احببته مرتان

البارت الثامن

أحببته مرتان 🌸

الحلقه الثامنه

افصاح'حسبي الله لا اله الا هو عليه توكلت وهو رب العرش العظيم'

🦋🦋🦋🦋🦋🦋🦋

بعد ما جاسر مشي هو وعائلته وصلهم ومشي بالعربيه
جاسر بيتكلم في الفون : الو
زياد : الو مالك ياجاسر ايه اللي حصل صوتك متغير
جاسر : ايه اللي حصل قول ايه اللي محصلش
زياد بضحك : ايه اللي حصل بس خلاك مضايق كده
جاسر : زياد قسما بالله لو مبتلطش ضحك هطلع غلي كله عليك
زياد : اهدي يامان كده وقولي انت فين دوقتي
جاسر : انا عند النيل مستنيك
زياد : اوك مسافة الطريق وكون قدامك
🌸🌸🌸🌸🌸🌸🌸🌸🌸🌸🌸🌸🌸🌸
بعد ما زياد وصل
زياد : هاا يامعلم خير من بس زعلك
جاسر : هيكون مين تخيل معايا كده
زياد : مش انت هتتخيل اتخيل معاك
جاسر : عارف البنت اللي اتخانقت معاها الصبح
زياد : اهاا مش دي اللي قالت هنتقابل تا...لا لا لا استني متقولش هيا صح هيا نفس البنت اللي هتتجوزها ( وانفجر ضحكا لدرجه انه افترش هو يضحك) يالهوي مش قادر امسك نفسي (بصراحه ولا انا 😂😂😂😂 اسفه احم )
جاسر : تعرف تخرس ومش كده وبس
زياد : ايه عملت اي تاني
جاسر : روحت واتفاجأت زيك كده ..............وحكاله كل اللي حصل
زياد: يالهوي ضربتك بالقلم لا وكمان حطتلك شطه في الاكل اكيد شكلك كان مسخرة ( هو كان مات من كتر الضحك) كان نفسي اشوف شكلك اااهههه( كان جاسر ضربه بوكس )

جاسر : بعد البوكس داا جرب تتكلم تاني وتفتح ام الموضوع داا
زياد : اوك يسطاا ناوي ع ايه بقي معاها
جاسر : مش عارف بس البنت دي شكلها مش هتسكت وشكلي انا وهيا هنعكها مع بعض
زياد : يااه المواقف معاكوا هتبقي خرافه

وقعدوا شويه وبعدين مشيوا
🌸🌸🌸🌸🌸🌸🌸🌸🌸🌸
في مكان تاني
مجهول ١ : هنعمل ايه هنسكت ع الجوازه دي
مجهول ٢: لا مش هسكت مش كل حاجه هتروح لعيال الجارحي كده وانا مليش فيها نصيب
مجهول ١: هو مش انت/ي كمان من عيلة الجارحي
مجهول ٢: أيوة بس الأملاك كلها هتروح لابن فؤاد وبنت احمد انما احنا مش هناخد قد ربع حد منهم
مجهول ١ :يعني هنعمل ايه
مجهول ٢: سبيهم مبسوطين دوقتي مبقاش ........ أن مخلتهم يسيبوا بعض

