طلاق قهري

الفصل 7

#طلاق_قهري
الحلقة ( 7  )

_ابيه اكمل .. ايه المفاجئة الجميلة دي

_اهلا بالشقية .. كبرتي ي داليا دلوقتي هسلم بالايد بس

_وبالعين كمان وحشتني اوووي ي ابيه ..

_وانتوا كمان وحشتوني ،فاكره زمان لما كنت بلعب معاكي وتقعدي عندنا طول الإجازة ؟

_طبعا فاكرة وجودك ف اسكندرية كان هو الترفية بالنسبة لي خصوصا أن بابا ماكنش بيجي معانا وثراء مشغولة بتصميماتها للشقق والحدائق ..
_صحيح اخبار شغل الديكور معاكي ايه ي ثراء ؟
بيسالها بعد ماركبوا العربية ورايحين ع شقته في مصر الجديدة ..
_سيبت الشغل من ساعة ماتجوزت ..

_دا ينفع ،جواز ايه اللي ينسيكي نفسك بالشكل دا ،انتي نسيتي شغفك وطموحك بالسرعة دي ..

_ابتسمت بإرهاق ووش دبلان وقالت
_في علاقات بتخليك تتقدم وعلاقات تانية بترجعك لورا سنين ،كنت فاكره اني بدات حياتي السعيدة مع نائل لحد ما ربنا اختبرنا في منع الحمل واتفاجئت بعدم حبه ليا واني زي غيري بالنسبة ليه ..
_الام .. غيروا الموضوع دا دلوقتي ،ان شاء الله ثراء حبيبتي هترجع احسن من الاول وهتفتح ومكتبها اللي طول عمرها بتحلم بيه
_ازاي بس ي ماما ، الموضوع صعب ..
_غمزة لها وطبطبت ع رجلها وقالت بكره تشوفي أن كلام امك كان صح ..حدسي بيقولي كدا ..
_وانا مصدقك ومؤمن بتوقعك ي طنط ..
********
_ هي منه ماجتش النهاردة ؟
_لا ي مفيدة هانم بقالها يومين مابتجيش النادي ؟
فكرت مع نفسها شويه ،، دا معناه انها منقطعة من يوم الحدثة ،،
_في كاميرات هنا ؟؟ ع الترابيزة اللي ع الشمال دي
_اممممم ف الغالب لا
لحظة دي ف وش الكافتيريا اعتقد في كاميرا مغطية جزء من الترابيزة ..
_حلو اووووي ،عايزا اراجع تسجيل يوم الاتنين اللي فات
_ ماقدرش اساعدك والله لكن بما أن النهاردة الخميس فالرقابة قليلة ،،المصريين بيعتبروه نص يوم ،تابع ليوم الجمعة 😁😁
_طب شكرا ي حسين ،حط المية واتفضل

_اجيبلك عصير ؟
_عصير تاااااااني ، لا لما افهم ايه اللي كان ف الاولاني ..
_انا مش فاهم حاجة خااالص ..
مش مهم .. امشي قدامي ع غرفة التسجيل
تحت امرك ..
************"****
_الله ايه الزينة دي والانوار ي كابتن نائل

_وحياة والدك انا مش ناقص تريقة ،مضطر امشي الليلة عشان شكل العيلة مش اكتر ،بابا عازم الوزير ومورطني معاه اعمل ايه ؟
_وزير اه لا طلعت عاقل وانا ماعرفش ي صاحبي

_ممكن تسيبني لوحدي ؟؟.
_وهو كذلك ، هستناك تحت

_الزفته فين ؟
_مين دي ؟؟ انا ماعرفش زفتات
_العروسة ي اخي مالك ماتركز معايا

_تقريبا ف اوضة مفيدة بتجهز نفسها
_تمام .. وسع كدا
بعد ماهر بايده وفات عشان يتكلم مع ميرنا قبل مايلبسها دبلته او بوعدها باي وعد
*************
صوت طرق ع الباب وميرنا واتنين أصحابها جوا
_مين ؟
_نائل
_هوا هوا ي عروسة ،مستعجل عايز يشوفك
_بطلوا هبل ؟ بصوت أعلي في حاجة ي نائل
_ممكن ادخل ،عايز اتكلم معاكي شويه
طبعا ،ثواني
_يالا ي بنات بسرعة اخرجوا وماتبعدوش عشان نكمل الميك اب ..
تمام

_ها اتفضل اتكلم ..

_بصي من غير لف ودوران لاني مش فاهم انتي ازاي وافقتي نتجوز وانتي عارفه اني بحب مراتي

_قصدك طليقتك ؟؟
_هو دا اللي فرق معاكي شكل علاقتي بيها ،بقولك بحبها مافرقش معاكي ..
_بكره تنساها وتحبني انا
_شيلي ايدك ،مافيش بينا حاجة ومش هيكون يعني ماتحوليش الخطوبة دي قدام الناس وبسسسس

حاولت تلمسه وتدلع عليه ، تسوق عليه حيلها والاعيبها وكأنها افعي رقطاء تتزين بسمومها ،،
_مش مهم المهم اني اخدت خطوة وبقيت خطيبتك ..
كان نائل خرج من بدري وهي واقفه مغلوله بتحاول تلم كرامتها وتقول أي كلام ..
******""""""******************************"*
_مرتاحه في الشقة ي ثراء لدرجة انك مش عايزا تقومي من السرير
_يالا ي حبيبتي عايزا اقعد معاكي ..
_حاضر ي ماما كل الحكاية أن ضهري تاعبني اوووي ومش قادرة أقف ع رجلي ..
جريت عليها بلهفة ،
_خير ي بنتي مالك ،،
_لا انا كويسة حتي شوفي ..
اول ما وقفت ع رجلها وقعت من طولها ،صرخت ورد ونادت ع داليا ..
_داليا هاتي الدكتور اللي تحتنا بسرعة
مش عارفة اختك مالها ..

_طمني ي دكتور ، عندها ايه ؟؟
_هي متجوزة ،،
_ايوا ..ايه علاقة تعبها بالجواز

_مبروك المدام حامل ،،
_ورد بعفوية ،، مدام مين ي ابني ،وحامل ف ايه ؟
_بنتك حامل ف بيبي ، ايه الغريب ف كدا .. !!
_ي سبحان الله
_ف حاجة .. لا ي دكتور متشكرين اوووي
_ ثراء قامت من فرحتها مش صابرة ولا عايزا تنام قالت
_انا لازم اقول لنائل بنفسي
_ورد حبيبتي انتي تعبانه ،، ترتاحي النهاردة وبكرة الجمعة اجي معاكي ..
_لبست اوام ،، لا ي ماما خليكي مرتاحة انا هتصل بميرنا اخدها معايا. 
_دي هتفرح اوووووي
_الام .. مافتكرش .. بصوت واطي
_بتقولي حاجة ي ماما
_ لا خلي بالك من نفسك ي قلبي ..
تليفون ميرنا بيرن واول ماشافت اسم ثراء رمته وقالت
_دا وقته ،، حلي عني بقي ..
ثراء بتعدي الشارع بسرعة وملهوفة تعرف رد نائل حبيب عمرها وتشوف فرحته بعيونها قابلها …

تمت الحلقة
#أماني_عنان