اجتمعنا صدفة

بارت تعارف لشخصيات

الكتابة ..رانيا السراي

هذا بارت تعريف الأبطال حبيت اعرفكم عليهم وع
صفاتهم ..

اذا شفت تفاعل راح ابدي انزل القصة اريد دعمكم ..

ااسمي ... روان عمري 23 طالبة قانون مواصفاتي  حنطاويه وعيوني كبار وصاحبه رموش كثيفه وعندي خدود طولي 156وزني 52 بحيث جسمي كولش حلوو شخصيتي حيل طيبة ودائما اساعد أي شخص يحتاجني اجتماعية  عنيدة بس مو كولش ماحب احد يفرض نفسه عليه أو يدخل بيه اكثر شي احبه بحياتي بيبي والدراسة مااحب العلاقات ولا الشباب وطبعا بسبب بابا من ازوج ع امي وتمرضت بسببه وعدت  نفسي لازم انجح واصير انسانة ناجحه ومااخلي أي شي  يوكف بطريقي .... خلي اعرفكم ع اهلي اني يتيمه ..

ابو روان :: بابا موظف بالنفط وعمره 48 عصبي بس كلبه طيب وحنون أقرب وحده اله ايلين يحبن هوايه بس من اجت مرته تغير هوايه بسببه ...

زوجت بابا::موظفة وعمره 46 انسانة حقودة وصاحب وجهين كدام العالم شي ويمنه غير انسانة ..

ببيبي ::عمره 60انسانة طيبه والكل يحبه ..

ديمه :اخت روان الجبيرة ::عمره 25 انسانة هادئ وفطيرة من أهل الله مجتهدةتشتغل اكثر من شغله انسانة طموحة   مدرسة هيه وايلين سوه يدرسن  نفس المدرسه

ايلين : مدرسة عربي عمره 24 انسانة جدية وشخصية قويه وأكثر الأحيان تكون انعزالية ماعده ثقه بأحد جان حلمه تدرس قانون واكثر شي تحبه تسوي حلويات ومعجنات ....

احمد ::اخو روان عمره 21بطل من المدرسه بسبب مرت ابويه جان تكره هواي ويشتغل حلاقه انسان طيب وفقير والناس كله تحبه

زينب :: عمره19 بطلت من المدرسه  ماتحب الدراسة عكس اخواته بس فنانة بالرسم  اكثر شي تحبه النوم والموبايل

علي ::عمره 17 أصغر واحد حيل حنون وطيب وشاطر بالدراسه ..

روان :مثل كل يوم كعدت الصبح غسلت لبست ملابسي نزلت لكيت بيبي تسوي ريوك  صباح الخير بييي

بيبي :صباح النور حبيبتي تعالي تريكي

روان :لا بيبي مااريد مااشتهي 

بيبي :ولج يمه قابل تضلين بدون اكل

روان :بيبي من اجوع اشتري واكل والله يله بيبي ادعيلي اريد اروح

بيبي:الله وياج يمه ودير بالج ع نفسج  ..

روان ::أن شاء الله يله باي ..

بيبي::الله وياج يمه ..

هاي روان تشبه هاي البنية عبالك نسخ .

خلي اعرفكم ع بطل القصه شيخ فهد ..

بطل القصة ..... اني شيخ فهد ابن شيخ علي حفيد شيخ جاسم احنه شيوخ معروفين بالبصرة وعنده بستانين واراضي زراعية الحمدلله حالتنه خير من الله .....

فهد ::اني نقيب وعمري 28 حيل عصبي ومااحب احد يعاند أو يرفع صوته كلمتي مسموعه ومعروف بالديوان بالعدل وماحب اضلم احد شكلي اني حنطاوي طولي 190 صاحب عضلات حسب شغلي وزني 80 صاحب عيون حاده وحواجب ثخان .. عندي 2اخوان 2واخوات ..هشام عمره 30 مهندس ومزوج بنت عمي وعنده ولد وبنت وبكر عمره 22طالب كليه وسما عمره 24مزوجه ابن خالي وعده ولد والحمدلله جدي وجدتي عايشين وابويه عنده شركه وامي ماكو مثله اطيب ام وكلش حبابه وحنونه  جانت تتمنى ازوج بس اني رافض هذا الشي لان جنت مااثق بالبنات ومافد يوم وحده دخلت كلبي برغم بنات عمي والعشيرة يردني بس اني مااريد وحده جان شغلي واهلي اهم شي عندي ...... أقرب شخص اليه عيسى ابن عمي

هذا الشخص يشبه الشيخ فهد

فهد ::كعدت الصبح لابست زي العسكري وحضرت جنطتي ونزلت لكيت الشيخ والشيخه كاعدين وامي وابويه وهشام وبكر  صباح الخير

الكل ::صباح الخير ..

الشيخه ::شنيه يمه رايح لبغداد

فهد ::أي والله ياشيخه هسه خابروني بس اتريك اطلع ..

الشيخ ::الله يحفظك بس بوية عندي سالفه وياك من ترجع ..

فهد ::تامر شيخ أن شاء الله  هسه اني اروح لان عيسى ينتظرني ..

ام فهد ::يمه دير بالك ع روحك حبيبي مو تشلع كلبي بس توصل خابرني ..

فهد ::شنو السالفه يمه قابل زعطوط وتخافين عليه

ام فهد ::لا يبعد روحي شيخ الشباب انت الله وياك يمه يحفظك الله

فهد ::طلعت صعدت سيارة ولكيت عيسى منتظرني رحت لبغداد خصلت شغلي مرن يومين لحد ماخابرني  ابويه كال الحك.......

هنا ينتهى البارت اتمنى  تعجبكم القصه استقبل أي  نتقاد 
اذا شفت تفاعلكم راح انزل يوميه