طلاق قهري

الفصل 6

#طلاق_قهري
الحلقة  ( 6 )

_بتعملي ايه ي مجنونه انتي ؟
_مفيدة ، ببلغ عنك ي محتال ي كداب

خطف التليفون من أيدها قبل ماتكمل كلام وركن العربية وقال لها
_اتفضلي انزلي حضرتك مش مخطوفة ولا حد مسك في شئ ،لو عايزا تفهمي اقعدي بهدوئك والا اتفضلي .. وفتح لها باب العربية
بصت بتردد وحيرة لكنها وافقت وقالت بتعجب
_ايه اللي ركبني معاك ..!
حكي لها كل حاجة شافها وسمعها بس للاسف مش فاكر أنه سمع اسم الشباب
_لو شوفتهم تقدر تعرفهم ؟
_طبعا ، ايه. .. ناويه تبلغي عنهم بجد ولا عشان تحمي نفسك المره الجاية ..
_ابلغ مين هو انت مش ظابط ؟
_لا ي ستي مش ظابط في الحقيقية انا دكتور جراحة عامة وماليش ف اللبش اللي شوفتيه دا ، كل الحكاية اني حسيت انك محتاجة مساعدة ،شكلك بنت ناس وكنتي بتقاومي الا انك فجأة نمتي بعد ماركبتي معايا ..
_يمكن اطمنت ..
ابتسم من جرئتها وثقتها السريعة وقال
_انا اللي ابن حلال وسمح 😁
_ماهو واضح ، ممكن بقي ترجعني النادي ؟
_ماليش دعوة
_بجد …
_ايوا بجد انا اتعلمت العقلانية والتعامل بشكل عملي مش هستجدع معاكي واوصلك بقي فاخد رقمك ونتكلم وتحبيبني وانا بصراحه مش سينجل ..

_بس بس ايه الخيال الفحت دا ،، تصدق تنفع مؤلف عموما شكرا انا هاخد تاكسي الوقت أتأخر وزمان النادي قفل ..
_ شطورة
بصت له من فوق لتحت وابتسمت لانه فعلا وسيم ويستاهل يتحب عنده غمازات ف خدوده لما بيضحك ويستظرف الشمس تنور مابين عيونه ، شكلها راحت 😁 ماشيه تفكر فيه
من غير ما تقوله سلام ولا حتي شكرا ، تايهه ف عالم أحلامها وبسسسس …
********
_احنا هنفضل ساكتين ع الولد كدا ونسيبه ف حزنه
_ف أيدي ايه ي حبيبتي بس وانا اعمله .؟
_ تجوزه بنت اخوك ،المحروسة اللي دايره ورا طليقته
_انتي بتقولي ايه ؟
ميرنا وثراء اصحاب ازاي هتبدلي فيهم لابنك
_هيحصل وحياتك ي زين لتوافق بنت اخوك بتحبه اصلا ..
_متاكدة من كلامك دا ،،
_عيب عليك مابقاش أنا لو ماخطبتهم لبعض الخميس الجاي
_دا كيد ف ثراء ولا خوف ع ابنك ،، بس انا ماعتقدش انك بتفكري ف مصلحة نائل اصلا ..
_يوووه هنعيده تاني ،يالا انزل ع الحزب وشوف طلبيتك الجديده اللي ضيعت بيها احمد البكري ولا فاكر اني نايمه ع وداني ..
قعد ع اول كرسي من صدمته ،فك الكرافت عشان يعرف يتنفس عيونه زايغة ومش عارف يفكر ،،ازاي عارفه البلاوي دي وساكته اكيد بتعمل اكتر منها ..
_وايه اللي سكتك وخلاكي ترمي بنته برا أما هو يهمك اووي كدا ..
_هو هههههه مايهمنيش ف حاجة لكن حرمه المصون تهمني .. 😈👿
_بتصفي حسابك معاها ليه مش فاهم
_ومش لازم تفهم انا مابحبهاش ،شايفه نفسها مثالية اوفر ..
فكر وقال غيرة نسا واعوذ بالله منها ممكن تعمل اي شئ عشان تكسر اللي قدامها ..
_ الموضوع ف ايدك اعملي اللي تعمليه ..
**************
_اهلا وسهلا آنسة ميرنا

_نائل ف مكتبة ؟؟

_للاسف خرج من نص ساعة ..

