المتدين والشيطانة 1(الجزء الثاني)
عيني حسادك مكترهم ⚡️ياقول الشي الي يقهرهم
ياولي ايقول عليا شي⚡️اجعل موته بخيوط الضي
ياولي ايقول عليا حاجه ⚡️يام العنايه لي التلاجه
عروستنا اتقول حمامة لبست بوخطين توامه😍
بو لحيه سوده لموعي حبه عشش بين ضلوعي
حميدة .. تي أقعدي يامصيبة توا تجيبي هنا
انا خلوني عرس صاحبتي بنقيمها بيها ومنها تلقيح للحساد
حميدة ..إن شاء الله يسمع بيك راجلك ويقصلك رجليك
انا .. تعالي نمشو لسوسن نرعشها شوي
سوسن.. كانت طالعه تهبل بالفيلو مع التسريحه والمكياج
انا.. خيرك هكي زي الكبش المدبوح إرخي روحك
سوسن.. الدموع ف عيونها خايفة
انا.. عليك بودعه وخلاص يوم تكلمي فيه للفجور ويلقو فيك ف الدولايب وتحت السرير ماخفتي صح يوم طيبي وتبعتيله ويوم تأخدي ف الهدايا مادكرتي خوف اليوم خايفة وغدوة نلقوك مدايرة العار راجلي بسلامته وراجلي بسلامته هوا انتي بادية من الليلة بشفشوفتك الصفرة ع اساس اجنبية
سوسن.. ماعرفت نضحك لانبكي بري من جنبي
انا.. انتي وهالروج البرتقالي تقولي عامل نظافة كان درتي روج 24 احسلك
سوسن.. ههههههه خزي عليك
انا.. والله انا ندير فيه روج واحمر خدود وظلال ونطلع نهبل
سوسن.. بعد الزواج توا نديره
انا.. شوفي إبتهاج حسستني ف حفلة تنكرية
سوسن.. والله ماركزت ع حد الا إنتي طالعة تهبلي
انا.. باش تعرفي بس قبل بندير مكياج اوفر وجو بس خفت نغطي عليك ونخطف منك الأضواء
سوسن..كثر خيرك ياكبدي ربي مايحرمنا منك
حميدة .. راجلك يتصل
انا.. فوتيه توا بيسمع المنظومه انا قتله راجلها شيخ وعرس عائلي باش وافق
سوسن.. كان مارديتي بيشك فيك
انا.. زعما لكن بينه بينه منها يستاحشني ومنها مانبدا خفيفة من أول مكالمه نرد زي بعض الناس
حميدة.. أمتى بتفوتيني وتبطلي تلقيح
انا.. هاتولي الدربوكة جاي
سوسن ..مسكين البيبي درتيله صداع
انا .. بالعكس توا بيطلع فنان زي حسن خرباش تعرفي يومها سمعت وحدة قالت كان تبي تتوحمي ع واحد طرف ويجي ولدك يشبله جيبي طاسة مية ونقعي فيها صورته وأشربيها عاد انا تعرفني ف حاجات زي هدي ماعنديش ياما أرحميني جبتلك مالقي السلستين متع فرحي وشيشة 7ليترا وعبيتهم ميه وجبتلك صور حسن خرباش ايام كنا نطبعو فيها ونقعتهم لين دابو
سوسن.. ان شاء الله شربتيها
انا.. عطيتها لأبوجهل قتله دوش بيها مية رقية بعتتهالك أمي
سوسن .. حي عليك يامجنونه وليش درتي هكي
انا.. انا باش يولي زيه
سوسن.. وشن صار
انا.. زي ماخش زي ماطلع
حميدة.. توا نخبره
انا.. ياصطيف ياداسوسة ياخاينة ياعميلة
سوسن.. تضحك وفمها متشكل عشان خايفه ع الروج
انا.. مسكت الدربوكة وبديت نغني
لاعيب السلة والله مانبيه ...يده منسلة والله مانبيه.
كابتن سفينه والله مانبيه....صنته سردينه والله مانبيه
كابتن طيارة والله مانبيه...يضرب في صغاره والله مانبيه
اسمر سمراوي هوا اللي نبيه ....يجرح ويداوي هوا اللي نبيه
اللي بتاخد تاخد جزار حي حي حي حي شوا وقلاية ليل نهار حي حي حي حي💃👏
القهوه ماعنديش عليها.. هيه يالله هي ومع غاليا نشرب فيها هيه يالله هي 💃💃
عطي دعوة هالغالي اااااااااااااااه يابطني وبديت نشقلب زي الكورة من الوجع
حميدة.. حي عليا شن بندير
النساوين تلقطو عليا ودخلوني الداخل
حميدة .. يام إجريلي بنتك بتجيب
ماما.. كلمي راجلها وتوا نجي مع فؤاد
انا.. وووووه عليا بنموت ياوخيتي عليك وجع يقتل ياماما يمي اااااه بنموت الله لاتسامحك ياياسين
حميدة .. تحشمي قدام العزايز عيب العياط جنبهم
انا.. والله تحسابوني حيط نقعد نعيط ف سري ولاشن
حميدة .. كلمت نجاة تخبر ياسين
انا.. معاش تدكري إسمه هو السبب
حميدة .. نجاة تتصل اكيد وصلو
رفعوني وطلعوني
ياسين.. ماهذا الصراخ صوت المرأة عورة
انا لاعورة لاحولة بنموت من الجوع جربه انت كان مامتت
حميدة ونجاة يضحكو
ياسين.. أستغفر الله العظيم
انا.. عطست وحسيت بحاجة نزلت ووووه عليا
ياسين يتبع
أنت تقرأ
المتدين و الشيطانة
Romanceعلاقة تجمع بين شخصين مختلفين تماما في كل شي .. فا كيف سيكون حبهم ؟ و هل يستمر ؟ رواية من داخل المجتمع الليبي ؟🔥
