎﻟﻪ ﺍﺑﻦ ﻋﻤﻲ ﺍﻟﻜﻞ ﻳﺘﻐﻴﺮ
ﻣﻦ ﺭﺧﺼﺘﻚ
ﻋﻔﺘﻪ ﺍﻣﺸﻲ ﺗﻌﺒﺎﻧﻪ ﻣﺪﻳﺖ ﺍﻳﺪﻱ ﻟﺨﺪﻭﺩﻱ ﺍﺣﺲ ﻳﻮﺟﻌﻨﻲ ﻣﻦ ﻗﺒﻀﺘﻪ ﻭﺍﻟﻠﻪ ﺗﻌﺒﺖ ﻳﺎﺭﺑﻲ ﻓﻮﻙ ﻫﺬﺍ ﻛﻠﻪ ﺗﻔﻜﻴﺮ ﻭﻗﻠﻖ ﻭﻛﺮﻩ ﺑﺪﺍﺧﻠﻲ ﺗﺠﺎﻫﻪ ﻣﻮ ﻃﺒﻴﻌﻲ ﻫﺬﺍ ﺷﻮﻥ ﺭﺍﺡ ﻳﺼﻴﺮ ﺯﻭﺟﻲ ﻭﺍﻟﻠﻪ ﻣﺎ ﺍﺩﺭﻱ !!
ﺩﺧﻠﺖ ﻟﻠﺒﻴﺖ ﺍﺟﺮ ﺭﻭﺣﻲ ﺟﺮ ﻭﺍﻣﺸﻲ ﻭﺍﺗﺤﺴﺲ ﺧﺪﻭﺩﻱ ﻣﻜﺎﻥ ﻗﺒﻀﺔ ﻋﻴﺎﺵ ﻣﻮ ﺍﻳﺪ ﻣﻦ ﻟﺤﻢ ﻭﻋﻀﺎﻡ ﻋﺒﺎﻟﻚ ﺣﺪﻳﺪ
ﺍﻟﺮﺟﻞ ﺍﻟﺤﺪﻳﺪﻱ ﻣﺎﻳﻠﺤﻜﻪ ..
ﺷﺎﻓﺘﻨﻲ ﺍﻟﺤﺠﻴﺔ ﻣﺮﺓ ﺍﺑﻮﻱ ﻭﺍﻧﻪ ﺩﺧﻠﺖ ﻣﺎﺳﻠﻤﺖ ﻛﺒﻞ ﺍﺭﻳﺪ ﺍﺭﻭﺡ ﻟﻐﺮﻓﺘﻲ
ﺻﺎﺣﺖ ﻋﻠﻴﻪ ﻣﻴﺴﻢ ..
ﺍﻟﺘﻔﺘﺖ ﻋﻠﻴﻬﺎ ﻧﻌﻢ ﻳﻤﻪ ؟
ﻣﻨﻮ ﺟﺎﺑﺞ ﺷﻮﻥ ﺟﻴﺘﻲ ﻭﻭﻳﻦ ﺣﺎﺯﻡ ؟ ﻣﺎﺟﺎﻱ ﺍﺷﻮﻓﻪ ﻭﻻ ﺍﺷﻮﻑ ﺳﻴﺎﺭﺗﻪ ﺩﺧﻠﺖ ..
ﻛﻌﺪﺕ ﺣﺠﻴﺘﻠﻬﺎ ﻛﻞ ﺷﻲ ﻭﺍﻧﻪ ﺍﺑﺠﻲ
ﻟﻄﻤﺖ ﻭﺟﻬﻪ ﻳﺎ ﺻﺨﺎﻡ ﻭﻫﺴﻪ ﻭﻳﻨﻪ ﺣﺎﺯﻡ ؟ ﺑﻌﺪﻩ ﻳﻢ ﺧﺎﻟﺞ ﺑﺎﻟﻤﺴﺘﺸﻔﻰ ؟
ﻫﺰﻳﺖ ﺭﺍﺳﻲ ...
ﺗﺨﺒﻠﺖ ﻣﺎﻋﺮﻓﺖ ﺷﺘﺴﻮﻱ ﺻﺎﺣﺖ ﺣﺎﺗﻢ ﻭﻳﻨﻚ ﺣﺎﺗﻢ
ﻃﻠﻌﺘﻠﻬﺎ ﺯﻳﻨﺔ ﻋﻤﻪ ﺣﺎﺗﻢ ﻳﻢ ﻋﻤﻲ ﺑﺎﻟﺪﻳﻮﺍﻥ
_ ﺧﺎﺑﺮﻱ ﺧﻞ ﻳﺠﻲ ﺑﺴﺮﻋﺔ
_ ﺧﻴﺮ ﺻﺎﻳﺮ ﺷﻲ ؟
_ ﻣﺜﻞ ﻣﺎ ﺍﻛﻠﺞ ﺳﻮﻱ ...
ﻃﺒﺖ ﺯﻳﻨﺔ ﻭﺍﺟﺖ ﺍﻡ ﻓﺨﺮﻱ ﺗﻨﻬﺪ ﻭﺗﻤﺸﻲ ﺷﺒﻴﺞ ﺣﺠﻴﺔ ﺧﻴﺮ ﻭﺷﺼﺎﻳﺮ ؟ ﻋﺮﻛﺔ ﻳﻠﻪ ﺍﺣﺠﻴﻠﻲ ﺑﺴﺮﻋﺔ ﺷﺼﺎﻳﺮ ﻣﺎ ﺍﺻﺒﺮ ﺑﻌﺪ ..
ﺗﺠﺎﻫﻠﺘﻬﺎ ﻣﺮﺓ ﺍﺑﻮﻱ ﻭﺗﻮﺟﻬﺖ ﺍﻟﻲ ﻣﻴﺴﻢ ﺍﻧﻪ ﻋﻤﺮﻱ ﻣﺎﺣﺎﺟﻴﺔ ﻋﻠﻰ ﺍﻣﺞ ﺑﺲ ﺍﻣﺞ ﻣﺪﺭﻱ ﺷﻠﻮﻧﻬﺎ ﺗﺼﺮﻓﺎﺗﻬﺎ ﺍﻟﻤﻔﺮﻭﺽ ﻣﺎﺗﺨﻠﻲ ﻭﺭﺩﺓ ﺗﺠﻴﻜﻢ ﺑﻌﺪ ﻟﻴﺶ ﺗﺨﻠﻴﻬﻢ ﻳﻠﺘﻘﻮﻥ ﺑﺎﻟﺨﺘﻼﺕ ﻫﻴﻪ ﻫﺎﻱ ﻫﻢ ﺳﻮﺍﻳﻪ ﺑﻠﻠﻪ ﺗﺠﻴﺐ ﺍﻟﻤﺸﺎﻛﻞ ﻛﻮﺓ ﻟﺮﻭﺣﻬﺎ ....
ﺳﻜﺘﺖ ﺷﺤﺠﻲ ﺗﻌﺒﺎﻧﺔ ﻛﻠﺶ ﺟﺮﻳﺖ ﺭﻭﺣﻲ ﺍﺭﻳﺪ ﺍﺭﻭﺡ ﻟﻐﺮﻓﺘﻲ ﻭﻭﺭﺍﻱ ﺣﺎﺗﻢ ﺍﺟﻪ ﺳﻤﻌﺘﻬﺎ ﺗﻜﻠﻪ ﺭﻭﺡ ﻭﺭﺍ ﺣﺎﺯﻡ ﻻﻳﺴﻮﻭﻥ ﺑﻲ ﺷﻲ ﻭﺟﻴﺒﻪ ﻟﻬﻨﺎ ..