تمام ..
نزلت ركبت عربيتها ومش عارفه تدور عليه فين لما زهقت من التفكير قررت تروح عند ثراء صديقتها الشكلية ،غطاء بيغطي ع حبها لنائل وجسر سهل تخليها تفضل جانبه ..
_ نائل ، بتعمل ايه هنا ؟؟
_ ا ا ا انا .. كنت جاي أعزي ثراء ..
هو طبعا كان واقف ومش ناوي ينزل لانه مايقدرش يقابلها كل أمله يشوفها ويطمن عليها ..
_لا
قالتها برفض وخوف ليرجع لها تاني وترجع تتعذب من جديد .. كان الليل صعب كل ماتفتكر أن حبيبها ف حضن ست غيرها ، بتنام وترش برفانه تعبي اوضتها ،هوس اسمه الحب من طرف واحد اللي كتير بيتحول للحب المستحيل ..
_ ليه هي فيها حاجة ،مالها ثراء ؟
_هي كويسه وزي الفل بس مش عايزا تشوفك ولا تسمع سيرتك بعد الطلاق دا غير أنها هتسافر اسكندرية مخصوص عشان تبعد عن المكان اللي انت فيه ..
كذب ف كذب المهم تبعده عن الفيلا بتخبي عمايل أبوه وظلمه عشان يفضل متغمي وتابع لعمها مادام المصالح واحده .. هز رأسه متفهم مشاعرها ومشي ..
**********
_ميرنا حبيبتي ،جيتي ف وقتك
_ايه خلاص هتمشي ؟؟
_هتوحشيني اوووووووووووي وكل حاجة عشتها ف القاهرة هتوحشني ، اصلا انا اتولدت هنا وعشت اجمل حب هنا ..
_وانتي كمان هتوحشيني بس انا مش هسيبك اكيد هجيلك اسكندرية مخصوص ..
_ ورد ام ثراء .. يالا ي ثراء حطي الشنط ف العربية
بصت ميرنا بخبث ع الشارع تتأكد نائل مشي ولا لا ؟ سالتها ثراء بصوت منخفض
_نائل عامل ايه ؟ مابيسالش عليا ، اتعود ع غيابي خلاص ..
_ ايوا ، اقصد انشغل ف الشغل واستسلم لقدركم ..
_خدي بالك من نفسك ومنه
_منه ،، وانا مالي بيه ..
_ ي بنتي استني اكمل كلامي مالك النهاردة ،، اقصد خدي بالك من نفسك ومن ابن عمك عادي
_اه ابن عمي فعلا .. حاضر ف عيوني
******"******
_حبيبي قلب ماما مش هنفرح بيك بقي ؟
_مش وقته الكلام دا ي ماما لو سمحتي أنا تعبان ومش قادر ..
_لا وقته ولازم تسمعني لاني عزمت الناس ع خطوبتك انت وميرنا الخميس الجاي وابوك كلم كل معارفه والوزير هيجي ماينفعش تسود وشنا ،،
_ايه ايه أخطب مين ؟؟ والخميس الجاي ،، طب ابقي احضري انتي بقي مش انتي اللي حددتي
_ ولد .. نائل اوقف هنا كلمني
_ادي المفاتيح ايه حتي الراحة مش عايزاها،، سلام
صاحبة مفيدة من النوم كسلانه وبتفرد ف دراعها ووتنيها ،،
_صباح الخير ي ماما
_صباح ايه انتي كمان احنا بالليل ،،
_امممم ي خبر شكلي كنت تعبانه اووي ماحسيتش بالوقت ..
_طيب روحي كملي نوم بصي خليكي نايمه كدا ع طول أريح 🤨
********
_عندك ع فين ي هانم من غيري ..؟
_ أكمل .. ايه المفاجئة دي
_ماكنش ينفع ماجيش ،عامله ايه ي حب الطفولة وذكريات العيال .
_ثراء بابتسامة ،،اديك قولت ذكريات عيال ..
_انا اسف ماقدرتش اجي ف العزا كنت مسافر والله ولسه واصل مصر امبارح ولأجل حظي قابلت بنت كانت مخطوفة وكان لازم ادخل وانقذها
_لا شهم من يومك وانت خدوم وطيب ي دكتور ..
_ورد ،، اهلا ي اكمل ايه اللي جابك من اسكندرية احنا كنا جايين كان ممكن تعزينا هناك ..
ثراء بتغمز لأمها عشان تسكت وماتقولش كل حاجة وخصوصا موضوع طلاقها عشان اكمل لسه بيحبها وممكن يتعشم ويتجرح تاني  ..
_بعد طلاق ثراء قررنا نقعد عند خالها اهو نفضل مع بعض وسط اهلنا ..
_ لا بقي احنا مش نازلين عشان نبقي مع خالي احنا لسه هندور ع شقة نسكن فيها ..
طب ليه تسافروا اصلا ،،انا عندي شقة هنا متشطبة وجاهزة للسكن من الليلة لو تحبوا ..
_طب وانت ي ابني ؟؟
_انا عندي شقة تبع الشغل تعالوا بس وماتشغلوش بالكم بأي حاجة ، اعتبريني ابنك ..
وقفت داليا بالشنط علي باب الفيلا و فجأة صرخت ..

تمت الحلقة
#أماني_عنان