الصدمه

الدليل

* الفصل السادس*

سالي نزلت من البيت و راحت الجامعه قابلت احمد كانوا بيدوروا علي سلمي

سالي :انا قلقانه اوي .... انا مش هرتاح غير لما اسجنه

أحمد: متقلقيش انا معاكي

سالي : سلمي أهي .... عامله ايه

سلمي : الحمدلله

سالي: بصي انا رفعت قضيه علي يوسف و عايزاكي تشهدي أنه كان بيديكي المخدرات

سلمي : لأ لأ مش هقدر

سالي : لوسمحت...... انا صاحبتك ساعديني لو لمره واحده بس

سلمي : انا أسفه و الله مش هقدر و مشيت بسرعه

سالي : يا سلمي ..... سلمي ....ادي الدليل راح

أحمد : لا متخافيش كنت متوقع كده

سالي: يعني هنعمل ايه؟

أحمد :انا اللي هعمل مش انتي؟؟

سالي : طب قول طيب هتعمل ايه

أحمد : هروح ليوسف

سالي : انت مجنون !!

أحمد : اسمعي بس

سالي : ماشي ... اتفضل

أحمد :هروح ليوسف و معايا الموبايل هروح اطلب منه مخدرات و ا...

سالي قاطعت أحمد : لا انا كده اتأكدت انك اتجننت فعلا

أحمد: انتي بتقاطعيني ليه؟؟

سالي : ما انت بتقول كلام ميدخلش العقل

أحمد : طب مش قايل

سالي : متقولش

بعد عشر ثواني....

سالي : خلصني قول مش هقاطعك تاني

أحمد : ماشي وصلت لحد فين

سالي :انك هتروحله و انت معاك الفون و تطلب مخدرات

أحمد: تمام و اصوره فيديو و يبقى كده معانا دليل

سالي : حلوه بس فيها مخاطره

أحمد :لأ مفيهاش حاجه .... استني انتي هنا بس هروحله.... و حاولي أنه ميشوفيكيش

سالي : تمام

أحمد راح ليوسف

يوسف : عايز ايه؟؟

أحمد : عايز مخدرات

يوسف : و انت عرفت منين؟؟!!

أحمد : مش مهم عرفت منين .... انا عايز مخدرات

يوسف : ايه ده ... كبرنا و بقينا نطلب مخدرات يعني

أحمد: قول اللي تقوله ....هتديني و لا لأ

يوسف :لأ هسيبك تايه كده ... تدور علي حد يديك المخدرات

أحمد : ماشي