اجتمعنا صدفة

بارت الثامن

هلو اصدقائي اسفه لان تاخرت عليكم طبعا اشكركم هوايه ع التعليقات الحلوة أن شاء الله البارت يعجبكم ....

الكاتبة :: رانيا السراي

"الحياةُ ليست آمنة بالقدر الذي تتصوره".. ببساطة قد يؤذيك شخصٌ لم تتوقع أذيته.💜

روان :صار التقديم وقدمنه اني وازل وجنه منتظرين شوكت تطلع القبولات ضليت اني وازل يوميه نحجي لحد مااجه يوم جان اتعس يوم بحياتي ......اجو بيت خالتي علينه طبعا فرحت لان خالتي ولان اسراء اجت

روان :سلمنه وكعدنه نسولف ونضحك وجان المعقد وياهم لا سلمت عليه ولا عبرته .. كمت اني اخبز وديمه وايلين يسون الغدة  وحضرنه كولشي وتغدينه وبعد سوت زينب الجاي  ...

خالتي :تحجي ويه بابا وكالتله احنه اليوم جاين ع موضوع احنه نريد روان لكرار واني مالكه مثل بنت اختي لابني واخليه بعيوني

بابا:والله ونعم منكم واتشرف بنسبكم وحيل فرحان ..

روان :كولهم فرحانين بس اني ميته قهر المهم خالتي كالت هاا حبيبتي شتكولين كتله خاله جيتج ع عيني وراسي بس ابنج مااريده معتبرته مثل اخويه

روان:بابا ضل يصيح وكال شلون تحجين انتي هيج هذا ابن خالتج ليش ماتقبلين  ومرته كالت وين تكلين مثله كوتلهم مااريده مو غصب.... بس هنا بدت المشاكل ويه ابويه وبسبب مرته ضلت تكول شوف بنتك ليش ماتقبل وشعده صار بابا دائما يتعارك وياي  اوووف شفت الضيم والقهر وضلت خالتي بين فترة وفترة تعيد نفس السالفة لحد ما كتله خالي فهميني اني مااريد ابنج تره مو غصب الزواج  خلصته بجي وقهر ...

ايلين ::هسه ع شنو مقهورة خلي يولي ومحد يكدر يغصبج كومي يله كافي بجي ...

روان ::انتي ماتشوفين ابويه شلون يحجي اخ والله لو بيبي موجوده جان محد يكدر يحجي وياي عابت شكله شكد مكروه لو يموت مااخذه .......

  روان::بتعده عن الكل وضليت مخلصته اشتغل  واحجي ويه ازل  بعد فترة طلعت القبولات ونقبلت قانون جامعة واسط وازل انقبلت تربية قسم تاريخ وجانت حيل ضايجه ...

روان :ولج شبيج والله قسمج حلوو والمهم اني وياج نفس الجامعة

ازل :ولج روان والله مااحب التاريخ صعب يمعوده

روان : ازله تره ماكو شي سهل دكولي ياالله

ازل : الله كريم ...

روان :ولج مو جنه نحلم ندخل جامعة ونصير سوه الحمدلله تحقق هذا الحلم ....

ازل: بس احنه كل وحده كليه شلون راح اشوفج

روان :ست ازوله عيني اني كل مااخلص محاضراتي راح اجي عليج ونطلع ومااعوفج ....

ازل :اوكي ماشي اكولج شوكت تشترين ملابس ..