احببته مرتان

الحلقه الثالثه

البارت الثالث

إفصاح 'اللهم لك الحمد كما ينبغي لجلال وجهك وعظيم سلطانك'

وقفنا البارت
الي فات ع غفران وهيا بتكلم باباها في
الكافيه علي المفجأه الي عاملنها لمامتها
**********************
غفران قفلت مع باباها واتصلت على مازن
غفران:ابو المزاميز عامل اي
مازن:بطلي الاسم ده بينرفزني وبعدين مش من عوايدك انك تتصلي عليا غير لما تبقي عايزة حاجة أو عامله مصيبه ف انجزي من غير مقدمات
غفران بصدمة مصتنعه : انا. يامازن تشك فيه دانا اختك حبيبتك
مازن بملل : انجزي يا غفران انا مش فاضي
غفران:علي طول قافشني كده احم.. المهم بقي فاكر الخطه الي اتفقت معاك عليها في عيد جواز بابا وماما
مازن:أيوة فاكر
غفران:بوص بقي احنا قدمنا معاد الخطه بدل مكان اخر الاسبوع هيبقي النهارده وانتي زي الشاطر كده هتقدم ع إجازة اسبوع وهتلاقي هدوم في الشنطه بتاعت العربية جديده انا جبتها وحطيتها وانت نايم عشان ماما عارفه هدومك كلها وهتلاقي برفيوم كمان غير بتاعك عشان ماما عارفه رحته تمام وهتلاقي هدوم تانيه دي هتغير فيها واحنا في المزرعه تمام انزل بقي قدامك نص ساعه وتكون في البيت بتخدر ماما عشان نلحق ع مروح اقول لاهل اسيل واجيب شويه حجات لزوم الخطه واروح هناك قبلك انت وبابا وأجهزة المكان انا واسيل
مازن :أنا سايبك تتكلمي وتطلعي كل الي جواكي بس مين قالك اني مواقف اطلع دلوقتي  وبعدين مين الي قال لبابا انا كنت متفق معاكي بس اي دخل بابا في الموضوع
غفران هقولك لما اقابلك عشان الموضوع كبير الي حدا ما وزعلت وبابا كان هيخرجني فأنا قولت نروح دلوقتي عشان ماما متحسش بحاجه تمام
مازن انا مش موافق
غفران بعصبية زائفه :هتيجي يامازن والا قسما بالله اعيط ومش هتعرف تسكتني ومش هاسكت والله ماسكت  واقرفك في عشتك واقعد ازن وازن وازن
مازن :باااااس خلاص ايه مش بتفصلي ماشي ياختي اتحركي انتي وانا كمان نص ساعة واتحرك سلام
غفران :سلام
اسيل:خلصتي كل حاجه ومخدتيش رأي
غفران: هههههه نسيت
اسيل :نعم ياختي ايه نسيتي ازااي يعني
غفران برجاء:يالا بقي يا ياسو انتي انتي قلبي اصلا اش تزعلي ويلا عشان اقول لمامتك وباباكي
اسيل :بفضل اقنع فيها اسبوع عشان ترضي بس اعمل حاجه ومع ذلك مش بترضي  برضو وانتي من خمس دقايق بتكون اقتنعت علميني بالله
غفران وهيا رافعه ايديها علي هيئة خمسه ) الي هيا علامه الحسد يعني) قدرات ياما قدرات وبعدين دا سر المهنه مش بيتقال عشان بيفقس
اسيل : بيفقس نفسي اعرف بتجيبي كلامك المعاق دا منين
غفران : مش يالا عشان نلحق
اسيل: يالا
ودفعوا الحساب ومشوا
علي الترابيزة الي فرحهم
ساره: انا ملاحظة انك مدقق اوي معاهم
جاسر بارتباك: وادقق معاهم ليه دول حبه عيال مصغره
ساره بشك: اوك
جاسر: مش يالا نمشي
ساره وزياد : يالا
ومشوا
*************
نرجع لغفران
راحت بيت اسيل
غفران : السلام عليكم يا اهل الدااار
سميه ام اسيل: تعالي ياغلبويه مش بتسألي ليه
غفران: والله انتي حبيبتي ياسوسو هو انا اقدر برضو
سميه : ماشي يابكاشه قوليلي بقي اي سر الزيارة السعيده دي
غفران بخضه ممزوجه بصدمه : انا ياسوسو جايه عشان مصلحتي اااااه زعلتيني اووي بقي انتي واخده عني الفكرة دي اااه ياني مكنش يومك يالوزه ياحظك المنيل يالوزة