ﺩﺧﻠﺖ ﻟﻐﺮﻓﺘﻲ ﻭﺑﻘﻴﺖ ﺑﻴﻬﻪ ﻟﻠﻌﺼﺮ ﻣﺎﺩﺭﻱ ﺷﺼﺎﺭ ﻣﺎﺻﺎﺭ ﺑﻌﺪﻫﻪ ﺗﻌﺒﺖ ﻣﻦ ﻫﺎﻟﻤﺸﺎﻛﻞ ..
ﻃﻠﻌﺖ ﺍﺳﺄﻝ ﻋﻦ ﺣﺎﺯﻡ
ﺷﻔﺘﻪ ﺑﻐﺮﻓﺘﻪ ﺣﺠﺎﻟﻲ ﻋﻠﻰ ﺍﻟﻲ ﺻﺎﺭ ﺑﺎﺧﺘﺼﺎﺭ ﻻﻥ ﻫﻮ ﻫﻢ ﺗﻌﺒﺎﻥ ﻛﻠﺶ ..
ﻛﺎﻝ ﻭﺩﻳﺘﻪ ﻟﻠﻤﺴﺘﺸﻔﻰ ﺧﻴﻄﻮﺍ ﺍﻳﺪﻩ ٦ ﺧﻴﺎﻃﺎﺕ
ﻭﺍﻧﻪ ﺑﻘﻴﺖ ﺍﻧﺘﻈﺮﻩ ﺍﺟﻪ ﺧﺎﻟﻲ ﻓﺎﺋﻖ ﻭﺭﺍﻫﻪ ﺍﺟﻪ ﺣﺎﺗﻢ ﺍﺧﻮﻱ ﻭﺍﺟﻴﺖ ﻟﻠﺒﻴﺖ .. janat_51
_ ﺷﻔﺖ ﺍﺑﻮﻱ ؟ ﻣﺎﻛﺎﻝ ﺷﻲ ؟
ﺍﻭﻭ ﺍﺑﻮﻱ ﻛﻠﺐ ﺍﻟﺪﻧﻴﻪ ﻋﻠﻴﻪ ﺧﻠﻴﻬﻪ ﺳﻜﺘﻪ ..
ﻭﺍﺣﻨﻪ ﻛﺎﻋﺪﻳﻦ ﻧﺴﻮﻟﻒ ﺳﻤﻌﻨﺎ ﺻﻮﺕ ﺍﺑﻮﻱ ﻳﺼﻴﺢ ﺑﻌﺼﺒﻴﺔ ﺣﺎﺯﻡ ﺣﺎﺯﻡ ...
ﻛﺎﻝ ﺣﺎﺯﻡ ﺍﻭﻭﻭ ﻣﺎﻛﻔﺎﻩ ﺭﺯﺍﻟﺔ ﺍﻟﻀﻬﺮ ﺷﻨﻮ ﻳﺮﻳﺪ ﻫﺴﻪ
ﺍﻧﻔﺘﺤﺖ ﺍﻟﺒﺎﺏ ﻭﻃﺒﺖ ﺯﻳﻨﺔ ﻛﻮﻡ ﺣﺎﺯﻡ ﺍﺑﻮﻙ ﻳﺮﻳﺪﻙ ﺷﻨﻮ ﻣﺎﺟﺎﻱ ﺗﺴﻤﻌﻪ ﻳﺼﻴﺢ ﺻﺎﻳﺮﺓ ﻣﺮﺳﺎﻝ ﺍﻧﻪ ﻫﻨﺎ ...
ﻃﻠﻌﺖ ﺯﻳﻨﺔ ﻭﺣﺎﺯﻡ ﺗﺄﻓﺄﻑ ﻭﻃﻠﻊ
ﻭﺍﻧﻪ ﻃﻠﻌﺖ ﻭﺭﺍﻫﻢ ﺍﻣﺸﻲ ﺑﺨﻄﻰ ﺑﻄﻴﺌﺔ
ﻭﻛﻔﺖ ﻳﻢ ﺑﺎﺏ ﻏﺮﻓﺔ ﺣﺎﺯﻡ ﻭﺍﺑﺎﻭﻉ ﺍﻟﻬﻢ ﺑﻘﻠﺔ ﺣﻴﻠﺔ ...
ﻭﻫﻢ ﺑﺎﻟﻬﻮﻝ
ﺣﺎﺯﻡ ﻭﺍﻛﻒ ﻭﻣﺪﻧﻚ ﺭﺍﺳﻪ ﻭﺍﻟﺤﺠﻴﺔ ﻭﺍﻛﻔﺔ ﺑﺼﻒ ﺍﺑﻮﻱ
ﻭﺗﻬﺪﻱ ﻋﻠﻴﻪ ...
ﺭﻓﻊ ﺍﻳﺪﻩ ﺑﻮﺟﻪ ﺣﺎﺯﻡ ؛ - ﺍﺳﻤﻊ ﻭﻟﻚ ﻣﻦ ﺑﺎﺟﺮ ﺍﻟﺤﺠﻴﺔ ﺭﺍﺡ ﺗﻄﻠﻊ ﺗﺪﻭﺭﻟﻚ ﻋﻠﻰ ﻣﺮﺓ ﻭﻳﺎﻫﻲ ﺍﻟﻲ ﺗﺸﻮﻓﻬﺎ ﻣﻨﺎﺳﺒﺔ ﺗﺨﻄﺒﻬﺎ ﺍﻟﻚ ﻭﺗﺸﻴﻞ ﻭﺭﺩﺓ ﻣﻦ ﺑﺎﻟﻚ ﻭﻛﺎﻓﻲ ﻣﺸﺎﻛﻞ ﺍﻟﻲ ﺧﻠﻘﻬﺎ ﺧﻠﻖ ﻏﻴﺮﻫﺎ ﺍﻓﺘﻬﻤﺖ !!!!
ﻳﺮﻳﺪ ﻳﺤﺠﻲ ﺣﺎﺯﻡ ﺍﺑﻮﻱ ﺳﻜﺘﻪ ﻭﺍﺷﺮﻟﻪ ﻣﺎﻳﺤﺠﻲ ﻭﻋﻴﻮﻧﻪ ﺗﺒﻌﺚ ﺷﺮﺭ ﺍﻟﻐﻀﺐ ﻭﺍﻟﻌﺼﺒﻴﺔ ﺍﻭﻝ ﻣﺮﺓ ﺍﺷﻮﻑ ﺍﺑﻮﻱ ﻫﻴﺞ ﻣﻌﺼﺐ ...
ﺳﻜﺖ ﺣﺎﺯﻡ ﻭﻧﺰﻝ ﺭﺍﺳﻪ ﺑﺨﻴﺒﺔ ﻭﺍﻧﻜﺴﺎﺭ ...
