الصدمه

الخاطف و الرساله

*الفصل الثالث*

عندما وصلا اللوكاشن...وجدا السياره بجانب منزل...

عمر: العربيه اهي

سالي : ايوه

عمر نزل من سيارته و ذهب نحو المنزل و رن الجرس فسمع صوت من داخل المنزل

يقول :مين؟؟

عمر : الظابط عمر...... عايزك في موضوع كده

الشخص فتح الباب و كان رجل كبير في السن و قال : في حاجه يا بني؟؟

عمر : هي العربيه اللي بره دي بتاعتك؟؟

الحاج : ايوه بتاعتي

عمر و هو مندهش : متأكد يا حاج؟؟!!

الحاج : متأكد ....هو في حاجه؟؟

عمر : اول امبارح الساعه 6 ..... كنت فين؟؟

الحاج : كنت في البيت

عمر و هو غاضب : بدأنا كذب من اولها.......بص يا حاج انت راجل كبير و مش قد البهدله

الحاج : انا عندي زهايمر يا بني

عمر : معلش..... افتكر

الحاج : يا ربي .... خلاص افتكرت... انا أجرت العربيه دي لشخص

عمر : اسمه ايه ؟؟.. و شكله ازاي؟؟؟

الحاج : بص في ناس كتير بتيجي هنا عشان يأجروا العربيه و أشكال و الوان و اسامي كتير

و الله مش فاكر يا بني.

سالي يرن هاتفها.....

سالي : يا أستاذ عمر ..... يا أستاذ عمر

عمر بغضب: ايه.... في ايه؟؟؟

سالي : الخاطف بيتصل

عمر و هو قلق : افتحي الاسبيكر طيب

سالي: تمام

سالي و هي تأخذ نفس عميق: الو ... جوزي فين ....انت مين و عايز مننا ايه؟؟

الخاطف ببرود: مش هتلاقي حاجه تساعدك عند الحاج

سالي و هي مصدومه : انت فين.....يا جبان.....سيب جوزي في حاله

الخاطف : مش هتلاقيني و مش مهم انا مين ... لو عايزه جوزك يرجعلك روحي البيت

دلوقتي هتلاقي رساله اقرأيها كويس......و أغلق الخط

سالي : الو.....الو

عمر : يلا نروح بيتك.... اركبي العربيه

سالي : ماشي

عندما وصلا المنزل....

سالي و هي تفتح باب منزلها: اتفضل

عمر : شكرا

سالي : يا رب نلاقيه الرساله

عمر : هنلاقيها إن شاء الله..هو اكيد مدخلش البيت......فالرساله بره

عمر يبحث عن الرساله فأخذ ينظر علي عتبه الباب فوجد الرساله

عمر :  خلاص.......لاقيتها

سالي :فين؟؟

عمر و هو يمسك بالرساله و يشير نحو عتبه الباب و يقول: هنا

سالي : تمام تمام ..... يلا افتحها

عمر : اهو ...... بيقول بكره هتصل بيكي الساعه 5 ..... لو عايزه تشوفي جوزك  لازم

تسمعي كلامي اللي هقولهولك بكره و الا هيحصل العكس...... و أغلق الخط

سالي : هنعمل ايه ؟؟؟

عمر : هنستني لبكره و نشوف عايز ايه الزفت ده..... بكره تكوني في مكتبي الساعه 4:30

سالي و هي حزينه : حاضر.... يا رب جوزي يا رب

عمر : ارتاحي دلوقتي و بكره أن شاء الله هيحلها  الحلال

سالي : أن شاء الله

عمر : ممكن بس كوبايه مايه عشان عطشان اوي

سالي : طبعا ... اتفضل عقبال ما اجيب المايه

عمر : شكرا

سالي ذهبت لتحضر الماء لعمر و عمر ينظر للصور المعلقه علي الحائط

عمر و هو يتحدث في سره : ايه دي عندها بنت .... بسم الله ماشاء الله عسل.....و دي هي

و جوزها .... ياااه بتبقي قمر لما بتضحك.

سالي : اتفضل يا أستاذ عمر

عمر : شكرا .... هو ممكن أسأل سؤال

سالي : اتفضل

عمر و هو يشير نحو الصور : هي دي بنتك؟؟

سالي : ايوه

عمر: بسم الله ما شاء الله زي القمر.... هي فين؟؟

سالي : عند ماما ... مش عايزاها تاخد بالها من اللي بيحصل و مش عايزه اسيبها لوحدها

في البيت.

عمر : طب ممكن اطلب طلب؟؟

سالي : اتفضل

عمر : بلاش استاذ دي .... بحس اني كبير في السن

سالي : طب اقولك ايه؟

عمر : قوليلي عمر حاف كده

سالي : ماشي لو ده اللي هيريحك

عمر : تمام .... استأذن بقي

سالي : ماشي خلاص... سلام

عمر : اشوفك بكره.... سلام

يا تري ايه اللي هيحصل ؟؟؟؟ و الخاطف عايز ايه من سالي؟؟ و هيقولها ايه في المكالمه؟؟

استنوا الفصل الرابع