🌸🌸🌸🌸🌸🌸🌸🌸🌸🌸🌸🌸🌸
تسريع في الأحداث
بعد اسبوع
يوم عيد ميلاد غفران بليل

احمد : اهلا اهلا نورتوا ازيك يا عمي عامل ايه ازيك يافؤاد ايه داا مش معقول سلوي عامله ايه اه ازيك ياجاسر يبني مخدتش بالي
جاسر : لا ولا يهمك يا احمد بيه
فؤاد اخد احمد بالحضن : عامل ايه
احمد الحمد لله
وراح احمد بأس ع ايد محمد : منور ياعمي
محمد : ربنا يسعدك يبني
سلوي : ( بما أن حرام تسلم بالايد فهي هتتكلم ) : ازيك ياحمد وسهير عامله ايه
احمد :الحمد لله سهير هتلقيها جوه
احمد: انت مين يابني معلش مخدتش بالي
زياد بضحكه : ولا يهمك ياعمي انا صاحب جاسر
احمد: اهاا اهلا يابني تنور
وهما دخلين سمعوا صوت صريخ
احمد طلع يجري وهما وراه
احمد : خير في ايه مين بيصوت (بيقولها بقلق )
غفران: قاعده تعيط وطلعت تجري على حضن باباها
احمد : خير في ايه
مازن: يابابا فكك منها انا بس عملت فيها مقلب صغير قد كده كان بيشاور بإيده
احمد: يا أخرى صبري عملت ايه
غفران: وهيا بتمسح دموعها عاقبه يابابا دا بهدلني اخر بهدله عمل معايا اللي محدش يقدر يعمله في اخته اهني يابابا واقعدت تعيط بمعني اصح دموع تماسيح
مازن : كدابه والله يابابا
احمد بغضب : متقولش ع اختك كدابه
غفران طلعت دماغها من حضن ابوها وبتبص لمازن وبتطلع لسانها وبترجع تحضن باباها تاني
مازن: يابابا اللي حصل انا جبت صورصار لعبه وحطيته في اكلها دا كل اللي حصل
احمد : هاااه دا اللي حصل وهو بيبص لغفران بغضب
غفران : بتبتسم ببرائه هو اللي غلطان هو عارف اني بخاف من الصراصير
احمد وهو بيحاول يقلد صوتها: دا عمل جريمه محدش يعملها في اخته وعمل اللي محدش قدر يعمله
احمد مسكها من ودنها جامد
غفران : اعاااا يابابا سيب ودني بتوجع ياجدعان حد يحوش عني مازن انا اختك حبيبتك ساعدني
مازن : وهو بيقلد صوتها : عاقبه يابابا تستاهلي اللي بيحصلك
قام احمد مدور وشه وبيبص ع اللي ميتين ضحك وراه : اسف يا جماعه انتيطوا شوفتوا اللي حصل
غفران: هو انتوا هنا من أمتي
محمد : من اول ما صرختي
غفران وهيا بتفكر بس بصوت عالي : اتفضحت انا كده كنت عارفه أن اليوم مش هيعدي ع خير
احمد : سلمي ياغفران متغنيش مع نفسك كتير
غفران: يالهوي وه انتوا سامعني احم احم اسفه ازيكم عاملين ايه نورتوا والله وبعدين بصت لمحمد
غفران: جدو بالله عليك خلي بابا يسبني مش هتجوز انا بودن واحده من هيرضي يتجوز واحده عندها ودن اكبر من التانيه
محمد وهو بيضحك : خلاص سيبها ياحمد
احمد: انت مشفتش هيا بتعمل ايه
محمد: حصل خير
وبعد شويه جت سهير وسلمت عليهم وهما قاعدين في الصالون
سهير : سلوي مش ممكن عامله ايه
سلوي وهيا يتحضنها: كويسه والله وانتي معدتيش بتسألي
سهير : معلش والله الدنيا مشاغل
💜💜💜💜💜💜💜💜💜💜💜
وبعد شويه الجرس رن
غفران : انا هفتح تلاقيها اسيل
اسيل: بعد مدخلت السلام عليكم
الكل وعليكم السلام
وبعدين قعدوا
محمد: عامله اي في الدراسه ياغفران وانت يا اسيل
غفران و اسيل: الحمد لله
محمد : طبعا يا غفران انتي عارفه احنا جايين نعمل ايه
غفران : ايوة عرفه بابا قالي
محمد : تمام المأذون جاي في الطريق
غفران : طب عن اذنكم لنا يجي ابقوا ندولي
اسيل : عن اذنكم
غفران بتعيط
اسيل : اهدي ياغفران اهدي متعيطيش وقامت جايه حضناها وعيطت معاها
غفران : وهيا بتمسح دموعها طب انا بعيط بسبب انتي بتعيطي ليه
اسيل : معرفش لقيتك بتعيطي فممسكتش نفسي
غفران وهي تضحك : ضحكتيني وانا مليش نفس
اسيل : فكك من دا كله تعالي موريكي هديتي
غفران: هاا جايبه ايه
اسيل : جابت صندوق الهدايا اللي معاها والدته لغفران
غفران: وااو دا ليه وحضنت اسيل
(اليه كانت عباره عن شوكولاته +شوكولاته بالفراوله +جايبلها سلسله بتتقسم نصين واخدت نص لنفسها وأدت لغفران النص التاني +كانت جايبلها كتب وروايات وكده ياريت تكونوا فهمني )
وقعدوا يتكلموا لحد اما مازن جه ونادا لغفران
مازن : يالا تعالي
غفران : هو جه
مازن: لا بس بابا عايزك
غفران بصت لاسيل وقالت ليها يالا
🌸🌸🌸🌸🌸🌸🌸🌸🌸🌸🌸