ﺍﺑﻮﻱ ﻭﺟﻪ ﻛﻼﻣﻪ ﻟﻠﺤﺠﻴﺔ ؛ - ﻫﺎﻱ ﻣﺴﺆﺅﻟﻴﺘﺞ ﺣﺠﻴﺔ ﺍﻡ ﺣﺎﺗﻢ ﻭﺍﺫﺍ ﺍﻛﻮ ﻭﺣﺪﺓ ﺍﺑﺎﻟﺞ ﺑﺖ ﻧﺎﺱ ﻭﺍﻭﺍﺩﻡ ﻋﺠﻠﻲ ﺑﺎﻟﻤﻮﺿﻮﻉ ﻟﻠﺠﻤﻌﺔ ﺍﻟﺠﺎﻳﺔ ﻧﻌﺪ ﺍﻟﺤﮓ ﻭﻧﻌﻘﺪ ﺳﻴﺪ ﺻﺎﺭ ﻣﻌﻠﻮﻡ ؟؟
ﺟﺎﻭﺑﺘﻪ ﺍﻟﺤﺠﻴﺔ ؛ - ﺍﻥ ﺷﺎﺀﺍﻟﻠﻪ ﺗﺪﻟﻞ ﺷﻴﺦ ﻭﻫﺬﺍ ﻋﻴﻦ ﺍﻟﻌﻘﻞ ﻭﺻﺢ ﺍﻟﺼﺢ ﻭﺍﻟﻲ ﻻﺯﻡ ﻳﺼﻴﺮ ﻭﺑﻨﺎﺕ ﻋﻤﻪ ﺧﻴﺮ ﻣﻦ ﺍﻟﻠﻪ ﻭﺑﻨﺎﺕ ﺍﻟﻌﺸﻴﺮﺓ ﻣﺎﺷﺎﺀﺍﻟﻠﻪ ﻋﻠﻴﻬﻦ ﺧﻠﻘﺔ ﻭﺍﺧﻼﻕ ﻣﻨﻮ ﻣﺎﺗﺘﻤﻨﺎﻩ ﺣﺎﺯﻡ ﺍﻟﻮﺭﺩ ﺍﺑﻦ ﺍﻟﺸﻴﺦ ﻭﺭﻓﻌﺔ ﺭﺍﺱ ﺍﺻﻼ ﻳﺘﺸﺮﻓﻮﻥ ﺑﻴﻪ ..الناقلة جنات عزيز
ﺍﺑﻮﻱ ؛ - ﺍﻱ ﺣﺠﻴﺔ ﻣﺎﺗﻘﺼﺮﻳﻦ ﻭﺍﻟﻨﻌﻢ ﻣﻨﺞ ... ﺍﻧﺖ ﺍﻣﻪ ﺍﻟﻲ ﺭﺑﻴﺘﻲ ﻭﻣﺤﺪ ﺑﻜﺪﺝ ﻳﻌﺮﻑ ﻣﺼﻠﺤﺘﻪ ..
ﺿﻞ ﺣﺎﺯﻡ ﺳﺎﻛﺖ ﺻﺎﺡ ﺍﺑﻮﻱ ﺑﺼﻮﺕ ﻋﺎﻟﻲ ﻣﺮﺓ ﺛﺎﻧﻴﺔ
ﺍﻓﺘﻬﻤﺖ ﺍﻟﺤﺠﻴﺘﻪ ﻫﺴﻪ ﻟﻮ ﺍﻋﻴﺪ ﻭﺍﻛﺮﺭ ﻛﻼﻣﻲ ﺟﺎﻱ ﺍﺣﺠﻲ ﻭﻳﺎﻙ ﺣﺎﺯﻡ ﺍﻓﺘﻬﻤﺖ ؟
ﺭﻓﻊ ﺭﺍﺳﻪ ﻭﺗﻜﻠﻢ ﺑﻨﺒﺮﺓ ﺣﺰﻥ ﺻﺎﺭ ﺑﻮﻳﻪ ﺍﻟﻲ ﺗﺸﻮﻓﻪ ﻋﻠﻰ ﺍﻣﺮﻙ ...
ﻃﻠﻊ ﺍﺑﻮﻱ ﻣﻦ ﺍﻟﻬﻮﻝ ﻭﻣﺮﺓ ﺍﺑﻮﻱ ﻛﻀﺖ ﺣﺎﺯﻡ ﻣﻦ ﺍﻳﺪﻩ
ﻭﺿﻠﺖ ﺗﺤﺠﻲ ﻭﻳﺎ ﺑﺘﻮﺳﻞ ﻳﻤﻪ ﺳﻤﻌﺖ ﺣﺠﻲ ﺍﺑﻮﻙ ﻫﺴﻪ ﺗﺮﺍ ﻳﺮﻳﺪ ﻣﺼﻠﺤﺘﻚ ﻋﻮﻑ ﻫﺎﻱ ﺍﻟﺒﺖ ﻣﺎﺗﻔﻴﺪﻙ ﻣﺎﺗﺸﻮﻑ ﺍﻟﻤﺸﺎﻛﻞ ﺍﻟﻲ ﺟﺎﻱ ﺗﺼﻴﺮ ﺑﺴﺒﺐ ﻫﺎﻟﺴﻴﺮﺓ ﻃﻴﻊ ﺍﺑﻮﻙ ﻭﺍﻣﺸﻲ ﻭﺭﺍﻩ ﺍﺣﺴﻦ ﺍﻣﻚ ﺭﺍﻋﻴﺔ ﻣﺸﺎﻛﻞ ﺍﺑﺘﻌﺪ ﻋﻨﻬﺎ ﻫﺎﻟﻔﺘﺮﺓ ﺍﻧﻪ ﺍﺣﺠﻲ ﻟﻤﺼﻠﺤﺘﻚ ...
ﺟﺎﻭﺑﻬﺎ ﺑﺤﺰﻥ ﻳﻤﻪ ﺍﻟﻠﻪ ﻳﺨﻠﻴﺞ ﺍﻣﻲ ﻣﺎﻟﻬﺎ ﻏﺮﺽ ﺑﻠﻲ ﺻﺎﺭ ﻫﻮ ﺧﺎﻟﻲ ﻛﻠﺐ ﺍﺑﻦ ﺳﺘﺔ ﻭﺳﺘﻴﻦ ﻛﻠﺐ ﺍﻟﻠﻪ ﻳﺎﺧﺬﻩ ﻭﻳﺨﻠﺼﻨﻲ ﻣﻨﻪ ، ﻳﻤﻪ ﺍﻧﻪ ﺍﺣﺐ ﻭﺭﺩﺓ ﺣﺎﺑﻬﻪ ﻣﻦ ﺍﻋﻤﺎﻗﻲ ﻟﻴﺶ ﻣﺤﺪ ﺟﺎﻱ ﻳﺤﺲ ﺑﻴﻪ ﻭﺍﻣﻲ ﺻﺒﺎﺡ ﺣﺎﺳﺔ ﺑﻴﻪ ﺑﺲ ﻫﺎﻟﻲ ﺍﺧﺨﺦ ﻣﻨﻪ ..
ﻋﻔﺘﻬﻢ ﻳﺤﺠﻮﻥ ﻭﺩﺧﻠﺖ ﻟﻐﺮﻓﺘﻲ ، ﺑﺎﻟﻠﻴﻞ ﺧﺎﺑﺮﺕ ﺍﻣﻲ
ﻭﺣﺠﺖ ﺍﻟﻲ ﺍﻟﻲ ﺻﺎﺭ ....
