#طلاق_قهري
الحلقة ( 4 )
_ في صوت عالي وكأن حاجة انكسرت
_بابا
جريت ثراء علي الاوضة لقت باباها واقع ع الأرض ومش قادر يتنفس بيمد أيده لها وبيحاول يطبط عليها ،المشهد صعب والاوضة مقلوبة ،البطانية علي الأرض والازازة واقعة ،بيحاول يتسند وقوته خانته
_سامحيني ي بنتي ، سامحوني كلكم انا السبب في اللي حصل ،خايف تتبهدلوا من بعدي
_داليا ،ماتقولش كدا ي بابا انت هتخف وتبقي كويس
_الام هطلب الإسعاف حالا ..
_مافيش وقت .. خدي بالك من البنات ي ورد
_احمد لا ماتموتش وتسيبنا
_بابا ،بااااااابا
*********
_صباح الخير ي مدير
_صباح الخير ي ماهر ،ايه اخبار مناقصة الملابس ؟
_كله تمام وان شاء الله هتوصل كمان اسبوع ،روحت العزا ولا زي العادة متجاهل الماضي
_البقاء لله ي سيدي ،صفحة واتقفلت مالوش لزوم افتحها تاني
_انت شايف كدا
_طبعا
ومصدق نفسك ..!
_ماهر ،انت هنا ف شغل
_ايه اللهجة الجديدة دي .. اقولك تحت امرك ي فندم ،عن اذنك ..
خرج ماهر مستغرب من هروب نائل الغير مبرر ،بينفعل عشان يداري مشاعره لكن ع مين صاحبه وهو عارفه كويس ..
قعد نائل علي الكرسي ف لحظة حنين مره ، افتكر يوم العزا كان واقف بعيد راكن عرابيته علي بعد عشان ماحدش ياخد باله وفضل جامب ثراء يواسي دمعها الغزير علي والدها وجوزها العزيز ..
_وحشتيني ي ثراء ،نفسي اسمع صوتك ولو بخناقة من بتوع زمان ….
*********
_البقاء لله ي طنط ،البقاء لله ي ثراء
_الله يخليكي
_فين داليا اعزيها ؟
مابتسيبش اوضة باباها
_ممكن اطلع لها ،،
_مالوش لزوم ي بنتي ،، ثواني هقوم افتح الباب
_لا خليكي مرتاحه ،انا هشوف مين
_دا بيت الاستاذ احمد البكري ؟
_ايوا ..
_اتفضلي امضي هنا
_ايه دا ؟
_دا انذار بإخلاء الفيلا لمالكها الجديد الاستاذ زين النادي ..
_عمي … !! هي وصلت بيه البشاعة أنه يطردهم وهما في الظروف دي
_مين ي ميرنا ؟
_والله ي طنط انا محرجة منك اوووي
_امضيلي ي هانم عشان امشي ..
_علي ايه وريني كدا " الأرض اتحركت من تحت رجليها ،لفت الدنيا بيها المصائب نازله ورا بعضها بصت للسما وقالت " مش كفاية كدا يارب
استغفر الله العظيم ..
_اتفضل الامضاء اهي ..
********
_ كان يوم صعب في التمرين النهاردة ،انا هقوم بقي
_منه ، في عصير برتقان فريش جابه الجرسون ومشي ،انتي طلبتيه ؟
_لا مع اني بحبه لكن يمكن لحد تاني
_حد تاني مين ي بنتي هو قاعد علي الترابيزة غيرنا ..اكيد ليكي اشربي اشربي
_ اممممم طيب ،يالا باي بقي
_خدي بالك من نفسك ي قطة ..
بصت لها بضحكة وقالت لها
_انا بعرف احمي نفسي كويس الدور والباقي ع الخايبة اللي مابتلعبش بوكس ..
مشيت مفيدة وشنطتها علي ضهرها والجاكت ع أيدها قالت منه بنص ابتسامه
_لما تدبح الفرخة هتفرفر ومافيش حاجة هتنفعها لا رياضة ولا فلوس ابوها ..
"احيانا بيكون السم في القريب وانت بطيبتك مش واخد بالك ، الطعنة الغدارة خسارتين ،خسارة الثقة وخسارة الوجع "
_البت اهي ،.. جاهز
_جاهز ي برنس ،انت اللي جاهز لكسر عينها وعين ابوها
_عيب عليك الكاميرا ف جيبي اول ماتوقع هنشيلها زي ماتفقنا انت تخلص وأنا وراك بالفيديو ..
_ فل ع شطانك هههههه
_ رائد اهي بتلف حوالين نفسها بسرعة قبل ماحد ياخد باله ..
_رايحه فين ي كابتن ؟ توصيلتك ع حسابي الليلة دي
_انت مين .. ابعد ..ع ن ي .. دم ا غ ي
_شيل قبل ماتفوق
_تفوق ايه ي ابني دي شاربه كوباية عصير مفخخه تميم اجدع بنت ..
شالوها بين أيديهم وجريوا علي عربيتهم اللي كان بيسوقها صاحبهم التالت ،اول ماطلعوا العربية قالهم
_حفلة جماعية أن شاء الله ..
_رائد ،جماعية دي تبقى امك .. انا هتجوزها يابني بعد ماعلم عليها امال العز دا كله يروح لمين ؟؟
_تصدق وسخ
_اشكرك ي زميل ،طير وانت ساكت
مع الاسف
😁😔 تمت الحلقة
#أماني_عنان
