متلازمة السجن
البارت ٩
للكاتبه مريم السعدي
...................🍁
حسام- بقت على جتفي غافيه واسمع نفسها الخشن من يدخل بريتها ويطلع يارب لشوكت هالنومه مطوله تحركت وكامت من مكانها بعد ماغطتني زين نامت عالقنفه غفيت بعد ماراحت حسيت الصبح مدري الضهر صوت طكطكه بالغرفه وريحه ديتول يمكن دينضفون وراها انسدت الباب سمعت تلفونها دك راحت عليها خطواتها وطريقه مشيها حفضته وعطر المي ورد من الصبح هم تعلمت عليه ردت بقلق
الو -- ها اي اني اليوم خفر ممكن الباجر اي ياريت اي اي انشاء الله سدته وجرت نفس بعدها بجت بهدوء شكد تبجي يا الله بس شتسوي يعينها الله تالي شراح تسوي هاي بقت تلوب تروح منا وتجي منا دخلت عليها بنيه كالتلها
تره ديسلمون الرواتب
اي جيت تقربت من حسام لزمت ايده حسام حروح اصعد فوك استلم الراتب وارجعلك ماتاخرعفته وصعدت لكيت دكاتره ديستلمون ويانا قبلي دكتور فيصل كله السكرتير مدير عام
يابه انت راتبك الاسمي3 --اي---وهاي للعمليات هم تخصيص --اي--يصير 3400--عاشت ايدك
صبا- اباوع على ايد المحاسب يحسب طكطك طك ورق اجنبي 34ورقه بالضبط ونطاهيا اخذها عيني نصيتها شيكول عليه شفته طلع محفضته وخله الرتب بيها وخلاها بجيب سترته اللي راح ينزعها ويلبس المنتو مال دكاتره طاني راتبي واني بالي يم دكتور فيصل اللي هو من احسن. الاطباء الطابق الجراحي اللي اني ماعدي شغل بي بس جوه شغلي ونوبات يصيحولي عالعمليات بتنضيف مساعده طلعت من غرفه السكرتير شفت الدكتور فيصل طلع من غرفته نازع الستره ولابس المانتو نزلت ركض على حسام ضل بالي طبيت لكيته علو وضعيته كمت اروح منا واجي منا
حسام راح ابوگ
عزه بعينج دتسوي هاي اذا منسجنت من وره القرض حتنسجن من وره البوكه
مدااكدر بعد خايفه وهو ميفرق عده كم فلس ووراه عياده اروح منا واجي منا افرك باصابعي واحس ماكو غير حل قررت راسن ووكفت حصعد انتضرني طلعت راسن صعدت سمعت جهاز المناداه على الدكتور فيصل الحضور حالا الى صاله العمليات الكبرى انثبرو الممرضات يرحون ويجون عرفت الدكتور موجود هسه بالصاله طبيت للغرفه اذا اكو احد اتحجج انه اريد احجي وي دكتور فيصل دخلت جانت الغرفه فارغه اباوع التعلاكه بيها كم ستره تذكرت لون ستره دكتور فيصل ركض جريت الستره وطلعت المحفضه واخذت 7ورقات وخليتها بصدري ورجعت كلشي بمكانه وطلعت راسن الكامره صارت كدامي فاتت دكتوره سالتها عن دكتور فيصل كالت عده عمليه مشيت كم خطوه شفت ام مهدي دتطب للغرفه باوعتلها ههها ام مهدي جنت ارجف
هله صباوي شونج
زينه الحمد لله عفتها ورحت ركض جوه طبيت للغرفه سديت الباب واني كلبي حيوكف انتجيت وضهري عالباب ببالي وين اخلي الفلوس باوعو عالغرفه لا هسه اذا فتشو يلكوها
وين اخليهن حسام احجي بكت سبع اوراق ها وين اضمها بقيت الوب باوعت عالحديقه كدامي الحديقه الخلفيه مال مستشفى لفيتها بجيس وشمرتها وكعت بالكاع بزاويه الياس باوعت عالساعه ب11اطلع تقربت منه اطكطك باصابعي
بكت حسام صرت حراميه بس شسوي هوومراح يفرق عده ومحد قبل يساعدني شسوي شسوي
حسام- ضليت صافن حاير وياها هو هذا بدايه طريق الحرام الحاجه المللحه استغفر الله خفت عليها وخفت لا يلكفوها من كالت شمرتهن ارتاحيت بقت كاعده وتستغفر وتتنهد مالها مزاح لغوه حسيت اقتربت مني خلتلي مي على شفتي بعدها مربى حلاه ومسحت المي النزل جنت كل مره اعشق هالحركه ارتاح للحلاه بس اتاثر باصبعها اللي يلامس شفتي صوت عمر صار قريب يحجي وي الطبيب دخل للغرفه