ﻛﺎﻟﺖ ﺧﺎﻟﺞ ﺍﺑﻮ ﺭﺍﺿﻲ ﻃﻠﻊ ﻣﻦ ﺍﻟﻤﺴﺘﺸﻔﻰ ﻭﺍﺟﻮﺍ ﻭﻟﺪﻩ ﻭﺗﻌﺎﺭﻛﻮﺍ ﻭﻳﺎﻱ ﺑﺲ ﺧﺎﻟﺞ ﻓﺎﺋﻖ ﻭﻭﻟﺪﻩ ﻭﻛﻔﻮﺍ ﺑﻮﺟﻬﻢ ...
ﺳﺄﻟﺘﻬﻪ ﻋﻦ ﻭﺭﺩﺓ ﻛﺎﻟﺖ ﺧﺬﻭﻫﻪ ﻭﺭﺍﺣﻮﺍ
_ ﻳﻤﻪ ﺷﻠﻮﻥ ﺧﺎﻑ ﻳﻜﺘﻠﻮﻧﻬﺎ ﻫﺬﻭﻝ ﻭﺣﻮﺵ ﺑﺪﻭﻥ ﺭﺣﻤﺔ
_ ﺧﺎﻟﺞ ﻓﺎﺋﻖ ﺣﻠﻔﻬﻢ ﺑﺎﺑﻮ ﻓﺎﺿﻞ ﻣﺎﻳﺠﻴﺴﻮﻧﻬﺎ ﻳﻠﻪ ﺳﻠﻤﻬﺎ ﺍﻟﻬﻢ ، ﺑﺲ ﻫﻢ ﺣﺼﻠﺖ ﺟﻢ ﺭﺍﺷﺪﻱ ﻣﻨﻬﻢ ....
ﻋﻮﻓﺞ ﻣﻨﻬﻢ ﺍﻧﺖ ﻛﻠﻴﻠﻲ ﺷﻠﻮﻧﺞ ﻋﺒﺎﺱ ﻛﺎﻟﻲ ﻋﻴﺎﺵ ﻓﺘﺢ ﺍﻟﺒﺎﺏ ﻭﺿﻞ ﻳﺨﻮﺯﺭ ﺑﻴﺞ ﺻﺪﻙ ﻫﺎﻟﺤﺠﻲ ﻫﺬﺍ ﺷﻨﻮ ﺣﺎﺳﺐ ﺭﻭﺣﻪ ؟ ﺷﺎﻳﻒ ﻧﻔﺴﻪ ﻓﺪ ﺷﻮﻓﻪ ؟
ﺍﻱ ﻳﻤﻪ ﻛﺎﻝ ﺭﺍﺡ ﻳﻌﻘﺪ ﻋﻠﻴﻪ ﻫﺎﻻﺳﺒﻮﻉ ﻫﺬﺍ
_ ﻣﻮ ﻫﻮ ﺑﻜﻴﻔﻪ ﺍﻧﻪ ﺍﻋﻠﻤﻪ ﺍﻟﻪ ﺍﻃﻴﺢ ﺣﻈﻪ ﻭﺍﻭﻛﻔﻪ ﻋﻨﺪ ﺣﺪﻩ ﺷﻌﻠﻴﻪ ﺑﻴﺞ ﻫﻮ !!!
_ ﻳﻤﻪ ﻋﻮﻓﻲ ﺩﺧﻴﻠﺞ ﻛﺎﻓﻲ ﻣﺸﺎﻛﻞ ﺍﻟﻠﻪ ﻳﻄﻮﻝ ﻋﻤﺮﺝ ﺍﻧﻪ ﺧﻠﺺ ﺍﻧﻄﻴﺖ ﻭﻋﺪ ﻻﺑﻮﻱ ﻣﺎﻛﺪﺭ ﺍﻛﺴﺮ ﻛﻠﻤﺘﻪ ﺗﻌﺒﺖ ﻳﻤﻪ ﺗﻌﺒﺖ ..
_ ﺷﻮﻓﻲ ﻣﻴﺴﻢ ﻟﻮ ﺍﻧﻪ ﻟﻮ ﻋﻴﺎﺵ ﺍﻓﺘﻬﻤﺘﻲ ...
_ ﻳﻤﻪ ﺩﺧﻴﻠﺞ ...
ﺳﺪﺗﻪ ﺑﻮﺟﻬﻲ ...
☆☆☆☆
ﺳﻴﻒ ...
ﺍﻟﺴﺎﻋﺔ ١ ﺑﺎﻟﻠﻴﻞ ﻣﺘﻤﺪﺩ ﺑﺎﻟﻬﻮﻝ ﻭﺟﺎﻱ ﺍﺗﻔﺮﺝ ﻓﻠﻢ
ﺍﻟﻀﻮﻩ ﻃﺎﻓﻲ ﻭﻛﻠﻤﻦ ﺑﻐﺮﻓﺘﻪ
ﺣﺴﻴﺖ ﻭﺍﺣﺪ ﻳﻠﻌﺐ ﺑﺸﻌﺮﻱ ، ﺍﻟﺘﻔﺘﺖ ﺷﻔﺘﻪ ﺣﺴﻮﻧﻲ ﺍﺧﺬﺗﻪ ﻟﺤﻀﻨﻲ ﺿﻠﻴﺖ ﺍﺑﻮﺳﻪ ﻭﺍﻋﻀﻌﺾ ﺑﻲ
ﻭﻟﻚ ﺷﺴﻮﻱ ﻫﻨﺎ ﻭﻟﻴﺶ ﻟﻬﺴﻪ ﻣﻮ ﻧﺎﻳﻢ ﻫﺎﺍ ﻳﺎ ﻭﻛﻜﺢ ؟؟؟
ﺧﻠﻴﺘﻪ ﺑﺤﻀﻨﻲ ﻭﻛﻠﺴﺎﻉ ﺍﺑﻮﺳﻪ ، ﺿﻠﻴﺖ ﺍﻛﺸﺮﻟﻪ ﺍﻟﺤﺐ ﻭﺍﺧﻠﻲ ﺑﺤﻠﻜﻪ ﻭﻫﻮ ﻣﻜﻴﻒ ﻭﻳﺎﻛﻞ ﻭﻳﺎﻳﻪ
ﺻﺎﺭ ﻓﺘﺮﺓ ﻋﺪﻧﻪ ﻫﻮ ﻭﺍﻣﻪ ﺑﺎﻗﻴﻦ ﻳﻤﻨﻪ ..
ﺑﻌﺪ ٥ ﺩﻗﺎﻳﻖ ﻫﻮ ﻳﻤﻲ ﺳﻤﻌﺖ ﺻﻮﺕ ﺷﻬﺪ ﺑﺎﻟﻤﻤﺮ ﺗﺼﻴﺢ ﺣﺴﻮﻧﻲ ﻭﻳﻨﻚ ؟
ﺟﺎﻭﺑﺘﻬﺎ ﻣﻦ ﻣﻜﺎﻧﻲ ﺗﻌﺎﻟﻲ ﺷﻬﺪ ﻫﺬﺍ ﻫﻮ ﺣﺴﻮﻧﻲ ﻳﻤﻲ ..
ﺍﺟﺖ ﻟﻠﺼﺎﻟﺔ ﺗﻠﻒ ﺑﺎﻟﺮﻭﺏ ﺍﻻﺳﻮﺩ ﻣﺎﻟﺘﻬﺎ ﻋﻠﻰ ﺧﺼﺮﻫﺎ
ﺩﻧﻜﺖ ﺍﺑﻌﺪ ﻧﻈﺮﺍﺗﻲ ﻋﻨﻬﺎ
ﻭﺳﻮﻳﺖ ﻧﻔﺴﻲ ﻣﺸﻐﻮﻝ ﺍﺑﻮﺱ ﺑﺤﺴﻴﻦ ﻭﺍﻟﻌﺒﻪ ..
