أرهنت عمري ||نورا ناصر||

11

ﺃﺭﻫﻨﺖُ _ ﻋﻤﺮﻱ
ﺑﺎﺭﺕ 11
☆ ﻧﻮﺭﺍ ﻧﺎﺻﺮ ☆
ﻛﻤﺖ ﻋﻠﻰ ﺣﻴﻠﻲ ﻭﺍﻳﺪﻳﻪ ﻋﻠﻰ ﺍﺫﺍﻧﺎﺗﻲ ﻭﺍﺻﻴﺢ ﻳﻤﻪ ﻳﻤﻪ ..
ﻭﻳﻨﺞ ﻳﻤﻪ ، ﻭﺍﻟﺨﻮﻑ ﻣﺤﺘﻞ ﻛﻞ ﺧﻠﻴﻪ ﺑﺠﺴﻤﻲ ﻭﺍﺭﺟﻒ ﺭﺟﻴﻒ ﻣﺎﺻﺎﻳﺮ ﺍﻣﺸﻲ ﻭﺍﻃﻴﺢ ﻭﺍﺭﺟﻊ ﺍﺗﻤﺴﻚ ﺑﺎﻟﻘﻨﻔﺎﺕ ﻭﺍﻟﺤﺎﻳﻂ ، ﻟﺤﺪ ﻣﺎﺻﺎﺭﺕ ﺍﻣﻲ ﻛﺒﺎﻟﻲ ﺣﻀﻨﺘﺘﻲ ﺣﻴﻴﻴﻞ ﻭﺗﻘﺮﺍ ﺍﻳﺎﺕ ﻭﺍﺩﻋﻴﻪ ﻭﺗﺮﺟﻒ ..
ﺷﻮﻳﻪ ﻭﻛﻒ ﺻﻮﺕ ﺍﻟﺮﻣﻲ ﺍﻟﻲ ﺟﺎﻥ ﻭﻳﺎ ﺻﻮﺕ ﺻﻴﺎﺡ ﺷﺨﺺ ﺻﻮﺗﻪ ﻣﺄﻟﻮﻑ ﺑﺎﻟﻨﺴﺒﺔ ﻭﺳﺎﻣﻌﺘﻪ ﻣﻦ ﻗﺒﻞ ﺑﺲ ﻣﻦ ﺍﻟﻬﺒﻄﺔ ﻣﺎﺟﺎﻱ ﺍﻛﺪﺭ ﺍﺭﻛﺰ ﺍﻭ ﺍﻣﻴﺰﻩ ..
ﺍﻧﺪﻛﺖ ﺍﻟﺒﺎﺏ ﻭﻣﻦ ﻭﺭﺍﻫﻪ ﺍﺟﻪ ﺻﻮﺕ ﻭﻻﺀ ﺍﺑﻦ ﺧﺎﻟﻲ
ﺍﺑﻮ ﺭﺍﺿﻲ ﻣﻦ ﻭﺭﺍ ﺍﻟﺒﺎﺏ ﻳﺼﻴﺢ ﻋﻤﻪ ﻋﻤﻪ ﻓﺘﺤﻴﻠﻲ
ﺍﻟﺒﺎﺏ ﺑﺴﺮﻋﺔ !!! janat_51
ﺍﻣﻲ ﺍﺣﺘﺎﺭﺕ ﺷﺘﺴﻮﻱ ، ﻋﺎﻓﺘﻨﻲ ﻭﺭﺍﺣﺖ ﺑﺎﺗﺠﺎﻩ ﺍﻟﺒﺎﺏ
ﺭﻛﻀﺖ ﻋﻠﻴﻬﺎ ﻟﺰﻣﺘﻬﺎ ﺍﺗﻮﺳﻞ ﺑﻴﻬﺎ ﻭﺍﺑﺠﻲ ﻣﻔﺰﻭﻋﺔ
_ ﻳﻤﻪ ﻻ ﺗﻔﺘﺤﻴﻠﻪ ﺧﺎﻑ ﺟﺎﻱ ﻳﻜﺘﻠﻨﻪ ...
_ ﻭﻟﺞ ﻳﻤﻪ ﺷﻌﻨﺪﻩ ﻭﻳﺎﻧﻪ ﺣﺘﻰ ﻳﻜﺘﻠﻨﺎ ..
ﺭﺍﺣﺖ ﻓﺘﺤﺖ ﺷﺒﺎﻙ ﺍﻻﺳﺘﻘﺒﺎﻝ ﻭﻇﻠﺖ ﺗﺤﺠﻲ ﻭﻳﺎﻩ ..
_ ﺧﻴﺮﻙ ﻋﻤﻪ ﺷﻨﻮ ﻫﺬﺍ ﺍﻟﺮﻣﻲ ﻳﻤﻪ ﺭﺍﺣﺖ ﻛﻠﻮﺑﻨﻪ
ﺟﺎﻭﺑﻬﺎ ﻣﻦ ﺍﻟﻄﺎﺭﻣﺔ ﻋﻤﻪ ﺣﺮﺍﻣﻲ ﺷﻔﺘﻪ ﻳﺤﻮﻡ ﺩﺍﻳﺮ ﻣﺪﺍﻳﺮ ﺍﻟﺒﻴﺖ ﺭﺣﺖ ﻛﻠﺖ ﻟﻤﺤﻤﺪ ﻭﺍﺟﻴﻨﺎ
_ ﻭﻣﺤﻤﺪ ﻭﻳﻨﻪ ﻫﺴﻪ ﻭﺍﻧﺖ ﺷﻮﻥ ﻃﺒﻴﺖ؟
_ ﺟﺎﻱ ﻳﺪﻭﺭ ﻭﺭﺍ ﺍﻟﺒﻴﺖ ﻳﺸﻮﻑ ﺷﻨﻮ ﻭﺍﻧﻪ ﻋﺒﺮﺕ ﻣﻦ ﺍﻟﺴﻴﺎﺝ
_ ﻭﻫﺬﺍ ﺻﻮﺕ ﺍﻟﺮﻣﻲ ﺷﻨﻮ ؟
_ ﺟﺒﺖ ﺍﻟﺒﻨﺪﻗﻴﺔ ﻣﺎﻝ ﺍﻟﺒﻴﺖ ﻭﺟﻴﺖ ﺍﻛﺘﻠﻪ ﻟﻮ ﻣﺎ ﺷﺮﺩ ﻇﻠﻴﺖ ﺍﺭﻣﻲ ﻋﻠﻴﻪ ﺑﺲ ﺿﻠﻤﻪ ﻣﺎﺣﺼﻠﺘﻪ ﻭﻻ ﻋﺮﻓﺘﻪ ..
ﻓﺘﺤﻲ ﺍﻟﺒﺎﺏ ﻋﻤﻪ ﺧﻠﻲ ﻧﺒﺎﺕ ﻳﻤﻜﻢ ﺧﺎﻑ ﻛﻞ ﺷﻲ ﻳﺼﻴﺮ ..
_ ﻳﻤﻪ ﺻﺪﻙ ﺟﺬﺏ ﺍﺣﻨﺎ ﻃﻮﻝ ﻋﻤﺮﻧﻪ ﻫﻨﺎ ﺍﻣﺎﻥ ﻭﻣﺎﻛﻮ ﺷﻲ .. ﻭﺍﻟﺠﻴﺮﺍﻥ ﺧﻮﺵ ﻧﺎﺱ ﻭﺍﻭﺍﺩﻡ .
_ ﻭﺍﻟﻠﻪ ﻳﺎ ﻋﻤﻪ ﺍﻟﻨﺎﺱ ﺻﺎﻳﺮﺓ ﻣﺎ ﺗﺘﺄﻣﻦ ..
ﺭﺣﺖ ﺍﻧﻪ ﺧﻠﻴﺖ ﻋﻠﻰ ﺭﺍﺳﻲ ﺷﺎﻝ ﻭﺍﻣﻲ ﻓﺘﺤﺖ ﺍﻟﻬﻢ ﺍﻟﺒﺎﺏ ﻭﻃﺒﻮﺍ ﺍﺛﻨﻴﻨﻬﻢ ﻭﻻﺀ ﻭﻣﺤﻤﺪ ﺍﻭﻻﺩ ﺧﺎﻟﻲ ﺍﺑﻮ ﺭﺍﺿﻲ ..
