#طلاق_قهري
الحلقة ( 8 )
_ ياتري هيكون ردك ايه ي نائل لما تعرف انك هتبقي اب ،بعد حرمان تلت سنين وإحساس أن حد فينا عاقر أو محكوم عليه بالحرمان …
_مش عارفة ايه اللي جاي بس كل اللي اعرفه انك وحشتني اوووووي ومحتاجة حضنك برغم طلاقنا وكسرة قلبي ..
صوت كلاكسات العربية وقفت ثراء مكانها بذعر شديد وخوف علي اللي ف بطنها ،، لمست بطنها وكأنها بتطمن ع ولي العهد، نزل اكمل من العربية منفعل وقال
_انتي بتهرجي ازاي تعدي الشارع من غير ماتنتبهي ؟؟
_معلش كنت مستعجلة وماركزتش
_ايه ع فين متأخر كدا ؟؟
_الوقت مش متأخر ولا حاجة ،، محتاجة اشوف نائل ضروري .
_خير .. ف حاجة ؟
_مفاجئة ماحدش يتوقعها هتسمعها قدام نائل وعيلته ..
_طب حيث كدا بقي اتفضلي ي غامضة اوصلك
_مالوش داعي
فتح الباب وقال .. دا أمر مش عزومة مركبية ؟؟
هههههههه الا هما ليه بيسموا الناس اللي بتتكلم كدا وكدا أنهم بيعزموا عزومة مركبية ..؟؟
_مش عارف بس يمكن عشان المركبي رايح جاي ف البحر هينادي عليكي مره واحده ولو رفضتي هيسيبك
_اممممم .منطق برضو
____________________
اصوت الزغاريد ترتفع ،قامت النساء تعمل بلقمتهن ترد ما اطعمناهن من حلوي ومشروبات ،تلقي ابتسامات كثيرة ترحيبا بسليلة الحسب بنت العائلة ميرنا النادي ،، هبطت الدرج في زهو وابهه ترتدي فستان اوف وايت بزهرة برتقالية اللون علي الخصر كانت أشبه بالشمس المائلة نحو الغروب بينما كانت ثراء ترتدي بنطال جينز ازرق وبلوزة بيضاء قصيرة ..
_امسك ايد عروستك ماينفعش تسيبها تجيلك هي
_شكليات ي ماما مالهاش لزمة
_نائل. دا اتيكيت ي حبيبي اتفضل خد ايد ميرنا
ابتسم بنصف وجه أمام الحضور ثم خطي نحو قدره بضعة خطوات ..
_اتفضلي هاتي ايدك ..لا مش بالابتسامة دي احنا ع اتفاقنا أخري ف الليلة دي الخطوبة وبسسسس
_تمام .. ممكن تضحك بقي عشان الناس مركزه معانا
😁😁😁
_مس اووي كدا هو في حد بيزغزغك ..!
_انجزي ولمي فستانك بدل مادوس عليه اقلبك قدام المعازيم ..
_مش سامعة .. قولت حاجة ي حبيبي ..
_حبك برص ي شيخة
ماهر واقف جامب نائل وسامع كل حاجة مش قادر يمنع نفسه من الضحك هههههه
والله عشت وشوفتك متمرمط مع انثي البطريق اللي هتنفخك دي …
ضربه بدراعة وقام مطبطب عليه عشان الشكل العام نزلوا قعدوا ع الكراسي المخصصه للعروسين ..
__________________________
في النادي لازالت مفيدة تشاهد تسجيلات الكاميرا تريد الوصول لعدواها الخفي لكي تطمئن ،، فإذا اذاك أحدهم مره ولم توقفه عند حده سيتمادي لدرجة مخيفة أكثر اصرافا من ذي قبل ..
_ايوا واقف التسجيل لو سمحت
شافت بنفسها منه وهي بتاخد ازازة صغيره من رائد الولد التلفان اللي أحرجته قدام أصحابه من اسبوعين هزت راسها وقالت
_تمام ،، وضحت الصورة
مهندس الكمبيوتر ،، محتاجة التسجيل في حاجة ي فندم ،، تعملي محضر أو دليل ضدهم ..
_لا حلو اووي كدا ،حسابهم عندي انا مش بتاعت محاضر وشوشره ..
_امال بتاعت ايه ؟؟
_بصت له بحده وقالت بتاعت دا ،،
💪💪💪
اخدت شنطتها وخرجت من النادي متاخره رغم أنها شبه عارفه بخطوبة اخوها من بنت عمها إلا أنها منفضه للعيلة دي ومابتقتنعش بقراراتهم ..
تليفونها بيرن ..
_الو
_انتي ي بنتي ماجتيش ليه لحد دلوقتي ؟؟
_سوري ي ماما كان عندي تدريب مهم
_مافيش سوري سيبي اللي ف ايدك وتعالي ع الحفلة حالا ..
