المتدين والشيطانة5(الجزء الثاني)
بقلم.. القطة الشريرة
انا.. حتى لو فيه مستحيل نسامحه
نجاة.. وانا مستغربة أكثر انه بياخد بنت خالتي
انا.. بنت خالتك صار طلع زيتكم ف دقيقكم أصلآ من أول ماشفتهم ماحبيتهم
نجاة.. ايه ياوخيتي تبي الحق حتى انا مانطيقهم
انا.. مسكت نجاة وقعدت نفتش فيها
نجاة .. خيرك
انا.. تجبدي مني ف الدوة وتسجلي صح طلعي التلفون نبي نسمع صوتي ف التسجيل كانه حلو
نجاة.. ههههه خزي عليك معقولة نبيعك والله انا أول وحدة معاك
أنا.. والله عندك الذوق إنتي تعرفي
نجاة .. فكرتيني صاحبتنا مسمية روحها قمة الذوق ف الفيس
انا.. هدي المفروض تسمي روحها قمة العار وقمة الإنحطاط بس اما وحدة ف بنات خالتك
نجاة.. ماجت معاهم هدي
انا.. ماهو قعدت تخطط من هنا وهنا مواليد كم هيا
نجاة.. 95
انا .. الحمد لله مش مواليد2000
نجاة..ههههههه
انا.. زعما ركبيها بيض ولاسود
نجاة.. شوف شن تفكر العبيطه
انا.. ايه مرات خوك كشف انى ندير ف كريم اساس لركبيا واحمر خدود
نجاة.. هههههههههههه بالله من وين جبتيها الفكرة ورن تلفونها هذا ياسين
انا.. أبا جندبة ستاحشته أفتحي المايك
ياسين.. خيرك عطلتي
نجاة.. ماهو قاعدة نحكي معاها
ياسين.. وشن صار ان شاء الله رضت
نجاة.. لاوالله ياوخي مسكينه حالتها تقطع القلب
انا.. نبوس فيها والله كنت نسمع بيها الحماة الفهومية العسل لكن اليوم شوفتها بأم عيني من دون حتى نظارت طبية وطبعآ هما عملة نادرة معروفات الحموات خاصة النوعية الى تجيبك لخوها وبعدها تتعامل معاك ع اساس انها الأميرة وإنتي الخدامه ولما بتجي تفتحي فمك تقولك مالا نحنا ليش جبناك لاياماما مصح وجهك انا جاية باش نعاني خوك ونطيبله ونغسله ونقيمه ومش مجبورة نجيك كل يوم نغسلك ونطيبلك ونضملك وانتي عمرك40سنه كرشتك أكبر من سوق الحايس هاملة من حوش لحوش ولا راقدة ولامقعمزة تضربي فيها هدرزة وانا نخلي حوشي وخدمتي ونجي نخدم فيك انتى وقوم لوط الى معاك ردبالكم يابنات تلعبو دور الكنات الطيبات مع حموات زي هادو خلي لسانك طويل وماتسكتي لحد وكانهم هلبة وضربوك ماتبكيش من أول ضربه
أنت تقرأ
المتدين و الشيطانة
Roman d'amourعلاقة تجمع بين شخصين مختلفين تماما في كل شي .. فا كيف سيكون حبهم ؟ و هل يستمر ؟ رواية من داخل المجتمع الليبي ؟🔥