ﻃﻠﻌﺖ ﻣﻦ ﺍﻟﻬﻮﻝ ﻭﻛﻠﺒﻲ ﻳﻠﻌﺐ ﻣﻨﻬﻢ ﺧﺎﻳﻔﺔ ﻣﻦ ﺩﻛﺎﻳﻜﻬﻢ ﻫﺬﻭﻝ ﻣﺎﻛﻮ ﺍﺣﺪ ﺳﺎﻟﻢ ﻣﻨﻬﻢ ﺧﺎﻑ ﻳﺘﻮﻟﻮﻧﻪ ﺍﺣﻨﻪ ﺑﻌﺪ
ﺩﺧﻠﺖ ﺍﻣﻲ ﻋﻠﻴﻪ ﻭﺍﻧﻪ ﻭﺍﻛﻔﺔ ﺑﺎﻟﻤﻤﺮ ﺍﺭﺟﻒ ﻭﺍﻋﺼﺮ ﺑﻴﺪﻳﻪ
ﺍﺟﺖ ﺷﺎﻓﺘﻨﻲ ﻫﻴﺞ ، ﻛﻀﺘﻨﻲ ﻣﻦ ﺯﻧﻮﺩﻱ
ﺗﻄﻤﺌﻨﻲ ؛ - ﻛﺎﻓﻲ ﻳﻤﻪ ﺑﺴﺞ ﺗﺮﺟﻔﻴﻦ ﻻﻳﺼﻴﺮ ﺑﻴﺞ ﺷﻲ ﻭﻟﺪ ﺧﺎﻟﺞ ﻫﻨﺎ ﻣﺎﻛﻮ ﺷﻲ ..
_ ﺍﻱ ﻣﻮ ﻫﺬﺍ ﺍﻟﻤﺨﻮﻓﻨﻲ ﺍﻧﻪ ﺧﺎﻳﻔﺔ ﻣﻨﻬﻢ ﺧﺎﻑ ﻫﺬﺍ ﻣﻠﻌﻮﺏ ﻣﻨﻬﻢ ﻫﺬﻭﻝ ..
_ ﻳﺎ ﻣﻠﻌﻮﺏ ﻳﻤﻪ !!! ﺟﺎﻳﻴﻦ ﻳﺤﺮﺳﻮﻧﻪ ﺍﻧﺖ ﻣﺎﺗﻜﻴﻔﻴﻦ ﺯﻟﻤﻪ ﻳﺤﺮﺳﻨﻪ ﻣﻬﻤﺎ ﻳﻜﻮﻥ ﺍﻫﻞ ﺍﺣﻨﺎ ﻣﺎﻣﻌﻘﻮﻟﺔ ﻳﺄﺫﻭﻧﺎ ..
_ ﺍﻱ ﺍﻱ ﻫﻤﻪ ﻫﺬﻭﻝ ﻫﻢ ﺣﺎﺳﺒﻴﻦ ﺭﻭﺣﻬﻢ ﺯﻟﻢ ‏( ﺣﺠﻴﺖ ﺑﺎﻧﺰﻋﺎﺝ ‏)
_ ﻟﻌﺪ ﺷﻨﻮ ﻃﻠﻴﺎﻥ ﻃﺒﻌﺎ ﺯﻟﻢ ﻣﺸﻮﺭﺑﺔ ﻣﺎﺟﺎﻱ ﺗﺸﻮﻓﻴﻨﻬﻢ ﻟﻮ ﻣﺎ ﻫﻤﺎ ﺟﺎﻥ ﻫﺴﻪ ﺍﺣﻨﺎ ﺍﻟﻠﻪ ﻳﻌﻠﻢ ﺑﺤﺎﻟﻨﺎ ﺍﻟﻠﻪ ﺩﺯﺍﻫﻢ ﺍﻟﻨﺎ ﺑﺎﻟﻮﻗﺖ ﺍﻟﻤﻨﺎﺳﺐ .. janat_51
ﺍﺣﻨﺎ ﻭﺍﻛﻔﻴﻦ ﺑﺎﻟﻤﻤﺮ ﺟﺎﻱ ﻧﺤﺠﻲ ﻭﺩﺧﻞ ﻋﻠﻴﻨﺎ ﻭﻻﺀ
ﻳﺼﻴﺢ ﻋﻤﻪ ﻋﻤﻪ ..
ﺑﺴﺮﻋﺔ ﻧﻄﻴﺘﻪ ﻇﻬﺮﻱ ﻭﺧﻠﻴﺖ ﺍﻟﺸﺎﻝ ﻋﻠﻰ ﺭﺍﺳﻲ ..
ﻛﺎﻝ ﻫﺎ ﺷﺒﻴﺞ ﻣﻴﺴﻢ ؟
ﺍﻣﻲ ﺟﺎﻭﺑﺘﻪ ﻣﺎﺑﻴﻬﺎ ﺷﻲ ﻭﻭﺟﻬﺖ ﺍﻟﻜﻼﻡ ﺍﻟﻲ ﻭﻫﻴﻪ ﺗﺪﻓﻌﻨﻲ ﻣﻦ ﻛﺘﻔﻲ ﻳﻤﻪ ﻣﻴﺴﻤﻪ ﺭﻭﺣﻲ ﺟﻴﺒﻲ ﺑﻄﺎﻧﻴﺎﺕ ﻭﻣﺨﺎﺩ ﻻﻭﻻﺩ ﺧﺎﻟﺞ ﺧﻠﻲ ﻳﻨﺎﻣﻮﻥ ﺑﺎﻟﻬﻮﻝ ﺧﻄﻴﺔ ..
ﻫﻮ ﻛﺎﻝ ﺍﻟﻠﻪ ﺣﻠﻮ ﻣﻴﺴﻤﺔ
ﺑﺲ ﺳﻤﻌﺘﻪ ﻫﻴﺞ ﻛﺎﻝ ﻃﻜﻴﺘﻬﺎ ﺭﻛﻀﺔ ﻟﻠﻐﺮﻓﺔ ﺍﻟﻲ ﺑﻴﻬﺎ ﺍﻟﻔﺮﺍﺵ ﻭﺍﺳﻤﻌﻪ ﻳﻜﻮﻝ ﺭﻛﻀﺖ ﺟﻨﻬﻪ ﺯﻳﻄﺔ
ﻫﻤﺴﺖ ﺷﻜﺪ ﻏﺜﻴﺚ .. ﻃﻠﻌﺖ ﺑﻄﺎﻧﻴﺎﺕ ﻭﻃﻠﻌﺖ ﻣﻦ ﺍﻟﻐﺮﻓﺔ ، ﺷﻔﺖ ﺍﻣﻲ ﻣﺎﻛﻮ ﻻﺯﻡ ﺍﻃﺐ ﻟﻠﻬﻮﻝ ﺍﻭﺩﻳﻬﻦ
ﻃﺒﻴﺖ ﺷﻔﺖ ﺍﻣﻲ ﻛﺎﻋﺪﺓ ﻳﻤﻬﻢ ، ﻭﻻﺀ ﻛﺎﻋﺪ ﺑﺎﻟﻜﺎﻉ ﻭﻣﺤﻤﺪ ﻉ ﺍﻟﺘﺨﻢ ، ﺗﻤﺘﻤﺖ ﺷﻠﻮﻧﻚ ﻣﺤﻤﺪ
ﻛﺎﻝ ﻫﻼﻭﻭ ﻫﻼﻭﻭ ﻣﻴﺴﻢ
ﻭﻻﺀ ﻛﺎﻝ ﺷﻮ ﻣﺎﺳﻠﻤﺘﻲ ﻋﻠﻴﻪ ﺍﻧﻪ
ﺳﻜﺘﺖ ﻣﺎﺟﺎﻭﺑﺘﻪ ﺑﻘﻴﺖ ﺍﺑﺎﻭﻋﻠﻪ ﻭﺑﻴﺪﻱ ﺍﻟﺒﻄﺎﻧﻴﺎﺕ ..
ﺍﻣﻲ ﺟﺎﻭﺑﺘﻪ ﻣﻮ ﻣﻦ ﺩﺧﻠﺖ ﺍﻧﺘﻪ ﺟﺎﻧﺖ ﺧﺎﻳﻔﺔ ﻣﻦ ﺻﻮﺕ ﺍﻟﺮﻣﻲ ..