هلاو صبا
هلو عمر شونك
هله بيج ها تطلعين
لالا مماعدي شي ردت يفتشون الغرفه يله اطلع جنت ميته خوف وفعلا على غفله اني وعمر جننا كاعدين يم حسام ودخلوالسكرتير وثنين من الحرس كلبو الغرفه نسالهم شكو واني ساكته مرتبكه وخايفه وهمه ميجاوبون كملو تفتيش حتى المفتشه فتشتني الي وجنطتي وطلعو ارتاحيت من طلعو وكفت شلت جنطتي باوعت لعمر هسه ب1ب3اجي دير بالك عليه
اي راح اغيرله اخذي راحتج جريت نفس
طلعت وعيني على حسام احس راح يكوله من الخوف احس حتى حسام حينطق قويت كلبي مثل المهزومه ونزلت واتلفت حتى الميعرف راح يعرف طلعت من المستشفى افتريت واتلفت ورايه شفت ماكو احد بالحديقه الخلفيه خايفه من الكامرات يا الله ساعدني نصيت لكيت بزونه ولمحت الجيس بعد متر عنها تقربت من البزونه جانت صغيره وكوه تمشي الله جابج تقربت منها فتحت جنطتي عدي بسكت تقربت مني وعيني عالجيس الجوه الياس بعد متر عني تلفتت داير مدايري تقربت البزون وكفت مشيت شوي ووكعت جنطتي عساس وكعت مني من شلتها بدربي شلت الجيس الرجفه البيه مو طبيعيه ذوله شون يبوكون شون صارو حراميه كمت اتلفت واباوع حتى عالبزونه وصلت عالشارع واتلفت ورايه صعدت بالكيات كعدت وارجف مشه ابو الكيه واحس روحي تعديت مرحله الخطر بس شون القنبله بجنطتي اخاف افتحها نصيت راسي تذكرت ابويه كمت ابجي تاليها بعد هالتربيه والتعب بتك تبوك. كمت ابجي ومكدرت اوكف بعد لحد موصلت مجمعات الدوره وراها بيتنا نزلت مشيت سريع طبيت لبيبي حضنتها ابجي
شبيج بيبي ليش تبجين
مادري بيبي عبالك مصخنه
يمه حاجيني شبيج منو وياج خاف احد مسويلج شي
لا بيبي لا مسحت دموعي لامحد مسويلي بس تعبانه
خاف هذا المريض مات
لا بيبي صرخت لا عفيه كولي اسم الله
ليش يايمه هذا امر الله وانتي ممرضه وكومه مر عليج
لا بيبي كمت ابجي عفيه كلشي ولا هذا يموت لو تشوفين شون اهله يحبو
الله يشافي الهم يمه امشي اسويلج ورد دافي هسه الرجفه تروح جنج ماخذه برد
اي اي اي بيبي بردانه لازمه الجنطه جوه ابطي واخاف تكولي شو شنو بيها ولا فد مره مسويتها بس اني خايفه دك تلفوني المصرف غمضت عيني رديت كال راح نعزل شوكت تسددين تره باجر يدزون تبليغ
جايه سديته بيبي بس اوفي القصط واجي
اي بيبي الله وياج منين جبتي
اا صديقتي تداينت مني اكول داينتها استغفر الله داينتي بقيت اباوعلها تباوعلي بشك بيبي هي الربتني وتعرف كل اغلاطي وتعرفني من اكذب انهزمت منها وطلعت اخذت تكسي بس خل اخلص منها الله يطيح حضك احمد طبيت لامصرف وفيتها وطلعت رجعت صعدت بالكيه رجيت راسي صافنه وهذا الشهر خلصنا منه الباقي شون منين راح اجيبها منين بوكه لخ وانفضح اذا هالمره منفضحت يربي الشهر يطب منا يطلع منا يارب ذبيت حمولي عليك ياترى شسوو من ملكو الفلوس بالمستشفى بس لا يلكفوني بالكامرات وصلت للبيت لكيت عمتي اهووو اني روحي طالعه كاعده تبجي لببيتي عفتهم بعدما سلمت وطبيت لغرفتي تمددت باوعت الساعه 2 بعدلي ساعه كمت غسلت وبدلت حتى اكل مااكلت طلعت لكيت عمتي بعدها تبجي هاي بعدها الله يساعد كلبي سمعتها تبجي وتكوللها ماابقى وياه ماريده بعد وبيبي تكوللها يمه منو كلج متزوج وتصيح وتبجي وتكول هو كال بقيت صافنه خطيه شصار بيها من عرفت بي متزوج وعده جهال وهي بس تصرف عليه من راتبها طلعت باوعتلي عمتي صاحت بيه