ﻫﻴﻪ ﺍﺟﺖ ﻛﻌﺪﺕ ﻛﺒﺎﻟﻲ ﻉ ﺍﻟﻘﻨﻔﺔ ، ﻇﻠﺖ ﺗﺤﺠﻲ
_ ﻟﻚ ﺣﺴﻮﻥ ﻭﻛﻴﺢ ﺑﺲ ﻏﻔﻴﺖ ﺷﻮﻳﻪ ﻛﻤﺖ ﻃﻠﻌﺖ ﻓﺰﻳﺖ ﻣﺮﻋﻮﺑﺔ ﺧﻮﻓﺘﻨﻲ ﻋﻠﻴﻚ ..
ﻫﻮ ﺿﻞ ﻳﻀﺤﻚ ﻭﻳﺤﻮﺹ ﺑﺤﻀﻨﻲ ﻭﻳﺘﻤﺴﻚ ﺑﻴﻪ ﺍﻛﺜﺮ ..
ﺍﺟﺖ ﻋﻴﻨﻲ ﻋﻠﻰ ﺍﺿﺎﻓﺮ ﺭﺟﻠﻴﻬﺎ ﻣﺼﺒﻐﺘﻬﻢ ﺑﺎﺳﻮﺩ
ﻭﻣﻨﺎ ﺭﺟﻠﻴﻬﺎ ﺑﻴﺾ ﺛﻠﺞ ، ﺩﺭﺕ ﻭﺟﻬﻲ ﻉ ﺍﻟﺘﻠﻔﺰﻳﻮﻥ ﺍﺑﺎﻭﻉ
.. ﻭﻧﺒﻀﺎﺕ ﻗﻠﺒﻲ ﺻﺎﺭﺕ ﺗﺘﺴﺎﺑﻖ ﺑﺎﻟﻨﺒﺾ ﺑﺴﺮﻋﺔ ...
ﺩﻧﻜﺖ ﻣﺎﺑﺎﻭﻋﺖ ﻋﻠﻴﻬﺎ ﻭﺣﺠﻴﺖ ﺭﻭﺣﻲ ﺷﻬﺪ ﻧﺎﻣﻲ ﺑﻘﻲ ﻳﻤﻲ ﺍﻧﻲ ﺑﺎﺟﺮ ﺟﻤﻌﺔ ﻣﺎﻋﻨﺪﻱ ﺩﻭﺍﻡ ﺍﺳﻬﺮ ﻭﺍﺩﻳﺮ ﺑﺎﻟﻲ ﻋﻠﻴﻪ ..
_ ﻭﺍﻟﻠﻪ ﻣﺎﺗﻐﻔﺎﻟﻲ ﻋﻴﻦ ﻭﻻ ﻳﻬﺪﺍﻟﻲ ﺑﺎﻝ ﺍﺫﺍ ﻫﻮ ﻣﻮ ﻳﻤﻲ ..
ﻛﺎﻣﺖ ﻣﻦ ﻣﻜﺎﻧﻬﺎ ﺗﻌﺮﺝ ﻭﺍﺟﺖ ﺩﺗﻜﻌﺪ ﻉ ﺍﻟﻘﻨﻔﺔ ﺍﻟﻲ ﺍﻧﻲ ﻣﺘﻤﺪﺩ ﺑﺼﻔﻬﺎ ﻭﻣﺮﺗﻜﻲ ﻋﻠﻴﻬﺎ ، ﺭﻳﺤﺘﻬﺎ ﺍﻟﺨﺎﺻﺔ ﺍﻟﻤﻤﺰﻭﺟﺔ ﻭﻳﺎ ﻋﻄﺮﻫﺎ ﺻﺎﺭﺕ ﺗﻄﺦ ﺑﺎﻧﻔﺎﺳﻲ ﺗﻌﺒﺚ ﺑﺮﻭﺣﻲ ﻭﺗﺰﻳﺪﻧﻲ ﺣﻴﻴﺮﺓ ﻭﺗﻘﺘﺤﻤﻨﻲ ﺍﺣﺎﺳﻴﺲ ﻣﺎﻛﺪﺭ ﺍﻓﺴﺮﻫﺎ ﺍﻭ ﺍﺗﻌﻤﺪ ﺍﺗﺠﺎﻫﻞ ﺗﻔﺴﻴﺮﻫﺎ ..
ﻛﻌﺪﺕ ﻉ ﺍﻟﻘﻨﻔﺔ ﺻﺎﺭﺕ ﻭﺭﺍﻳﻪ ﻭﺍﻧﻲ ﻣﻨﻄﻴﻬﺎ ﺿﻬﺮﻱ
ﻭﺑﺤﻀﻨﻲ ﺣﺴﻮﻧﻲ
ﻛﺎﻟﺖ ﺍﻛﻮﻟﻚ ﺳﻴﻒ ﺗﺪﺭﻱ ﺧﺎﻟﺔ ﺷﻨﻮ ﺗﻜﻮﻝ ؟
ﺑﺎﻭﻋﺘﻠﻬﺎ ﺍﺟﺖ ﻋﻴﻨﻲ ﺑﻌﻴﻨﻬﺎ ﺍﺭﺗﺒﻜﺖ ﻧﻈﺮﺍﺗﻲ ﺟﺎﻭﺑﺘﻬﺎ ﻭﺍﻧﻲ ﺍﺑﻌﺪ ﻋﻴﻮﻧﻲ ﻋﻨﻬﺎ
_ ﺷﺘﻜﻮﻟﺞ ﺍﻣﻲ ؟  janat_51
ﺗﻜﻮﻝ ﺗﺰﻭﺟﻲ ﻭﺧﻠﻲ ﺣﺴﻴﻦ ﻋﻨﺪﻱ ﺍﻧﻲ ﺍﺩﻳﺮ ﺑﺎﻟﻲ ﻋﻠﻴﻪ ..
ﺍﻟﺘﻔﺘﺖ ﻋﻠﻴﻪ ﺑﻌﺼﺒﻴﺔ ﻭﻇﻠﻴﺖ ﺍﺑﺎﻭﻋﻠﻬﺎ ﺑﻘﻮﺓ ﻭﻣﻌﺼﺐ
ﺍﻱ ﻭﺍﻧﺖ ﺗﺮﺩﻳﻦ ﺗﺘﺰﻭﺟﻴﻦ ؟ ﺷﻨﻮ ﺟﺎﻳﻴﺞ ﺧﻄﺎﺑﺔ ؟
ﺿﺤﻜﺖ ﻭﺧﻠﺖ ﺍﻳﺪﻫﺎ ﻋﻠﻰ ﻛﺘﻔﻲ ﺑﺎﻭﻋﺖ ﻋﻠﻰ ﺍﻳﺪﻫﺎ ﻭﺭﺟﻌﺖ ﺑﺎﻭﻋﺖ ﺑﻌﻴﻮﻧﻬﺎ ﻣﺨﻨﺰﺭ ﻭﻫﻴﻪ ﻣﺒﺘﺴﻤﺔ ﻋﺎﺟﺒﻬﺎ ﻭﺿﻌﻲ ..