ﺷﻤﺮﺕ ﺍﻟﺒﻄﺎﻧﻴﺎﺕ ﻉ ﺍﻟﻜﺎﻉ ﺑﺨﻔﺔ ﻭﻃﻠﻌﺖ ﺟﺒﺖ ﺍﻟﻤﺨﺎﺩ ﻭﺟﻴﺖ ﻭﺿﻠﻴﺖ ﺍﻓﺮﺵ ﻭﻫﻢ ﻳﺴﻮﻟﻔﻮﻥ ﻭﻓﺘﺤﻮﺍ ﻣﻮﺿﻮﻉ ﺍﻟﺒﻴﺖ ﻭﺿﻠﻮﺍ ﻳﺤﺠﻮﻥ ﻭﻳﺎ ﺍﻣﻲ ﻭﻭﻻﺀ ﻳﻜﻮﻝ ﺍﻟﻬﺎ ؛ - ﻋﻤﻪ ﻭﺍﻟﻠﻪ ﺍﺣﺴﻠﺞ ﺑﻴﻌﻲ ﻭﺗﻌﺎﻱ ﻳﻤﻨﻪ ﻧﻨﻄﻴﺞ ﺍﻟﻤﺸﺘﻤﻞ ﻣﺎﻟﺔ ﺭﺍﺿﻲ ﻻﻥ ﺭﺍﺡ ﻳﺸﻴﻞ ﺑﻴﺘﻪ ﺭﺍﺡ ﻳﺨﻠﺺ ﻭﺍﻟﻠﻪ ﻧﺨﻠﻴﺞ ﺑﻌﻴﻮﻧﻪ ﻭﻧﺸﻴﻠﺞ ﻋﻠﻰ ﺭﺍﺳﻨﺎ ..
ﺟﺎﻭﺑﺘﻪ ﺍﻣﻲ ؛ - ﻻ ﻋﻤﻪ ﺍﻧﻪ ﺍﺭﻳﺪ ﺍﺿﻞ ﻫﻨﺎ ﻭﺍﺯﻭﺝ ﻓﻴﺾ ﻳﻤﻲ ﻭﺍﺧﻠﺼﻪ ﻣﻦ ﺿﻴﻢ ﻋﻤﺎﻣﻪ
ﻭﻻﺀ ﻭﻣﺤﻤﺪ ﺿﻠﻮ ﻭﺍﺣﺪ ﻳﺒﺎﻭﻉ ﻟﻠﺜﺎﻧﻲ ﺑﻨﻈﺮﺍﺕ ﻣﺎﺗﺘﻔﺴﺮ ﻭﺩﻧﻜﻮ ﻭﺳﻜﺘﻮﺍ ...
ﻃﻠﻌﺖ ﻣﻦ ﻳﻤﻬﻢ ﻭﺭﺣﺖ ﻟﻐﺮﻓﺔ ﺍﻣﻲ ﺻﻌﺪﺕ ﻉ ﺍﻟﺠﺮﺑﺎﻳﺔ ﺍﺧﺬﺕ ﺍﻟﺸﺮﺷﻒ ﺗﻠﻔﻠﻔﺖ ﺑﻲ ، ﺣﺴﻴﺖ ﺍﻟﺠﻮ ﺑﻲ ﺣﺮﻭﺭﻩالناقلة جنات عزيز
ﻛﻤﺖ ﺷﻐﻠﺖ ﺍﻟﺒﻨﻜﺔ ، ﻭﺭﺟﻌﺖ ﺗﻤﺪﺩﺕ ﻭﺍﺟﺎﻧﻲ ﺍﻟﻬﻮﺍﺀ ﺍﻟﺒﺎﺭﺩ ﻣﻨﻬﺎ ، ﺷﻬﺮ ﺍﻟﺜﺎﻟﺚ ﻭﺑﻌﺪﻩ ﺍﻟﺠﻮ ﺑﻲ ﺑﺮﻭﺩﺓ ﺑﺲ ﺍﻧﻪ ﻣﺪﺭﻱ ﺷﺠﺎﻧﻲ ﺣﺘﺮﻳﺖ ..
ﺩﺧﻠﺖ ﺍﻣﻲ ﻭﺳﺪﺕ ﺍﻟﺒﺎﺏ ﺑﺎﻭﻋﺖ ﻉ ﺍﻟﺒﻨﻜﺔ ﻛﺎﻣﺖ ﻃﻔﺘﻬﺎ
ﻭﻟﺞ ﻳﻤﻪ ﻻ ﺗﺘﻤﺮﺿﻴﻦ ...
ﻳﻤﻪ ﺍﺣﺘﺮﻳﺖ ﺷﺴﻮﻱ
ﺍﻱ ﻣﻮ ﻋﺮﻛﺎﻧﺔ ﻭﺗﻔﺘﺤﻴﻦ ﺑﻨﻜﺔ ﺗﺘﻤﺮﺿﻴﻦ ...
ﻛﻌﺪﺕ ﻳﻤﻪ ﻗﻔﻠﻲ ﺍﻟﺒﺎﺏ ﻭﻳﺎﺝ ﺍﺷﻮ ﻫﺬﻭﻝ ﻣﺎﻣﺮﺗﺎﺣﺔ ﺍﻟﻬﻢ
....
ﻳﻤﻪ ﺷﺴﺎﻟﻔﺔ ﺷﺒﻴﺞ ﻭﻟﺪ ﺧﺎﻟﺞ ﻣﻮ ﻏﺮﺏ ..
_ ﻣﻴﺨﺎﻟﻒ ﻗﻔﻠﻲ ﻟﻼﻣﺎﻥ .. ﺗﺮﺓ ﺍﻟﺪﻧﻴﺎ ﻣﺎ ﺗﺘﺄﻣﻦ ﺣﺎﻣﻴﻬﺎ ﺣﺮﺍﻣﻴﻬﺎ ..
ﻛﺎﻣﺖ ﻗﻔﻠﺘﻪ ﻛﺎﻟﺖ ﺍﻣﺮﻱ ﻻﻟﻠﻪ ..
ﻃﻔﺖ ﺍﻟﻀﻮﻩ ..
ﺍﺟﺖ ﺗﻤﺪﺩﺕ ﻳﻤﻲ ، ﺗﻘﺮﺑﺖ ﻣﻨﻬﺎ ﺧﻠﻴﺖ ﺭﺍﺳﻲ ﺑﺼﻒ ﻛﺘﻔﻬﺎ ﻣﺪﺕ ﺍﻳﺪﻫﺎ ﺗﻠﻌﺐ ﺑﺸﻌﺮﻱ ...
ﺣﺴﻴﺖ ﺑﺎﻧﻔﺎﺳﻬﺎ ﺛﻜﻠﺖ ﻭﺍﻧﻲ ﺍﻻﺭﻕ ﺍﻛﻞ ﻋﻴﻮﻧﻲ ﻭﻣﺎﻛﺪﺭﺕ ﺍﻧﺎﻡ ﺑﺲ ﺍﻓﻜﺮ .. ﺷﻮﻥ ﻟﻴﻠﺔ ﺭﻋﺐ ﻛﻮﺓ ﻣﺮﺕ ..
ﻛﻌﺪﺕ ﺍﻟﺼﺒﺢ ﺳﺎﻋﺔ ﻋﺸﺮﺓ ﻻﻥ ﺩﻭﺍﻣﻲ ﻋﺼﺮﻱ ، ﺷﻔﺘﻬﻢ ﺭﺍﻳﺤﻴﻦ ، ﻛﻤﺖ ﺍﺷﻴﻞ ﺑﻔﺮﺍﺷﺎﺗﻬﻢ ﺭﻳﺤﺘﻬﺎ ﺗﻌﻂ ﻛﻠﻬﺎ ﺟﻜﺎﻳﺮ
ﻛﻤﺖ ﻧﻜﺘﺘﻬﻢ ﻭ ﺷﺮﻳﺘﻬﻢ ﺑﺎﻟﺸﻤﺲ ..
