#طلاق_قهري
الحلقة ( 2 )
_ثراء هوفاكر انه يفرق معايا اه اتجوزنا وعشنا سنتين مع بعض لكن خلاص كل شئ انتهي ، كلهم بؤس وخلافات ..
نائل اتصدم لما سمع كلامها كان جاي بخطوات مرتعشة وكلمات مبعثرة عشان يلملم بقايا حبهم ويجمع بلورها اللي انكسر اتفاجئ برد ثراء علي ميرنا
_ انا مابحبش حد الا بابا وماما نائل صفحة من حياتي قفلتها ..
بلع ريقه وخد نفس طويل ورجع برجله لورا ،مش بيحاول يكدب نفسه لأنه سمع بودنه راي مراته من غير مايسألها مشي من سكات وكتم مشاعره وضاعت آخر فرصة لمنع طلاقهم
_كملي تمثيل وقفتي ليه
_مش هقدر أقف قدامه واقوله كدا 😔💔
_انا تعبت معاكي ليه بتناقضي نفسك ، مش كنتي بتوجعي فيه دلوقتي وتبيني انك الست الخارقة💪 اللي مش هتتكسر بالطلاق ،لا هتتوجعي وتتكسري قطع قطع وماحدش هيقدر يجمع شتاتك من بعده ، فهمتي
سابت دراعها ونزلت
_هتسبيني ؟
_ميرنا انتي محتاجة تبقي مع نفسك شويه صدقيني
*********
_مفيدة اهدي شوية بتجري بسرعة اوي دي مش طريقة رياضة
نفخت ف الهوا بغل وقالت
_دي عقد بعيد عنك
_واحده ابوها زين النادي بفلوسه وهيلمانه دا كله وتبقي مغلوله
_ي منه ي حبيبتي الفلوس مابتشتريش السعادة احلفلك بايه ..
وقفت في التراك وبصت ف عيون زميلة النادي النقاقه وقالت
_والله الفلوس دي مجرد ورق ،نقمة أكثر ماهي نعمة بتخلي الإنسان يطغي ويشوف نفسه وتكتر مطالبه واطماعه ع الفاضي ..
_طب ماتديني شويه وخفي عن كاهلك ي جميلة
_مش هتشبعي صدقيني طول مانتي باصه للي ف ايد غيرك وعايزا تاخدي من غير ماتدي ..
خرجت من الجري من غير ماتسمعها وراحت ترتاح عشان تمرين السباحة نظام حياتها هو الرياضة الكل بيقولول لها ي كابتن داليا من لياقتها شكلا وجسما ..
*******
رجعت داليا من الجامعة بدري الساعة 11دخلت اوضة باباها لاقته بيببكي استغربت اوووي دي اول مره تشوفه ف الوضع دا 🥺🥺
رمت الكتب وجريت عليه
_بابا حبيبي فيك ايه ، ليه الدموع دي ؟
_مافيش حاجة ، مسح عيونه وبيحاول يتمالك ،السند للبنات لازم يبقي جبل ويقاوم عشان ضهرهم مايتعراش ابدا ..
_ماتخبيش يابابا انا مش صغيره ،بنتك بقت ف اخر سنة في الجامعة يعني اقدر اشيل مسؤولية واشتغل معاك ف الشركة من بكره لو عايز
_شركة ..؟؟ شركة ايه ي داليا ماخلاص زين النادي ضربني في السوق وخسرني كل حاجة
_عمو زين ..!! ازاي بس
_دخلنا ف مناقصة ملابس ومستحضرات تجميل وخلاني مضيت بتحمل كافية المسؤوليات وطلعت منتهية الصلاحية والملابس غير اللي ف الصور المتفق عليها كانت مؤامرة حقيرة ولحد دلوقتي مش فاهم ليه دا انا امنتهم ع بنتي ..
_ثراء في خطر عند الراجل دا ،بسرعه ي داليا روحي لأختك مش قادر اتكلم مع نبيلة ليحصل لها حاجة هي كمان
_حالا بس ارجوك ماتعيطش والله هتتحل ي بابا ومش هسيبك انا جانبك
******
_ام نائل .. ممكن حد ينادي الهانم خلينا نخلص ، روحي ي سيدة
_امرك ي هانم
_انت هتفضل ساكت كدا ؟ ماعملتش حاجة ليه
_شششش مالوش لزوم
_ماهر لو سمحت ممكن تشوف عم حسين جهز العصير ولا لا
بوش بارد وفرحة واضحه طلبت ام نائل من ماهر أنه يقوم بتوزعه بطريقتها ،خدت القرار هي وأبوه بالليل ،معظم القرارات العائلية بتصدر في المساء حينما يجتمع الرئيس بالوزير في فراش واحد ..
********
_ست هانم ،بيستعجلوكي تحت
_احم حاضر قوليلهم نازله حالا
بصوت مبحوح وهادي قامت غسلت وشها ولبست فستان ازرق زي لون عيونه وكأنها بتقوله انت في كل حته فيا مش بس ف قلبي اللي بتحطمه بقرارك
_خلاص ي ابني نويت الطلاق ،ان أبغض الحلال عند الله الطلاق ،فكروا ي اولاد
_زين النادي .. متفقين يامولانا أن شاء الله
واقفه ع السلم وف أيدها شنطتها ،قربت منهم عشان تمضي ماتكلمتش غير بموافقه ع الطلاق
مضي نائل وكان ماهر وأبوه شهوده وبعد الطلاق اختفي من غير ما يقول رأيح فين ؟
_لحظة ،الشنطة دي فيها ايه ؟
_يعني ايه فيها ايه ؟ فيها هدومي ومجوهراتي
_لا ي حلوة انتي مطلقة يعني مالكيش حاجة عندنا
_ايه الطريقة دي ي طنط ،انا بنت ناس برضو
زقتها من دراعها علي برا وقالت بصوت عالي
حسين رش الفيلا معطر واتاكد أن الحشرات كلها خرجت
بصت قدامها بفزع لقت ..
تمت الحلقة
#أماني_عنان