وبعد أما راحوا
احمد: أظن أن دا وقت توزيع الهدايا
احمد: انا كنت وعدتك قبل كده اني هخايكي تلبس النقاب وبما انك بعد شويه هتبقي ملزومه من راجل غيري بس حاليا انتي ملزومه مني عشان كده أنا موافق تلبس النقاب وقام مادد ليها أيده وكان معاه علبه
غفران اول ما فتحتها عنيتا دمعت وطلعت تجري حضنت باباها وهيا بتعيط
غفران: انا بحبك قوي يابابا انت عارف صح
احمد وهو حضنها : عارف يا قلب بابا
غفران : هدخل البسهم خمسه وجيه
وبعد نص ساعه
مازن بتريقه: خمسه وجايه هيا الخمسه بتاعتك بقت نص ساعه وخمسه
غفران : قلبك ابيض
والباقي كان واقف متنح مع انها جميله من غير نقاب بس مع النقاب بقت اجمل ( وعلموهن أن الستر لاينقص من جمالهن شيئا )
كانت غفران لبسه وشاح اسود طبعا والعبايه كذالك يعني كله اسود والنقاب وكانت عنيها بس اللي باينه وكانت جميله بحق
وبعد مقدموا كلهم هداياهم
وبعد شويه الجرس رن
مازن: انا هقوم افتح
وكان المأذون
🌸🌸🌸🌸🌸🌸🌸🌸🌸
تسريع في الأحداث
بعد كتب الكتاب
محمد : دلوقتي تقدر اموت وانا مطمن
احمد : بعيد الشر عنك
فؤاد : بكره أن شاء الله ينزلوا ويختاروا الشبكه بتاعتها
غفران أدخلت: انا وافقت ع كل حاجه دلوقتي انتوا المفروض توافقوا ع اللي انا قولته
محمد : ايه اللي انتي عايزاه يابنتي
غفران : بعد مخلص ثانويه والكليه اللي هجيبها هروح محافظه تانيه ومش جايه تاني غير لما اخلص الكليه
جاسر ادخل : ايه اللي بتقوله داا وانتي مثلا ملكيش راجل
غفران : دا كان اتفقنا من الاول واظن أن الرجاله مش بترجع في كلمها
محمد: اهدي يا جاسر احنا موافقين يابنتي
🌸🌸🌸🌸🌸🌸🌸🌸🌸
وبكده خلصت جميلاتي
لو سمحتوا تعلقوا وادوني رأيكم
القصه حلوه ولا لا اغير حاجه في أسلوب الكتابه اخطاء او كده
تغاضوا عن الغلطات الإملائية
استمتعوا 🌸
ڤووت + 20كومنت
و همكل ⁦☺️⁩