ﻭﺍﻟﻨﻔﺎﺿﺔ ﻣﻠﻴﺎﻧﻪ ﺟﻜﺎﻳﺮ ﻛﻤﺖ ﺷﻤﺮﺕ ﺍﻟﻜﻄﻮﻑ ﻭ ﻏﺴﻠﺘﻬﺎ
ﻭﺭﺗﺒﺖ ﺍﻟﻬﻮﻝ .. ﺷﻔﺖ ﺍﻣﻲ ﺑﺎﻟﻤﻄﺒﺦ ، ﺻﺒﺤﺖ ﻋﻠﻴﻬﺎ
ﻛﺎﻟﺖ ﺍﻧﺘﻈﺮﺗﺞ ﻣﺎﺗﺮﻳﻜﺖ ﺗﻌﺎﻟﻲ ﻧﺘﺮﻳﻚ ﺳﻮﺍ
ﺗﺮﻳﻜﻨﺎ ﻭﻛﻌﺪﺕ ﻗﺮﻳﺖ ﺷﻮﻳﻪ ﻟﻞ ١١ ﻛﻤﺖ ﺍﺑﺪﻝ ..
ﺧﺎﺑﺮﻧﻲ ﺣﺎﺯﻡ ؛ - ﻣﻮ ﺗﻨﺴﻴﻦ ﺍﻟﻌﺼﺮ ﺍﻧﺘﻈﺮﻭﻧﻲ ﺍﺟﻲ ﺍﺷﻮﻑ ﻭﺭﺩﺓ ﺗﻤﺎﻡ ؟
_ ﺍﻱ ﻣﺎ ﺍﻧﺴﻰ ﺍﻥ ﺷﺎﺀﺍﻟﻠﻪ ﺑﺲ ﺍﻧﺖ ﻻ ﺗﺘﺄﺧﺮ ﺍﺣﻨﻪ ﻧﺤﻞ ﺑﺎﻻﺭﺑﻌﺔ ..
_ ﺑﺎﻻﺭﺑﻌﺔ ﺍﻧﻪ ﻳﻢ ﺍﻟﻤﺪﺭﺳﺔ ﺑﺎﻟﺴﻴﺎﺭﺓ ﺟﻴﺒﻲ ﻭﺭﺩﺓ ﻭﺗﻌﺎﻱ
_ ﺍﻥ ﺷﺎﺀﺍﻟﻠﻪ ..
ﺧﺘﻤﺘﻪ ﻭﻳﺎﻩ ﻭﻛﻤﻠﺖ ﺗﺒﺪﻳﻞ ﻭﺭﺣﺖ ﻟﻠﻤﺪﺭﺳﺔ ..
ﻭﺭﺩﺓ ﺍﻟﺴﺠﺎﺟﺔ ﻣﺎﺷﻔﺘﻬﺎ ﺑﺲ ﺑﺪﺍﻳﺔ ﺍﻟﺪﻭﺍﻡ ﻭﻧﻬﺎﻳﺘﻪ
ﺍﺟﺖ ﻋﻠﻴﻪ ﻟﻠﺼﻒ ﺣﺘﻰ ﺍﺧﺬﻫﺎ ﺗﺸﻮﻑ ﺍﻟﺤﺐ ..
ﺭﺣﻨﺎ ﻻﺑﻮ ﺍﻟﺨﻂ ﻛﻠﻨﺎﻟﻪ ﻋﻤﻮ ﺭﻭﺡ ﺍﺟﻪ ﻋﻠﻴﻨﺎ ﺍﺧﻮﻱ ﻧﺮﺟﻊ ﻭﻳﺎﻩ .. ﻟﺰﻣﻨﺎ ﺍﻳﺪ ﺑﺄﻳﺪ ﻭﻋﺒﺮﻧﺎ ﺍﻟﺸﺎﺭﻉ ، ﺣﺎﺯﻡ ﻣﻮﻛﻒ ﺳﻴﺎﺭﺗﻪ ﺑﺎﻟﺠﺎﻧﺐ ﺍﻟﺜﺎﻧﻲ ﻻﻥ ﺍﺯﺩﺣﺎﻡ ﻳﻢ ﺍﻟﻤﺪﺭﺳﺔ ﻭﻛﺖ ﺍﻟﺤﻠﺔ ﻛﻞ ﺍﻟﺨﻄﻮﻁ ﺗﻮﻛﻒ ﻳﻨﺘﻈﺮﻭﻥ ﺍﻟﻄﺎﻟﺒﺎﺕ ..
ﻭﺍﻛﻒ ﻳﻢ ﺳﻴﺎﺭﺗﻪ ﻭﻣﻜﺘﻒ ﺍﻳﺪﻳﻪ ﻭﻳﺒﺎﻭﻉ ﻳﻤﻴﻦ ﻭﻳﺴﺎﺭ ﻭﻣﻮﻛﻒ ﺳﻴﺎﺭﺗﻪ ﺑﻤﻜﺎﻥ ﺑﻌﻴﺪ ﺷﻮﻳﻪ ..
ﻭﺻﻠﻨﺎ ﺍﻟﻪ ﻭﺍﻟﺘﻘﺖ ﻋﻴﻮﻧﻬﻢ ....
ﺩﺧﻠﻨﺎ ﺑﺎﻟﺴﻴﺎﺭﺓ ﻫﻮ ﺍﺷﺮ ﺍﻟﻬﺎ ﺗﻜﻌﺪ ﻛﺪﺍﻡ ﺭﺍﺣﺖ ﻛﻌﺪﺕ ﻳﻤﻪ ﻭﻋﻠﻰ ﻏﻴﺮ ﻋﺎﺩﺗﻬﺎ ﻛﻠﺶ ﺿﺎﻳﺠﺔ ﻭﻣﻜﺘﺌﺒﺔ ..
ﺣﺮﻙ ﺍﻟﺴﻴﺎﺭﺓ ﻛﺎﻟﺘﻠﻪ ﺣﺎﺯﻡ ﻣﺎﻋﻠﻴﻚ ﺑﺤﺠﻲ ﺍﺑﻮﻱ ﺍﻟﺒﺎﺭﺣﺔ
ﻫﻮ ﻻﻥ ﻣﻌﺼﺐ ﻣﻦ ﻋﻤﺘﻲ ﻫﺎﻱ ﺍﻟﻔﺘﺮﺓ ﺗﻌﺪﻱ ﺍﻥ ﺷﺎﺀﺍﻟﻠﻪ ﻭﻳﻐﻴﺮ ﺭﺃﻳﻪ ..
ﺟﺎﻧﺖ ﺗﺤﺠﻲ ﺑﻨﺒﺮﺓ ﺣﺰﻥ ﻏﻴﺮ ﻣﻌﻬﻮﺩﺓ ..
ﺑﺎﻭﻉ ﻋﻠﻴﻬﺎ ﻭﻫﻮ ﻳﺴﻮﻕ ، ﺍﻧﻮﻟﺪﺕ ﺑﺰﻭﺍﻳﺔ ﻋﻴﻨﻪ ﻧﻈﺮﺓ ﺍﻧﻜﺴﺎﺭ ﻛﺒﺤﻬﺎ ﺑﺎﺑﺘﺴﺎﻣﺔ ﻋﺮﻳﻀﺔ ﻣﻠﻴﺎﻧﻪ ﺍﻣﻞ ..
ﻟﺰﻡ ﺍﻳﺪﻫﺎ ﻗﻮﻱ ﻭﻳﺒﺎﻭﻉ ﻋﻠﻴﻬﺎ ﻟﺤﻈﺎﺕ ﺑﻨﻈﺮﺍﺕ ﻗﻮﻳﻪ ﻭﻳﺪﻭﺭ ﻭﺟﻬﻪ ﻉ ﺍﻟﻄﺮﻳﻖ ﺍﻟﻲ ﻛﺪﺍﻣﻪ ..
ﺟﺮ ﻧﻔﺲ ﻭﺟﺎﻭﺑﻬﺎ ؛ - ﻭﺍﻟﻠﻪ ﻗﻬﺮﻧﻲ ﺧﺎﻟﻲ ﻛﻠﺶ ﺑﻬﺎﻱ ﺷﺮﻭﻃﻪ ﺍﻟﺘﻌﺠﻴﺰﻳﺔ ، ﺻﺪﻙ ﺟﺬﺏ ﻣﻨﻪ .. ﺑﺲ ﻭﺭﺑﺞ ﻭﺭﺩﺓ ﻣﺎ ﺍﺗﻨﺎﺯﻝ ﻋﻨﺞ ﻭﺍﺑﻘﻰ ﺍﺣﺎﻭﻝ ﺍﻟﻰ ﺍﻥ ﺍﺣﺼﻠﺞ ..
