احببته مرتان

البارت السابع

أحببته مرتان 🌸

الحلقه السابعه

علقوا جميلاتي

إفصاح"اللهم اغفر لنا وارحمنا '

******
وبعد شويه
سهير : غفران اسيل يالا عشان تحضروا معايا السفرة
غفران بخبث : حاضر يماما جايين
اسيل : غفران انا خايفه من اللي انتي ناويه تعمليه لو حد عرف هنتنفخ
غفران : معايا ولا مش معايا جبانه
اسيل : ديل معاكي يابا انا اصلا بحب الدم انا عايزة اشوف دم
غفران: دي اسيل اختي اللي انا عارفاها هو داا
بعد ما حضروا السفره
غفران : ماما نادي عليهم الاكل جاهز
سهير: يالا ياجماعه الاكل جاهز
غفران وهي بترص الاكل في الأطباق وجه دور جاسر بهمس : بالسم الهاري
جاسر : باصلها بصدمه وف باله : ايه اللي بيحصل دا هو اللي انا سمعته دا صح ولا انا بيتهيقلي بقي انا جاسر الجارحي اللي البنات هتموت عشان بس نظرة مني تيجي العيله دي وتقولي بالسم الهاري هي وصلت لكده شكل اليوم دا مش هيعدي ع خير ( يعيني يبني حاسس ان هيتعمل فيه مقلب ياقلبي والله صعب عليا ودمعتي ع خدي احم ... احم سوري انحرفت ورا الموضوع نرجع تاني )
وهما بياكلوا
جاسر : كح كح كح... م..ايه ع..اا..ي..ز ..م..اا ..ييه ..الا...ك...ل...حر...اااق. ( مايه عايز مايه الاكل حراق )
محمد : مالك يابني اشرب عصير اشرب
جاسر وهو بيشرب : قام باصق ( تافف يعني) العصير ع الأرض  حراااق ..ال..ع..ص..ير ..ح..ر ..اااق ( العصير حراق )
محمد : مالك يبني كل شويه حراق حراق هو انت يبني في حاجه في تذوقك بسم الله ماشاء الله الاكل خرافه
غفران واسيل ومازن ماسكين ضحكتهم بالعافيه (والشيطان والكاتبه اللي هي انا ملناش علاقه بالموضوع داا)
نرجع لورا شويه
Flash back
الخطه كالآتي
غفران: ماما هتنادي عليا بعد شويه نوضب السفره معاها هيبقي انا معايا شطه حراقه هحط منها في طبقه وف نفس الوقت هحط منها في العصير بتاعه اللي هو هيشرب منه عشان الحرقان بتاع الاكل
مازن بدراميه : يالهووي ايه اللي بتعمليه داا دانا اخاف منك بعد كده ومزعلكيش انا اسف ياغفران ع كل مرة زعلتك. فيها سامحيني ياختي
غفران : بدراميه اكتر لقد عفونا عنك ايها الشاب اللطيف ولكن بشرط احضر لي كل ما احبه من أنواع الشيكولاته اللي بحبها
مازن : العبي بعيد ياروحي
اسيل : ربنا يستر من اللي هيحصل
End flash back
جاسر قام من ع الاكل : عن اذنكم انا شبعت
احمد : هو انت اكلت حاجه يبني
جاسر : لا خلاص كده الحمدلله
غفران: انا هستأذن الحمد لله شبعت
احمد : انتي لحقت...قبل ما يكمل
اسيل : وانا كمان عن اذنكم
وطلعت هيا وغفران ع فوق
واول ما دخلوا
اسيل  انفجر ضحكا: يالهووووي مش قادرة انا كنت ماسكه نفسي بالعافيه اني مضحكش شوفتي منظرة يفتس
غفران:  ( بضحك )هو انا لسه عملت حاجه دانا هوريه النجوم في عز الظهر
******************,***,*
وتحت بعد شويه
محمد : جاسر انت كويس مأكلتش يبني
جاسر :الحمد لله
محمد : مالك يبني اكيد عين وصابتك يبني انت كويس
جاسر في نفسه : عين عين ايه بس اللي تعمل كده دا انا فروتي اتكلت مانت ياجدي مجربتش وانت رايح تاكل يتقالك بالسم الهاري أو اكلك يبقي فيه شطه ولا العصير هي البنت دي شكلها مش هتجبها البر وهنشوف يا انا ياهيا
فؤاد: عايزين نحدد معاد الخطوبه وكتب الكتاب
احمد: عيد ميلاد غفران بعد اسبوع وهتم 18 ممكن نعملهم في نفس اليوم
محمد تمام بعد اسبوع أن شاء الله
وبعد شويه مشيوا
*****************
احمد : غفرااااااااااان ياغفراااااااااااان
غفران: نعم يابابا انا معاك في نفس البيت ع فكرة
احمد : ايه اللي هببتيه في الراجل دا
غفران: هو انا عملت حاجه يا حاج
احمد بسخريه : لا معملتيش غير انك حتيطي شطه في اكل الراجل صح
غفران : هو اللي بدأ وعصبني يستحمل
احمد : يارب انا عملت ايه يا رب عشا تبتليني بالتلاته دول مازن وغفران واسيل
مازن واسيل بصوت واحد:وانا مالي
احمد: عايزين تقولولي انكم مكنتوش تعرفوا
والله جاسر دا هيصعب عليا ربنا رزقه بغفران والله الواد ده اكيد بيكفر ذنب عشان ربنا يبتليه بيكي ربنا يكون في عونه صعب عليا
غفران: هو يطول وبعدين يعني هو انا اللي راميه نفسي عليه قوي
والكل قاعد يضحك عليهم في الوقت
***************
وبكده خلصنا البارت اللي كتبته مرتين والله هابكي
المهم علقوا يعني مينفعش مجهودي كده بيطير صح انا تعبت والمفروض اخد نتيجه تعبي صح
المهم نتغاضا عن الغلطات الإملائية 🙂
عشان مرجعتش البارت استمتعوا