_تمام انا ف الطريق
________________
_انتي متأكدة أن الجماعة دول هيقابلونا كويس ،انا مابحبش الإحراج ..
_ماتقلقش ي دكتور ثق فيا
_الله المستعان ،، ها فين الفيلا ؟
_لف يمين ،، ايوا من هنا ع ايدك الشمال بقي واركن ؟
_الفيلا المنورة دي ،، هما عندهم مناسبة ولا ايه البهرجة دي ؟؟
_بصت باستغراب وهزت رأسها بالنفي ،،
ماعرفش بقالي مدة سايبه الفيلا ..
كان نائل ماسك دبلة ميرنا وبيلبسها مشغول في الشبكة الكبيرة والدهب الكتير اللي بتقدمه حماتها السابقة لكنتها الجديدة ،وقفت ثراء علي الباب وتنحت ،ولا قادرة تدخل ولا قادرة تمشي شافتها ميرنا دارت عيونها لحظات وفجأة قامت وحضنت نائل بكل دلع كأنها بتوصل لها رسالة
_مهمتك انتهت ،، كنتي مجرد كوبري لجوزك وخلاص وصلتله ..
الصدمة قوية بس ثراء كانت اقووي بطفلها ،، كان جواها حته ناقصة والنطفة اللي اتخلقت حولها دي كملت حلمها ..
_يالا بينا ي اكمل
_ايه والمفاجئة ..
_انت ماشوفتهاش ،،دي المفاجئة الحقيقية خطوبة جوزي من صديقتي وتوامي ميرنا النادي ..
_طبط ع كتفها بمشاعر متلخبطة مش عارف هو فرحان بأن نائل طلع من حياتها وللابد ولا زعلان ع احراجها ووجع قلبها ..
بعد مانزلو كام درجة من السلم شافهم نائل جري عليها بلهفة وحب ملامح وشه اتبدلت بعد ماكان حزين ومهموم بقي بشوش والضحكة ع وشه منوره ..
_ثراء .. ع فين ؟؟ تعالي قوليلي عامله ايه
_اكمل .. ايدك بس كدا ي كابتن ..
شال أيده من ع دراعها ورجعها لحد عنده سليمة من دون ضغط ولا كدمات ..
_انت مين وبترفع ايدي من عليها ليه ؟؟
_بعد لحظات صمت ردت ثراء قبل ما اكمل يتكلم وقالت دا خطيبي ❤️❤️
_خطيبك .. مبروك .. وايه اللي جابك لما انتي اتخطبتي ؟؟
سمعت بخطوبتك انت ومروني فجيت ابارك واهني
_يالا ي اكمل ي حبيبي لازم نعمل الواجب
دخلت ماسكه ايد اكمل وبدأت الرقصة قبل نائل وميرنا ،، حطت ايدها ورا ضهره بنفس دلع ميرنا ع نائل قلبت الحفلة حرب نسائية والرجال هم الدمي ..👍👍
بتدخل مفيدة بلبس النادي عادي ولا ف دماغها شافت اكمل ف الحفلة ،استخبت من الحضور وطلعت جري ع اوضتها وعماله تقول
_الفستان ، فين الفستان الازرق ..لازم اطلع اجمل بنت النهاردة ع الأقل في عيون الظابط قصدي الدكتور اكمل ..
______________
_انا قلقانه اوووي ع ثراء ي داليا ،غلطت اني سبتها تنزل لوحدها ..
_كلميها ي ماما واطمني عليها ،،
_سيبي الاكل اللي ف ايدك دا ممكن ،، اكيد طلبتها ومابتردش ..
بتكمل السندوتش وتقول ،، يمكن من الزحمة ولا الدوشة ف الشارع دلوقتي ترجع ..
_لا مافيش دلوقتي اتفضلي روحي لأختك ..
_دلوقتي ،، الساعة 11بالليل ي ماما
_ان شالله تكون 3 عايزا ثراء ي داليا قلبي واجعني عليها ماعرفش ليه ..؟
_طول عمري كدا بنت البطة السودا ومافيش حد قلبه بيتوجع عليا،ادي الاكل اهو ي ست ماما ..
وهي نازله بيطلع اتنين شباب من ورا ضهرها ويكتموا نفسها وياخدوها ع تربيتهم ..
ف الحفلة بيرن تليفون من غير ماتظهر الشخص اللي بيرد
_تمت المهمة ي كبير ..
_مهمة ايه ي اغبية اللي تمت مالزفته بترقص قدامي اهي ؟؟
_يعني ايه ؟؟ امال اللي ف الشوال دي تبقي مين ؟؟
_دي مشكلتكم بقي ي بقر ..
تبت تيت تيت الخط قطع ..
الي اللقاء ف الجزء التاني دا لو في تفاعل
وشير طبعا 😁😁
#أماني_عنان