ﺍﻧﺮﺳﻤﺖ ﻋﻠﻰ ﻣﺤﻴﺎﻫﻪ ﺍﺑﺘﺴﺎﻣﺔ ﻣﺸﺮﻗﺔ ، ﺭﻓﻊ ﺍﻳﺪﻫﺎ ﻭﺑﺎﺳﻬﺎ ﻭﻳﻀﺤﻚ ..الناقلة جنات عزيز
ﻛﺤﻴﺖ ﺍﻧﻪ ﻣﻦ ﻳﻤﻲ ﺍﺣﻢ ﺍﺣﻢ ﻧﺤﻦ ﻫﻨﺎ ﻻ ﺗﺮﻭﺣﻮﻥ ﺯﺍﻳﺪ ..
ﺑﺎﻭﻋﻠﻲ ﺑﺎﻟﻤﺮﺍﻳﻪ ﻳﺘﺼﻨﻊ ﺍﻟﺼﺪﻣﺔ ﻣﻴﺴﻢ ﻫﺎﻱ ﺍﻧﺘﻲ ﻫﻨﺎ ﻭﻻ ﺍﺩﺭﻱ ﺑﻴﺞ ﻣﻦ ﻳﻤﺘﻪ ﺍﻧﺖ ﻫﻨﺎﻧﻪ ﺑﻠﻠﻪ ﻏﻴﺮ ﺗﺤﺠﻴﻦ ﻏﻴﺮ ﺗﻜﻮﻟﻴﻦ ..
ﻭﺭﺩﺓ ﺗﻀﺤﻚ ﻭﺗﺒﺎﻭﻋﻠﻲ ﻭﺍﻧﻪ ﺍﺿﺤﻚ ﻭﺍﺭﻓﻊ ﺑﺤﺎﺟﺒﻲ ﺍﻟﻬﺎ ﻭﺑﺪﺍﺧﻠﻲ ﻣﺎ ﻣﻄﻤﺌﻨﺔ ﻟﻬﺬﺍ ﻛﻠﻪ ﺍﺑﺪ ، ﺧﺎﻳﻔﺔ ﻋﻠﻴﻬﻢ ﻳﺘﻌﺬﺑﻮﻥ ، ﺧﺎﺻﺔ ﻭﻫﻤﺎ ﺑﺪﻭﺍ ﻳﺘﻌﻠﻘﻮﻥ ﺑﺒﻌﻀﻬﻢ ﺍﻛﺜﺮ ﻭﺍﻛﺜﺮ ..
ﻛﺎﻝ ﺷﻨﻮ ﺭﺃﻳﻜﻢ ﺍﺧﺬﻛﻢ ﻣﻄﻌﻢ ﺍﻭ ﻣﻜﺎﻥ ﺣﻠﻮ ..
ﺟﺎﻭﺑﺘﻪ ﻻ ﺧﺎﻑ ﺗﺘﺄﺧﺮ ﻭﺭﺩﺓ ﻭﺍﻫﻠﻬﺎ ﻳﺤﺠﻮﻥ ﻋﻠﻴﻬﺎ ..
ﻛﺎﻟﺖ ﺍﻛﻠﻠﻬﻢ ﻋﻨﺪﻱ ﺩﺭﺱ ﺍﺿﺎﻓﻲ ..
ﺟﺎﻭﺑﺘﻬﺎ ﻭﺭﺩﺓ ﺣﺒﻞ ﺍﻟﻜﺬﺏ ﻗﺼﻴﺮ ﻻﻳﻜﺸﻔﻮﻧﺞ ﻭﺗﺮﻭﺣﻴﻦ ﺑﻴﻬﺎ ﻋﻔﻴﻪ ﺍﺗﺠﻔﻮ ﺍﻟﺸﺮ ﻭﺧﻠﻮﻧﻪ ﻧﺮﺟﻊ ..
ﺣﺎﺯﻡ؛ - ﺍﻱ ﺻﺤﻴﺢ ﻛﻼﻡ ﻣﻴﺴﻢ ﻭﺍﻧﻪ ﻣﺎ ﺍﺭﻳﺪ ﺍﺳﺒﺐ ﺍﻟﺞ ﻣﺸﺎﻛﻞ ﻫﺴﻪ ﻛﻠﻴﻠﻲ ﻃﻠﺒﺎﺗﺞ ﺷﻨﻮ ﺍﻧﺰﻝ ﺍﺷﺘﺮﻳﻠﺞ ...
_ ﻻ ﺗﺘﻌﺐ ﻧﻔﺴﻚ ﻭﺍﻟﻠﻪ ﺷﻮﻓﺘﻚ ﻋﻨﺪﻱ ﺗﺴﻮﺍ ﺍﻟﺪﻧﻴﺎ ﻭﻣﺎﺑﻴﻬﺎ ..
ﻣﺪ ﺍﻳﺪﻩ ﻛﺮﺻﻬﺎ ﻣﻦ ﺧﺪﻫﺎ ، ﻭﻛﻒ ﺍﻟﺴﻴﺎﺭﺓ ﻭﻧﺰﻝ ﻳﺸﺘﺮﻳﻠﻬﺎ ، ﻃﻠﻴﺖ ﻋﻠﻴﻬﺎ ﻛﺘﻠﻬﺎ ﺑﻌﺪ ﺷﺘﺮﻳﺪﻳﻦ ﺍﻟﻠﻪ ﺭﺑﺞ ..
ﻇﻠﺖ ﺗﻀﺤﻚ ﺧﻠﺖ ﺍﻳﺪﻫﺎ ﻋﻠﻰ ﻛﺼﺘﻲ ﻭﺩﻓﻌﺘﻨﻲ ﻟﻴﻮﺭﺍ
ﻛﺘﻠﻬﺎ ﺍﻟﺒﺎﺭﺣﺔ ﺍﺧﻮﺍﻧﺞ ﺑﺎﺗﻮﺍ ﻋﺪﻧﺎ ..
ﺍﻟﺘﺎﻓﺖ ﻋﻠﻴﻪ ﻭﻟﺞ ﻻ ﺍﻛﻮ ﺣﺮﺍﻣﻲ ﻭﻻ ﺷﻲ ﺑﺲ ﺍﺑﻮﻱ ﻛﺎﻟﻠﻬﻢ ﺭﻭﺣﻮﺍ ﺍﺭﻣﻮﺍ ﻳﻢ ﺑﻴﺘﻬﻢ ﻭﻛﻠﻮﻟﻬﻢ ﺷﻔﻨﻪ ﺣﺮﺍﻣﻲ ﺣﺘﻰ ﺻﺒﺎﺡ ﺗﺨﺎﻑ ﻭﺗﺴﻠﻢ ﺍﻟﺒﻴﺖ ..
ﻣﻴﺴﻢ ؛ - ﺗﺆ ﺗﺆ ﺗﺆ ﻭﺍﻟﻠﻪ ﻋﺮﻓﺘﻪ ﻫﺬﺍ ﻣﻠﻌﻮﺏ ﻣﻦ ﺧﺎﻟﻲ ﺑﺲ ﺍﻣﻲ ﻣﺎﺻﺪﻛﺘﻨﻲ ..
_ ﺍﻱ ﻭﻟﺞ ﻛﻮﻟﻲ ﻟﻌﻤﺘﻲ ﺑﺲ ﻻ ﺗﺮﻭﺡ ﺗﻜﻮﻝ ﻻﺑﻮﻱ ﺗﺮﺓ ﻳﻜﺘﻠﻮﻧﻲ ﻋﻔﻴﺔ ﻣﺎﺑﻴﻪ ﺣﻴﻞ ﻛﺘﻞ ﺧﻠﻴﻨﻲ ﺻﺎﺣﻴﺔ ﻉ ﺍﻻﻗﻞ ﻟﻼﻣﺘﺤﺎﻧﺎﺕ ﺍﻟﻮﺯﺍﺭﻳﺔ ..
