#طلاق_قهري
الحلقة ( 3)
_انتي ايه اللي جابك هنا ؟
_مش مهم جيت ليه المهم هما بيعملوا فيكي كدا ليه ؟
_انا أطلقت ي داليا 😔😔
_ايه .. ازاي دا يحصل وماتكلمناش
بصت لحماتها السابقة وقالت مش وقته ،خدتها اختها ف حضنها ومشيوا بحالة صعبة بنتين من غير اخ ولا اب حتي الطبيعة كانت ضدهم ونزل المطر علي وشهم كانت داليا جايه بتاكسي لكنه مشي ..
_هنعمل ايه دلوقتي ،الجو صعب اوووي والفيلا بعيد عن المواصلات ..
_ماتقلقيش ربنا هيحلها فين نائل ؟ انا مش فاهمه حاجة ازاي حصل الطلاق
_ماعرفش كل اللي اعرفه ان النصيب انقطع مابينا ومش عايزا اتكلم ف تفاصيل مش كل شويه هقول اني معيوبه ومابخلفش ،مافيش عيل يكون رصيد ليا عند جوزي وأهله متخيلة الوجع والحسرة اللي أنا فيها
_بس بس اهدي دا نصيب ورزق من ربنا يمكن ربنا شايلك حد احسن
حطت أيدها ع بوقها وقالت لها
_شش مش عايزا اسمع سيرة الجواز دي نهائي ،ولا عوض ولا غيره كفاية عشم كدااب
********
_ماتيجي نشرب حاجة مع بعض ؟
_شكرا ،مستعجلة شوية
_بنت زين النادي مشغولة ف ايه ي تري
_مش شغلك ع فكرة
_استني بس " مسكها من دراعها قدام أصحابها الشباب وقال بصوت فيه أمر " هتيجي
_انت بتهرج صح
ومن غير مايرد كانت مورياه مقامه علي الأرض تحت رجليها ، ضربة ف رقبته والتانية من ورا رجلة ، دورت عربيتها ومشيت من غير ماتعبره شاب تلفان مستهتر ، عجلات عربيتها عرقت وشه من مية الرصيف ..
_تؤ تؤ تؤ تعالوا اتفرجوا علي الدنجوان ي شباب وهو متبهدل وواقع ع الأرض
_مش عايز اسمع تريقه
_لا وانت تستاهل بصراحة ،قولنالك البت وتكه وغنية هتعبرك لييييه
_هتيجي وحياتك ي رائد لتيجي بس بدل بمزاجها هيبقي غصب عنها ..
_انت مجنون ي مهاب وأنا مش معاك ي عم
_شباب البت دي تلزمني ،اشطة
_استلم ي ريس بس ازاي ؟
تعالوا هقولكم علي الخطة … ****
********
_بقالنا كتير مستنيين ومافيش ولا عربية جت ،تعالي نتمشي لاخر الشارع
_ف المطرة دي ..!
_ولا اقولك يالا بينا أنا فقدت الزمن والاحساس اصلا ومش عايزا افضل لحظة واحده ف المكان دا
صوت كلاكسات عربية وراهم ، مفيدة وصلت بس مش عايزا تدخل الفيلا دي عايزا توصلهم ..
_تعالوا ي بنات
_ثراء مالوش لزوم .. اتفضلي انتي
_بطلي عند انا دلوقتي مش اخت نائل ،انا صاحبتك وعشرة سنتين اللي بينا مش ورقة وقطعناها تعالي
_داليا ،يالا بسرعة فرصة بدل بهدلتنا بالليل
وصلوا البيت من غير نقاش وكان الكلام هربان من دماغهم ، البنات مهما تظاهرت بالقوة إلا أنها ضعيفة جدا وهشه ،كائن حنون مختلف فيها كل حاجة وعكسها وبتحب تدي كل حاجة حقها حتي الوجع 💔
_ماما
_مالك ي بنتي ؟
انا أطلقت ي ماما واتهنت من عيلة النادي بعد ما كانوا بيحفوا عشان نوافق عليهم ..
_نسيوا اصلهم الجعانين دول ولا ايه ،انا مش هسكت
_ شش تعالوا بعيد عن بابا ،اخاف يسمعنا
صوت دوش وحاجة بتتكسر
_ثراء بخوف وعيون مفتوحة ،ايه الصوت دا ؟؟
تمت الحلقة
#أماني_عنان