ﻭﺧﺮﺕ ﺍﻳﺪﻫﺎ ﻛﺎﻟﺖ ﺍﻱ ﺍﺑﻦ ﺧﺎﻟﺘﻲ ﺧﻄﺒﻨﻲ ﻭﺣﺘﻰ ﻛﺎﻝ ﻳﻌﺘﺒﺮ ﺣﺴﻴﻦ ﻣﺜﻞ ﺍﺑﻨﻪ ﺑﺲ ﺍﻧﻲ ﺭﻓﻀﺖ ﻣﺎ ﺍﺭﻳﺪ ..
_ ﻫﺬﺍ ﺍﺑﻦ ﺧﺎﻟﺘﺞ ﻣﻴﺴﺘﺤﻲ ﺑﻌﺪﻩ ﺍﺧﻮﻳﻪ ﻣﺼﺎﺭ ﺍﻟﻪ ﺳﻨﺔ ﻣﻦ ﺗﻮﻓﻰ ﻳﺎﺩﻭﺏ ٩ ﺷﻬﻮﺭ ﺑﺲ ﺟﺎﻥ ﺍﺳﺘﺤﻰ ﻋﻠﻰ ﻧﻔﺴﻪ ﺑﺲ ﻣﻮ ﺻﻮﺟﻪ ﺻﻮﺝ ﺍﻟﻲ ﻣﻨﻄﻲ ﻣﺠﺎﻝ ..
ﺭﻣﺸﺖ ﺑﺘﻮﺗﺮ ؛ - ﺷﺒﻴﻚ ﺳﻴﻒ ؟ ﻭﺷﺘﻘﺼﺪ ﺍﻧﻲ ﻧﺎﻃﻴﺘﻪ ﻣﺠﺎﻝ ؟
ﻛﻤﺖ ﻋﻠﻰ ﺣﻴﻠﻲ ﻣﻌﺼﺐ ؛ - ﻫﺎﺝ ﺣﺴﻴﻦ ، ﺍﺧﺬﻱ ﺍﺭﻭﺡ ﺍﻧﺎﻡ ﺍﻧﻲ ..
ﺍﺧﺬﺗﻪ ﻣﻨﻪ ﻭﻃﺨﺖ ﺍﻳﺪﻳﻪ ﺑﻴﺪﻳﻪ ﺗﻼﻣﺴﺖ ﺑﺸﺮﺗﻲ ﺍﻟﺨﺸﻨﺔ ﻭﻳﺎ ﺑﺸﺮﺗﻬﺎ ﺍﻟﻨﺎﻋﻤﺔ ﻣﺜﻞ ﺍﻟﺤﺮﻳﺮ ..
ﻣﺎﺍﺩﺭﻱ ﺷﻨﻮ ﺍﻟﺼﺎﺭ ﺑﻴﻪ ..
ﻟﺰﻣﺘﻨﻲ ﻣﻦ ﺍﻳﺪﻱ ﺳﻴﻒ ﺷﺒﻴﻚ ﻭﻳﻦ ﺭﺍﻳﺢ ﺩﻧﺤﺠﻲ ﻋﻠﻰ ﻛﻴﻔﻚ ﺧﻠﻲ ﺍﻛﻮﻟﻚ ﻋﻠﻰ ﻛﻞ ﺷﻲ ﻟﻴﺶ ﺗﺴﺘﻌﺠﻞ ﺍﻟﺤﻜﻢ ﺍﻧﻲ ﻣﻤﺤﺎﺟﻴﺘﻪ ﻻﺑﻦ ﺧﺎﻟﺘﻲ ﻫﻮ ﻛﺎﻝ ﻻﻣﻲ ﻭﺍﻣﻲ ﻛﺎﻟﺘﻠﻲ ﻭﺍﻧﻲ ﺣﺠﻴﺖ ﻛﺪﺍﻡ ﺧﺎﻟﻪ ﻭﻫﺬﺍ ﻛﻞ ﺍﻟﻤﻮﺿﻮﻉ ..
_ ﺷﻌﻠﻴﻪ ﺑﻴﺞ ﺍﻧﻲ ﺗﺰﻭﺟﻲ ﺑﺲ ﻻﺗﻔﺸﻠﻴﻨﻪ ﻭﺗﺄﺫﻳﻦ ﺍﻣﻲ ﻭﺍﺑﻮﻳﻪ ﺧﻠﻲ ﺗﺪﻭﺭ ﺍﻟﺴﻨﺔ ﻉ ﺍﻻﻗﻞ ﻭﺣﺴﻴﻦ ﻻ ﺗﺤﺮﻣﻴﻨﻪ ﻣﻨﻪ ...
ﺍﺣﺠﻲ ﻭﻳﺎﻫﻪ ﻭﺍﻧﻲ ﻣﺪﻧﻚ ﻭﺍﺣﺲ ﺩﺍﺧﻠﻲ ﻣﺸﺘﻌﻞ ﺑﺎﻟﻨﺎﺭ ..
ﻭﻫﻴﻪ ﻛﻠﺴﺎﻉ ﻭﺗﺨﻠﻲ ﺍﻳﺪﻫﻪ ﻋﻠﻰ ﻛﺘﻔﻲ ﺍﻭ ﺯﻧﺪﻱ
ﻭﺗﻼﻣﺲ ﺑﺸﺮﺗﻲ ﺑﻼ ﻭﻋﻲ ﺍﻭ ﻣﺘﻌﻤﺪﺓ ﻣﺎﺍﻋﺮﻑ ﺑﺲ ﻫﺎﻟﺸﻲ ﻳﻌﺬﺑﻨﻲ ﻭﻳﺸﻌﻞ ﺑﻴﻪ ﺭﻏﺒﺔ ﺷﻴﻄﺎﻧﻴﺔ
ﻳﺮﻓﻀﻬﺎ ﻋﻘﻠﻲ ﻭﻳﺮﻳﺪﻫﺎ ﻗﻠﺒﻲ ﺑﺸﺪﺓ ..
ﺣﺠﺖ ﺑﻌﺼﺒﻴﺔ ﻣﺎﺭﻳﺪ ﺍﺗﺰﻭﺝ ﺍﻧﻲ ﻻﺑﻜﻴﻔﻚ ﺗﻔﺴﺮ ﺍﻻﻣﻮﺭ
ﺟﺎﻭﺑﺘﻬﺎ ﻭﺍﻧﻲ ﻣﺼﻮﺏ ﻧﻈﺮﻱ ﻋﻠﻴﻬﺎ ﺍﺑﺎﻭﻋﻠﻬﺎ ﺑﻐﻀﺐ
ﻣﻌﻠﻴﻪ ﺑﻴﺞ ﻳﻠﻪ ﺍﺭﻭﺡ ﺍﻧﺎﻡ ..
ﺿﻠﺖ ﺗﻤﺸﻲ ﻭﺭﺍﻱ ﻭﺗﺤﺠﻲ ﺳﻴﻒ ﺍﻓﻬﻢ ﺗﺮﺓ ﺍﻣﻚ ﻣﺠﺎﻱ ﺗﻌﺎﻣﻠﻨﻲ ﺯﻳﻦ ﻛﺎﺭﻫﺘﻨﻲ ﻛﺮﻩ ﺍﻟﻌﻤﻰ ﻭﺣﺎﻗﺪﺓ ﻋﻠﻴﻪ ﻭﻣﺤﻤﻠﺘﻨﻲ ﺫﻧﺐ ﻣﻮﺗﺔ ﺍﺧﻮﻙ ﻭﺍﻧﻲ ﺑﻼ ﺫﻧﺐ ﻣﻦ ﻫﺬﺍ ﻛﻠﻪ ...