_ ﻻ ﺗﺨﺎﻓﻴﻦ ﺑﺲ ﻟﻌﺒﺘﻪ ﻣﻜﺸﻮﻓﺔ ﺍﺑﻮﺝ ﺑﻌﺪ ﺷﻴﺮﻳﺪ ﻳﺴﻮﻱ ﻭﻟﻮﻳﻦ ﻳﺮﻳﺪ ﻳﻮﺻﻞ !!
ﺍﺟﻪ ﺣﺎﺯﻡ ﺍﻧﻄﺎﻫﻪ ﻋﻼﻛﺔ ﺷﻤﺮﻫﺎ ﺑﺤﻀﻨﻬﺎ ﺍﺧﺬﺗﻬﺎ ﺧﻠﺘﻬﺎ ﺑﺠﻨﻄﺘﻬﺎ ، ﺍﻟﺘﻔﺖ ﻋﻠﻴﻪ ﻛﺎﻝ ﺍﻧﺖ ﻫﻤﻴﻦ ﺟﺒﺘﻠﺞ ﻣﺎﻧﺴﻴﺘﺞ
ﺍﻧﻄﺎﻧﻲ ﻋﻼﻛﺔ ﻓﺘﺤﺘﻬﺎ ، ﺍﺧﺬﺕ ﺑﺲ ﺍﻟﻜﺮﺯﺍﺕ ﻭﺍﻟﺒﺎﻗﻲ ﺣﻠﻮﻳﺎﺕ ﻭﻧﺴﺎﺗﻞ ﺍﻧﻄﻴﺘﻬﻢ ﻟﻮﺭﺩﺓ ﻫﺎﺝ ﺍﻧﻄﻴﻬﻢ ﻟﻤﻬﻨﺪ ﺍﻧﻪ ﻣﺎ ﺍﺣﺐ ﻫﺎﻱ ﺍﻟﺴﻮﺍﻟﻒ ..
ﺑﺎﻭﻋﺘﻠﻲ ﻭﻏﻤﺰﺕ ﻭﺷﻤﻌﻨﻰ ﻣﻬﻨﺪ
ﺍﻧﺘﺒﻬﺖ ﻋﻠﻰ ﻧﻔﺴﻲ ﻣﻮ ﻗﺼﺪﻱ ﻭﺍﻟﻠﻪ ﺑﺲ ﻻﻥ ﻫﻮ ﻃﻔﻞ ﺍﺻﻐﺮ ﻭﺍﺣﺪ ﺍﺑﻴﺘﻜﻢ
_ ﻋﺪﻧﺎ ﺍﻭﻻﺩ ﺭﺍﺿﻲ ﺷﻨﻮ ﻧﺴﻴﺘﻴﻬﻢ ..
ﺣﺎﺯﻡ ﻭﻫﻮ ﻳﺴﻮﻕ ﻣﺪ ﺍﻳﺪﻩ ﻟﻠﻌﻼﻛﺔ ﺭﺟﻌﻬﺎ ﺍﻟﻲ
ﻫﺎﺝ ﺍﺧﺬﻳﻬﺎ ﻭﺳﻜﺘﻲ ، ﺍﺧﺬﺗﻬﺎ ﻭﺳﻜﺘﺖ ..
ﻭﺻﻠﻨﺎ ﻟﻠﺒﻴﺖ ﺟﺎﻱ ﻧﻨﺰﻝ ﻭﻣﺎﻧﺸﻮﻑ ﺍﻟﻪ ﺍﺧﻮﺍﻥ ﻭﺭﺩﺓ
ﺍﻟﺘﻤﻮ ﻋﻠﻴﻨﺎ ﻭﺻﺎﺭﺕ ﻋﻠﻴﻨﺎ ﻭﻟﻴﻪ
ﻧﺰﻟﻮﺍ ﻭﺭﺩﺓ ﺑﺎﻟﺼﺎﻳﺢ ﻭﺍﻟﺮﺯﺍﻟﺔ ﻭﺍﻟﻔﺸﺎﻳﺮ
ﺭﺍﺡ ﺣﺎﺯﻡ ﻳﺨﻠﺼﻬﺎ ﻣﻨﻬﻢ ، ﻣﺤﻤﺪ ﺻﻔﻜﻪ ﺭﺍﺷﺪﻱ
ﻭﺿﻞ ﻳﺼﻴﺢ ﺑﻮﺟﻬﻪ ﺍﻟﺒﺎﺭﺣﺔ ﺧﻄﺒﺘﻬﺎ ﻭﺭﻓﻀﻨﺎﻙ ﻭﻫﺴﻪ ﻣﺨﻠﻴﻬﺎ ﺑﺎﻟﺼﺪﺭ ﻭﺗﻔﺮﻓﺮ ﺑﻴﻬﺎ ؟؟
ﺣﺎﺯﻡ ﺩﻓﻊ ﻣﺤﻤﺪ ﻣﻦ ﺻﺪﺭﻩ ﺭﺍﺩ ﻳﻀﺮﺑﻪ ﺑﺲ ﺗﻮﻗﻒ ﻻﻥ ﻳﻌﺮﻑ ﺍﺫﺍ ﺿﺮﺑﻪ ﺍﻛﺜﺮ ﻭﺍﺣﺪ ﺭﺍﺡ ﻳﺘﺄﺫﻯ ﻭﺭﺩﺓ ﻭﻣﺎﺭﺍﺡ ﻳﺮﺣﻤﻮﻫﺎ ..
ﻟﺰﻣﻪ ﻣﻦ ﺍﻳﺪﻩ ﻭﻇﻞ ﻳﻬﺪﻱ ﺑﻲ ﺗﺮﺓ ﻭﺍﻟﻠﻪ ﻣﻮ ﻗﺼﺪﻱ ﺑﺲ ﻫﻨﻪ ﺗﺄﺧﺮﻥ ﻋﺪﻫﻦ ﺩﺭﻭﺱ ﺍﺿﺎﻓﻴﺔ ..
ﺳﺤﺒﻪ ﻣﺤﻤﺪ ﻭﻭﻻﺀ ﻻﺯﻡ ﻭﺭﺩﻩ
ﻣﺤﻤﺪ ﻛﺎﻝ ﻟﺤﺎﺯﻡ ﺍﻣﺸﻲ ﻛﻮﻝ ﻫﺬﺍ ﺍﻟﺤﺠﻲ ﻻﺑﻮﻱ
ﺭﻛﻀﺖ ﻻﻣﻲ ﺟﻮﺍ ؛ - ﻳﻤﻪ ﻟﺤﻜﻲ ﻭﻻﺀ ﻭﻣﺤﻤﺪ ﺍﺧﺬﻭ ﺣﺎﺯﻡ ﻃﻠﻌﺖ ﺍﻣﻲ ﻭﺍﻧﻪ ﻃﻠﻌﺖ ﻭﺭﺍﻫﺎ ، ﺗﻬﺪﺃ ﺑﻴﻬﻢ ﻣﺎﻛﻮ ﻓﺎﻳﺪﺓ
ﺭﺍﺣﻮ ﻛﻠﻬﻢ ﻭﺍﻣﻲ ﺗﺒﻌﺘﻬﻢ ﻭﺍﻧﻪ ﺑﻘﻴﺖ ﻭﺣﺪﻱ ﺑﺎﻟﺒﻴﺖ ﻣﻴﺘﻪ ﻣﻦ ﺍﻟﺨﻮﻑ ، ﺗﻨﺪﻣﺖ ﻳﺎﺭﻳﺖ ﺭﺍﻳﺤﺔ ﻭﻳﺎﻫﻢ ، ﺑﻘﻴﺖ ﺭﺍﻳﺤﺔ ﺟﺎﻳﻪ ، ﻭﺍﻓﻜﺮ ﻟﻮ ﺭﺍﻳﺤﺔ ﻭﻳﺎﻫﻢ ، ﺑﺲ ﻭﺍﺫﺍ ﺭﺣﺖ ﺷﺮﺍﺡ ﺍﺳﻮﻱ ﻭﻣﻨﻮ ﺭﺍﺡ ﻳﺎﺧﺬ ﺣﺠﺎﻳﺘﻲ ﻭﻳﺴﻤﻊ ﻛﻼﻣﻲ !!!
