المتدين والشيطانة7(الجزء الثاني)
بقلم.. القطة الشريرة
سلافة.. محلاه ياسين ومحلا أسلوبه ماتوقعته هكي ياريتني حبيته هوا بجد شخصيته تهبل وانا شن ناقصني باش مانخليه يحبني ويتعلق بيا
بابا.. مسك رشادة ونزل تخبيط ع الباب لعند لون الباب تغير
انا.. يابوي رن الجرس
بابا.. حط صبعه ع الجرس مش صبع هوا فردة خبزة ومعاش حولها
ياسين.. لاحول الله وفتح الباب عمي أهلآ وسهلآ تفضل وانا واقفة ع الحيط ماشافني
بابا.. هدي مرتك وحطله الدبش عطينهالك باش تخليها عندك مش مخليها شهر عندنا
ياسين .. يشوفلي ومش مصدق حاضر ياعمي كلامك ع العين والرأس
بابا.. ركب ف البيجو ومشى
ياسين.. دخل الدبش تفضلي ياأم فارس
أنا.. رجعت حليمة لعادتها القديمة لاباس البخشة يامحلاه كل يوم يزيد غلاه لاياغبية ماتضعفيش
ياسين .. ادخلي فالبيت بيتك لماذا أنتي واقفة
انا.. مدايرة الكحل متع أمي لأنى بنقعد نفنص فيهم وخلاص لعند نشوف الوضع شني وخشيت
سلافة.. ياسين.. من جاء وعلى اساس تدلع وهيا صوتها زي العزوز
ياسين.. إنها أم فارس صاحبة البيت
انا.. ف خاطري وووه مشينها تشبه درة خانوم متع حريم السلطان معناها حتى كان ركبيها بيض مش حايأثر لكن ايديها أبيض من قلبي
سلافة.. ملامحها تغيرو وجت تسلم عليا
ياسين.. خدا مني فارس وقعد يلعب فيه
أنا.. خشيت لداري وطني الحبيب انها الحبشة أرض اجدادي وأولادي
نجاة.. بجديات رجعت
ياسين.. أجل
نجاة.. تمام توا نجي
سعاد.. شن فيه
نجاة .. فتحية رجعت لحوشها بنمشي نشوفها
سعاد.. بنجي معاك حتى أنا
ياسين.. فتح باب الدار
انا.. عبد الرؤوف كارة
ياسين.. شده الضحك
أنا.. علاش معري سيقانك
ياسين.. ستاحشتك والله ان حياتي لاطعمة لها من غيرك
سلافة.. ايه رجعت توا
مبروكة .. وشن وضعها
سلافة.. مش عارفة الحق
مبروكة .. توا نجي أنا وخواتك نسلمو عليها ومنها انا نعرفلك شن ناوية
أنا.. نغير لفارس ونلعب فيه
أنت تقرأ
المتدين و الشيطانة
Romanceعلاقة تجمع بين شخصين مختلفين تماما في كل شي .. فا كيف سيكون حبهم ؟ و هل يستمر ؟ رواية من داخل المجتمع الليبي ؟🔥