لج دير بالج تتزوجين كلهم حقراء
نصيت راسي قهرتني حركه دمها هزيت راسي بالقبول تقربت حضنتها عمه لتهتمين
ولج ليش مااهتم اتعب وانطي الفلوس وهو عطال بطال اتطلك ماريده مارررريده
براحتج عمه بس لتاذين نفسج باوعت الساعه دكت ونص حروح للمستشفى محتاجين شي
بيبي- لا يمه الله يستر عليج غمضت عيني اي بيبي بعد ادعيلي بالستر البنيه مالها غير الستر
طلعت من البيت للمستشفى بالباب لكيت ام مهدي تبجي وتتوسل بالحرس والدكتور فيصل
دكتور والقران مو اني هاي فلوس السلفه والله
مو مشكلتي اني مخلي ممرضه حراميه واسكت فتشنا الكل الوحيده انتي فوك مبلغ الراتب فلوس السرقتيهن
بقيت اباوع بلعت ريك خطيه ام مهدي كطعت رزقها فتت تركتهم ونزلت لغرفه حسام طبيت اهله كلهم مجموعين واني ميته بجي
حسام- بس لا لكفوها يا الله
عمر- وكفت شفتها تبجي شبيج خيرج صبا
وسام- شكو حسام بي شي
اشرتلهم لا خطيه امه كالتلي
خاله شبيج تبجين اهلج خومبيهم شي
لاخاله لا ماكو شي باوعت لرنا تباوعلي بقلق باوعت لحسام اريد اشكيله ادري بي ديحس
حسام- تركوها بس عوفوها لحد يسالها عوفوها بقهرها البيها كافيها
رشا- باوعت لرنا عمر كبالي قريب مني باع هاي شلابسه شهالجلاجيل خاطر محمد وريحه المي ورد جني طابه بكبور
رنا- لج رشاااا ضغطت بين سنوني طلعت الصوت سكتت ودارت وجهه تفر بيدها عمر سمعها باوعلها عكد حاجبه انت بعدك كلشي مشايف كلت بداخلي
وسام- يوم يله نروح
يمه والله مشبعت منه خليني لليل
لايوم فدوه والله ورايه دراسه اريد ارجع الحك اخذ الملازم من الولد
رنا-اني اريد ابقى ميخالف
عمر- اني باقي اني اوصلهم يابه
رشا- اني هم اريد ابقى باوعت لعمر ضحكت
عمر- رديت الابتسامه بدون ماباوعلها
وسام- ابقو بس امي ترجع ويايه يمه انتي مالج خلك ودواج مماخذته كومي لتشلعين كلبي يله بنات
رنا- عفيه وسام خليني هنا اريد اقره هذا الدعاء على راسه ام صديقتي طتنيا الله يخليك
وسام- ماشي جريت نفس انتي هم حتبقين
رشا- اي اريد ابقى
وسام-ديله ---عفيه عمر بامانتك
عمر-بعيني ليضل بالك رائد تبقى لو ترجع
رائد-لالا ابقى وي عماتي سانه كومي وي بيبي
سانه-اي باي عمو حبيبي ياربي تكعد
حسام- فدوه لحلكج سونه شكد مشتاقلها
رنا- تقربت من حسام خليت كصتي على كصته
حسام- رنا هاي رنا ها حبيبتي خويه كولي وامري مثل قبل همست
حسام كويتلك البارحه كل هدومك ورتبت غرفتك صارت تخبل خليتلك بيها بخور وعطرتها بالريحه التحبها البردات غسلتهن وكويتهن وعلكتها وشتريتلك رغوه مال زيان لان القديمه خلصت وصبغت احذيتك وحضرتهن جريت نفس بس كوم الله يخليك
حسام-بعد كلبي رناوي لتاذيني اني تعبان ببقيتي بعيد عنكم عبالج اني ممشتاق حبيبتي ادعيلي يم كلب الصافي سمعت رشا تكولها
ترى مديسمعج وخاف تخنكي اذا كلش قريبه منه
حسام- بعدها باسلوبها الماصخ وي اختها ردت صبا واخيرا سمعت صوتها
صبا- منو كلج مديسمع يجوز يسمع
رشا- جان بين تاثير عليه باوعت لعمر كعدت قريب عليه احم شونك بكليتك
عمر- نصيت راسي مبتسم زين انتي شونج هالسنه
لا اني هالسنه ناويه اطلع منها
انشاء الله باوعتلها عيونها تسحرني بس حسام نضره ماريد اخونه التفتت على حسام شفت رنا تقره الدعاء باذنه وتبجي
صبا- لتبجين مو ينقهر خطيه دمعت عيني
رنا- مدااكدر اقراه وماابجي كمت اشهك مشتاقتله نمت على صدره رفعت راسي مسحت دموعي رجعت اكمل الدعاء رائد تقرب مني خله ايده على جتفي احس جتني قوه كملت اباوع عيونه ذبت دمع شهكت عفيه صبا صبا