ﻟﻠﻤﻐﺮﺏ ﻳﻴﻠﻪ ﺍﺟﻮ ، ﺣﺎﺯﻡ ﻋﻴﻮﻧﻪ ﺑﻬﺎﻣﺘﻪ ﻭﺍﻣﻲ ﻭﺿﻌﻬﺎ ﻣﺎﻳﺘﻔﺴﺮ ، ﺿﺎﻳﺠﻴﻦ ﻭﻃﺎﻛﺔ ﺭﻭﺣﻬﻢ ..
ﻛﻌﺪ ﺣﺎﺯﻡ ﻉ ﺍﻟﻘﻨﻔﺔ ﻭﻛﻀﺎﻫﻪ ﺣﺴﺮﺍﺕ
ﺭﺣﺖ ﻻﻣﻲ ﺳﺄﻟﺘﻬﺎ ؛ - ﻳﻤﻪ ﺷﻨﻮ ﺻﺎﺭ ﻭﻭﺭﺩﺓ ﺷﺤﺎﻟﻬﺎ ﻫﺴﻪ !! ؟
الناقلة جنات عزيز
ﺟﺮﺕ ﻧﻔﺲ ﺑﺤﺰﻥ ﻭﺟﺎﻭﺑﺖ ؛ - ﺍﺧﺬﻭﻫﺎ ﺍﺧﻮﺍﻧﻬﺎ ﺟﻮﺓ ﻣﺎﺍﺩﺭﻱ ﺑﺤﺎﻟﻬﺎ ، ﺍﺟﻪ ﺧﺎﻟﺞ ﻭﺿﻞ ﻳﺼﻴﺢ ﻭﻳﺮﺯﻝ ﺑﻴﻪ ﻭﺑﺤﺎﺯﻡ ﻭﻛﺎﻝ ﺑﻌﺪ ﻣﺎ ﺍﺣﺠﻲ ﻭﻳﺎﻛﻢ ﺍﻟﻲ ﺣﺠﻲ ﻭﻳﺎ ﺍﻟﺸﻴﺦ ﻋﺰﺍﻡ ..
ﺣﺎﺯﻡ ﻛﺎﻡ ﻋﻠﻰ ﺣﻴﻠﻪ .. ﺍﻣﻲ ﻛﺎﻟﺘﻠﻪ ﻫﺎ ﻳﻤﻪ ﻭﻳﻦ ؟
_ ﺍﺭﻭﺡ ﻻﺑﻮﻱ ﺍﺟﻴﺒﻪ ﻭﺍﺭﻭﺡ ﻟﺒﻴﺖ ﺧﺎﻟﻲ ﺧﻠﻲ ﻳﺤﺠﻲ ﻭﻳﺎﻫﻢ ﻻ ﻳﺄﺫﻭﻥ ﻭﺭﺩﺓ ﻭﺑﻠﻜﻲ ﻳﻮﺍﻓﻘﻮﻥ ﻳﻨﻄﻮﻫﺎ ﺍﻟﻲ ..
ﻃﻠﻊ ﺣﺎﺯﻡ ﻭﺍﻣﻲ ﻃﻠﻌﺖ ﻭﺭﺍﻩ ﺳﺪﺕ ﺍﻟﺒﺎﺏ ﻭﺍﺟﺖ ..
ﺑﻘﻴﻨﺎ ﻋﻠﻰ ﻫﺎﻱ ﺣﺎﻟﺘﻨﻪ ﺍﻟﺤﻴﺮﺓ ﻭﺍﻟﺨﻮﻑ ﻳﻨﻬﺶ ﺑﻴﻨﻪ ﻧﻬﺶ ﻭﺭﺍﻫﺎ ﺑﺠﻢ ﺳﺎﻋﺔ ﺍﻣﻲ ﺧﺎﺑﺮﺕ ﺣﺎﺯﻡ ﺗﺴﺄﻟﻪ ﻋﻠﻲ ﺻﺎﺭ ﻭﺷﺴﻮﺍ ؟
ﻛﺎﻟﻠﻬﺎ ﺭﺣﺖ ﻟﻜﻴﺘﻬﻢ ﻫﻨﺎﻙ ﻭﺍﺻﻠﻴﻦ ﻗﺒﻠﻲ ﻭﺷﺎﻋﻠﻴﻦ ﺍﻟﺠﻮ ﺷﻌﻞ ﺑﺎﻟﺼﻴﺎﺡ ﻭﺍﻟﻬﻮﺳﺔ . ...
ﺳﺪﺗﻪ ﺍﻣﻲ ﻣﻨﻪ ﻣﻴﺘﺔ ﻗﻬﺮ ﻭﻣﺘﺤﻠﻄﻤﺔ ، ﻭﺍﻧﻪ ﺍﺯﻭﺩ ﻣﻨﻬﺎ
ﺻﺪﺍﻉ ﻳﻤﺰﻕ ﻋﻘﻠﻲ ، ﻭﺍﻟﻢ ﻳﺎﻛﻞ ﺑﺮﻭﺣﻲ ، ﻋﻠﻰ ﻭﺭﺩﺓ ﺍﻟﻤﺴﻜﻴﻨﺔ ﻫﺴﻪ ﺍﻛﻴﺪ ﻓﻴﻨﻮﺍ ﺣﻈﻬﺎ ﻫﺎﻟﻮﺣﻮﺵ ﺍﻟﻤﺎﻳﺨﺎﻓﻮﻥ ﻣﻦ ﺍﻟﻠﻪ ..
ﻛﺎﻋﺪﺓ ﻉ ﺍﻟﻘﻨﻔﺔ ﻭﺍﻋﺼﺮ ﺑﻴﺪﻳﻪ ﻭﺍﻣﻲ ﺭﺍﻳﺤﺔ ﺟﺎﻱ
ﻳﻤﻪ ﺳﻮﻱ ﺷﻲ ﺣﺒﺎﺑﺔ ﻣﻴﺘﺔ ﺧﻮﻑ ﻋﻠﻰ ﻭﺭﺩﺓ ﻭﺍﻟﻠﻪ ﻣﻴﺘﺔ ﺧﻮﻑ ، ﺷﺠﺎﻧﻲ ﺭﺗﺒﺖ ﻫﺎﻟﻤﻮﻋﺪ ﻛﻠﻪ ﻣﻨﻲ ﺍﻟﻠﻪ ﻳﺎﺧﺬﻧﻲ ..
ﺍﺷﺶ ﺳﻜﺘﻲ ﻻﺗﺪﻋﻴﻦ ﻋﻠﻰ ﺭﻭﺣﺞ ﺍﺳﻢ ﺍﻟﻠﻪ ﻋﻠﻴﺞ
ﺍﺑﺪ ﻫﺴﻪ ﺍﺧﺎﺑﺮ ﺧﺎﻟﺞ ﻓﺎﺋﻖ ﻫﻮ ﺍﻟﺠﺒﻴﺮ ﻭﻳﻄﻴﻌﻮﻧﻪ ﻭﻳﺎﺧﺬﻭﻥ ﺑﺤﺠﺎﻳﺘﻪ ﻃﻮﻝ ﻋﻤﺮﻩ ﺣﺠﺎﻳﺘﻪ ﺣﺠﺎﻳﺔ ﺍﻟﻌﺪﻟﺔ ..
ﺍﻱ ﻳﻤﻪ ﻧﻘﺬﻳﻬﺎ ﻣﻨﻬﻢ ﺧﻄﻴﺔ ..... ...........
ﺍﻟﻲ ﺻﺎﺭ ﺑﻌﺪﻫﺎ ﺩﺍﻭﻣﺖ ﺍﻧﻪ ﺑﺲ ﻭﺭﺩﺓ ﻣﺎﻛﻮ ، ﺍﺣﻨﺎ ﻧﻬﺎﻳﺔ ﺷﻬﺮ ﺍﻟﺜﺎﻟﺚ ﻭﻫﻴﻪ ﻻﺯﻡ ﺗﻤﺘﺤﻦ ﺑﻬﺎﻱ ﺍﻟﻔﺘﺮﺓ ﺣﺘﻰ ﻳﻘﺴﻤﻮﻥ ﺍﻟﺪﺭﺟﺎﺕ ﻭﻳﻨﻄﻮﻥ ﺍﻟﻨﺘﺎﺋﺞ ﻭﺗﺒﻴﻦ ﻣﻨﻮ ﺍﻟﺪﺍﺧﻠﺔ ﺑﻜﻠﻮﺭﻳﺎ ﻣﻨﻮ ﻻ ...
