اجتمعنا صدفة

بار24

مساء الحب... ورمضان كريم عليكم ينعاد عليكم بالصحة والعافية ..... ان شاء الله يعجبكم البارت

الكاتبة : رانيا السراي ❣️🌳🌹

‏أرى بكِ شيئًا مُختلفًا عن البقية لا أعلم ما هو ، لكنّه يشبهني، يناسبني."💛💛

.....................................

فهد : شوفي روان راح احجيلج وادري راح تنصدمين من كلامي بس الله شاهد كل كلمة احجيه طالعة من كلبي بس ماريدج تقاطعيني... ماشي يبوي..

روان: تفضل احجي

فهد : اول شي خلي اعرفج عني نفسي اني نقيب وابن شيوخ من أهل البصرة وهسه راح احجيلج  اني من اليوم الشفتج بي بالمطعم انجذبت الج واكو شي صار بكلبي ماكدرت اطلعج من بالي ويوم عن يوم يزيد حبج بكلبي واني يابنت الناس اريدج ع سنه الله ورسوله اريدج مرتي وحلالي  اريدج تفكرين قبل مااسمع رائيج اخذي وقتج بس مااريد طولين تره كلبي بعد مايتحمل...

روان : من سمعت كلام فهد الصراحه فرحت بس بنفس الوقت اكو خوف شنو الي يضمني ماياخذ غيري لو يحب وحدها ثانيه وماشاء الله هو شيخ ومعروفه عليهم هاي الشغلات يجوز ينطون هديه لو فصيله بهذا الوقت شلون بيه اني فكرة الزواج رافضتهة ومااريد احد يدخل كلبي أني مرتاحة هيج..

كلامك كوله ع راسي بس اريد افهمك شي اني مارافضتك انت بس اني مااريد الزواج هاي السالفه كوله رافضتهةاني. وعندي أسبابي الخاصه مركزه ع دراستي وشلون اكون انسانه ناجحه وانت ربي يوفقك ويرزقك بالإحسن مني....

فهد : اسمع كلامه واحس اكو خوف داخلهة وحزن بعيونهة  شوفي هذا الحجيتي اعتبر نفسي ماسمعته  حقج تخافين وماتثقين بأحد بس اني اختلف اني من حبيتج اجيتج بالحلال شوفي روان انتي إليه وماراح تصيرين  لغير....  وإذا ع دراستج راح تبقين تدرسين اني احب المره الناجحه وراح اكون سند الج

روان : سياده النقيب اني لا الك ولا لغيرك ثاني شي هاي حياتي وهااا نسيت شي انت منو سمحلك هذاك اليوم تجي وتكول اني احبك ليش هيج حجيت ويه الولد....

فهد :الظاهر جان عاجبج واني  خربت عليج ست روان....

روان : عيب عليك تحجي هيج لا تلف  كلام من عندك  اني مااقصد هيج 

فهد : شوفي خليني هادئ وياج لاتخليني اروح لابوج واكلهة احب بنتك وعدنه علاقه.... ردت اخوفه بس حجيت هيج

روان: شنو تروح لابويه اصلا ماعندي شي وياك عيب هيج تسوي وتره اني مااريدك مو غصب هذا الشي

فهد، : لا والله أشو غصب الج منا ليومين ترجعين خبر افتهمتي يا مرتي هسه اني اروح دير بالج ع نفسج ومره ثانيه لا تخلين مكياج قوي مااحب احد يشوفج غيري دير بالج  ع نفسج حبيبتي.....