ﺳﻴﻒ ﺍﻧﻲ ﺗﻌﺒﺎﻧﺔ ﻭﺍﻟﺤﺎﺩﺙ ﺩﻣﺮﻧﻲ ﻭﺷﻞ ﺭﺟﻠﻲ ﻣﺸﻲ ﻣﻮﻛﺎﺩﺭﺓ ﺍﻣﺸﻲ ﻣﺜﻞ ﻗﺒﻞ ﻭﻳﻜﻮﻝ ﺍﻟﻄﺒﻴﺐ ﺭﺍﺡ ﺍﺑﻘﻰ ﻋﻠﻰ ﻫﺎﻟﺤﺎﻝ ﻃﻮﻝ ﺍﻟﻌﻤﺮ ..
ﺣﺴﻴﺖ ﺑﺸﻔﻘﺔ ﻋﻠﻴﻬﺎ ﻭﻋﺎﻃﻔﺔ ﻭﺍﺣﺎﺳﻴﺲ ﺟﺮﻓﺘﻨﻲ
ﻏﻤﻀﺖ ﻋﻴﻮﻧﻲ ﺟﺮﻳﺖ ﻧﻔﺲ ﻋﻀﻴﺖ ﺷﻔﺘﻲ
ﺗﺨﺼﺮﺕ ﻣﺪﻧﻚ ﻭﺣﺠﻴﺖ ﺷﻨﻮ ﺑﻴﺪﻱ ﺍﺳﻮﻱ ﺍﻟﺞ ﺍﻧﻲ ؟
_ ﻻ ﻛﻠﻜﻢ ﻋﻠﻴﻪ ﺳﻴﻒ ﺍﻧﻲ ﻣﺘﺪﻣﺮﺓ ﺩﻣﺎﺭ ﺑﺲ ﺍﻟﻠﻪ ﻳﻌﻠﻢ ﺑﻲ ...
_ ﺑﺲ ﻛﻮﻟﻴﻠﻲ ﺷﻨﻮ ﺗﺮﺩﻳﻦ ﻭﺗﺪﻟﻠﻴﻦ ﺗﺎﺧﺬﻳﻦ ﻋﻴﻮﻧﻲ ﺍﻻﺛﻨﻴﻦ
_ ﺳﻴﻒ ﻛﻮﻝ ﻻﻣﻚ ﻭﻓﻬﻤﻬﺎ ﺍﻧﻲ ﺍﺗﺤﻤﻞ ﻛﻞ ﺷﻲ ﺑﺲ ﻫﻴﻪ ﻻ ﺗﺨﺘﺒﺮ ﺻﺒﺮﻱ ﻭﺍﺑﻨﻲ ﺍﻧﻲ ﻣﺎ ﺍﺗﺨﻠﻰ ﻋﻨﻪ ﺍﺑﺪ ﻣﺴﺘﺤﻴﻞ ﻭﻣﺎ ﺍﻧﻄﻲ ﻻﺣﺪ ...
_ ﺗﻤﺎﻡ ﻫﺎﻱ ﻣﻨﺘﻬﻴﻦ ﻣﻨﻬﺎ ﺑﺲ ﺍﻧﺖ ﻫﻢ ﻻﺗﺤﺮﻣﻴﻨﻬﺎ ﻣﻨﻪ
ﺍﻡ ﻭﻗﻠﺒﻬﺎ ﻣﺤﺮﻭﻙ ﻋﻠﻰ ﺍﺑﻨﻬﺎ ﻭﻣﺎﻋﺪﻫﻪ ﻏﻴﺮ ﺭﻳﺤﺘﻪ ﺑﺎﻟﺪﻧﻴﺎ ﺗﺸﻤﻬﺎ ﻭﺗﺸﺒﻊ ﺷﻮﻑ ﻣﻨﻪ ﻭﻛﺎﻧﻬﺎ ﺷﺎﻳﻔﻪ ﺍﺳﻌﺪ ..
_ ﻻ ﻣﺎ ﺍﺣﺮﻣﻬﺎ ﻣﻨﻪ ﺑﺲ ﺳﻴﻒ ﺍﻧﻲ ﺍﺭﻳﺪ ﺍﺑﻘﻰ ﻫﻨﺎ ﻳﻤﻜﻢ ﺍﺣﺴﻦ ﺍﻟﻲ ﻭﻻﺑﻨﻲ ﻫﻨﺎﻙ ﻣﺤﺪ ﻳﺘﺤﻤﻠﻨﻲ ﻭﻣﺸﺎﻛﻞ ﻭﺍﻃﻔﺎﻝ ﺍﺧﻮﻳﻪ ﻭﻛﺤﻴﻦ ﺍﻟﻬﻢ ﺳﺎﻋﺔ ﺿﺎﺭﺑﻴﻦ ﺣﺴﻮﻧﻲ ﻭﺍﻣﻚ ﺳﺎﻋﺘﻬﺎ ﻣﺮﺍﺡ ﺗﺮﺣﻤﻨﻲ ﻭﺍﻧﻲ ﺍﺻﻼ ﺗﻌﺒﺎﻧﺔ ﻧﻔﺴﻴﺎ ..janat_51
_ ﺍﻧﻲ ﺭﺍﺡ ﺍﺣﺠﻲ ﻭﻳﺎ ﺍﻣﻲ ﺗﺪﻟﻠﻴﻦ ﺑﺲ ﺳﻴﺮﺓ ﺍﻟﺰﻭﺍﺝ ﻫﺎﻱ ﻻﺗﺠﻴﺒﻴﻨﻬﺎ ﻋﻠﻰ ﻟﺴﺎﻧﺞ ﺑﻌﺪ ﺍﻓﻀﻞ ﻟﻠﻜﻞ ..
ﺍﺑﺘﺴﻤﺖ ﻭﻛﺎﻟﺖ ﺗﺪﻟﻞ ..
_ ﺗﺼﺒﺤﻴﻦ ﻋﻠﻰ ﺧﻴﺮ ...
ﻋﻔﺘﻬﺎ ﻭﺻﻌﺪﺕ ﻓﻮﻙ .. ﺩﺧﻠﺖ ﻟﻠﻐﺮﻓﺔ ﺍﺣﺎﻭﻝ ﺍﺗﻨﻔﺲ ﺑﻘﻮﻭﺓ ﺍﺣﺲ ﺟﺴﺪﻱ ﻳﻨﺒﺾ ﺑﺎﻟﻐﻀﺐ ..
ﺍﻟﻬﻮﺍﺟﺲ ﺗﺘﺮﺍﻗﺺ ﺑﺬﻫﻨﻲ ، ﺷﻮﻥ ﺍﺫﺍ ﺷﻬﺪ ﺗﺰﻭﺟﺖ !!!
