اجتمعنا صدفة

بارت الثالث

هذا البارت راح تتعرفون ع باقي الشخصيات وان شاء الله يعجبكم ...

مساء الورد اصدقائي ..

الكتابة:: رانيا السراي

اضم حُبي وره نظراتي مرات
-بس شلون اضم خوفي عليها ؟

هذا الشخص شبيه عيسى

اعرفكم :اسمي عيسى  عمري 27 من محافظة البصرة اني ابن عم فهد واني نقيب اني وفهد سوه من احنه صغار صار فهد اكثر من اخ الوحيد الي يعرف كلشي عني شكلي اسمر بس مو كلش طولي 185 وزني 75عيوني كبار  واليه هيبة وشخصيتي بالديوان  طيب وحنون بس عصبي كلش واغار   جنت أتمنى اصير دكتور بس ماصارت بسبب الظروف الي عشته  واني جنت ادرس سادس  جنت شاطر حيل بس فد يوم جنت كاعد اقره بالحديقة واسمع صوت صياح ركضت لكيت امي واكعه واخواتي يمه يبجن حيل خفت اخذت امي ركض للمستشفى بس من وصلت واخذوا امي خابرت ع ابوية بعد ماجوا عمي وابويه وجدي وفهد طلع الدكتور كال البقيه بحياتكم ضليت جامد بمكاني ماصدك امي تموت جانت أكبر صدمه صارت بحياتي اجه عليه فهد وكومني ......

فهد ::عيسى ولك شبيك هذا يوميه راحت يم الاحسن مني ومنك ...

عيسى:: ولك فهد مامصدك والله امي مابيه شي كعدنه اني وياها وتريكنه وضلت تدعيلي ليش هيج ياربي لو ماخذ روحي ولا ماخذ امي .....بعد وفات امي حيل تغيرت صرت أخاف ع اخواتي اني عندي بس اثنين اخوات تؤام سجى وضحى احبهن كلش صرت الهن اخ وصديق وأم ماجنت اخليهن يحتاجن لاحد طبعا ابويه بس طلعت سنه امي زوج بنت عمه  جانت خوش وماله علاقه بالمشاكل وتحب اخواتي ... الحمدلله طلعت ناجح  بيومه خابرني فهد ..

فهد :السلام عليكم  عيسى شلونك 

عيسى :وعليكم السلام  الحمدلله خويه انت شلونك ..

فهد ::عيسى تعال خلي نروح للشط اليوم يله انتظرك هناك

عيسى ::ماشي خويه هسه اجي يله مع السلامة ..

فهد::الله وياك ..

عيسى ::رحنه اني وفهد كعدنه جنت صافن وافكر شراح يصير بوضعي ..

فهد ::شبيك عيسى ليش هيج ...صار لاتحجي لاتطلع هوايه

عيسى ::فهد من رحت امي لليوم تعبت من جاي ادخل للبيت واشوف امي ماكو حيل اضوج ومنا اخواتي الي مااعرف شلون افرحهن ومااخليهن يحتاجن شي ...

فهد ::عيسى شوفي تره كل واحد ويوميه ولازم تصير قوي علمود اخواتك وتعال صدك ما كتلي ع شنو راح تقدم ...

عيسى :: راح أدخل كلية عسكرية واصير ضابط .

فهد ::ليش غيرت رائيك انت مو جنت تريد تصير دكتور ...

عيسى ::ماادري من دخلت المستشفى وصار هيج كرهت اصير دكتور والمن اصير الي جانت تتمنى تشوفني ... خويه امي كسرت ظهري احس روحي ضايع

فهد :: يله كوم تاخرنه وتعال ع عشه وياي صارلك هواي ماجاي لبيتنه وحته جدي يسئل عليك ..

عيسى ::لاخويه روح اريد ابقه كاعد هنا مالي خلك ..

فهد ::كوم ولك شنو مالك خلك

عيسى ::كمت ويه فهد ورحنه لبيتهم دخلت وسلمت ع جدي وجدتي وعمي وعمتي وجان تجي الماخذه كلبي وعقلي. ..

جدي ::كالي ليش هيج بويه ماتجي علينه ...

عيسى ::والله جدي ملتهي وتعبان ولوما فهد لح عليه مااجيت

ام فهد ::ليش يمه هيج تسوي بحالك تره اخواتك خطيه لاتقهر بروحك وكل شخص ويوميه وهذا يومه الله يرحمه ...

الشيخ ::يله حضرن العشه اليوم وليدي يمي ..

ام فهد ::أي شيخ تامر بس ثواني .. صحت غزل يمه تعالي رحنه للمطبخ لكيت نور محضره كلشي فدوه لكلبج يايمه ليش متعبه روحج ماصحتي ع غزل تساعدج ...

نور ::شنو السالفه عمه وخطيه غزل يمه رزان وخلصت ماعندي نصب عمه لوبعد ..

ام فهد ::أي يمه يله غزل كومي حضري السفره ..

غزل ::أي يمه كمت فرشت السفره بس بكره اخذه مني بس اشوف عيسى سوده عليه تعبان كعدنه كلنه ناكل  وطبعا ماتخله الكعده من سوالف بيبي ....

الكل ::الله يرحمه ..

الكاتبة ::وهسه اعرفكم ع غزلتي ..غزل عيني لاتكولين هيج لان شيخ عيسى مايقبل احد يكول هيج
الكاتبة عمي اسفه بعد مااحجي يله ست غزل احجي وعرفي عن نفسج .....

غزل::اسمي غزل عمري 19 شكلي بيضه كولش وصاحبه خدود وشعري طويل كولش وعيوني بيهن لون ع امي ولساني طويل مااحب اسكت عن حقي وعنودية  ومااسمع الكلمه أقرب شخص الي هو فهد احسه ابويه مو اخوية كلش يحبني ويخاف عليه طبعا اني المدللة مالتهم خلي احجيلكم عن المعذب كلبي والي يحاسبني اكثر من اهلي واني من صغيرة مسجلة بسمه عيسى ابن عمي جان  كلشي بكيفه لبسي مايقبل احجي ويه أي أحد  جنت أخاف منه هوايه  بس طيب وحنون .....