احببته مرتان

الحلقه الثالثة عشر

اسفه ع التأخير بس النت كان قاطع ولما بابا شحن الباقه نشرت البارت
استمتعوا 🌸⁦❤️⁩

أحببته مرتان 🌸

البارت الثالث عشر

إفصاح "لا اله الا الله وحده لا شريك له له الملك وله الحمد وهو على كل شيء قدير"

🌸🌸🌸🌸🌸🌸🌸🌸🌸🌸🌸🌸🌸🌸

في القاهره وبالتحديد في ڤيلا الجارحي

وعلي مائدة الطعام
جاسر: بابا فاكر عماد رزق صاحبي من ايام الثانوي
فؤاد : أيوة فاكرة هو دا يتنسي دا عشرة عمر هو وأبوة
جاسر : هو عامل مشروع وعايزنا نكون شركاء معاه
محمد: انت متأكد يا جاسر أن مفيش حاجه ورا الموضوع دا هو غاب غيبه طويله قوي يابني ولما يرجع مش حاسس ان الموضوع مريب شويه
جاسر: لا عادي الدنيا مشاغل
محمد : انت حر يابني هيا شركاتك وانت حر فيها
جاسر : تمام ماشي

🌸🌸🌸🌸🌸🌸🌸🌸🌸🌸🌸🌸🌸🌸
ونرجع الاسكندريه تاني عند بطلتنا

قامت غفران من النوم مبسوطه بسبب اللي حصل امبارح
ولبست ونزلت عشان تروح المكتبه
غفران بإبتسامه تكاد تصل لأذنها من تحت نقابها: ازيك ياعم لطفي
عم لطفي: الحمد لله يابنتي شكلك مبسوط
غفران: الصراحه اه وفرحانه قوي وقوي كمان ربنا يخليك ياعم لطفي انتي السبب مش عارفه من غير ربنا وانت كنت عملت ايه
عم لطفي : انا معملتش حاجه دا انتي زي بنتي واقعدي كده عشان عايز اقولك حاجه
غفران : حاضر
عم لطفي :  انتي من شويه قولتي أن ربنا وانا السبب في إنك تقربي من جاسر صح
غفران : صح
عم لطفي: لا غلط
غفران : ازاي
عم لطفي: انتي لما تيجي تقولي حاجه زي كده تقولي ربنا ثم الشخص اللي انتي بتوجهيله الكلام
غفران بتوهان : مش فاهمه
عم لطفي : بوصي يابنتي انتي دلوقتي قارنتيني بربنا
غفران : مش فاهمه برضو
عم لطفي :انتي لما قولتي لولا ربنا وانت الواو بتفيد أن انا وربنا في نفس المنزله مينفعش تقرنينا ببعض عشان كده لما تيجي تتكلمي أو تقولي حاجه زي كده تقولي ربنا ثم الشخص دا
غفران: اشمعنا ثم
عم لطفي : لأن ثم تفيد الترتيب والتراخي يعني ربنا وبعد ربنا انا لأن ربنا هو اللي حطني في طريقك عشان اقولك كده فهمتي
غفران : أيوة فهمت شكرا ياعم لطفي جزاك الله خيرا إن شاء الله
عم لطفي بإبتسامه : استأذن انا بقي عشان متأخرش ع البيت خلي بالك من نفسك غفران حاضر

ونسيب غفران لوحدها ونروح مكان تاني
🌸🌸🌸🌸🌸🌸🌸🌸🌸🌸🌸🌸🌸🌸
في بيت عماد رزق

عماد بيرن علي جاسر
عماد: جاسر باشا اي رأيك في المشروع  الجماعه وافقوا ولا لا
جاسر: أيوة وافقوا وتقدر تجيلي الفرع الرئيسي اللي في القاهرة عشان نكمل العقد بتاعنا
عماد: شكرا ياصاحبي أن ساعدتني انت عارف بعد موت والدي ثروتنا كلها اتاخدت بسببه
جاسر: حصل خير ياصاحبي انت كنت هنرضي تصرف من مال حرام
عماد بخبث : لا ياصاحبي
جاسر : استأذنك بقي عشان الشغل
عماد: اذنك معاك ياصاحبي
وبعد ما عماد قفل علي جاسر
عماد بنبرة يحتلها الشر : واخيرا وقعت يابن الجارحي قال فلوس حرام قال ابوك السبب في اللي حصل لو كان رضي أنه يخش صفقة غسيل الأموال مع ابويا مكنش زمانه مات ومكنش زمان الفلوس كلها راحت للحكومه
نهايتك قربت يابن الجارحي
🌸🌸🌸🌸🌸🌸🌸🌸🌸🌸🌸🌸🌸🌸
في مكان آخر في القاهرة بالتحديد في منزل أسيل