اجتمعنا صدفة

بارت الرابع

مساء الورد ع اجمل متابعين ..

بارت طويل  أن شاء الله يعجبكم اريد دعمكم وتضغطون ع النجمة ...

الكتابة ::رانيا السراي ..

" ‏افعل ما يسعدك فالايام لن تعود 💔?''

روان :من جنت طفله دائما اشكي من اذني من خلصت امتحاناتي مال الثالث وجعتني اذني رحت اني وبيبي للمستشفى وطبعا دخلت ع دكتورة وجان تغسل اذني بهذا اليوم تعبت حيل وكعت لان طلع موزين عليه بعد فتره صارت حالتي سيئة وحته اكلي جان قليل هنا قرر بابا ياخذني للدكتور معروف بغداد رحت ع الدكتور وجنت خايفه حيل .....

بابا : السلام عليكم دكتور

الدكتور :وعليكم السلام تفضل شبية الحلوة

بابا : حجه السالفه للدكتور والي صار وياي

الدكتور :تفضلي بنتي افحصج

روان :جنت خايفه لا يتكرر الي صار وياي طبعا الدكتور شاف اذني وكال سوي هاي التحاليل  طلعنه اني وبابا سويت التحاليل وبعد فترة طلعن رجعنه للدكتور كال الطبلة مالت اذنج مزروفه راح اخليج ع العلاج وان شاء الله خير ..... طلعت اني وبابا  ورحنه لبيت عمتي بغداد جنت احب اروح لعمتي لان دائما يكولون اشبهه بكولشي ...

بابا واني :السلام عليكم

عمتي وزوجه :وعليكم السلام

روان :سلمت ع عمتي وضلت عمتي تبوس بيه وفرحانه  وضلوا يحجون ع وضعي وجناين عمتي جان حبابات وكعدن اكلنه وسوالف وضحك  بعد نمت وكعدت الصبح تريكنه ورجعنه للكوت بهذاك اليوم جنت فرحانه لان راح ارجع للكوت لان اول مره بيبي ماتروح وياي ...... مرت الأيام وضليت ع العلاج  بس وضعي نفسه ماتغير شي بعده جنت نايمه وتعبانه كعدت ع صوت واحد يصيح ولج رنو اكعدي ...

روحوا عوفني انام والله تعبانه ولج روانه النتائج طلعت  اكعدي فزيت من النوم وركضت اهلي كاعدين ...

روان :ولج ديمة شنو بشري شطلعت كالت ولج ناجحه ومعدلج 86 ضليت اكمز واهلهل جان اسعد يوم بحياتي وشفت فرحت اهلي رحت حضنت بيبي كوتله يله بيبي اريد هدية كالت من عيوني شعندي غيرج نسيت المرض والتعب وبابا بيومه كال باجر نروح نزور النجف وبعده نروح لبيت خالتكم  لكربلاء ....  

روان :الساعة بالخمسة اجت بيبي علينه تكعد بينه كعدنه اني واخواتي صليت اني واخواتي وكعدن نحضر بنفسنه كملنه صعدنه بالسيارة احنه وبيبي وبابا ومرت بابا جانت اختي ايلين حيل قريبه عليه والوحيدة الي تفهمني بس جانت حيل عصبية ومتقبل ع الغلط إنما ديمة أكبر وحده بينه جانت حيل هادئة وكلبه طيب ومحبوبه  وزينب جانت أصغر وحده بينه بالبنات حيل لطيفة ومحبوبه  رغم صغر سنه جانت صاحبة عقل حلوو بس عنودية كولش وتسوي الي يعجبه احمد حيل شخصيته حلوة وطيب كلب يحب يساعد  والي يحتاجه يوكف وياه هسه آخر نفر بالعائلة علي حنونه وطيب فقد امي وهو صغير وطبعا مرت ابويه ربته  بس كل مايكبر علي جانت حيل تأذي وحرمته من هواي شغلات ..... بعد 3ساعات وصلنه للنجف