سميه بملل: انجزي ياغفران  مش هيمش عليا شويه الدراما دول
غفران: علي طول قفشاني كده
سميه: انجزي
غفران : اسيل قومي من هنا عايزة اكلم سوسو لوحدنا
اسيل : اوك
سميه : نعم يا حبيبتي عايزة ايه
غفران : يوصي من الاخر كده هخش علي طول في الموضوع ماما وبابا عيد جوازهم اخر الاسبوع واحنا محضرين ليهم حفله النهارده وهنفضل في بيت المزرعه اسبوع نرتاح وتغير جو والصراحه انا عايزة اسيل معايا
سميه : لا عليكم مذاكرة كتير وانتو في ثانوية عامة
بعد مرور خمس دقايق من النقاش بين سميه وغفران
غفران: اسيييييل
: وفمها يكاد يلامس الأرض نعم أحضر الشنطه ماما وافقت
سميه ا: أيوة وافقت
اسيل طلعت تجري علي مامتها وحطت ايديها علي رأسها : انتي مش سخنه ياماما ايه الي أثر عليكي بت يا  غفران عملتي ايه لامي
غفران بملل: انجزي باسيل بطلي دراما قبل ما سوسو تغير رأيها
اسيل : فوريرة وهتلقيني عندك
غفران واسيل خلصوا ومشيو
وجابوا بلالين لزوم الحفله وشرائط ملونه وحجات كتير وانطلقوا ع المزرعه 
وبعد عدة ساعات
***********★********
باب المزرعه بيفتح ودخل منه احمد والد غفران
يا غفراااااااان قالها احمد بصوت عالي
غفران : ايه ايه يابابا بتنادي عليا من المجره المجاورة ليه الصوت داا يعني
احمد : ايه ايه مصورة انفتحت في وشي
غفران :بنفاذ صبر أيوة يابابا نعم خير
احمد بإرتباك في ضيوف هيجوا النهارده انا عزمتهم ع الحفله
غفران : ماشي يابابا حاجه تانيه
احمد : انا جبت التورته
غفران :ماشي ايه رأيك في البيت
احمد : حلو جدا هايل
وصف البيت
كان البيت عباره عن دورين وفي سلم داخلي بيوصل للدور اللي فوق الدور اللي فوق كان فيه ٣ اوض واوضه مكتب اما الدور اللي تحت  ففيه اوضتين والمطبخ والصاله كان فيها ركنه كبيرة والبيت بيتسم بالطابع الكلاسيكي
نرجع لموضوعنا
بالليل
كانت غفران مركبه كاميرا في اوضه مامتها وكانت مركبه شاشه كبيرة في بيت المزرعه (المهم)
الضيوف وصلوا وكانوا عباره عن والد جاسر وجده وجاسر (يعني هما ييجوا وهو لا )
والد جاسر :ازيك يا احمد عامل ايه
احمد: الحمد لله ياعم معدش حد بيشوفك ليه
محمد جد جاسر: بمرح : هو انا شفاف ياض عشان مش تشوفني اومال لو مكنتش انا اللي مربيك
احمد: وانا اقدر برضو ياحج دا انت  الكل في الكل قال هذا الكلام وهو يتجه إليه ليحتضنه
محمد : يابكاش
والد جاسر : انا هغير ع ابويا كده ابعد يالا
احمد بتعجب: يالا ؟ الله يرحم ايام مكنت بديك ع افاك بصبح عليك
والد جاسر: احمد حبيبي بلاش الكلام دا قدام جاسر
اتجه نظر احمد الي جاسر وابتسم له : جاسر ازيك يابني عاش من شافك اخر مرة شوفتك فيها كنت لسه في ثانوي
جاسر ببسمه مصطنعه : اهلا ياعمي
وفجأة وسط كلمهم غفران بتنادي ع احمد
غفران : بابا بابا يابابا بابا بابا يابابا بابا
احمد : ايه ايه بتنادي عليا من المريخ انا واقف تحت
غفران : اهااا مانا عارفه المهم شغل الشاشه واقعد اتفرج
احمد : طب غيري هدومك عشان جدك محمد وصل
غفران بإرتباك واضح : حاضر يابابا
( الحديث اللي دار دا وغفران واقفه ع السلم وهما في اوضه الجلوس عشان كده مشفتهمش ).
جاسر : انا حاسس اني سمعت الصوت دا قبل كده
مش مشكله يعني اكيد بتوهم
**********
وبكده يكون البرت خلص رأيكم
استمتعوا جميلاتي 💜
دعمكم 🌸