الصدمه

اول لقاء

*الفصل الثاني*

ياااااااااه الاسبوع اللي فات ده كان متعب اوي و مليان محاضرات و سكاشن.....و دلوقتي

نازله الجامعه تاني بس اهم حاجه هقابل صحابي.

اول ما وصلت الجامعه لاقيت صحابي كلهم فسلمت عليهم و قولنا نتمشي شويه و إذ فجأة

جه ولد و بيتعرف علي صحابي و بيتكلم و قال إنه اسمه يوسف....لاقيته بيبصلي بصات

غريبه فروحت استأذنت من صحابي اني هرد علي الفون فروحت مشيت لاقيت أيد ماسكه

أيدي و كأنها بتمنعني اني أمشي افتكرت واحده صحبتي بتهزر و لا حاجه و لما لقيت ضهري

اتصدمت....(الصدمه الأولي)

كان يوسف......

يوسف :انتي اسمك ايه؟؟

سالي:انت اتجننت!!انت ازاي تلمسني !!

يوسف:أنا آسف مكانش قصدي..... انا بعتذر

راحت سالي سابته و سابت صحابها و مشيت و هي متعصبه

           .......................................................................................

يوسف: الخطه الأولي نجحت

شادي:نجحت ازاي دي فشلت فشل ذريييع

يوسف: اسكت انت مش فاهم حاجه

شادي:طب فهمني يا سيدي

يوسف:انت عارف ازاي بنت ما تقعش في غرامي!! ده انا كل البنات تتمني اني أكلمها نص

كلمه حتي.....انا هخليها تعرف مين يوسف القطب(نظرة تحدي)

شادي: بس انت بردو مقولتليش نجحت ازاي؟؟!!

يوسف:هتعرف بكره

شادي:ماشي يا عم الغامض

                 ...........................................................................

و هو بيتكلم في سره: ايه ده ايه ده ايه اللي جاب يوسف جمب صحاب القمر .......ايه ده

هو انا هفضل انديها قمر كده اكيد ليها اسم طب هعرفه ازاي؟؟....ييييييييي ده انا سايب

المشكله الرئيسيه و بتكلم في اسمها....ايه ده هو ازاي يمسك ايديها أنا لازم اروح اشوف

في ايه!!

محمد : ايه يا بني سايبني و رايح فين؟؟

أحمد: خمسايه و جايلك.

محمد: لا تعالي هنا بقي بقالك كام يوم كده بتسرح كتير و مش علي بعضك

أحمد: يووووه علي رخامتك يا أخي مش رايح حته اهو

محمد: ايوه كده..... قعد ونسني

أحمد و هو بيتكلم في سره: انا هفضل اراقبها من بعيد و خلاص......ايه ده دي ماشيه

لوحدها و متعصبه اويي ........طب اروحلها اتعرف عليها و لا لأ......طب هروح اقولها

ايه......اهلا انا أحمد عايز اتعرف عليكي ....أيه الغباء ده يا بني لأ أكيد طبعا......اوبااااا

جاتلي حته فكيره جامده ...الله عليا.

محمد: رايح فين؟؟

أحمد: انت تاني ......تنفع دور الأب و الله

محمد: ايوه ما انا موهوب من صغري اساسا

أحمد: ماشي هسيبك تتكلم عن نفسك بقي يلا سلام

محمد: انا عايز حد يونسني طب

أحمد: يلا سلاااام .... سلاااااام

أحمد لما راح للبنت(القمر)

أحمد : لوسمحت ... لوسمحت

البنت: نعم

أحمد: هو انتي حضرتي محاضره النهارده؟؟

البنت : ايوه بس ليه؟؟

أحمد : أنا آسف جدا و الله بس انا النهارده جيت متأخر فملحقتش محاضره النهارده و

صاحبي مبيحضرش فممكن اصور المحاضره؟؟؟

البنت : لا عادي ... تمام .. اتفضل

أحمد : شكرا بجد

أحمد و هو بيتكلم في سره: أما أشوف اسمها كده علي الكشكول و لا حاجه......... الحمدلله

لاقيته .....اسمها ( اكيد يعني عرفتوها) سالي .....الله اسمها حلو أوي

أحمد: تمام شكرا انا خلصت

سالي بوجه بشوش : علي ايه ده واجبي

أحمد: أنا احمد لو عايزه اي حاجه انا موجود

سالي بإبتسامه  : شكراا

أحمد و هو بيتكلم في سره: اخيرا عرفتني و عرفت اسمها طب هعرف اتكلم معاها ازاي بعد

كده ...... يا ربي ملحقتش افرح