اجتمعنا صدفة

البارت الثاني عشر

مساء الخير ع احلى متابعين أن شاء الله البارت يعجبكم اليوم البارت ع بطلة القصه

الكاتبة :رانيا السراي

حـاول أن تحـب احزانـك لعلهـا ترحـل كـ رحيـل كـل شي تحبه

روان ::كعدت الصبح كعدت اخواتي واخواني ونزلت سويت ريوك طبعا اني جنت مااكل واذا اجوع اكل بالجامعة كمت اصيح ديمه ايلين وزينب احمد علي يله تعالوا راح الوقت ....

ديمه وايلين وزينب :: الصباح الخير

روان :صباح النور يله سويتلكم بيض وجبن وجاي وين احمد وعلي

احمد::صباح الخير فديت الي مسوي ريوك

روان ::صباح الورد تعال اكعد رحت كعدت علي اجه علي بلكوة يفتح عيونه وكعد حته بدون مايكول صباح الخير يله اني اروح باي ....

ديمة ::تعالي روان هاج مصرف ..

روان ::يمه فديت الاخوات والله شكرا حبي مو مثل بعض ناس كولشي ماكو تقصد ايلين

ايلين ::ولج انتي كولشي مو بعينج مو من تحتاجين اكولج تعالي من استلم مو انطيج بعد ماكو ولاربع ...

روان :ولج جذب والله دااشاقه اصلا وين اكو مثلج يلع ولج ابو الخط اجه ...

ديمه وايلين ::دير بالج ع نفسج

روان ::تمام وانتن همات ...

روان ::رحت للجامعة ونفس الروتين دراسة وامتحانات حيل تعبت والقانون صعب مو سهل بس الحمدلله مادائما شي احبه بس احلى شي رتاج وسراء نضحك ونشاقه رغم كل وحده عده مشاكل وهم .. رجعت للبيت لكيت ديمه تسويه بالغدة وايلين تسوي زلاطه ....

روان ::هلوووو اني اجيت بسرعه احجن شنو مسوين اكل ..

ديمه :هلوات روحي بدلي وتعالي دجاج وبرياني مسوين يله بسرعه

روان ::ايلين سوي الزلاطه طيبه ...

ايلين ::ست روان تامرين بشي ثاني ...

روان ::أي والله من تخلصين غسلي هدومي

ايلين ::امشي جايه تعبانه وراسي مسطور من الجهال ...

روان ::بدلت وغسلت وصليت نزلت لكيت اخواتي مكملات كعدنه ناكل ونشاقه وكل واحد يحجي ع يومية مايكدرون يأكلون بدون حجي ..... هسه انتو تكلولون وين ابوج ومرته صارت عركه بين ابويه ومرته والله شنو ماريد جهالك ....

نرجع شوية قبل العيد بيوم جنه كاعدين اني اخواتي وعلي ويانه وجان احمد بالمحل احمد يشتغل حلاقه المهم سمعنه صوت عياط وعركه