متلازمه السجن
البارت ٤٩
للكاتبه مريم السعدي
...........🍁............
رنا- اباوع لسانه ايدها على خدها شكد جانت متحمسه للحنه خطيه. كمت كتلهم كومو يله عالبيت خل نكمل شغل كومي لج سوي جسمج نخلص شغل ونجيج نساعدج
باوعتلي سانه ونصت راسها ببرود
سانه- بطل واهسي
كومي عاد مضل وكت اهووو سانه
اي يله كمت كمت كمت فتت للغرفه مال بيبي وقفلت الباب وهمه طلعو عالشغل
رنا- شيرين تشتغل وتوكف على صفحه تخنكها العبره وتكمل شغل لحد ماكملنا شغل رشا منزلت ولا ساعدت امي تحضر تمسح ويانا بالكراسي وشيلان عالبردات ووسام كالعاده الرصيف والحديقه ورائد كمل الطرمه وكعدنا يم سانه نسوي جسمنا وياها اني وشيلان راحت امي عزمت الجيران وجتي
شوي وطبت رغيد كيفنا بيها بقينا كلنا بغرفه امي ومهند والولد يحضرون بيت مهند لان يباتون اهله لفراس بي من يجون بالحنه وبالزفه بالفندق يباتون سانه وفراس
وثاني يوم من الصبح يطيرون لدهوك.
جنت اباوع بعيون مهند الالم البيي ميباوع لسانه وشيلان هم قدر الامكان تبتعد وحتى رائد عصبي كلش وسانه تاصفن بين نارين ضلت واجه يوم الحنه هالمره شسورت شعري ومن جوه لفلفته وقبل يومين صابغته عسلي لاكلي هواي رغم
رشا تروح وتجي تكولي انتي زركه وتصبغين هاللون
...عاجبني
ههه الحمد لله اني مااحتاج اصبغ اني من الله شكره
هو وينه شعرج طاكه مبي كل فرك هالعرضه ودرت وجهي معجبني هالمره اسكت
لبست فستان احمر قصير والحذاء كعب احمر الكعب جان رفيع وذهبي لبسته جتي رفيف كيفت بقت تباوعلي وتتنهد
شبيج لج
ادري مو حرام عليج هالجمال اخويه محروم منه
عهههه الله كريم حبيبي
خليت مكياج خفيف بعيني وبشفتي احمر بينت بروز شفتي اكثر اجتي خالتي سعاد حضنتني تبجي تتوسل
خاله فدوه لعينج انطونا مجال
ابني ديموت والله تعبان وبس ضايج
ميخالف خاله شبي صار 3شهور مات كلشي مابي عوفي
والله يمه بس عصبي وضايج ومن انام اسمعه يفتر بالبيت لو بالحديقه ولا ينام مرتاح ابد
بقيت ساكته جريت نفس ميخالف خاله الله كريم تركتها
وبلشت الحفله مكعدت وياهم ركصنا اغلبيه الاغاني كردي وخاله الولد وحمواتها مقصرو طبت سانه تخبل طالعه ام فراس تبوس بيها طايره كامت لبستها ذهب تلبس وبعد تلبس
وبعد باوعت لشيلان
بتج بيها بوكه الا ثري دي
ههههههه ادري شعدهم لا ويكولها تره حالتنا مو كلش خاف متتحملين وبتي تكوله اتحمل اثاري تدري الدكه
ههههه
كمت اركص براحتي كمت كلساع انتبه رفيف تصور ومن انتبه تسوي روحها تلعب بالفون عفتها براحتها تصور هناك ونزلت رشا لابسه ثوب اسود كلش كصيف وقصير حيل وكلش مشخلع ومسشوره شعرها ومخليه كومه مكياج على كوله وسام خبلتها لروحها