ﺑﻘﻴﺖ ﺍﺫﺭﻉ ﺍﻟﻐﺮﻓﺔ ﺭﺍﻳﺢ ﺟﺎﻱ ، ﺍﺭﻳﺪ ﺍﻫﺪﺃ ﻣﺎﻛﻮ ﺷﻲ ﻳﻬﺪﻳﻨﻲ ، ﺑﻌﺪ ﻟﺤﻈﺎﺕ ﻓﻜﺮﺕ ﻭﺍﻧﻲ ﻟﻴﺶ ﺩﺍ ﺍﺳﻮﻱ ﻫﻴﺞ
ﺷﻨﻮ ﺍﻟﻐﺎﻳﺔ ﻣﻦ ﻫﺬﺍ ﻛﻠﻪ !!
ﺭﺣﺖ ﺗﻤﺪﺩﺕ ﻉ ﺍﻟﺴﺮﻳﺮ ﻭﻋﻴﻮﻧﻲ ﻉ ﺍﻟﺴﻜﻒ
ﺍﺑﺎﻭﻉ ﺑﺎﻟﻔﺮﺍﻍ ﺑﻼ ﻫﺪﻑ ، ﻻﺯﻡ ﺍﺣﺠﻲ ﻭﻱ ﺍﻣﻲ ﺗﻐﻴﺮ
ﻣﻦ ﻣﻌﺎﻣﻠﺘﻬﺎ ﻟﺸﻬﺪ .. ﺷﻬﺪ ﺗﻌﺒﺎﻧﺔ ﻭﻧﻔﺴﻴﺘﻬﺎ ﺻﻔﺮ
ﺣﻘﻬﺎ ﺑﻜﻞ ﺷﻲ ﺗﻜﻮﻟﻪ ، ﻻﺯﻡ ﻧﻬﻲﺀ ﺍﻟﻬﺎ ﺑﻴﺌﺔ ﻣﺜﺎﻟﻴﺔ
ﺗﻌﻴﺶ ﺑﻴﻨﺎﺗﻨﺎ ﺑﺪﻭﻥ ﻣﻌﺎﻧﺎﺓ ﺧﺎﻑ ﺗﻄﻠﻊ ﻭﻣﻦ ﺻﺪﻙ ﺗﺘﺰﻭﺝ ﺣﺘﻰ ﺗﻌﻴﺶ ﺣﻴﺎﺓ ﻛﺮﻳﻤﺔ ﺑﺪﻭﻥ ﺍﻫﺎﻧﺔ ﺑﺪﻭﻥ ﻣﺎ ﺍﺣﺪ ﻳﺤﻤﻠﻬﺎ ﺫﻧﺐ ﻣﻮ ﺫﻧﺒﻬﺎ ...
☆☆☆
ﻣﻴﺴﻢ .... ﺍﺟﺎﻧﻲ ﺣﺎﺗﻢ ﺍﺧﻮﻱ ﻛﺎﻝ ﺗﻌﺎﻱ ﻣﻴﺴﻢ ﻋﻴﺎﺵ ﻳﺮﻳﺪ ﻳﺤﺠﻲ ﻭﻳﺎﺝ ... ﺑﻘﻴﺖ ﺻﺎﻓﻨﺔ ﺑﻮﺟﻬﻪ ﺛﻮﺍﻧﻲ
ﻛﺎﻝ ﺷﺒﻴﺞ ؟
ﺷﻴﺮﻳﺪ ؟
ﻛﻮﻣﻲ ﺷﻮﻓﻲ ﻫﺎﻱ ﺍﻣﺞ ﻣﺪﺭﻱ ﺷﻤﺴﻮﻳﻪ ..
_ ﻫﺎ ﺣﺎﺗﻢ ﻭﺍﻧﻪ ﺷﻌﻠﻴﻪ ﻫﻴﻪ ﻭﻳﺎ ﻳﻨﺠﺎﺯﻭﻥ ﺑﻴﻨﺎﺗﻬﻢ ..
_ ﻛﻮﻣﻲ ﻛﻮﻣﻲ ﺷﺒﻴﺞ ﺧﺎﻳﻔﺔ ﻗﺎﺑﻞ ﺭﺍﺡ ﻳﺎﻛﻠﺞ ..
_ ﺑﺲ ﺍﻟﻠﺒﺲ ﺣﺠﺎﺑﻲ ..
ﻇﻠﻴﺖ ﺍﺗﺼﺮﻑ ﺑﺒﺮﻭﺩ ﺍﻃﻮﻝ ﻓﺘﺮﺓ ﻣﻤﻜﻨﺔ ﻣﺎﺭﻳﺪ ﺍﺷﻮﻓﻪ ..
ﻭﺣﺎﺗﻢ ﻛﻠﺴﺎﻉ ﻳﻜﻠﻲ ﺍﺳﺘﻌﺠﻠﻲ ..
ﺭﺣﺖ ﻟﻠﺪﻳﻮﺍﻧﻴﻪ ﻭﺣﺎﺗﻢ ﻣﺎﺍﺟﻪ ﻭﺭﺍﻱ ﺷﻜﻠﻬﻢ ﻣﺘﻔﻘﻴﻦ ﻃﺒﻌﺎ ﻫﻢ ﺣﻴﻞ ﻗﺮﻳﺒﻴﻦ ﻟﺒﻌﺾ ...
ﺩﺧﻠﺖ ﻟﻠﺪﻳﻮﺍﻥ ﺍﺭﺟﻒ ﺷﻔﺘﻪ ﺍﺑﻮﺣﺪﻩ ﻭﺍﻛﻒ
ﻻﺑﺲ ﺩﺷﺪﺍﺷﺔ ﺟﻮﺯﻳﻪ ﻭﻣﺨﻠﻲ ﺍﻳﺪﻳﻪ ﻭﺭﻩ ﺿﻬﺮﻩ
ﺩﺧﻠﺖ ﺍﺟﺖ ﻋﻴﻨﻲ ﺑﻌﻴﻮﻧﻪ ، ﻋﻴﻮﻧﻪ ﻣﺜﻞ ﺑﺮﻛﺎﻥ ﻫﺎﺋﺞ ...
ﻭﺍﻧﺎ ﻗﻠﺒﻲ ﻳﺪﻙ ﺑﻘﻮﺓ ﻣﺜﻞ ﺍﻳﻘﺎﻉ ﻣﻮﺳﻴﻘﻰ ﺍﻓﺮﻳﻘﻴﺔ ...
ﻣﻦ ﺧﻮﻓﻲ ﻭﻛﻔﺖ ﺍﺑﺎﺏ ﺍﻟﺪﻳﻮﺍﻧﻴﻪ ﻣﺎ ﺍﺭﻳﺪ ﺍﻓﻮﺕ
ﻛﺎﻝ ﺑﺼﻮﺕ ﺍﺟﺶ ؛ - ﺗﻌﺎﻱ ﻣﻴﺴﻢ ﺗﻌﺎﻱ ﺍﺣﺠﻲ ﻭﻳﺎﺝ ...
ﺯﻓﺮﺕ ﻭﺑﺪﺍ ﺍﻟﻴﺄﺱ ﻳﺘﺴﻠﻞ ﺍﻟﻰ ﻧﻔﺴﻲ ..
ﻭﺗﻘﺪﻣﺖ ﺑﺄﻭﻟﻰ ﺧﻄﻮﺍﺗﻪ ﺑﺎﺗﺠﺎﻫﻪ ......
ﻭﺍﺭﻳﺪ ﺍﻋﺮﻑ ﺍﻟﺒﻠﻮﻯ ﺍﻟﻲ ﺳﻮﺗﻬﺎ ﺍﻣﻲ ..
ﻳﺘﺒﻊ ...

الناقلة جنات عزيز  janat_51