ﻭﺑﻤﺎ ﺍﻧﻪ ﻭﺭﺩﺓ ﺷﺎﻃﺮﺓ ﺍﻟﻤﺪﺭﺳﺎﺕ ﺗﺨﺒﻠﻮﺍ ﻋﻠﻴﻬﺎ ﻛﻞ ﻳﻮﻣﻴﺔ ﻭﺩﺍﺯﻳﻦ ﻋﻠﻴﻪ ﻟﻼﺩﺍﺭﺓ ﻳﺴﺄﻟﻮﻥ ﻋﻨﻬﺎ ، ﻭﺑﻠﺸﻮ ﻳﻤﺘﺤﻨﻮﻥ .....
ﻛﺎﻥ ﺟﻮﺍﺑﻲ ﻓﻲ ﻛﻞ ﻣﺮﺓ ﻣﺮﻳﻀﺔ ﻭﻣﺎﺟﺎﻱ ﺗﻜﺪﺭ ﺗﺪﺍﻭﻡ ..الناقلة جنات عزيز
ﺍﻟﻤﺪﻳﺮﺓ ؛ - ﻃﻴﺐ ﺧﻠﻲ ﻳﺎﺧﺬﻭﻟﻬﺎ ﺍﺟﺎﺯﺓ ﻣﺮﺿﻴﺔ ﺣﺘﻰ ﻧﻜﺪﺭ ﻧﺄﺟﻞ ﺍﻟﻬﺎ ﺍﻻﻣﺘﺤﺎﻧﺎﺕ ..
ﺩﻧﻜﺖ ﻭﺳﻜﺘﺖ ، ﺍﻟﻤﺪﻳﺮﺓ ﺣﺴﺖ ﺍﻛﻮ ﺷﻲ ﻭﻣﺎﺣﺒﺖ ﺗﻄﻮﺥ ﺑﺎﻟﺤﺠﻲ ، ﻛﺎﻟﺖ ﺭﻭﺣﻲ ﻣﺎﻣﺎ ﻋﻠﻰ ﺻﻔﺞ ..
ﺭﺣﺖ ﻣﺤﺘﺎﺭﺓ ﻭﺑﺲ ﺍﺑﺠﻲ ﻋﻠﻴﻬﺎ ﺣﺎﺳﻪ ﺑﺘﺄﻧﻴﺐ ﺍﻟﻀﻤﻴﺮ ﻛﻠﻪ ﻣﻨﻲ ﺍﻧﻪ ﻟﻮ ﻣﺎﻣﺨﻠﻴﺘﻬﺎ ﺗﺸﻮﻓﻪ ﺟﺎﻥ ﺍﺣﺴﻦ
ﺍﻟﺘﻤﻮﺍ ﻋﻠﻴﻪ ﺍﻟﻄﺎﻟﺒﺎﺕ ﻋﻠﻰ ﺻﻮﺕ ﺑﺠﻲّ ..
ﻛﻤﺖ ﻏﺴﻠﺖ ﻭﺟﻬﻲ ﻭﺑﻘﻴﺖ ﺳﺎﻛﺘﺔ ﻃﻮﻝ ﺍﻟﻮﻗﺖ ..
ﻭﺭﺍ ﻋﺸﺮ ﺍﻳﺎﻡ ﺗﻘﺮﻳﺒﺎ ﻛﺎﻋﺪﺓ ﺑﻠﻠﺼﻒ ﺗﻮﻩ ﺑﻠﺶ ﺍﻟﺪﻭﺍﻡ ﺍﺟﺖ ﺑﻨﻴﻪ ﺍﻧﻄﺘﻨﻲ ﻭﺭﻗﺔ
ﻓﺘﺤﺘﻬﺎ ﻣﻜﺘﻮﺏ ﺑﻴﻬﺎ ﺍﻧﻪ ﻭﺭﺩﺓ ﺗﻌﺎﻱ ﻭﺭﺍ ﺍﻟﺤﻤﺎﻣﺎﺕ ﻣﺎﻟﺔ ﺍﻟﻤﺪﺭﺳﺔ ﺑﺲ ﻻﺗﺤﺠﻴﻦ ﻻﺣﺪ ..
ﻟﺰﻣﺖ ﻛﻠﺒﻲ ﻭﺭﻛﻀﺖ ﻟﻠﻤﻜﺎﻥ ، ﺭﺣﺖ ﺷﻔﺘﻬﺎ ﺷﻤﺮﺕ ﺭﻭﺣﻲ ﻋﻠﻴﻬﺎ ﻭﻟﺞ ﻣﺎﻣﺼﺪﻛﺔ ﺍﺷﻮﻓﺞ
ﺟﺎﻥ ﻭﺟﻪ ﺷﺎﺣﺐ ﻭﺧﺪﻭﺩﻫﺎ ﺫﺑﻼﻧﺔ ..
ﻛﺎﻟﺖ ﻻﺗﺤﺠﻴﻦ ﻻﺣﺪ ﺷﻔﺘﻴﻨﻲ ﺧﺎﻑ ﺑﻨﺎﺕ ﻋﻤﻲ ﻳﺸﻮﻓﻮﻧﻲ ﻭﻳﺎﺝ ﻭﻳﺮﺣﻮﻥ ﻳﻜﻮﻟﻮﻥ ﻻﻫﻠﻲ ﺍﻧﻪ ﻛﻮﺓ ﺧﻠﻮﻧﻲ ﺍﺩﺍﻭﻡ ﺑﺸﺮﻭﻁ ﻃﺒﻌﺎ ﻳﻠﻪ ﻗﺒﻞ ﺍﺑﻮﻱ ﻭﺍﻭﻝ ﺷﺮﻁ ﻫﻮ ﻣﺎﺍﺗﺪﻧﻰ ﻳﻤﺞ ﺍﺑﺪ .. ...
ﻭﻟﺞ ﻣﺎﺗﺪﺭﻳﻦ ﺷﺼﺎﺭ ﺑﻴﻪ ﺍﻧﻜﺘﻠﺖ ﻛﺘﻠﺔ ﺍﻛﺒﺮ ﻛﺘﻠﺔ ﺑﺎﻟﺘﺎﺭﻳﺦ ﺍﻟﺤﺪﻳﺚ ﻭﺍﻟﻤﻌﺎﺻﺮ ..
_ ﺷﺴﻮﻳﻦ ﻫﺎﻱ ﺿﺮﻳﺒﺔ ﺍﻟﺤﺐ ﻭﻻﺯﻡ ﺗﺪﻓﻌﻴﻨﻬﺎ ﻳﺎﺟﻮﻟﻴﺖ ..
ﺭﺍﺡ ﺍﻛﻠﺞ ﺷﻲ ﻭﻻﺯﻡ ﺗﻮﺻﻠﻴﻨﻪ ﻟﺤﺎﺯﻡ ..
_ ﺷﻨﻮ ﻳﺎﺳﺘﺎﺭ ؟
_ ﺍﺑﻮﻱ ﺭﺍﺡ ﻟﻔﻴﺾ ﺍﻟﺒﺎﺭﺣﺔ ﻭﻛﺎﻟﻪ ﻋﻠﻤﻮﺩ ﻳﺠﻲ ﻳﺨﻄﺒﻨﻲ ..
ﻟﻄﻤﺖ ﻋﻠﻰ ﻭﺟﻬﻲ ﻣﻦ ﺍﻟﺼﺪﻣﺔ .. ﻓﻴﺾ ﺍﺧﻮﻱ ؟
_ ﺍﻱ ﻭﺍﻟﻴﻮﻡ ﺍﻟﺼﺒﺢ ﺍﺟﻪ ﻓﻴﺾ ﻭﺍﺑﻮﻱ ﺧﻼﻧﻪ ﺑﺲ ﺍﻧﻪ ﻭﻳﺎ ﻭﺳﻮﻟﻔﻨﻪ ...
ﺷﻨﻮﻭﻭ ؟؟ ﻭﺷﺤﺠﻴﺘﻮﻭ ؟؟؟
ﻳﺘﺒﻊ

الناقلة جنات عزيز janat_51