الصدمه

الندم

*الفصل الرابع*

يا ربي انا قلقانه اروح الجامعه النهارده يا رب مايحصلش حاجه النهارده.

سالي و هي بتتكلم في سرها: انتي عبيطه يوسف ده ميقدرش ييجي ناحيتك طبعاا......أما

الحق اروح الجامعه يا رب استرها....

و لما خلصت محاضرتها شافت صاحبتها اللي اتعرفت عليها في أولي جامعه اسمها سلمي

سالي : سلمي ازيك وحشتيني مشوفتكيش الاسبوع اللي فات يعني؟!!

سلمي : سالي... الحمدلله و انتي عامله ايه .... كنت تعبانه

سالي : ايوه باين عليكي تحت عينيكي محلق بالسواد ...... مش تعب يعني يعمل فيكي كده ...كلي كويس

سلمي : تمام .... يلا بينا ننزل تحت عشان المدرج مفهوش هوا

سالي : عندك حق..... يلا بينا

فجأه سلمي داخت فراحت سالي قالت:تعالي اقعدي بشويش انا معايا حاجه مسكره استني

سلمي : لأ لأ هتلاقي حاجه بيضه في شنطتي هاتيها بسرعه

سالي : تمام تمام

و فجأة

سالي : دي مخدرات دي ؟؟؟ انطقي

سلمي : هاتيها بسرعه

سالي : جبتيها منين؟؟؟ و ازاي ترضي انك تتعودي عليها اصلا؟؟

سلمي : بقولك ايه انا مش ناقصه

سالي : انطقي مين اللي جابهالك؟؟

سلمي : و انتي مال..

سالي بغضب قاطعت كلام سلمي : مين اللي جابهالك و لآخر مره اقولها؟؟

سلمي بتردد : ي......يو.....يوسف

سالي : الزفت ده متشربهوش تاني انتي فاهمه؟؟

سلمي :حاضر حاضر

سالي راحت ليوسف

سالي : تقدر تقوللي يا أستاذ ايه اللي انت عملته في سلمي؟؟

يوسف : ايه ده انتي عرفتي .... عادي يعني حابت تجرب فخليتها تجرب

سالي : طب عشان انت بارد ابقي اشوف البرود ده بقي في المحكمه و نزلت مسرعه علي

السلالم تخرج من المدرج.

يوسف اتصدم من كلامها فحاول يجري وراها عشان يوقفها فمسكها  و كتفها لما صوتت

كتم بؤها بأيده فراحت عضدتها راح يوسف بكل عنفويه يزق سالي فتقع من علي السلم

راحت سالي صوتت و اتخبطت في رأسها و أغمي عليها و رأسها جابت دم.

            ....................................................................................
أحمد نزل من المدرج فكان بيدور علي سالي بعينيه ملقهاش قلق لقاها اتأخرت اوي فوق

فجأه سمع صويت جري بسرعه نحو الصوت لاقي سالي سايحه في دمها

أحمد : سالي .... سالي .... ردي عليا ..... عملت فيها اييييييه انطق

يوسف بتردد و قلق : معملتش حاجه لأ ......معملتش حاجه لأ.... راح جري

أحمد طلب الإسعاف و جت وراحوا ع المستشفي

سالي فاقت : آه يا رأسي

أحمد: الف سلامه..... قلقتيني

سالي : الله يسلمك

أحمد: ممكن تقوليلي بقي ايه اللي حصل

سالي حكتله على اللي حصل وان يوسف مطلعش سهل و إنها ندمانه علي إنها استهونت ليه

فقالت إن لازم ترفع عليه قضيه.

أحمد: تمام ... انا موافق

سالي :تمام يلا بينا دلوقتي

أحمد : لا اهدي كده....الدكتور مأذنش اللي انتي تخرجي

سالي :ليه مكنتش خبطه يعني

أحمد :معلش ..... اصبري لحد بكره الصبح

سالي : تمام