هاها شكو
عيونه دتطلع دمع
جريت نفس ابتسمت هزيت راسي اي هاي عادي افرازات ولو ممقتنعه لان مو دائما تطلع مثلا من سمع صوتج من هناء تركته طلعت التفتت على رشا من اكولج ديسمع
شو ماصدك باوعلي عمر رافع حاجبه ودار وجهه على حسام شكله معجبه الحجي بقت رنا تقره راسي صار شكبره
عمر- يعني اني الكاعد راح انام على هالصوت والدعاء كلتها بداخلي صوتها يقهر كلش كملت وكفت رشا يله خلصتي. التفتت فاز بس هي ممكنكه وي الدعاء رنا ردت بعدلي شوي عفيه
ديله كعدت هففف وره شوي وكفت من القراءه -- ها كملتي
هاي شبيج باوعتلها بغضب شكو بقيتي
مرديت بس خل ارجع ماريد اطلع عرامتي كدام عمر يشوف وجهي الثاني بس خل ارجع واني اعلمج
رنا- كملت قرايه بسته من راسه ورائد ورايه هم باسه ورايه رشا وعمر وطلعنا كعدت ليوره ورشا كعدت وراه اشوفه بالمرايه يباوع لرشا مبتسم درت وجهي عالشباك ماريد اباوعله لعب روحي ورشا تضحك مكيفه خزتنا لعد شكو تحجين وي غيره دك تلفون عمر رد
الو ها رفيف اي ماشي اي ويايه رفعت نضري بالمرايه لرنا -- هاي رفيف تريدج
ها اني اخذته منه
ها رفيف اي ليش مداومتي خليتيني وحدي روحي طكت خوش ديله اي زين من ارجع ادزها من فون ماما باي هلاو سديته وطيته التلفون مخلي صوره بنيه شكره صغيره الضاهر طبيعته يحب الشكرات جريت نفس بحسره يوجعني كلبي من افكر بي بس قهر اخويه اكبر
صبا- بقيت ساكته اباوعله مسحت دموعه همست لتبجي حسام تفرج والله
حسام- خايف على اختي وامي ومشتاق لهناء
لتخاف على اختك ملتزمه وامك مومنه وانت يجي يوم تصحى عمري احساسي مخاب جريت نفس تدري من ورايه ام مهدي انفصلت خطيه اني وين حروح من اموت شحيسوي بيه ربك اخ ربي ام مهدي عدها جهال شسوي بهالحاله انسجن راح اموت من تانيب الضمير
حسام- شبيدي عليج شون اكدر اساعدج شون اكدر اخليج مرتاحه من هالحمل رجال ميحمله
جريت نفس بتعب اريد انسى جريت كتاب من القصص العدي قصه اسمها على ابواب الاندلس رومانسيه حربيه كعدت اقره ابتسمت
دااقره قصه تقره ويايه تلمست ايده باوعت دكه كلبه زادت دكتين عن المقرر ابتسمت تحس بيه مو بقيتها ببيدي وبديت اقره كملت بارت وصلت لموقف البطله يلمس ايد البطله
فلمسها بباطن كفها كانه يدلها على مكان الاورده وينضر الى عينها بلهفه وشوق ثلاث سنوات فراق
يعني هيج باوع كلبت ايده ومشيت اصبعين من اوردته لحد طرف اصبعه دكات كلبه تزايدت ابتسمت احب احساسك المرتبط باحساسي
كملت القصه لحد متعبت وذبيتها جريت نفس باوعتله جوعانه مااكلت شي كمت للكافتريا المستشفى كلها تحجي بسالفه ام مهدي اخذت لفه شاورما وصعدت اكلتها بللت طرف شفته باصبعي باوعت الجهاز دكات كلبه تزايدت
حسام- كل حركه بيها تاثر بيه احسها قريبه مني شلت همها وغركت بهمي الحركه السوتها ريحتني ودعاء رنا راسي احس تفتح اليوم اسمع صوت اكلها للفه تضحكني جنها جريدي من لمست طرف شفتي باصبعها دك كلبي بعدني احس كوني رجل وهي مره تاثر بيه غريزتي رجعت خلت حلاه شكد ارتاح من احس بالحلاه صح ينزل المي لان مااكدر ابلع بس ارتاح للطعم كملت اكل وتقربت
صبا- كمت احب من ااثر بي كلبت ايده ورجعت لزمته باثنين اصابيعي من اوردته لحد طرف اصبعه باوعت دكه كلبه متاثرت بست باطن ايده رجع كلبه يدك سريع ههههه شون حلو انت خطيبي ومااتنازل عنك الا اذا كتلي ماريدج ذاك الوكت اعوفك -----
يتبع.......
